Фудбалерите на Барселона остварија убедлива победа против Црвена Звезда во Лигата на шампионите, а на тој меч дури соборија и клупски рекорд стар повеќе од 70 години.

Резултатот на крајот од натпреварот беше убедлив со 5:2, а тоа беше доволно за апсолутен рекорд во историјата на 74-годишниот клуб.

Барселона е единствената екипа која успеала да постигне дури 55 голови во сите натпреварувања во првите 16 натпревари од сезоната!

Пред Барселона со Ханси Флик нешто слично успеа да направи легендарниот Фердинанд Даучик во сезоната 1950/51.

Тогаш тимот постигна 54 гола во првите 16 натпревари

The post Потоп во Белград: Барса сепак е од друга планета appeared first on Република.

Вечерва на стадионот Сан Сиро во Милано се среќаваат Интер и Црвена звезда. Дуел кој привлекува големо внимание кај фудбалските фанови во регионот.

И Интер и Звезда имаат навивачи во Македонија, а она што најмногу ги поврзува двата клуба е Дарко Панчев кој настапуваше за двете екипи. Во Интер не остави некој поголем траг, но затоа во дресот на белграѓаните дојде до европската титула.

Владимир Југовиќ, Синиша Михајловиќ, Дејан Станковиќ, Немања Видиќ се играчи кои исто така со успех настапуваа за двата клуба.

The post Дарко Панчев единствениот Македонец кој играл и за Црвена звезда и за Интер appeared first on Република.

The post Покер голови: „Нивата“ на Партизан среќна за Звезда appeared first on Република.

Фудбалерите на Партизан и на Црвена звезда го започнаа 174-то вечно дерби со жешка увертира, бидејќи теренот на црно-белиот стадион беше уништен поради вандалски чин.

Одигрувањето  беше под знак прашалник, бидејќи во ноќта меѓу саботата и неделата хулигани упаднаа на стадионот, ја уништија тревната површина. Непознати сторители упаднале на теренот среде ноќ и издлабиле длабока линија низ целото поле.

The post Tеренот ораница: Почна најголемото балканско дерби appeared first on Република.

Маракана“ замолкна. Црвена Звезда е поразена на стартот на новата Лига на шампиони (1-2). Португалскиот шампион сепак беше пресилен и тоа се виде на теренот. Ниту еден момент не ја доведоа победата во прашање а згора на тоа вториот гол на Оркан беше од прекрасен слободен удар.

Штета за српскиот шампион бидејќи во следното коло го чека уште поголем предизвик-Интер на „Сан Сиро“.

https://www.youtube.com/watch?v=VG03whkar14&embeds_referring_euri=https%3A%2F%2Fwww.kurir.rs%2F&source_ve_path=MjM4NTE

The post „Маракана“ замолкна, Звезда е поразена appeared first on Република.

На експресен начин, со чисти 3:0 во победи во финалната серија со Партизан, екипата на Црвена ѕвезда дојде до трофејот во регионалната кошаркарска АБА лига.

Во третиот натпревар одигран синоќа, „црвено-белите“ како гости славеа победа над градскиот ривал со 82:76.

Најефикасни во победничкиот тим беа Лука Митровиќ и Рокас Гиедраитис со по 12 поени, кај Партизан се истакна Алекса Аврамовиќ со 17 поени.

За МВП на плејофот е прогласен Јаго Дос Сантос. Тој во текот на плејофот имаше просек од 11,7 поени, 4,43 асистенции и 3,14 скока по натпревар

The post Црвена звезда убедливо ја освои АБА лигата appeared first on Република.

Фудбалерите на Црвена звезда и Партизан освоија по бод во 172. „вечно дерби“, кое по голема борба заврши 2:2 (1:1).

Головите за домашните ги постигнаа Урош Спајиќ во 44. и Шериф Ендијаје во 69. минута, додека за црно-белите Матеус Салдања во последната минута од првиот дел и Алдо Калулу во 49. минута, додека Ксандер Северина доби црвен картон во 75. минута

Од освоениот бод секако позадоволни се гостите од Хумска, кои се уште имаат бод предност пред вечниот ривал.

The post Звезда и Партизан одиграа нерешено appeared first on Република.

Поранешниот предводник на навивачите на Црвена звезда - Зоран Тимиќ проговори за врската меѓу Жељко Ражнатовиќ Аркан и северната трибина.

