Објавени се првите неофицијални резултати на парламентарни избори во Бугарија, седми за две години. Очекувано, победи партијата ГЕРБ на Бојко Борисов кој освои 26,42 отсто од гласовите.На второ место е „продолжуваме со промените“ на Кирил Петков со 14,31 процент.

Изненадувачки трета сила е проруската „Възраждане“ на ултранационалистот Волен Сидеров кој има отворени проруски ставови.

Што значат резултатите во Бугарија за односите со Македонија

Кој и да формира влада, Борисов или Петков не може да се очекува подобрување на односите со Македонија ако се знае нивното однесување во минатото.

Бојко Борисов со Зоран Заев го потпишаа Договорот за добрососедство со кој се прифати дека имаме заедничка историја.Овој договор кој требаше да биде за пријателство стана извор на сите проблеми меѓу двете земји.

Ништо подобар за Македонија не е ниту Кирил Петков. Тој иако наликуваше на модерен, европски политичар сепак имаше радикални ставови слични како Каракачанов. Тој ја посети Македонија кога премиер беше Димитар Ковачевски. Во време на нивното владеење дојде францускиот предлог со кој се бара да ги внесеме Бугарите во македонскиот Устав.

Изненадувачки некогаш најпопуларната партија во Бугарија „Има таков народ“ на тв водителот Слави Трифонов сега е трета одзади со само 6.8 отсто подршка.

The post Другарите на Заев и Ковачевски освоија најмногу гласови на изборите, што ќе значи тоа за односите со Македонија? appeared first on Република.

Експремиерот, Димитар Ковачевски денеска во „Daily Click“ на ТВ21 истакна дека францускиот предлог во кој стои влегување на бугарското малцинство во македонскиот Устав е добро за Македонија.

Според него, со тоа се побива тезата дека се работи за еден народ во две држави.

„Се потпиша и Договорот Фронтекс, се направи тој француски предлог на база на малцински прашања, наместо да се зборува за прашања од идентитетска природа, ние имаме предлог во којшто бугарското малцинство треба да биде запишано во нашиот Устав. И тоа дополнително сметам дека е добро за Македонија со оглед на тоа дека со влегувањето на бугарското малцинство во македонскиот Устав се побива бугарската теза дека се работи за еден народ во две држави“, вели Ковачевски.

Тој додава дека сега ќе имаме прв документ во којшто и македонското и бугарската етничка заедница се јасно разграничени дека тоа се два различни народи кои зборуваат свои различни јазици, култури

The post Ковачевски: Ставањето на бугарското малцинство во македонскиот Устав се побива бугарската теза дека се работи за еден народ во две држави appeared first on Република.

Бујар Османи, Маричиќ, Заев, Ковачевски и Филипче треба да се засрамат за ова што и го направија на Македонија и е рамно на велепредавство ставањето на Македонија во подредена ситуација, рече на денешната прес-конференција пратеничката Марија Митева.

Заев, Ковачевски и Филипче свесно ја втурнаа Македонија во црно сценарио, да бидеме оставени сама на Балканот и неитегрирани. Ова е дело на една подолг процес и посеопфатна стратегија за чиј интерес работеа сите кои не и мислат добро на државата, посебно вматрешниот фактор кој е уценет и фатен во корупција. Заев и Филипче прво лажеа дека Македонија ги почнала преговорите. Сите ја паметат сликата на Заев од владиниот авион, со која се манипулираше и се создаде привид, за само после неколку часа да се види дека немаме датум, ниту почеток на преговори. Што велеше Филипче – Премиерот Зоран Заев во изминатите три години донесе низа тешки, но целосно исправни одлуки со кои ја обезбедивме иднината за нашата земја. Тоа што тој и тимот го постигнаа во сите досегашни преговори, како и напредокот кој го направивме во ЕУ интеграциите се за најголема почит. Ова го кажа Филипче за Заев во ноември 2020 година. Кога самиот Венко Филипче мислеше или сакаше ние да мислиме дека Заев не внел во ЕУ. Во целиот овој период Македонија тонеше во криминал и корупција. Од ситуација да бидеме пред Албанија, истата не стигна и бевме ставени во ист кош. Целта на Заев, Османи, Филипче беше исполнета. Целта на СДС и ДУИ не завршува тука, следна цел им беше Албанија да се одвои од нас и да оди напред, а Македонија да остане заглавена. За да можат да градст криминал и корупција наместо европски вредности. Нивните погрешни политики придонесоа ова да се случи, да биде реалност. И денес, кој ликува на одлуката Албанија да се одвои од пакетот со Македонија и да ги започне преговорите? Само СДС и ДУИ можеме да го видиме како бараат политички виновници и се апстрахираат од одговорност. Почитувани, за ова виновни се СДС и ДУИ. Виновни се затоа што 7 години ја потонаа државата во корупција и криминал. Додека зборуваа за Европа не донесоа до ситуација да имаме судство со доверба од само 2%, раст на БДП по глава на жител за период од 2017 до 2023 година дупло помал од земјите од регионот, здравство кое колабира, образование во кое немаше учебници, истакна Митева.

