Група украински националисти, маскирани и вооруѓени со пиштоли и палки, упаднаа во православна црква во централниот украински регион Черкаси, при што ги нападнаа луѓето коишто беа собрани во храмот на служба.

На видео објавено на социјалните мрежи се гледа како разулавената толпа влегува во црквата и со погрдни зборови ги напаѓа верниците, меѓу кои има голем број жени и повозрасни лица, на што тие се обидуваат да се одбранат како што можат, додека во позадина се слушаат лелекања на повредени луѓе.

На крајот, луѓето од црквата успеваат да се одбранат од нападот и да ги истуркаат напаѓачите надвор од црквата.

The post Маскирани украински националисти со пиштоли и палки упаднаа во православна црква во Черкаси и ги нападнаа верниците appeared first on Република.

Во саботата наутро во СВР Штип, било пријавено дека во Штип, на 04/05.10.2024, непознат сторител оштетил влезна дрвена врата од црквата „Цар Константин и царица Елена“ и скршил стакло од прозорец на помошна просторија, но не одзел ништо.

Се преземаат мерки за расчистување на случајот, велат од МВР.

The post Некој ги искршил вратата и прозорецот на црквата „Цар Константин и царица Елена“ appeared first on Република.

Во Берлин денеска беа осветени и поставени темелите на нов храм на Македонската православна црква-Охридска архиепископија, посветен на „Св. Климент Охридски", објави Европската епрахија на својот Фејсбук профил.

Чинот на осветуванье го изврши архиепископ охридски и македонски г.г Стефан во сослужение со митрополитот на Европската епархија г. Пимен и митрополитот на Тетовско- гостиварската епархија г. Јосиф, како и бројни свешенослужители од МПЦ-ОА.

Беше одржана и архиерејска литургија, а потоа организирана и културно - уметничка програма со Ангел Стојкоски, музичката група „Доминанта“ и фолклорниот ансамбл „Македонско Сонце” од Диселдорф.

The post Поставен камен-темелник на нова македонска црква во Берлин appeared first on Република.

Министерот за внатрешни работи, Панче Тошковски изјави дека постојат, како што рече, политички „лешинари“ кои преку проблемот со црквата во Галате предизвикуваат меѓуетнички тензии. Според него, ова е доказ за наводите за дестабилизација за кои предупредуваше премиерот Христијан Мицкоски.

Во интервју за ТВ Телма, министерот Тошковски нагласи дека обидите за ширење на меѓуетнички тензии се неуспешни и дека Министерството за внатрешни работи ќе преземе мерки за целосно спречување на ваквите обиди.

Тој истакна дека за расчистувањето на околината на црквата во Галате, општина Врапчиште, немале информации ниту во Македонската православна црква (МПЦ).

- Сето она што настана, согласно она што го видов, барем на јавно објавените снимки, не е ништо друго туку само еден неуспешен обид за погревање на меѓуетнички тензии. Обидот на одредени политички лешинари во текот на вчерашниот ден да подгреваат, да хушкаат, да извртуваат фактичка состојба во насока на меѓуетнички тензии. Ако ова не е доказ дека она што сме го говореле изминатиот период, од аспект на тоа дека ќе има обиди во овој временски период, во насока на дестабилизација, тогаш не знам што би било, изјави министерот Тошковски.

Премиерот Христијан Мицкоски денеска зборувајќи за настанот со црквата во село Галате апелираше да не се игра на етничка и верска карта, посочувајќи дека очекува да има и други вакви изолирани инциденти. Мицкоски додаде дека и владиката и жителите се оградиле од вакви инциденти.

- Цело време предупредувам дека не треба да се игра на етничка и верска карта бидејќи тоа е картата на која што овие криминалци кои во изминатите години печалеа на грбот на народот ќе се обидат да предизвикаат нестабилност итн., и ова се такви изолирани инциденти што ќе следат. Ја слушнавте изјавата и на владиката, слушнавте и ја прочитавте прес-конференцијата на којшто се оградува од ваквите инциденти, жителите на село Галате кои исто така се оградуваат од ваквите инциденти, рече Мицкоски.

