ренерот на Рома, Даниеле Де Роси, ја напушти функцијата, објави официјалниот сајт на клубот.

-Одлуката е донесена во интерес на тимот да може брзо да продолжи по посакуваниот пат, во време кога сезоната допрва започнува. Срдечна благодарност до Даниеле за работата што ја направи во последните месеци со страст и посветеност, се вели во соопштението на клубот.

Де Роси ја презеде екипата на Рома на 16 јануари 2024 година

The post Легендата Даниеле Де Роси ја напушти Рома appeared first on Република.

Раководството на Рома му изгласа доверба на тренерот Даниеле Де Роси и покрај лошиот старт на сезоната, пишува денеска весникот „Ил Месаџеро“.

Римскиот клуб сè уште е без победа од почетокот на сезоната во Серија А и се наоѓа во долната половина на табелата.

Сопствениците на клубот Ден и Рајан Фридкин пристигнаа во Рим за да ја увидат ситуацијата во клубот, но нивната посета наводно била однапред договорена и не била поврзана со слабите резултати на тимот.

Посетата на Фридкин е повеќе во врска со проектот за новиот стадион на Рома, пишуваат италијанските медиуми.
Според информациите, браќата Фридкин имаат целосна доверба во Де Роси и веруваат дека тренерот ќе ја изведе Рома од резултатската криза

The post Рома има доверба во Даниеле Де Роси appeared first on Република.

Тренерот на Рома, Даниеле Де Роси ќе потпише нов договор со клубот за следните три години, соопшти „Скај Италија“.

Клубот е исклучително задоволен од работата на младиот тренер, кој во средината на јануари како итен случај го замени Жозе Мурињо. Тој го одведе тимот до полуфиналето во Лига Европа и до 6-то место во Серија „А“, што дури може да му гарантира на тимот пласман во Лигата на шампионите доколку Аталанта заврши на петто место.

Де Роси првично беше назначен само за привремен тренер до летото, но ја заврши својата работа толку добро што ги убеди управата и навивачите дека заслужува поголема доверба и изгледа дека ќе ја добие.

Специјалистот веќе прецизираше поголем дел од условите на својот нов договор, кој се очекува во најбрз можен рок да биде официјално потпишан и соопштен за медиумите

The post Де Роси ќе добие нов договор за добрата сезона со Рома appeared first on Република.

Тренерот на Рома, Даниеле Де Роси беше воодушевен од победата над Феенорд по пенал рулетот и пласманот на неговиот тим во осминафиналето на Лига Европа. Ова беше и прв успех на младиот тренер на меѓународна сцена.

Тој на шега изјави дека неговиот тим уште еднаш победил на препознатлив начин, предизвикувајќи срцев удар на нивните поддржувачи.

-Беше неверојатно, секогаш ќе се сеќавам што се случи вечерва. Тоа беше мојата прва европска вечер во Рим во оваа улога. Среќен сум што заврши како што заврши. Мислам дека заслуживме да победиме, имајќи предвид се што направивме за време на натпреварот. Победивме на типичен начин - предизвикувајќи неколку срцеви удари! Имаме добар тим, одличен стадион и среќен сум, изјави Де Роси по мечот на „Олимпико“

The post Рома игра како нова по заминувањето на Мурињо appeared first on Република.