ВМРО-ДПМНЕ верува и ќе работи исклучиво врз вистински вредности и во интерес на македонските граѓани и покрај сите опструкции ќе продолжиме да работиме силно за целосна трансформација на државата, додава Митева.

The post Митева: Филипче, Заев и Ковачевски свесно ја втурнаа Македонија во црно сценарио appeared first on Република.

Во последната година од премиерскиот мандат, Димитар Ковачевски го зголемил својот имот за еден стан и за една куќа, објави Радио Слободна Европа.

Ова го покажува споредбата на двата анкетни листа што ги поднел до Државната комисија за спречување на корупција (ДКСК) – првиот кога стана премиер во јануари 2022 година, а вториот кога стана пратеник во јуни 2024 година.

Според новиот анкетен лист, Ковачевски поседува вкупно четири станови и една куќа. Еден од становите е во сопственост на неговата сопруга Елена. Пријавената вредност на недвижниот имот изнесува 365.000 евра.

Ковачевски кога седна на премиерското столче во јануари 2022 година, во ДКСК пријави дека поседува недвижен имот вреден 248.000 евра, што е за над 100.000 евра помалку од сегашната состојба.

Тогаш Ковачевски пишал дека има три стана во Скопје, првиот од 70 метри квадратни, вториот од 83, додека третиот со површина од 94 метри квадратни.

За споредба, во новиот имотен лист го нема станот со големина од 94 метри квадратни купен во 2008 година.

Но, има нови два во општина Карпош со големина од по 73 метри квадратни и една куќа во населбата Волково со големина од 76 метри квадратни. Вкупната вредност на овие недвижности, според анкетниот лист, изнесува 180.000 евра.

Ковачевски вели дека го продал станот кој го поседувал од 2008 година и дека со тие пари, како и со продажбата на автомобилот „Пасат“ купил помали станови во изградба.

– И наплатив дивиденда, којашто ми беше ненаплатена дивиденда поради ковид кризата, од фирмата во која што имав акции порано, кои пред да станам заменик министер за финансии ги отстапив и си ги повлеков средствата, си ја наплатив и дивидендата од 3,4 милиони денари, и со тие средства ги купив помалите станови, а тоа сѐ е пријавено во Антикорупциска – одговори Ковачевски за РСЕ.

Податоците од анкетниот лист покажуваат дека Ковачевски сега поседува „цитроен Ц3“ купен во 2023 година, а произведен 2018 година.

The post Таче за една година се подновил со стан и куќа appeared first on Република.

Денеска во седиштето на партијата, Венко Филипче ја презеде функцијата претседател на СДСМ од поранешниот претседател Димитар Ковачевски. Ковачевски му честиташе на изборот, му посака понатамошен успех во работата и повторно градење победнички СДСМ.

Филипче се заблагодари на честитките, како и за ангажманот на Ковачевски во изминатите години како претседател на партијата и како премиер на Владата.

Новоизбраниот претседател, Венко Филипче посочи дека следи период на многу работа, обединување и реформа на СДСМ.

Процесот нема да биде ниту брз ниту лесен, но освен темелни промени не постои друг начин да ја вратиме довербата кај членовите, за да може постепено да ја освојуваме и довербата кај граѓаните. Ќе водам со пример, ќе обединувам и ќе работам како што ветив, како што се обврзав пред членовите. Сечиј глас ќе биде слушнат. Со честа и отворена комуникација со членството ќе создадеме нова енергија на партијата која ќе ја трансформираме во една ефикасна организација. СДСМ ќе се врати посилна и ќе продолжи да биде мотор на општествениот напредок, рече Филипче.