Жители на селото Галате кои иницираа акција за уредување на просторот околу црквата која беше оштетена од пожар во 2001 година, се пожалија дека полицијата по налог на локалната самоуправа ги попречува во намерата и преку полициска интервенција им врши притисок.

Во врска со случајот МВР информираше дека постапувајќи по претходна пријава од страна на инспектор за урбанизам од општина Врапчиште, направен е увид на месноста наречена „топли извори“ (меѓу селата Топлица и Врапчиште) на локацијата на црквата „Света Петка“, каде што, според пријавата се изведувале незаконски градежни работи на црквата.

The post Тошковски: Обидите за ширење на меѓуетнички тензии со црквата во Галате се неуспешни appeared first on Република.

По пријава на Јавен обвинител, доцна поладнево интервентна полиција апсела граѓани од гостиварско. Како што е објавено на социјалните мрежи, граѓаните работеле на расчистување на црква во атар на селото Галате. На видеото се гледа багер кој работи на расчистување на теренот, полиција и неколку полициски возила, меѓу кои и марица.

Или ќе не приведат сите или ниеден. Сакаат да не приведат, сме узурпирале место- коментираат насобраните граѓани.

Тие велат дека ја средуваат црквата, но полицијата добила насоки од обвинител сите да бидат приведени.

Се очекуваат повеќе информации во текот на утрешниот ден

The post По налог на Јавен обвинител се апсат граѓани кои расчистувале црква appeared first on Република.

Денеска по повод христијанскиот празник Преображение Господово бев во посета на црквата ,,Преображение" во Гостивар. За многу години!, напиша на својот фејсбук профил Премиерот Христијан Мицкоски.

The post Мицкоски по повод христијанскиот празник Преображение Господово во посета на црквата ,,Преображение” во Гостивар appeared first on Република.

Денес, православните верници ја слават славата посветена на браќата Козма и Дамјан, светци кои народот ги смета за заштитници на медицинската професија, поради што се нарекуваат Свети лекари.

Многу здравствени установи ги слават овие светци и лекари како заштитници на својата професија, иако Светите лекари не се запишуваат во календарот со црвена боја и постот не е задолжителен.

Според легендата, светците помогнале и лекувале без да побараат ништо за возврат „заради придобивка и збогатување, но заради Бога“.

Тие не ги разликувале нивните пациенти според националноста и религијата. Единствено што барале за возврат од своите пациенти било да не го кажуваат залудно името Христос, дури и ако не сакаат да го прифатат христијанството.

Именден празнуваат: Кузман, Кузе, Дамјан, Даме…

Обичаи

Во народниот живот овој празник повеќе го празнуваат оние што се занимаваат со народна медицина: лекување, баење, лекување со билки итн. Тие на овој празник не работат зашто во спротивно нема да им фати лекот.

По народното верување утре не би требало да се работат тешки работи и да се излегува од дома без некоја поголема причина.

Христијаните на овој празник се посветуваат на молитва за болните и избегнуваат физичка работа.

The post Православните верници ги слават браќата Козма и Дамјан: Денеска никако не правете го ова appeared first on Република.

Скопската  епархија при Македонската Православна Црква –  Охридска Архиепископија, соопшти дека во изминатите шест месеци интензивно се работи на внатрешноста на храмот „Свети рамноапостолни цар Константин и царица Елена“, во центарот на Скопје. Се фрескоживописува и се привршува проектот за изработка на иконостасот и подот, а останува да се изведе електриката и да се уреди просторот околу храмот.

https://youtu.be/yC1gk9gJ2A8?si=Y-2qilv3CbZ2zssm

Фрескописот и другите потребни работи се извршуваат од донации, а меѓу донаторите беше и поранешниот вицепремиер Кочо Анѓушев.

За целосно довршување на храмот, како што посочија денеска од МПЦ-ОА, ќе биде потребна дополнителна помош, па се очекува да помогнат и верниците, стопанствениците, приватните  бизнисмени како и сите луѓе – добронамерници.

Инаку, новиот храм се гради во спомен на урнатиот од земјотресот, и е во целосна сопственост на Скопската епархија, со сите подмирени долгови од порано кон изведувачот на градежните работи, кој долгот го пријави дури по неколку години, се вели во соопштението од Скопската епархија при МПЦ-ОА.