„Аркан никогаш не бил фан или водач на навивачите на Звезда, како што се пишуваше во медиумите. Целата приказна започнува кога на Максимир во 1990 година се скандираа скандирања против Слободан Милошевиќ, што на полицијата не и се допадна. Тие размислуваа како да спречат и го испратија Аркан кој беше член на ДБ службата, раскажува Тимиќ.

Тој неколку пати во животот беше на север, а целата приказна за него како водач беше измислена од режимот на СПС за да се смири трибината да не скандира против режимот на Милошевиќ .

The post Aркан никогаш не бил водач на навивачите на Црвена звезда, туку го инсталирала Државната безбедност appeared first on Република.

The post Бугарски екипи се тепаат дури и на пријателски мечеви appeared first on Република.

„Белгород, ние сме со тебе“, е пораката што ја испратија српските навивачи како поддршка за жителите на рускиот град Белгород, кој во очи на Нова година беше гранатиран од украинските сили.

Транспарентот со поддршка за Белгород српските навивачи го истакнаа за време на кошаркарскиот натпревар Црвена звезда - Партизан.

Во нападот на центарот на градот, загинаа најмалку 24, а ранети беа над 100 цивили, меѓу кои имаше и десетици деца.

https://republika.mk/vesti/svet/granatirani-novogodishen-panagur-i-prepolno-lizgalishte-vo-krvav-ukrainski-napad-vrz-belgorod-zaginaa-14-a-povredeni-se-stotina-tsivili/

The post Српските навивачи изразија солидарност со убиените руски цивили: Белгород, ние сме со тебе! appeared first on Република.

Пред 32 години на денешен ден легендите на македонскиот фудбал Дарко Панчев и Илија Најдоски ја освоија светската клупска титула триумфирајќи со белградска Црвена звезда над чилеански Коло Коло во финалето на Интерконтиненталниот куп.

Шест месеци по историскиот триумф над Олимпик Марсеј во Бари во финалето на Купот на европските шампиони, Црвена звезда на 8 декември 1991 година во Токио го совлада јужноамериканскиот првак со 3-0 (1-0) и ги обедини титулите европски и светски првак.

Двоен стрелец беше Владимир Југовиќ (19 минута, 58), а печат на победата стави најдобриот европски стрелец во сезоната 1990/91, Дарко Панчев во 72 минута.

Панчев и Најдоски беа дел од триумфот на Црвена звезда чиј дрес во финалето на Националниот стад во Токио пред 60.000 гледачи го носеа и Милојевиќ, Радиновиќ, Белодедиќ, Васиљевиќ, Ратковиќ, Југовиќ, Михајловиќ, Стошиќ и Савичевиќ.

The post Денот кога Панчев и Најдоски станаа светски шампиони: Триесет и две години од светската титула на Црвена звезда appeared first on Република.

Грчкиот тренер Јанис Сферопулос е нов тренер на кошаркарскиот клуб Црвена звезда. Од српскиот клуб го промовираа Сферопулос како наследник на Душко Ивановиќ, кому вчера му беше врачен отказ.

Поранешниот тренер на Олимпијакос и Макаби Тел Авив потпиша двегодишен договор со клубот од Белград.

На клупата на Црвена звезда, Сферопулос ќе дебитира на утрешниот дуел против ФМП во рамки на 4. коло во регионалната АБА лига.

Сферопулос освои две грчки титули како тренер на Олимпијакос со кој два пати играше финале во Евролигата, во 2015 и 2017 година.

The post Гркот Јанис Сферопулос е нов тренер на кошаркарите на Црвена звезда appeared first on Република.

Црвена звезда и Јанг Бојс одиграа нерешено - 2:2 (1:0) во натпреварот од второто коло во Лигата на шампионите. Тоа беше сосема луд натпревар на Маракана...Српскиот шампион водеше со 1:0, гостите свртеа на 2:1, но немаа сили за победа.

Кога ќе се погледне се на овој натпревар - ремито е сосема реално.

Остануваат проблемите кои Звезда ги има во оваа сезона. Бахар ќе треба да одговори на многу прашања, а крајно прашање е и колку скапо платените странци ќе му донесат предност на српскиот клуб.

The post Црвена Звезда спаси бод против Јанг Бојс appeared first on Република.

Фудбалерите на Чукарички ја совладаа Црвена звезда со резултат 2:1 во дерби натпреварот од 7. коло на српската Суперлига.

Чукарички поведе со голот на Марко Доциќ во 24. минута од пенал, а Звезда израмни во 48. минута кога Жан-Филип Красо го искористи пеналот. Победа за Чукарички донесе Сандеј Адетуњи во 75. минута.