Филипче убедливо победи на директните внатрепартиски избори со освоени над 9.000 гласа од членовите на партијата. СДСМ е единствена партија во земјата со толку висок демократски капацитет којашто претседаелот го бира на директни, непосредни внатрепартиски избори.

The post Филипче ја презеде функцијата претседател на СДСМ, Ковачевски му посака успех во работата appeared first on Република.

Кандидатот за претседател на СДСМ, Јован Деспотовски во емисијата „Daily Click“ на ТВ21 истакна дека начинот на кој во 2021 година бил поставен Димитар Ковачевски за лидер на СДСМ, не треба да се повтори.

Начинот на кој што се случи поставувањето на Димитар Ковачевски во 2021 година, не треба да се повтори и сега. Против тоа ќе се борам и се борам… Практично го зема за рака и го седна, вели Деспотовски.

The post Деспотовски: Начинот на кој беше поставен Ковачевски во 2021 не треба да се повтори appeared first on Република.

Eкс-премиерот Димитар Ковачевски стана член на глобалната тинк-тенк организација „COSCU“ (Конфедерација на училишта, колеџи и универзитети) чие седиште е во Хаг, Холандија.

Со задоволство соопштуваме дека Димитар Ковачевски, поранешен премиер на Македонија, се приклучи на „COSCU“ (Конфедерација на училишта, колеџи и универзитети), како член на Регионалниот советодавен одбор за Европа. Господинот Ковачевски носи богата експертиза и истакнат учинок во јавната служба служејќи како премиер на Република Македонија од јануари 2022 до јануари 2024 година“, пишува во соопштението на „COSCU“.

Зборувајќи за Ковачевски, од организацијата посочуваат дека за време на владеењето, тој ја водел државата кон значителни достигнувања, меѓу кои иницијативата за отпочнување на преговорите за пристапување во ЕУ, како и дека имплементирал клучни економски реформи кои ја поткрепиле отпорноста на државата во време на глобална криза.

Големото искуство на господинот Ковачевски во образовниот сектор перфектно се вклопува со мисијата на „COSCU“ за забрзан раст на образовната индустрија. Како доктор по економија и професор по бизнис економија и менаџмент на Универзитетот „Американ колеџ“ Скопје, тој покажа непоколеблива посветеност за академска извонредност. Неговите многубројни придонеси за науката во полето на економијата и менаџментот дополнително ја нагласија неговата посветеност за унапредување на знаењето и иновациите“, се вели, меѓу другото, во соопштението.

Во организацијата „COSCU“ се посветени на обликување на иднината на образованието глобално.

Ние ги поврзуваме образовните институции, корпоративните ентитети, претприемачите и инвеститорите од целиот свет заради позитивна промена и трансформација на образованието. Нашата мисија е да ги охрабриме луѓето и институциите да просперираат и да имаат значително влијание врз општеството преку квалитетно образование и шанси за стекнување знаења“, стои во полето „Нашата мисија“ на официјалната веб-страница на оваа тинк-тенк организација.

Како носител на листата на СДСМ и коалицијата во изборната единица 1 на парламентарните избори одржани на 8 мај, Димитар Ковачевски стана пратеник во македонското Собрание, но тоа, според она што го пишува во Изборниот законик, не го спречува да биде член на одбор на организацијата „COSCU“.

The post Ковачевски стана член на организација чија цел е да го менува образованието во светот appeared first on Република.

Пораншениот министер за финансии, професорот Џевдет Хајредини, коментира дека „причината зошто Али Амети и Димитар Ковачевски станаа заложници на Артан Груби, ce наоѓа во содржината на „бомбите“ што тој ги добил од Заев.

За ова и за повеќе други причини и едниот и другиот наскоро ќе мораат да одговорат пред членовите на своите партии, вели Хајредини.

The post Хајредини: Ковачевски и Ахмети станаа заложници на Артан Груби поради содржината на „бомбите“ кои тој ги доби од Заев appeared first on Република.