The post Се гледа крајот на завршувањето на црквата Константин и Елена во Центар appeared first on Република.

Со европски пари се реставрира црквата „Света Богородица“ на островот Мал Град, кај Пустец, Мала Преспа, под надѕор на Регионалната дирекција за национална култура од Корча.

Во тек е реставрацијата на црквата „Света Богородица“ на островот Мал Град, каде на виделина излегуваат дел од извонредни византиски фрески. Во исто време се поставува и надворешната врата, изработена врз основа на оригиналната, која се наоѓа во Музејот на средновековна уметност во Корча, објави општина Пустец. Со овој прекуграничен проект кој е продолжение на проектот „SmartCulTour“ ќе биде санирана и патеката до неа, а ќе биде поставено и осветлување на островот, информираа од општина Пустец.

Додаваат дека проектот е финансиран од Европската Унија преку ИПА Програмата за прекугранична соработка и со заложба на општините Битола и Пустец, како и Дирекцијата за музеи од Битола, Регионалната дирекција за културно наследство Корча и Младинскиот културен центар од Битола.

Оценуваат дека „оваа соработка ќе го подигне односот меѓу нашите институции и држави на друго ниво“

Пештерската црква „Света Богородица“, со својот фрескоживопис отскокнува од другите пештерски цркви расфрлани по бреговите на Преспанското и Охридското Езеро.

Островот Мал Град се наоѓа на три километри североисточно од Пустец на југоисточниот брег на Преспанското Езеро.

Врз основа на записите сочувани на неа, оваа црква претрпела три измени. Во првиот натпис пишува дека основач на црквата е Бојко со жена му Евдокија во 1345 година. Во вториот натпис, пишува дека црквата е возобновена во 1369 година од Кесар Новак, неговата жена Кали, неговиот син Амирал и неговата ќерка Марија. А, третиот натпис датира во 1607 година, кога е насликана надворешната западна фасада. Внатрешноста на црквата е целосно живописна и е доста позната по ѕидните фрески од византискиот палеолошки стил.

The post Во тек реставрација на пештерската црква „Света Богородица“ на островот Мал Град, кај Пустец appeared first on Република.

Митрополитот на Повардарската епархија Агатангел во своето Велигденско послание порача до верниците дека е потребна одговорност кон себе, кон општеството, да се потпраме на вредностите на православието оти важно е какво општество и каква држава ќе изградиме.

Мораме да бидеме одговорни како за себе, така и за општеството и околината што нè опкружува. Не смееме да потонеме во самодоволност и сув индивидуализам. Човекот не е створен да биде сам и осамен во светот. Не смееме да бидеме небрежни за својот ближен, за страдањето на братот, за животната средина во која ги раснеме нашите деца...Важно е за човекот да живее во мир и благосостојба, важно е какво општество и каква држава ќе изградиме. Тоа не се прашања што не треба да нè засегаат. Добро е да знаеме кои сме, што сме и од каде сме. Од Христа сме откупени, скапо сме платени преку Неговата сечесна крв. Он, преку Своето славно Воскресение, преку Својата неизмерна љубов, ни го подари највисокото достоинство. Не смееме на Неговата татковска грижа да одговориме со незаинтересираност и самодоволно повлекување. На Бога со камен не треба да фрламе, раката што дава не треба да ја сечиме - така нè учеле и воспитувале нашите предци, вели владиката Агатангел во посланието објавено на веб страницата на Повардарската епархија.

Според него, иако човекот денес живее во изобилство, понесреќен е и попотиштен од кога и да е во неговата долга историја

Македонскиот народ илјадници години непрестајно на Бога благодарност и пофални песни Му вознесувал. Знаел нашиот мудар народ дека секоја тиранија е привремена, дека секое зло е краткотрајно. Денес, пак, злото, покрај тоа што си го зачувало својот вообичаен облик, има и некакво друго, поинакво лице. За жал, во тешка состојба сме доведени. Денес, иако човекот живее во изобилство, сепак е понесреќен и попотиштен од кога и да е во неговата долга историја. Денешниот човек е збунет и дезориентиран. Тој како да не ја препознава вредноста, како да не знае што е нормално, а што застрането, потенцира митрополитот Повардарски Агатангел.

