Еден од најмагичните датуми во секоја година е токму денешниот ден, 11-ти ноември, денот кога имаме најдобра енергија да ги манифестираме своите желби за да ни се исполнат.

Денеска е датумот на огледалото, магичната низа од 11.11. тоа носи добра енергија, според нумеролозите.

11-ти ноември е одличен ден да ги споменете вашите најголеми соништа што сакате да ги остварите. Ниту еден сон не е премногу голем за оваа енергија. Било да е тоа вашиот дом од соништата или совршениот партнер, размислете за нив од срце и ослободете ја таа позитивна енергија. Нека универзумот го направи останатото.

Бројот 11 се смета за број со исклучително посебна фреквенција, а кога е двојно зголемен, се верува дека носи реализација на желбите и дека Универзумот ни помага полесно да ги достигнеме сопствените цели.

The post Најволшебен ден во годината кога се случуваат големи промени: Денеска е 11.11 appeared first on Република.

Во Скопје денеска ќе се одржи централното одбележување на 7 Мај - Денот на македонската полиција.

Централната прослава ќе биде во паркот кај авиончето во општина Аеродром каде се најавени обраќања на министерот за внатрешни работи Панче Тошковски и дополнителниот заменик-министер за внатрешни работи Митко Бојмацалиев.

На одбележувањето на Денот на македонската полиција ќе присуствуваат и претставници на дипломатскиот кор во земјата, а во рамки на прославата предвидени се изложба и презентација на опрема на различни полициски единици.

Поради одбележувањето на Денот на македонската полиција во периодот од 8 до 18 часот ќе биде воведен пособен сообраќаен режим во овој дел од градот. Затворен за сообраќај ќе биде булеварот „АСНОМ“ на потегот од крстосницата со булевар „Србија“ до крстосницата со булевар „Февруарски поход“.

The post Одбележување на Денот на полицијата, посебен сообраќаен режим во општина Аеродром appeared first on Република.

Владата на Црна Гора ќе прогласи Ден на жалост во недела поради трагичните настани во Србија, најави премиерот Дритан Абазовиќ.

Можно е да има два дена жалост. Денеска ќе ги известам моите колеги дека тоа ќе го направиме. На овој начин упатувам сочувство до семејствата на загинатите и повредените во овој неверојатно трагичен настан кој се случи двапати за краток период во Србија - рече тој.

Во Србија за два дена се случија две масовни убиства, едното во ОУ „Владислав Рибникар“, а другото во Младеновац, при што вкупно се убиени 17 лица, а 25 се повредени.

The post В недела Ден на жалост во Црна Гора appeared first on Република.

Денес е 23-иот ден во месец февруари во 2023 година. Ако верувате во ангелски броеви, ќе имате среќа.

Бројот 23 е сеприсутен во многу сегменти од нашиот живот. Да го земеме човечкото тело како пример – се состои од 46 хромозоми, односно од два пара по 23 хромозоми кои му ги дале родителите.

Во математичка смисла, бројот 23 се смета за примарен или прост број бидејќи е делив сам по себе и со бројот 1. Тој е најмалиот примарен број кој има две последователни цифри.

Во нумерологијата претставува промена, напредок и иновација. Тоа означува нови почетоци и трансформација и носи духовен раст.

Тоа е бројот на манифестација и креативност. Ви помага да ја изразите вашата креативна страна и да ја искористите на практичен начин. Бројот 23 означува и рамнотежа – тој е мост помеѓу подеми и падови како неизбежен дел од секој живот.

Дали бројот 23 е среќен или несреќен? Тешко е да се каже, а зависи кого прашувате и како го толкувате. Многумина го сметаат за енигма.

Некои го нарекуваат ангелски број кој ви кажува дека не сте сами, дека имате поддршка и дека сте подготвени за промени. Дали често го гледате во вашето опкружување на дигитални копчиња, во сообраќај или на станбени згради? Можеби ангелите ви испраќаат пораки дека сте на вистинскиот пат во вашиот живот.

The post Денеска е 23.2.2023, посебен датум со број кој носи промени appeared first on Република.

Меѓународниот ден на туристичките водичи, Македонската асоцијација на туристички водичи и придружници денеска ќе организира бесплатен разглед на Скопје и Битола.

Во Скопје појдовна точка е Меморијалната куќа на Мајка Тереза на улица „Македонија“ до Скопското кале.