Откако си поднесе оставка, претседателот на СДСМ во заминување, Димитар Ковачевски објави дека нема да се кандидира за највисоката партиска функција.

Пред почетокот на состанокот на Извршниот одбор на партијата во седиштето на Бихаќка рече дека нема да поднесе документи за кандидатура на претстојните внатрепартиски избори.

Партиското тело денеска треба да ги распише изборите внатре во СДСМ. Како најсериозни за кандидатура за претседател на партијата се споменуваат Јован Деспотовски, Славјанка Петровска, Венко Филипче и Оливер Спасовски. Денеска во интервју и Стефан Богоев не ги сокри своите амбиции да го преземе кормилото на партијата.

Во интервју за БИРН рече дека е способен за да биде прв човек на СДСМ.

Сметам дека во овие 16 години сум ги поминал буквално сите скалила во партијата по природен пат, а и во државата, и сум бил дел од сите клучни процеси во партијата, како Отпорот, Вистината за Македонија, Шарена револуција и низ сите тие процеси, години и скалила сум стекнал големо искуство и пријателства во партијата. Оттука, сметам дека сум способен за лидер на СДСМ, а наскоро ќе одлучам дали ќе тргнам по тој пат сега. Најбитно е партијата да избере тим што ќе го зачува јадрото на СДСМ, а не само претседател, изјави Богоев во интервју за БИРН.

The post Ковачевски нема повторно да се кандидира за претседател на СДСМ appeared first on Република.

На денешната седница на Извршниот одбор на СДСМ, претседателот Димитар Ковачевски го потврди повлекувањето од функцијата Претседател на СДСМ којашто ја најави на 8-ми мај, како високо морален чин,.

Согласно Статутот на партија иницираше свикување Конгрес на СДСМ заради анализа на изборните резултати и изјаснување за довербата на органите на СДСМ, избрани од Конгресот, со оглед на изборните резултати.

The post На конгрес ќе се избира нов лидер: Ковачевски се повлече од претседател на СДСМ appeared first on Република.

Oткако врховниот судија Наке Георгиев беше уапсен за земени 10.000 евра поради примање на награда поради противзаконтио влијание, пораншениот министер за финансии и политички аналитичар, Џевдет Хајрединипотсетува дека неказнети останале лицата вмешени во аферата со „Телеком“.

Не ми е познато колку е казната за мито од 10.000 евра, меѓутоа, познато е дека во Македонија не се казнети тие што од „Телеком“ примиле по 2,5 милиони евра, вели Хајредини.

Хајредини неколкупати јавно го прашуваше поранешниот премиер Димитар Ковачевски кога Владата ќе го избрка „Телеком“ од земјава, по скандалот со поткупувањето политичари во земјава и во други држави од регионот, за кој компанијата-мајка, „Дојче Телеком“ беше тужена и спогодбено плати казна во САД.

По десетти пат, истото прашање до Ковачевски: Дали и кога Владата мисли од Македонија да го избрка ТЕЛЕКОМ, затоа што е познато дека нивни менаџери подмитувале некогашни и сегашни високи политичари и државни функционери на нашата земја? Ковачевски не одговара на ова прашање, иако прво за заменик министер, а потоа и премиер на Владата (дали случајно?), дојде токму од оваа коруптивна компанија, во која бил на раководни функции. 

П.С. Сигурно и самиот не мисли дека на прашањето одговорил кога вели: „Благодариме што нè контактиравте. Ја примивме вашата порака и го цениме што се јавивте”.

Не случајно, и Зоран Заев, при една средба во својот кабинет, на актуелните директори на МАЃАР ТЕЛЕКОМ им вети „искрена соработка” на Владата и во иднина, исто како во минатото. Заев пред да замине изјави дека во Македонија нема корупција во првиот и вториот ешалон, туку само во пониските ешалони.

Уште нешто: Компанија која ги корумпира државните функционери, како што е случајот со „Телеком“, од каде Вие сте дојдени, не може да биде „препознатлив бренд”, како, од само на Вас познати причини, така ја нарекувате, пишуваше Хајредини.

The post Хајредини: Во Македонија не се казнети тие што од „Телеком“ примиле по 2,5 милиони евра appeared first on Република.