Сега, како генерација, додава тој, мораме да застанеме на патот на оваа демонска наезда, оти ако тоа час поскоро не го сториме, духовно ќе се разориме себе си одвнатре и дури тогаш ќе станеме морално плитки и исушени.

-Затоа, македонскиот народ нема друг избор освен да се ослони на Бога, да се потпре на Неговиот спасоносен столб, кој го држи и покрепува секое човечко здание. Само така и на тој начин ќе опстоиме. Македонското име, идентитет, историја и традиција не смеат да бидат претворени во роба за трговија. Тоа е срамно и неправедно, а уште помалку морално. Ова важи како за македонскиот народ и држава, така и за Црквата, порача митрополитот Повардарски Агатангел.

Потенцира дека мнозина подло ќе се обидат да ни го омаловажат и искривоколчат секој наш успех и достигнување. Но, вели, имајте секогаш предвид дека со Христос победуваме, он ги штити и запазува праведните, оти Самиот Тој е правда и вистина. Христос е живата радост која го исполнува секое осамено и повредено срце.

Од изворот на Воскресението Христово постојано и непрестајно да се напиваме. И ние еден ден ќе Воскреснеме во новиот живот исполнет со вечното. Нека ја штити и закрилува Господ нашата татковина Македонија и нашата Света Македонска православна црква - Охридска архиепископија. Македонскиот православен народ нека создава дела за вечно паметење. Блажен е овој народ што го срамат и прогонат, и што говорат против него секакви лоши зборови и лаги - заради Христа! Радувајте се и веселете се, зашто голема е вашата награда на небесата, порача Митрполитот Повардарски Агатангел.

Утрово на прв ден Воскресение Христово – Велигден, се служеше Златоустова литургија во црквата „Успение на Пресвета Богородица“, а со литургијата во храмот „Св. Кирил и Методиј“ чиноначалствува митрополитот Повардарски Агатангел.

Најрадосната вест за Христовото Воскресние синоќа на полноќ беше објавена низ сите православни храмови на Повардарската Епархија. Во Соборниот храм на Повардарската епархија „Св. вмч. Пантелејмон“ во Велес со литургијата чиноначелствуваше митрополитот Повардарски Агатангел, а литургии посветени на воскресението на Хириста се одржаа и во трите градски цркви - „Св. Кирил и Методиј“, „Вознесение Христово“ (Св. Спас) и „Св. Јован Крстител“.

The post Митрополит Агатангел: Македонското име, идентитет, историја и традиција не смеат да бидат предмет на тргување, тоа важи и за Црквата appeared first on Република.

Се освети манастирот Св. 40 Маченици изграден на Смилковското езеро во слава и сеќавање на Филип Славковски, Александар Наќевски, Цветанчо Ацковски, Кире Трпковски и Борче Стевковски кои пред 12 години беа кукавички убиени на ова место.

Со изградбата на овој манастир, грозоморниот чин на убиството нема никогаш да се заборави и никогаш да не се повтори! Чинот на осветување го изврши неговото блаженство, Архепископот Охридски и Македонски Господин Господин Стефан, вели потпретседателот на ВМРО-ДПМНЕ и носител на листа во ИЕ 2, Владо Мисајловски, кој денска присуствуваше на осветувањето заедно со лидерот на партијата Христијан Мицкоски, министерот за внатрешни работи Панче Тошковски, пратениците Жаклина Пешевска и Зоран Коцевски, како и градоначалниците на општина Гази Баба и Бутел, Бобан Стефковски и Дарко Костовски, напиша на Фејсбук, потпретседателот на ВМРО ДПМНЕ, Владо Мисајловски.

The post Во сеќавање на убиените деца: Осветен манастирот Свети 40 Маченици на Смилковско езеро appeared first on Република.

Турција уапси 48 осомничени поврзани со Исламската држава, која ја презеде одговорноста за нападот на католичката црква Санта Марија на 28 јануари во Истанбул, изјави денеска турскиот министер за внатрешни работи, Али Јерликаја.

Јерликаја на платформата „Х“ напиша дека се уапсени 48 осомничени, главно поврзани со сторителите на нападот во црквата Санта Марија на 28 јануари, во кој загина едно лице, како и оние кои биле во контакт со конфликтните зони.