Термините за разглед во Скопје ќе бидат со почеток во 12, 13 и 14 часот, а во Битола со почеток во 12 часот. Сите заинтересирани граѓани кои сакаат да бидат дел од овој разглед и да учествуваат на овој настан ги очекуваме, информираат од Македонската асоцијација за туристички водичи.

The post Бесплатен разглед на Скопје и Битола по повод Меѓународниот ден на туристички водичи appeared first on Република.

Зимската краткоденица ја означува најдолгата ноќ и најкраткиот ден во годината и го претставува и почетокот на зимата

Иако можеби мислите дека помалку сончева светлина и почетокот на студеното време не вреди да се слави, зимската краткоденица всушност се смета за исклучително важен ден во многу култури. Тоа претставува можност да ги изразиме нашите желби и да ги прошириме нашите хоризонти. Ова е совршена можност да размислиме за нашето патување во изминатата година и да ги визуелизираме нашите следни чекори.

Зимската краткоденица во астрологијата се случува во исто време кога Сонцето влегува во знакот Јарец и започнува сезоната на Јарец. Затоа во овие денови многумина ќе имаат креативност, но и дисциплина и посветеност. Можно е овие денови да се променат квалитетите кон кои се стремите.

Поради енергијата на Јарецот, зимската краткоденица е одлично време да се фокусирате на кариерата. Искрено размислете дали го гледате значењето во вашата работа. Дали се чувствувате усогласени со вашата работа? Дали сте соодветно платени? Дали се чувствувате поддржани на работа? Запишете ги вашите одговори и почнете да правите планови за иднината.

Бидејќи најкраток ден во годината, зимската краткоденица го означува и почетокот на патувањето кон подолгите денови. Иако деновите ќе бидат пократки, а ноќите подолги – сега треба да планирате, да ги визуелизирате вашите желби, да поставите цели и новогодишни одлуки.

Една од најпопуларните активности е пишувањето намери. Напишете ја вашата намера на парче хартија, а потоа фокусирајте го вашиот ум на годината што претстои, на чекорите што ве очекуваат на тоа патување, на сите околности и ваши можности. Замислете како желбата веќе да се случила, ова ќе поттикне позитивни вибрации кај вас и ќе ве мотивира да се борите за она што го сакате.

Важен дел од прославата отсекогаш бил искажувањето љубов кон најблиските. Ова е одлична можност да ги поканите пријателите или семејството на вечера и уште повеќе да се поврзете еден со друг. Се разбира, не заборавајте да се поврзете со себе. Темата на зимските кратки денови нè поттикнува на интроспектива. Ова е идеално време да погледнете во себе и да се фокусирате на она што е во вашето срце.

Дури и ако специфичните ритуали не ве убедат, можете да ја искористите оваа енергија со исклучување на телефонот, палење свеќа и релаксирачка музика и едноставно поминување квалитетно време со себе. Одвојте неколку моменти за да размислите длабоко за себе и вашето минато и визуелизирајте што сакате за вашата иднина

The post Утре денот ќе биде најкраток appeared first on Република.

Со промоција на книги, креативен конкурс, награди и изненадувања за фановите, на 16 април (сабота) од 11 до 13 часот, во книжарницата „Литература.мк суперстор“ во „Скопје сити мол“ ќе се одржи ден посветен на Хари Потер. На настанот ќе бидат прoгласени и наградени победниците на ликовниот и литературен конкурс „Светот на Хари Потер“, што се одржа од 18 февруари до 20 март, а на кој учествуваа неколку стотици ученици од основните и од средните училишта од цела Македонија.

Во жирито за литературниот дел од конкурсот се: Ведран Диздаревиќ и Јана Соколовска (уредници на книгите „Хари Потер“ на македонски јазик) и Татјана Димовска-Атанасова (уредничка во „Арс Ламина“ и администраторка на страницата на „Фејсбук“ – „Во светот на Хари Потер“).
За победниците во ликовниот дел од конкурсот одлучуваат: Здравко Гиров (илустратор), Сашко Потер Мицевски (филмаџија и голем фан на Хари Потер) и Александра Филипоска (графичката дизајнерка и илустраторка во „Арс Ламина“).