Социјалистичката партија на Македонија укажува на огромните последици што ги предизвикаа владите на СДС на чело со Заев и Ковачевски со уценувачките и предавнички договори и протоколи со соседите. Со катастрофалните политики тие ја подредија државата и ги продадоа името, јазикот и Македонските идентитетски обележја за лични интереси, велат од СПМ.

Уцените и заканите што доаѓаат од првите луѓе на јужниот и источниот сосед на Македонија се срамните последици што ги трпат граѓаните и државата на својот европски пат од нејзини изроди и предавници. Македонскиот народ на изборите со право ги казни овие предавници и нивните медиумски слуги кои се трудат да ги одбранат од срамот и навредите што им ги приредија на граѓаните. Промените се случија и победничката Коалиција „Твоја Македонија“ охрабрена од народната воља ќе стори се што е можно за да ги отстрани штетните последици кои се долгорочни, се наведува во партиското соопштение.

Социјалистичката партија на Македонија како национално и државнички определена партија и натаму принципиелно ќе се залага и ќе се бори за јанење на Македонските интереси и идентитетски обележја кои ги признава огромниот број држави во светот членки на ООН, велат од СПМ.

The post СПМ: СДСМ со Заев и Ковачевски со катастрофалните политики ја доведоа државата во подредена состојба appeared first on Република.

За тоа колку се неомилени лидерот на СДСМ Димитар Ковачевски и Стево Пендаровски меѓу граѓаните покажуваат податоците од Државната изборна комисија за бројот на гласови што го добија во населбите каде што живеат.

Ковачевски гласаше во избирачкото место 2606 во основното училиште „Јан Амос Коменски“ во Тавталиџе. На тоа гласачко место СДСМ доби 170 гласа, а ВМРО-ДПМНЕ 256.

Слично помина и се уште актуелниот претседател Стево Пендаровски. Во гласачкото место 2489 во населбата Автокоманда тој доби само 95 гласа а Силјановска 372.

The post Koвачевски и Пендаровски загубија дури и во своите маала appeared first on Република.

Максим Димитриевски и неговата ЗНАМ ги победија Оливер Спасовски и владејачката партија во заминување, СДСМ. Во Куманово, местото од каде доаѓаат и Димитриевски и Спасовски, ЗНАМ освои 10.612 гласа, а СДСМ 7.144 гласа. Носител на листата која освои околу 3 500 гласа е Даниел Стојчевски, додека пак носител на листата на колаицијата За европска иднина беше токму Оливер Спасовски.

На ниво на цела втора изборна единица, СДСМ освои само 2.397 гласа повеќе од ЗНАМ. Од Куманово потекнува и лидерот на СДСМ, Димитар Ковачевски. Но се чини популарноста и угледот на Максим Димитриевски се на повисоко ниво. Во вотората изборна единица партијата на Ковачевски освои 18.631 гласа, додека пак партијата на Димитриевски 16.234. Тие 2.397 гласа не им донесоа на СДСМ повеќе пратенички места. И едните и другите освоија по две фотелји во собраниската сала. СДСМ обезбеди место за Оливер Спасовски и Фатмир Битиќи, а ЗНАМ за Даниел Стојчевски и Даниела Белимова.

https://republika.mk/vesti/makedonija/debakl-na-oliver-spasovski-osvoi-samo-2-pratenichki-mesta/

|

The post Максим Димитриевски им даде гол на Ковачевски и Спасовски во Куманово appeared first on Република.

Дебаклот на СДСМ на овие избори е од епски размери, што би рекле некои нивни поддржувачи. Ковачевски забележа убедливо најлош резултат како лидер на СДСМ и освои само 153.250 гласови по што СДСМ стана трета партија во Парламентот.

Со овие гласови Ковачевски е полош е дури и под Радмила Шекеринска. Популарната Рада на вонредните парламентарни избори во 2008 година кои се случија како резултат на Самитот на НАТО во Букурешт кога Македонија не доби покана за членство СДСМ освои 233.284 гласа како коалиција „Сонце“.Тогаш се мислеше дека подолу од ова СДСМ не може. Но, ете можело.