Јерликаја изјави дека акцијата за апсење ја извршиле полициските одделенија на Истанбул и Анкара во координација со Генералниот директорат за разузнавање и Одделот за антитероризам.

За време на операциите, 30 осомничени за кои се верува дека се вмешани во нападот на црквата Санта Марија беа уапсени од антитерористичкиот тим на полицијата во Истанбул, додека 18 други поврзани со ИСИС беа уапсени од полицискиот оддел во Анкара, јавуваат турските медиуми.

Терористичката група ИСИС ја презеде одговорноста за вооружениот напад на црквата Санта Марија во истанбулскиот кварт Сариер на 28 јануари.

Во тој напад загина 52-годишен маж.

The post Турција уапси 48 осомничени поврзани со ИСИС и напад во црква appeared first on Република.

Тетовско-гостиварската епархија на МПЦ соопшти дека утрово пријавила во полиција упад на манастирскиот имот „Св Атанасиј“ на тетовското Кале. Во упадот оштетена е црквата, искршени се сите прозорци и направена е сериозна материјална штета.

Посочуваат дека ова се случува нецели десет дена по претходното пријавување на упад во манастирот и сквернавење на црквата со декорации од знаме на друга држава.

Ова е време на големиот пост кога христијаните се подготвуваат за Христовото Воскреснување, а нашите сограѓани муслимани се во рамазански пости, па оттаму сметаме дека ова би требало да е време за преиспитување, созревање и будење на човечност, соопшти Тетовско-гостиварската епархија.

The post Вандализирана црквата „Свети Атанасиј“ на тетовско Кале appeared first on Република.

Најстариот христијански верски објект во Струга, црквата „Свети Ѓорѓи“, датира од средината на 13 век и претставува круцијален споменик на уметноста од 19 век во Струшкиот регион. Таа е едно од најстарите духовни светилишта на Балканот и во Европа.

Според историските записи, денешната црква е обновена во 1835 година врз темели на постарата средновековна црква, за која постојат сочувани стари ракописи.

Историчарот на уметност, член на МАНУ и одличен познавач на културното наследство во црквите во Западна Македонија, професор доктор Сашо Цветковски за МИА информира дека најстарата историја на црквата ја следат со иконата на Свети Ѓорѓи од 13 век. Оваа икона пак, е меѓу петте најстари во државата, датира од 1267 година. Пред седум-осум години во црковното депо беше пронајден фрагмент на фреска од Свети Ѓорѓи, што го потврдува податокот дека ова е најстар христијански верски објект во Струга, кој датира од средината на 13 век.

Цветковски посочува дека денешниот храм е изграден за само два месеци, во 1835 година, на местото каде имало многу помала црква.

Додека траела градбата бил даван поткуп, големи материјални средства на турските власти во Струга, во Охрид, па дури и во Скадар како административен центар на овој дел од територијата на Османлиската империја. Тоа било голем предизвик и напор на нашите претци, кои ова го отпочнале во средината на 19 век, вели Цветковски.

Иконостас од мермер и дрвена резба

Интересен во оваа црква е иконостасот, кој е составен од два дела. Долниот е мермерен, парапетите се со убави мермерни плочи кои се резбани, а горниот дел е со убава дебарско мијачка резба - копаница, резбана од нашите најдобри копаничари на 19 век, дебарските мајстори.

Иконостасот бил поставен 1849-та година, дрвениот резбан дел. Иконите се сликани 1850-1851 година, дело на зографи, припадници на Пелагониската зографска традиција, од работилницата во Магарево. Живописот ќе биде завршен 1874 година и тогаш е комплетирана целата декорација за внатрешното уредување на православните храмови. од поставување на иконостасот до поставување на иконите и фрескоживописот, раскажува историчарот на уметност.

Анализирајќи ги фазите на внатрешното уредување, вредноста на архитектурата и просторната концепција, црквата Свети Ѓорѓи, е силен објект од архитектонска гледна точка.

