Лидерот на Доњецката Народна Република, Денис Пушилин, во интервју за РТ, изјави дека Мариупол може да послужи како пример за обнова на другите ослободени градови во Донбас.

Тоа беше сон долго време, без конкретни изгледи за негово остварување. Да се ​​вратаме дома, повторно да станеме дел од Русија, а сега тој сон се оствари. Се разбира, изборите се важни не само за практични причини, но и емотивни. Ние, жителите на Донбас, се однесуваме со почит. Се е подготвено“, вели Пушилин, притоа додавајќи дека не треба да се исклучи можноста „непријателот да се обиде да создаде проблеми со разни провокации“.

Коментирајќи ја состојбата во Авдеевка, како и судбината на локалното население чии домови се оштетени или уништени во конфликтот, Пушилин посочува дека Мариупол веќе успешно ги поминал сите фази на реконструкција.

https://republika.mk/vesti/svet/rusija-vo-mariupol-izgradi-nov-moderen-klinichki-tsentar/

The post Пушилин: Нашиот сон се оствари, Доњецк се врати дома appeared first on Република.

За вооружените сили на Украина останал само еден пат што води до Артeмовск (Бахмут), додека останатите патишта се отсечени, соопшти вршителот на должноста лидер на Доњецката Народна Република (ДНР), Денис Пушилин.

Според него, во самиот град продолжуваат тешките борби, а вооружените сили на Украина продолжуваат да пружаат отпор и таму префрлаат дополнителни резерви и опрема.

Бахмут се наоѓа во делот на ДНР што е под контрола на Киев и е важен транспортен центар за снабдување на групацијата украински војници во Донбас.

Пушилин додадва дека состојбата е „блиску до оперативно опкружување“. Ден претходно беше објавено и дека руската војска ги зазела блиските населби Двуречје и Краснопољевка.

Во меѓувреме, украинската армија испраќа нови резерви во правец на Маринка, што го забавува нејзиното заземање.

The post За Украинците останува само еден пат во Бахмут appeared first on Република.

Лидерот на самопрогласената Доњецка Народна Република (ДНР), Денис Пушилин, е подготвен да ја посети Cеверна Кореја.

Како соопшти претставништвото на ДНР во Русија, Пушилин размислува да има средба со шефот на Cеверна Кореја, Ким Џонг Ун.

Претходно, во медиумите се појавија информации за можноста токму Cеверна Кореја да испорача мобилни ракетни системи со голем дострел за Доњецката и Луганската Народна Република.

https://republika.mk/vesti/svet/ceverna-koreja-podgotvena-da-im-pomogne-na-proruskite-republiki-vo-ukraina-moze-da-go-isprati-ubiecot-na-himars-vo-donbas/

The post Лидерот на ДНР подготвен да го посети претседателот на Cеверна Кореја, Ким Џонг Ун appeared first on Република.

Лидерот на Доњецката Народна Република (ДНР), Денис Пушилин, порача дека им е потребна помош од Русија поради честите напади на Доњецк. Тој истакнува дека режимот во Киев ги поминал сите граници, бидејќи во новите напади на Доњецк користи забранети методи за водење војна.

Пушилин го повика раководството на компаниите во ДНР да ги префрлат работниците на работа од дома поради засилените напади.

Во наредните денови ги советуваме граѓаните да останат на безбедни места и да не излегуваат надвор - порача Пушилин.

Како што јавијка руски медиуми, при интензивното украинско гранатирање на Доњецк, погодено е породилиште, врз кое паднала граната.

Мајките се евакуирани во подрумот, а лекарите продолжуваат да пружаат помош, објави дописникот на Спутник од ДНР.

Во извештајот се наведува дека украинските безбедносни сили го гранатираат градот со часови како и дека користат касетна муниција.

The post ДНР бара дополнителна помош од Русија поради постојаното украинско гранатирање на Доњецк appeared first on Република.

Првиот човек на Доњецката Народна Република, Денис Пушилин, соопшти дека Трибуналот за украинските националисти од баталјонот „Азов“ ќе опфати неколку фази судења, при што, првиот степен ќе се одржи во Мариупол.

Сметам дека не треба да го одложуваме почетокот на работата на Трибуналот. Повеќе индиректни судови мора да одржат рочишта пред главната постапка, како што беше случајот по Големата патриотска војна. Пред Нирнберг имаше трибунали во Киев и Харков, како и низа други. Според се, ќе имаме судење пред судот во Мариупол како едно од првите во серијата такви судења - порача Пушилин во видео објавено на Телеграм.

Пушилин потврди дека „неколку земји прелиминарно се согласиле да учествуваат во работата на меѓународниот трибунал“ и посочи дека кога станува збор за Повелбата на Трибуналот, таа се развива од релевантни служби, чија работа ја вклучува и руската експертска служба.

The post Ќе се формира суд за припадниците на баталјонот „Азов“ appeared first on Република.

Лидерот на Доњецката Народна Република (ДНР), Денис Пушилин, информира дека украинските војници заробени во фабриката за челик „Азовстал“ во Мариупол прифаќаат да се предадат, но бараат да бидат евакуирани во Турција наместо во областите под контрола на Киев.

Тие ги контактираат нашите сили и руската армија и се обидуваат да преговараат за најдобри услови за нивно предавање. Бараат или предлагаат, не знам кој збор би бил соодветен. Тие немаат многу доверба во Киев. Во нивните последни барања, тие порачаа дека повеќе сакаат да одат во Турција отколку да бидат евакуирани во областа под контрола од Украина. Тоа е една од опциите - информира Пушилин за ТВ каналот „Соловјев лајв“, пренесува ТАС С.

Лидерот на самопрогласената ДНР додаде дека војниците од „Азовстал“ во барањето истакнале дека планираат да го предадат оружјето во Турција.

Тие рекоа: Ќе излеземе со оружје, ќе стигнеме до Турција по море и ќе се разоружаме таму. Тоа го слушнавме од нив - вели Пушилин, пренесе ТАС С.

The post Украинските сили од „Азовстал“ не сакаат да бидат евакуирани во Украина, бараат транспорт до Турција appeared first on Република.