Ковачевски најави внатре партиски избори.Аспирации покажува Јован Деспотовски, но и Оливер Спасовски.

https://republika.mk/vesti/makedonija/despotovski-ne-ni-trebaat-usloveni-ostavki-vo-sdsm-sekoj-da-pochne-od-sebe-bez-da-gi-cheka-drugarite/

За СДСМ е најважно да се ослободи од т.н „сељачко“ крило и да стане вистинска социјалдемократска партија а не струмички клан каков што е сега.

The post Таче освои помалку гласови дури и од Рада: Кој ќе биде нов лидер на СДСМ? appeared first on Република.

СДСМ повторно покажа одговорност и државотворност, заедо со Коалицијата ќе бидеме одговорна, силна, принципиелна и државничка опозиција, процесот на внатрешна обнова мора да е на сите нивоа, порача на вечерашната прес-конференција, претседателот на Социјалдемократскиот сојуз на Македонија, Димитар Ковачевски.

Во продолжение е интегралното обраќање на претседателот на на СДСМ, Димитар Ковачевски:

„Сакам на сите граѓани да им честитам и да им се заблагодарам за успешниот изборен ден. Македонија имаше фер и слободни избори согласно европските стандарди и тоа е огромен исчекор кој е резултат на атмосферата на слободата на медиумите и на мирот и стабилноста која ја воспоставивме во изминатите години.

Ја честитам изборната победа на нашиот политички конкурент ВМРО- ДПМНЕ и нејзиниот претседател Христијан Мицкоски. Честитам на изборот на сите 120 пратеници во македонското Собрание и посакувам да имаат успешен мандат во интерес на македонските граѓани и ЕУ иднина на државата. Го честитам изборот на Гордана Силјановска Давкова за претседател и се надевам и посакувам дека функцонијата ќе ја извршува во согласнот со дадените уставни овластувања и евро атланската посветеност и обврски на државата.

Им благодарам на нашиот кандидат за претседател Стево Пендаровски како и на поддржувачите на СДСМ кои и покрај големиот пораз во првиот круг достоинствено излегоа на изборите и овозможија да се постигне ццензусот за избор на претседател.

СДСМ повторно покажа одговорност и државотворност по 100-ти пат. Најлесно беше по толку лажни обвинувања и напади од ВМРО-ДПМНЕ да не го мобилизираме нашето членство за гласање на претседателските избори. Но не паднавме во таа замка, покажавме дека Македонија ни е поважна и секогаш ќе биде така.

Денешниот резултат е разочарувачки. На СДСМ му е зададен тежок удар. Не само од ѓраните туку и од симпатизерите и поддржувачите на партијата. Во наредниот период детално ќе ги анализираме овие резултати. Секако во наредните месеци ќе треба посериозно и подлабоко да го најдеме изворот и причините за овој поразителен исход. Не сакам да носам избрзани заклучоци и не сакам да посочувам виновници. И јас и партиското раководство имаме одговорност и сите именувани и избрани функционери имаат одговорност вклучително и сите партиски функционери на локално и на централно ниво.

Никој реално не е без одговорност и тука ќе мораме заедно да поминеме низ овој процес. СДСМ ќе треба добро да погледне навнатре да размили што направивме и кои се резулатите и слабостите во последните 4 години, можеби и во последните 7 години. И уште поважно, што е тоа што треба да направи за да ја обновиме и вратиме довербата на граѓаните што ја изгубивме. Процесот на обнова мора да е на сите нивоа, затоа повикувам на нови внатрешни избори на сите партиски тела и на централно и на локално ниво. Почнувајќи од претсетадателот, раководоството, па се до претсеадателите на општинските организации и сите органи и тела на партијата.
Органите на партијата ќе одлучат прецизно за времето и начинот на спроведување на овие постапки.

Тој процес не смее да биде долг, но никако стихиен или пак експресен. Тоа е процес на длабока промена и консолидација, може да го изведат само оние кои се спремни да се жртвуваат за иднината на партијата и демократијата на државата. Оние кои немаат багаж од било каков вид особено не такви карактеристики, заради кои граѓаните го испратија СДСМ во опозиција.