Однадвор изгледа како базилика, но внатре има пет скриени куполи, просторот е многу расчленет и многу интересен. Тоа овозможило и внатре да се наслика голема, обемна и богата програма со извонредни иконографски решенија. Зографите - браќата Макариеви од Галичник, направиле вистинско ремек дело. Тоа е нивно најуспешно и најобемно сликано остварување, додава Цветковски.

Галерија со икони и дела од богатата културна историја во црквата „Свети Ѓорѓи“

Во 90-тите години од минатиот век, во кровот на црквата „Свети Ѓорѓи“ откриени се 50-тина икони, што било мотив да се оформи и галерија.

Иконите беа пронајдени, скриени во кровот на црквата, потоа следеше нивна конзервација, чистење, реставрирање и во 2010 година оформивме галерија на икони каде баа изложени. Покрај најстарата на Свети Ѓорѓи од втората половина на 13 век, тука има икони од 15, 16 и 17 век. Во иконописот на Свети Ѓорѓи доминира поствизантискиот период, појаснува Цветковски.

Тоа, според него, се икони кои припаѓале на црквата „Свети Ѓорѓи“, но и икони кои се носени од струшките цркви, во периоди кога имало реална опасност од воени судири, кои до средината на 19 век постојано се одвивале на овие предели.

Скриени во горните парти на црквата, било еден начин да се сочуваат тие икони, да се заштитат. Таа бројка од околу 50 вредни, значајни икони е дел од нашата уметност од пост византискиот период, вели Цветковски.

Дел од богатата културна историја во црквата Свети Ѓорѓи се и 10-тината ракописи од периодот на 15, 16 и 17-тиот век.

Годинава навршуваат 170 години од завршување на живописот внатре во црквата, а по повод јубилејот тимот на професорот Цветковски подготвува монографија, односно студија, која ќе ги содржи фазите на настанувањето на фрескоживописот, иконостасот, резбата на иконостасот, иконите, вредноста на архтектурата и просторната концепција на црквата.

The post Иконостас од мермер и дрвена резба, галерија икони, стари ракописи: Црквата Свети Ѓорѓи во Струга важен споменик на уметноста appeared first on Република.

Црквата Света Марија Магдалена во Авдеевка издржа неколкумесечни бомбардирања и гранатирање и е божјо чудо, изјави протоереј Димитриј Василенко, главен воен свештеник на Руската православна црква.

Министерството за одбрана на Русија  објави снимка и фотографии покажуваат дека околните згради се уништени, но храмот е релативно недопрен.

The post Чудо во Авдеевка: Сѐ околу е сторено пепел освен црквата appeared first on Република.

Најмалку едно лице загина, а 53 се повредени на Филипините кога балкон на католичката црква се урна врз верниците за време на миса, соопштија локалните власти.

На мисата по повод празник присуствувале околу 400 луѓе.

Несреќата се случила во црква во градот Сан Хозе дел Монте, во близина на главниот град Манила.

Милиони Филипинци денеска отидоа во црква, на денот кој го означува почетокот на постот.

Извор: МИА

The post Едно лице загина, над 50 се повредени во уривање на црква на Филипините appeared first on Република.

Две маскирани лица денеска убија едно лице во католичка црква во Истанбул, соопшти турското Министерство за внатрешни работи.

Двајца мажи нападнаа и убија жртва за време на неделната миса, напиша турскиот министер за внатрешни работи Али Јерликаја на платформата Икс. Католичката црква Санта Марија се наоѓа во областа Саријер во Истанбул.

Градоначалникот на Истанбул Екрем Имамглу го осуди нападот. Јерликаја напиша дека властите работат на фаќање на напаѓачите.

Жртвата „Ц.Т., која беше меѓу оние на мисата, беше цел на напад со огнено оружје од две маскирани лица и за жал го загуби животот“, рече министерот на платформата Икс.

The Turkish Ministry of the Interior announced that an armed attack on a Catholic church in Istanbul took place during the Sunday Mass, in which at least one person was killed and two others were wounded.

The attackers fired randomly at the entrance to the church, where there… pic.twitter.com/thKCUctsxl

— S p r i n t e r (@Sprinter99800) January 28, 2024

The post Двајца маскирани убија едно лице во католичка црква во Истанбул appeared first on Република.