Покрај головите, мечот на Баново брдо го одбележаа и два пенали и црвен картон за тренерот на Чукарички, Игор Матиќ, кој беше исклучен откако протестираше на почетокот на вториот дел кога беше досуден пенал за Звезда.

Првата половина од дербито на седмото коло во Суперлигата не беше со многу настани, но еден гол беше виден по грешката на Кингсли Кангва во 23. минута.

Црвено-белиот играч за врска испрати повратно додавање до Урош Спајиќ на празен простор, но напаѓачот на Чукарички ;Адетунџи беше побрз, го прекина додавањето, натрча во шеснаесетникот каде беше соборен од Спајиќ, а судијата Милош Миловановиќ досуди казна. Доциќ беше сигурен изведувач на пеналот во 24. минута

The post Звезда на маки: Пораз од Чукарички пред дуелот со Манчестер Сити appeared first on Република.

Црвена Звезда и Чукарички играат во финалето на Купот на Србија, а по првото полувреме на стадионот „Рајко Митиќ“ изненадувачки води Чукарички. Но, кога ќе погледнете каква мајсторија изведе Марко Доциќ, ќе се согласите дека е апсолутно заслужено.

Фудбалерот на Чукарички успеа да постигне гол директно од корнер, надмудрувајќи го голманот на Црвена Звезда, Милан Борјан, во 21.минута. Како некогаш Артим Шаќири, или Драган Стојковиќ Пикси…

Docić. 🤯 pic.twitter.com/U0JYTJWIjm

— OvoOno (@OvoOnoX) May 25, 2023

Топспорт

The post Директно од корнер даде гол против Црвена Звезда appeared first on Република.

Синоќа се одржа регионалната промоција на документарниот филм за најголемата фудбалска звезда на Македонија Дарко Панчев. Многумина сакаа да бидат видени во друштво на шампионите на Европа од 1991 година, идоли на многу деца од тоа време.

И навистина речиси целата генерација му направи чест на Дарко и дојде во Скопје. Драган Стојковиќ Пикси, Дејан Савичевиќ, Драгиша Биниќ, голманот Стеван Стојановиќ, Маровиќ, Драгиша Биниќ, како и нашите Илија Најдоски, Бошко Ѓуровски и Драган Канатларовски.

Документарецот дело нa Спорт Клуб телевизија од Србија го покажа Дарко од неговото детство на улица „Пушкинова“  во Кисела Вода, почетоците во Вардар, титулата 1987 година, преминувањето во Црвена Звезда и станувањето на европски и светски шампион, преминот во Интер како и настапите за македонската и репрезентацијата на Југославија.

The post Европските шампиони од 1991 година дојдоа во Скопје за Дарко Панчев appeared first on Република.

Македонската фудбалска легенда, Милко Ѓуровски, кој освен по неверојатниот талент, во поранешна Југославија е познат и по контроверзниот трансфер од Црвена звезда во Партизан, во интервју за „Глас Српске“ вели дека жали што во текот на својата кариера никогаш не го носел дресот на Хајдук.

Ѓуровски, кој беше македонски репрезентативец, но и тренер на Вардар, вели дека имал шанса да оди во сплитскиот клуб, но која, за негова жал, не ја искористил.

Жал ми е што не играв за Хајдук. Спортски говорам, зашто тоа време Анте Младиниќ ме посакуваше, а по Црвена звезда, во поранешна Југославија, за мене Хајдук беше најголем клуб.

 

Не знаете дека одбив да одам за Милано против Интер кога тренер беше Бранко Станковиќ. Тогаш можев да одам во Сплит, ама „бате Стане“ не беше злопамтило и следниот меч ме стави да играм.

 

Хајдук има сјајни навивачи, ама денес тие се плеткаат со водење на клубот. Слично е и во Црвена звезда и во Партизан, за разлика од Динамо кој е друг клуб, таму сѐ е поставено. Мамиќ сѐ среди, ама го тргнаа и сега сѐ ќе се одрази на хрватската репрезентација“, вели Ѓуровски.

Ѓуровски не крие дека секогаш бил фан на Црвена звезда, но дека од „каприц“ го предизвика најголемиот фудбалски земјотрес со преминувањето во Партизан.

Звезда за мене е светост, ама Звезда до 1991 година. Мене Црвена звезда ме создаде, јас ја обожавам и мора сите да сфатат дека во бивша Југа, да играш во Црвена звезда беше врвот, не мораше никаде повеќе, каков Реал, какви бакрачи. Тогаш Италијанци, Шпанци даваа сѐ за да играат во Звезда.