Согласно статутот на партијата ќе биде свикан отчетен конгрес на партијата на кој ќе се разгледа изборниот резултат и работењето на партијата за периодот 2020 до 2024 година. И ќе се одредеат роковите за консолидирање на СДСМ преку избор на претседател раководство на партијата, претседатели на ОО и сите тела и органи. Првиот чекор во консолидацијата на СДСМ мора да биде обновувањето на идеолошката и вредносна матрица, која ќе ги собере сите сили на прогресивната идеја на Македонија на левиот центар. Вториот чекор треба да биде длабока кадровска промена и создавање на силен кадровски потенцијал со вистински социјалдемократи, со вредности и знаења, со мотив и со искренсот. И трето да се реформира организациската поставеност на партијата секако има уште многу елементи но секако за тоа ќе се разговара во партијата.
Клучно во овие промени ќе биде целосно консолирдирање на СДСМ и враќање на победничките патеки. Но, додека се случува овој процес, ние не можеме и не смееме да ја занемариме нашата одговорност кон државата и граѓаните. Не се сомневам дека многу граѓани вечерва чуствуваат страв. Страв од прекумерната моќ која ја има партија која е позната по злоупотреба на моќта. СДСМ и коалицијата треба и мора да бидат одговорна, силна и државничка опозиција. Водев сметка да не наштетам на државните интереси. Зато и се одлучив сега, откако завршија изборите, да ја кажам пред вас вистината со која живеам веќе две години. Вистината е дека актуелниот систем во кој живееме води повеќе сметка за ПР-от отколку за суштината. За површината отколку за длабината. И граѓаните со право се незадоволни и не веруваат во ништо. Многуте кризи придонесоа голем број наши граѓани да се иселуваат да се чуствуваат несигурни, обесправени и без верба во својата држава. Корупцијата на секое ниво, личните интереси, долгата европска интеграција, нискиот просечен раст на економијата од само 1,9% во изминатите 30 години, непотизмот, клиентилизмот, бизнис интересите, етничкиот професионализам, се само дел од крупните дефекти на системот кој ја јаде и ја разорува државата кој мора конечно да се промени.

Во изминатиот двегодишен период, за мене беше најважно што во услови на најголема и тотална криза се обидовме никого да не оставиме сам. Се грижевме за сите и за пензионерите, и за младите и за работниците и за земјоделците. Постигнавме највисоки плати досега, и највисока вработеност во државата. За тоа не барам благодарност како што никогаш кризите не ги користев како оправдување или бегство од проблемите. Напротив работев како што знаев и умеев искрено директно чесно и посветено, за да се помогне на државата и граѓаните.

Знам дека постигнавме многу и дека за дел од работите времето ќе потврди дека сме биле во право. Следната година е можност Македонија да ја продолжи својата европска интеграција. Ако ја пропуштиме таа шанса, може да изгубиме уште една децнија, можеби и уште една генерација. СДСМ ќе се однесува одговорно, но топката сега е во рацете на новата Влада предводена од Христијан Мицкоски. Сите оние кои мислат дека денешното гласање било против Европа или ќе се обидат да го спречат природниот пат на Македонија кој води до ЕУ, блокриањето на тој пат кон Европа не само што ќе донесе голем пад на животниот стандард, туку ќе ги зголеми етничките тензии и ќе не изложи на безбедносен ризик кој никој од нас не може да разбере колку може да биде голем.

За земја како Македонија нема средина, нема играње на две столчина. Тоа е или напред или назад. Местото на Македонија е во НАТО и во ЕУ. Почитувани граѓани, другари и другарки. Ми беше чест што во овие нешто повеќе од две години го предводев СДСМ, што ја предводев македонска Влада и тоа ќе го чуствувам како силен мотив за мојот понатамошен ангажман.

Сакам да се заблагодарам на моите соработници и во Владата и во партијата на коалиционите парнтери, на претставниците на медиумите. Сакам да им се заблагадорам на сите прекрасни членови на СДСМ. Сакам да им се заблагодарам на граѓаните со кои се среќавав секој ден и на кои оние на кои денес гласаа за нас.

Најмногу сакам да му се заблагодарам на моето семејство. На мојата драга сопруга и на моите деца кои ме поддржаа во овој тежок период и покрај тоа што поднесоа голем товар кој не беше нивен избор.

Сите се жртвувавме за нашата татковина, а поголема жртва од тоа не постои. Но, исто така нема поголемо задоволство кога знаете дека сте дале се од себе за земјата во која сте родени и која ја сакате. Да живее Македонија, да живее СДСМ“.