Огромен дел од црквата изградена во 1850 година во центарот на Нов Лондон во американската сојузна држава Конектикат се урна денеска.

Иако внатре имало жена, таа за чудо останала неповредена, соопштија властите.

Полициската управа на Нов Лондон ги предупреди луѓето да се држат подалеку од центарот на градот поради урнатата зграда. Официјалните лица споделија фотографии од она што останало од Првата конгрегациска црква на нивната Фејсбук страница.

Фотографиите кои се објавени покажуваат како огромен дел од покривот целосно се урнал.

Полицијата не ја утврди причината за колапсот и истрагата е во тек.

The post Се урна покривот на историска црква во центарот на Нов Лондон appeared first on Република.

Претседателот на ВМРО-ДПМНЕ, Христијан Мицкоски преку статус на Фејсбук објавува дека денеска бил во црквата на Светите Апостоли Петар и Павле во Ѓорче Петров, Скопје.

Денес се празнува големиот Св. Јован Крстител, чие име го носи и мојот поголем син. Традиционално со верниот народ бев во црквата на Светите Апостоли Петар и Павле во Ѓорче Петров, Скопје.

Честит именден на сите кои го носат и празнуваат овој голем ден. На сите им посакувам здравје, повеќе надеж, насмевки, крената глава и волја за промени за победа над сите несреќи, сите работи кои како сидро влечат надоле, причинуваат болка и немир.

На мојот син Јован, како родител му посакувам освен добро здравје, многу сила да се бори низ сите препреки и како и до сега, сам да си ја гради среќата и успева во животот, стои во неговиот пост на Фејсбук.

The post Мицкоски традиционално со верниците во црквата Св. Петар и Павле во Ѓорче Петров appeared first on Република.

Црквата посветена на Пресвета Богородица, во долнореканското село Ростуше, која е изградена со многу љубов и големи заложби на Бигорското братство, предводено од апископот Антаниски г. Партениј и на иницијативниот одбор од ова село, утре ќе биде осветена, а според програмата активностите почнуваат од вечерва.

Во сабота, 29 јули 2023 година, со почеток во 18 часот ќе се изврши Отворањето на Дверите на новоизградениот Храм на Пресвета Богородица во с. Ростуше. Во продолжение ќе биде отслужена голема празнична архиерејска Вечерна, на којашто ќе претстои игуменот на Свештената Бигорска Обител, Неговото Преосвештенство епископот Антаниски г. Партениј. За време на Вечерната богослужба, за поклонение ќе бидат изложени Светите Мошти коишто ќе бидат вградени во Светата Трпеза, информираат од Бигорскиот манастир.

По Вечерната богослужба, со своја културно-музичка програма ќе настапи хорот „Митрополит Козма Пречистански“ од Кичево, кој ќе изведе традиционални византиски каланди.

Утре, 30 јули, со почеток во 9 часот, ќе биде извршено осветувањето на Храмот од страна на Неговото Високопреосвештенство Митрополитот Дебарско-кичевски г. Тимотеј, во сослужение со Неговото Високопреосвештенство Митрополитот Тетовско-гостиварски г. Јосиф и Неговото Преосвештенство епископот Антаниски г. Партениј. По осветувањето следува Божествена архиерејска Литургија, наведуваат од манастирот.

По историскиот чин на осветувањето и архиерејската Литургија со своја традиционална културно-уметничка програма ќе настапат составот „Чалгија мерак“, како и ансамблот „Македонија“.

По тој повод Свештената бигорска обител, со голема чест и радост ги поканува почитуваните верници, сите ростушани и пријатели на Река и на Мијачкиот крај, да присуствуваат на овој свет и значаен настан за овој крај.

Според историски извори, со сигурност се знае дека во ова долнореканското село суштествувал велелепен храм посветен на Пресвета Богородица, уште од византиско време, но бил разурнат и на негово место изграден друг објект.

Храмот е идејно обмислен од страна на владиката Партениј, изграден е од камен и од тули, во препознатливиот византиски стил опус микстум, и структурно наликува на старата црква што била на сред село, крстообразна, со голема купола на средината, со конхи од страните и со камбанарија над тремот.

The post Утре ќе се освети сечесниот храм на Мајката Божја во село Ростуше appeared first on Република.