Главните африкански фабрики во Брегот на Слоновата Коска и Гана кои преработуваат какао прекинуваат со работа, бидејќи не можат да си дозволат купување на сировата билка во облик на зрно, наведуваат извори од индустријата.

Тоа значи дека чоколадото веројатно ќе поскапи низ целиот свет, а произведувачите веќе ги креваат цените за потрошувачите, пренесува Ројтерс.

Ваквата ситуација е резултат на трите години лоши берби на какаото, а се очекува и четврта во споменатите две африкански земји, кои произведуваат речиси 60 отсто од светските количества на таа билка.

Какаото во минатата година повеќе од двојно поскапе, па произведувачите на чоколадо не можат да си го дозволат и зависат од преработувачите кои можат да ги претворат зрната во путер и ликер, од што можат да прават чоколадо.

Преработувачите истакнуваат дека не можат да ги купуваат зрната поради високата цена.

Како што наведуваат изворите, наскоро би можеле да се затворат уште државни фабрики во Брегот на Слоновата Коска, во која е сместено речиси половина од светското производство на какао.

Повеќето од осумте големи фабрики на вториот голем произведувач Гана, вклучувајќи ја и државната фабрика за преработка, повеќе пати ја прекинуваат работата, од почетокот на сезоната во октомври, пишува Ројтерс.

The post Чоколадото веројатно ќе поскапи: Африка ја запира преработката на какао appeared first on Република.

Светските цени на какаото достигнаа нови рекорди, а причина за тоа е сушата која ги оштети посевите во Западна Африка.

Цената на какаото на њујоршкиот пазар достигна 5.874 долари за тон. Така, цената на оваа клучна состојка за правење чоколадо е речиси двојно зголемена од минатата година. Тоа веќе го чувствуваат главните производители на чоколадо, но и крајните потрошувачи.

Еден од најголемите светски производители на чоколада, американскиот „Херши“, објави дека очекува историски високите цени на какаото да го ограничат растот на заработката оваа година. Извршниот директор на „Херши“, Мишел Бак, не ја исклучува можноста за зголемување на цените на чоколадото за крајните клиенти.

Друг американски производител, „Монделез“, како еден од предизвиците оваа година го посочи зголемувањето на цените на состојките за правење чоколадо. Главниот финансиски директор на „Монделез“, Лука Зарамела изјави дека се соочуваат со значително зголемување на цените на какаото и шеќерот.

Цените на какаото се зголемија поради слабата жетва во Западна Африка, каде што производството задоволува најголем дел од глобалната побарувачка за какао.

Метеоролошкиот феномен Ел Нињо предизвикува суши во Гана и Брегот на Слоновата Коска, два од најголемите светски производители на какао. Повисоките температури и промените во обрасците на врнежите се последица на климатските промени, а влијаат и на жетвата, објави „Би-Би-Си“.

The post Не очекува значително поскапување на чоколадото: Рекордно растат цените на какаото низ светот appeared first on Република.

Веќе не мора да замислувате каков вкус би имало чоколадото со чварки, сега можете да го пробате! Да, тоа е точно, направено е чоколадо со чварки, а за тоа е задолжена хрватската компанија „Краш“, која реши да ги изненади сите оние кои се „шегуваа“ дека би сакале да пробаат ваков тип чоколада.

„Краш“ на својата Фејсбук страница објави дека направиле чоколадо „Дорина“ во кое има чварки, а тоа ги воодушеви сите љубители на слатки!

Со оглед на тоа што оваа комбинација првпат се спомна на 1 април, и тоа на шега, од компанијата истакнуваат дека интересот бил толку голем што навистина решиле да ја реализираат идејата поточно „шегата“.

Побаравте, добивте! „Дорина Чварак“ е навистина тука! Поради големиот број на позитивни коментари, решивме да одиме чекор понатаму – ограничено издание „Дорина Чварак“.

Не е шега. На сите оние кои позитивно ја коментираа нашата првоаприлска шега и сакаа да ја пробаат „Дорина“ со чварки, испраќаме една копија на нивната адреса. Контактирајте не во инбокс и ви благодариме што не инспириравте ова да го направиме реалност - напишаа на страницата на „Краш“.

Количините на ова чоколадо се ограничени, па секој што сака да го проба може да го направи во сабота на 30.4. во „Kraš Choco & Café“ на главниот плоштад во Загреб.

The post Почна како шега, ама хрватска фабрика навистина го произведе првото чоколадо со чварки appeared first on Република.

Не мора да го гаснете светлото за да го прекршите заветот дека нема да каснете благо. Има решение ако ве нападне стрв за чоколадо додека се обидувате да создадете совршена линија. Нутриционистот Лорен Манакер советува следниот пат кога ќе се појави напад на желба за слатко, наместо чоколадо да изедеме една или две суви сливи.

Сливите брзо заситуваат и можат да ја задоволат гладта. Според студијата објавена во Journal of Nutrition Bulletin, луѓето кои јаделе сливи чувствувале помалку глад и внесувале помалку калории од оние кои јаделе било што друго, вели нутриционистот.

Друг начин на кој овие сушени плодови можат да помогнат да се намали желбата за слатки е тоа што тие се природно слатки и дека за разлика од благото, содржат природни антиоксиданси, витамини и минерали.

Сепак, сувото овошје не им се препорачува на дијабетичарите токму поради количината на шеќер што го содржи. Една слива има 3,5 грама природен шеќер и важно е да не се претера – потсетува Манакер.

The post Има решение ако ви се пријаде чоколадо, а решени сте да слабеете appeared first on Република.