The post Ковачевски: СДСМ и Коалицијата ќе бидат одговорна, силна, принципиелна и државничка опозиција appeared first on Република.

По обработени 83,45% од гласовите и 85,71% од избирачките места, според ДИК, ВМРО-ДПМНЕ и коалицијата Твоја Македонија има совоено 356.964 гласа, или 42,88% од вкупниот број гласови. Коалицијата предводена од СДСМ има освоено речиси трипати помалку гласови или 123.333, односно 14,82%. Европскиот фронт предводен од ДУИ осво 119.058 или 14,30%, а ВРЕДИ 93.331 или 11,21 отсто од гласовите.

Во Собрание влегуваат и Левица која освои 57.172 или 6,87 отсто од гласовите и ЗНАМ која има 43.756 гласа или 5,26%.

Преточено во пратенички мандати тоа изгледа вака:

The post Според ДИК Ковачевски ќе седи со наведната глава во Собрание – доби доверба од само 15 отсто од гласачите appeared first on Република.

Лидерот на СДСМ Димитар Ковачевски го призна поразот на параментарните и претседателските избори. Тој машки излезе пред јавноста  и побара внатре патриски избори.

Забележитено беше дека зад Ковачевски не застанаа првите перјаници на партијата, Оливер Спасовски, Венко Филипче, Јован Митровски, Јован Деспотовски...

Зад Таче срамежливо застанаа Бисера Костадиновска Стојческа, Бојан Маричиќ, а од некаде ѕиркаше и Сања Лукаревска.

Другите останаа некаде скриени.Во прв план беа некои млади социјалдемократи.

The post Koј стои позади Ковачевски!? appeared first on Република.

Во 22.00 часот, во седиштето на СДСМ, обраќање ќе има претседателот на СДСМ, Димитар Ковачевски.

https://www.youtube.com/watch?v=t5H_nEl3bkM

The post ВО ЖИВО: Прес-конференција на Ковачевски appeared first on Република.

Претседателот на СДСМ и поранешен премиер Димитар Ковачевски денеска изјави дека очекува демократски избори на кои граѓаните слободно ќе го дадат својот глас и со тоа ќе одлучат каква ќе биде иднината на државата.

-Денеска очекувам слободни и демократски избори, како во првиот круг од претседателските избори. Очекувам граѓаните масовно да излезат и слободно да го дадат својот глас. Денес тие одлучуваат за државата, нивниот глас ќе ја определи иднината во наредната декада. Изминатите преку 40 дена ги презентиравме нашата Програма за европска иднина и сите предности на земјава како членка на ЕУ до 2030 година. Сепак, граѓаните ја имаат финалната одлука за тоа во кој правец ќе се движи државата, дали до 2030 ќе стане членка на ЕУ со претседателот Пендаровски и коалицијата За европска иднина и СДСМ или повторно ќе се враќаме назад во едно минато време кое го гледавме цела декада. Очекувам граѓаните слободно да го дадат својот глас, како што доликува на земја членка на НАТО и на земја која отвори преговори со ЕУ. Очекувам граѓаните да донесат одлука со која ќе обезбедиме сигурна, просперитетна иднина и животен стандард што доликува на македонските граѓани и држава, изјави Ковачевски откако гласаше на своето избирачко место.

Тој уште еднаш потенцира дека Македонија нема друга алтернатива освен влез во ЕУ, а
на новинарско прашање дали би гласал за уставните измени од опозиција, одговори потврдно.

Тоа прашање може да го поставите на секого, но кога ќе ми го поставите мене, тогаш мислам дека одговорот веќе го знаете. Тие уставни измени јас сум ги поднел, тие уставни измени го носат мојот потпис и јас повикував да се охрабрат сите политичари во Собранието да ги изгласаат зашто тоа е одлуката која треба да се донесе за да ги отвориме сите поглавја за пристапување во ЕУ, така што тоа што јас сум го поднел во Собранието, секако ќе го гласам, а дали и другите тоа ќе го сторат, ќе треба да ги прашате, истакна Ковачевски.

The post Ковачевски: Очекувам демократски избори на кои граѓаните ќе одлучат каква ќе биде иднината на државата appeared first on Република.