 

И сите прашуваат зашто тоа го сторив, да одам во Партизан. Има сѐ, ама најмногу - сакав да бидам поинаков. Пари не ме интересираа, Динамо ми нудеше куќа, ама сакав да ме паметат, така тогаш размислував. Јас и додека играв за Партизан, навивав за Звезда“, додава Ѓуровски.

Во однос на тоа кој е најдобар фудбалер што некогаш потекнал од Балканот, Ѓуровски вели дека тоа не Лука Модриќ. Според него, најдобар балкански фудбалер на сите времиња е Владимир Петровиќ - Пижон.

Модриќ не може да се мери со Пижон воопшто. Пижон е три класи подобар. Кога ги гледам тие играчи, јас воопшто не знам што гледаат во него. Никој не гледа реално. Сите по команда имаат идентично мислење, како некој да им вели дека така мора! Јас сум поинаков“, вели Ѓуровски, за „Глас Српске“.

The post Милко Ѓуровски: Жал ми е што не играв за Хајдук, ќе дадев се за да го облечам белиот дрес appeared first on Република.

Црвена звезда и Партизан, двата најголеми и најтрофејни фудбалски клуба во Србија од државата добиле внупно пет милиони евра помош пишуваат медиумите во таа земја.

Според српските медиуми, финансиската инјекција од државата за клубовите е да бидат финансиски ликвидни и да добијат УЕФА лиценца за натпреварување. Посредник за финансиската помош била Фудбалската федерација на Србија.

Постоеше можност Партизан да добие забрана за настап во Европа, но и да му бидат одземени бодови по налог на ФИФА затоа што „црно-белите“ не ги подмируваат своите долгови навремено. Со оваа државна помош завршуваат главните проблеми за Црвена звезда и Партизан.

The post Белградски Партизан и Црвена звезда добија пет милиони евра помош од државата appeared first on Република.

Раководството на Црвена Звезда реагираше на изјавата на кошаркарот на Партизан, Матијас Лесор, кој тврди дека не го нападнал Филип Петрушев, туку се бранел.

Црвена Звезда е шокирана од лагите на играчот на Партизан и своевиден нов предводник на навивачите на јужната трибина Матијас Лесор.

По оваа изјава, која беше бесрамна лага дека српскиот играч и играчот на Црвена Звезда, Филип Петрушев му „удрил и го оневозможил здивот“ на повредениот Матијас Лесор, можеби треба да му се извиниме на тој што среде Белград како гостин на привремен работа во Србија, со тупаници нападна српски репрезентативец.  „Срцепарателната“ (и невистинита) исповед на Матиас Лесор, кој не е првпат да предизвикува инциденти. Тој ќе има можност да ги повтори своите зборови пред надлежните органи, бидејќи според законите на Република Србија, каде што заработува (големи) пари, ќе биде должен да сведочи за физичкиот напад врз играчот Филип Петрушев, по што обвинителството ќе одлучи да отвори кривично дело. Ја користиме оваа прилика да ја информираме јавноста дека во среда во зградата на МВР изјава ќе даде српскиот репрезентативец и играч на Црвена ѕвезда, Филип Петрушев, стои во соопштението на „црвено-белите“.

Црвена Звезда потсетува дека барале челниците на Јадранската лига да го дисквалификуваат Матијас Лесор до крајот на сезоната.

За негова жал, има видео како тој наводно „се бранел“ нанесувајќи му храбри удари со тупаница на противникот, додаваат од Црвена ѕвезда.

Матијас Лесор по завршувањето на вчерашното дерби тргна физички да се пресметува со Петрушев, при тоа два пати му зададе удари по телото.

https://youtube.com/watch?v=-4NejtEKlqU&feature=shares

The post Црвена звезда ќе го пријави Матијас Лесор за напад: За негова жал, има видео како тој „се бранел“ appeared first on Република.

Познатиот стриминг сервис „Нетфликс“ денеска е во Белград на вечното дерби Партизан-Црвена Звезда. Тие ќе снимаат филм за овој меч кој е повеќе од фудбал. Ќе се снима натпреварот но и навивачите како и после мечот.

Веројатно „Гробарите“ и Делиите“ ќе им овозможат убави кадри, кореографија а можеби и некоја тепачка.

169 дерби се игра во 19 часот.

The post „Нетфликс“ ќе снима филм за дербито Партизан-Звезда appeared first on Република.