Ќе следува промоција на седумте книги од серијалот „Хари Потер“ од авторката Џ. К. Роулинг, објавени на македонски јазик, во издание на „Арс Либрис“, дел од „Арс Ламина – публикации“ од Скопје. Станува збор за книгите: „Хари Потер и Каменот на мудроста“ (што го има и во лектирна верзија), „Хари Потер и Одајата на тајните“, „Хари Потер и затвореникот од Азкабан“, „Хари Потер и Пламениот пехар“, „Хари Потер и Редот на фениксот“, „Хари Потер и Полукрвниот принц“ и „Хари Потер и Реликвиите на смртта“. За книгите ќе зборуваат уредниците на македонските изданија: Ведран Диздаревиќ и Јана Соколовска.

Во продолжение ќе се одржи интерактивен дел за сите млади читатели и фанови на Хари Потер, со многу награди и изненадувања. Настанот ќе биде и од cosplay (костимиран) формат, односно секој што сака може да присуствува маскиран во некој од своите омилени ликови од серијалот „Хари Потер“.

Специјален гостин на дружбата ќе биде Сашко Потер, кој е голем вљубеник во Хари Потер и учесник во монтажата на звук на филмот „Фантастични ѕверки“.

Денот на Хари Потер е во организација на издавачката куќа „Арс Ламина“, која ги поседува авторските права за книгите од серијалот „Хари Потер“ на македонски јазик, и книжарниците „Литература.мк“, кои се застапници на лиценцирана гифт-програма инспирирана од светот на младиот волшебник. Со овој настан се приклучуваме на светските случувања со кои се одбележуваат 25 години од објавувањето на првата книга од серијалот „Хари Потер и каменот на мудроста“ од Џ. К. Роулинг.
Настанот е со поддршка на „Скопје сити мол“ и кината „Синеплекс“, каде што деновиве премиерно ќе се прикажува „Фантастични ѕверки 3: Тајните на Дамблдор“ – филм инспириран од светот на Хари Потер.
Книгите од серијалот за Хари Потер се достапни во книжарниците „Литература.мк“ и онлајн преку https://www.literatura.mk.

The post Победниците на ликовниот и литературен конкус „Светот на Хари Потер“ ќе бидат објавени в сабота appeared first on Република.

На 2 март ќе се случи еден од ретките астролошки феномени оваа година – единствениот датум со млада Месечина во знакот Риби за оваа година. Според тоа, се работи за еден од најдобрите денови во годината кога максимално морате да ги искористите потенцијалот и имагинацијата за да ги остварите вашите желби.

На овој ден и Јупитер ќе биде во близок контакт со Месечината што ќе придонесе за зголемување на вашата продуктивност. Препуштете им се на новите идеи и оставете тие да ви бидат ѕвезда водилка. Во поглед на љубовта, Месечината во Риби ќе ви пружи одлична можност да ја најдете својата сродна душа. Доколку веќе сте во врска, ќе почувствувате потреба да поминете повеќе време со партнерот. Сепак, не занемарувајте го и својот личен простор. Бидете одмерени за да одбегнете идно незадоволство и притисок врз врската.

Под влијание на младата Месечина во Риби ќе ви се остварат и дел од најскриените желби. Ваша задача е само да се препуштите и да уживате!

На 3 март пак, Венера ќе се синхронизира со Плутон во знакот Јарец. Тоа ќе ви даде нова енергија за да дадете сè од себе и да го подобрите вашиот живот! Сепак, астролозите ве предупредуваат: она што се случува зад затворени врати треба да остане таму.

Според астрологијата, сабота ќе биде најсреќниот ден во годината. Овој ден се нарекува и „Ден на чудата“ бидејќи Сонцето ќе биде во конјукција со Јупитер во знакот Риби. Од големо значење е да ја насочите енергијата кон позитивни работи тој ден со цел да се ослободите од негативните мисли и насобраната фрустрација или тага. Направете го тоа така што времето ќе го поминете со луѓе кои ве поддржуваат и кои ви помагаат да се развивате подобро како личност. Здружувајќи ги силите со Јупитер, Сонцето ќе ве облее со зрак на креативна, романтична и инспиративна енергија!

Од друга страна, под влијание на Марс и Венера ќе се спојат романтиката и страста. Препуштете им се на желбите. Доколку имате партнер, доволно е да најдете време и волја за експериментирање. Најважно од сè е да бидете искрени со партнерот. Ако не сте во врска, ве очекува ново познанство. Освојте ја личноста со вашиот интелект, но и со смислата за хумор и не плашете се да се впуштите во авантура. Сега е вистинскиот момент за уживање!

The post Препуштете се: Ова е најсреќниот ден во 2022 година appeared first on Република.