На новинарско прашање Мицкоски денеска соопшти дека насекаде низ светот собираат информации од кредибилни партнери за учество во овој стратешки проект од кој покрај производство на електрична енергија со планираното ново езеро ќе има уште еден резервоар за вода за граѓаните, за наводнување и за развој на туризмот.

-Идејата е да видиме колку е можно повеќе, насекаде низ светот да собираат информаци од кредибилни партнери за нивно учество во вакви стратешки проекти, во таа насока беше и средбата со господинот Гренел, плодна и успешна неколкучасовна средба. Разгледани се многу опции и можности. Секако дека ние као држава би биле партнер во тој проект бидејќи за нас Чебрен е од стратешко значење бидејќи не сите проекти се економски ислатлив и не сите проекти се за таа намена за која што првично мислиме. Да, проектот Чебрен во јавноста е познат како хидроцентрала, која треба да произведува електрична енергија, но јас не би занемарил и фактот дека лично сум убеден дека на идните генерации им е потребен уште еден резервоар вода имајќи ги предвид глобалното затоплување и предзивиците со него. Мислам дека новото езеро што ќе биде со овој проект ќе биде уште една можност за генерациите кои доаѓаат по нас да имаат уште еден резервоар вода, рече Мицкоски.

Како што дополни, околу 55 илјади хектари во Тиквешко поле ќе имаат дополнителен резервоар за наводнување и ќе има можности за развој на туризмот. - Таму нема ограничувања од аспект на заштита на животната средина. Можеме да го развиваме туризмот и да направиме населби кои ќе значат многу за локалната економија, но и за нас како држава. Дури потоа доаѓаме до четвриот приоритет, прозводството на електрична енергија, рече Мицкоски.

Ќе се утврдува дали проектот ќе се реализира со стратешки партнер или државата ќе обезбеди финансирање, но како што нагласи, ќе се пристапи внимателно, односно нема да се влегува наивно во проектот.

-Набргу од денеска очекувам да разработиме јасен план и набргу од денеска очекувам да почнеме и конечно да го завршиме овој проект. Дали тоа ќе биде со стратешки партнер, дали државата ќе обезбеди финансирање, па самата ќе го изгради, ќе направиме јасна анализа врз основа на информациите што сега ги собираме. Нема да влеземе наивно во овој проект и со големи ѕвона да го најавуваме - готово е завршена е работата. Не, многу сме внимателни, гледате колку внимателно пристапуваме кон сите проблеми, рече премиерот Мицкоски.

Од Владата претходно соопштија дека на средбата на Мицкоски и Гренел се анализирале можностите за искористување на потенцијалите за идни заеднички инвестиции во проекти значајни за регионот. Во тој контекст била разгледана можноста за евентуално американско учество во енергетскиот проект „Чебрен“, кој има стратешко значење за енергетската независност на земјата.

Во јануари годинава пропадна 14-тиот обид за изградба на хидроцентралата Чебрен откако грчката државна компанија ППЦ „Архидрон“ со која требаше да се спроведе преку јавно-приватно партнерство не ја продолжи банкарската гаранција што беше активна до крајот на минатата година.

The post Набргу јасен план и анализа за да го почнеме проектот Чебрен, најави премиерот appeared first on Република.

За изградба на ПАХЕ Чебрен и на водородногасоводни централи во Неготино и во Битола треба да се направи анализа колку една таква инвестиција би го оптоварила јавниот долг визави приватен инвеститор и да се направи костбенефит анализа во која треба да се види колку државата добива од производство на електрична енергија, па потоа да се одлучи дали треба државата сама да ги прави или преку приватен инвеститор, порача денеска премиерот Димитар Ковачевски.

Секогаш е добро од финансиски аспект да имате приватен инвеститор којшто инвестира. Во тој случај ќе ја имате инвестицијата, а нема да го оптоварите јавниот долг со нови задолжувања. Јас го почитувам мислењето на Здружението на инженерите дека треба да се прават со сопствени средства, тоа се искусни луѓе. Дел од нив се присутни во научната и во практичната сфера по четири децении. Четири децении тие капацитети не се изградени во државата, рече Ковачевски во одговор на прашање при денешната посета на Универзитетска клиника за ортопедски болести заедно со министерот за здравство Фатмир Меџити.

Нагласи дека минатата година работевме на справување со енергетска криза со капацитети стари по 45 години.

Битола и Неготино се капацитети од 1984 година со руска технологија и само благодарение на вештината на вработените таму тие работа со полн капацитет, рече Ковачевски.

Дали е подобро да се градат со сопствени средства енергетските капацитети или со приватен инвеститор, додаде, анализа ќе направи Министерството за финансии кое има дневна соработка со ММФ, со Светска банка, каде постојат модели како најдобро се прават тие инвестиции.

Според мене, водородногасните централи треба да ги правиме со Генералелектрик од САД кои се наш најголем пријател споредено со сите други држави. Мислам дека дава долгорочна стабилност и сигурност во делот на енергетскиот сектор доколку се работи со инвеститор од САД. Меѓутоа, тоа е мое мислење кое што ќе биде едно од мислењата при носењето на финалните одлуки, кога ќе дојде времето кога ќе треба да се носат и да се инвестира во овие капацитети, посочи Ковачевски.

Прецизира дека во Буџетот на државата од 5,6 милијарди евра – 1,3 милијарди се за пензии, 0,9 милијарди за здравство, 0,5 милијарди се за плати.

Веќе половина од тие 5,6 милијарди се недискрецески трошоци, плус дополнително за одбрана, МВР, култура итн. Дискрецискиот дел на Владата се однесува на капиталните инвестиции, а веќе имаме една инвестиција од 1,3 милијарди евра и затоа секое ново оптоварување на Буџетот мора да биде консултирано и со оние коишто го финансираат дефицитот. Финансирањето на дефицитот кај нас се прави преку ММФ, Светска банка, преку еврообврзниците, рече Ковачевски и додаде дека во 2024 година нема да издаваме еврообврзница, бидејќи веќе направивме добри аранжмани со СБ и со другите кредитори.

Здружението на инженери на Република Македонија денеска до Владата и до Собранието достави Иницијатива за донесување на Закон за изградба на ПАХЕ Чебрен со сопствени средства.

The post Ковачевски: Треба да се направи анализа дали енергетските капацитети треба да ги градиме со сопствени средства appeared first on Република.

Здружението на инженери на Република Македонија денеска до Владата и до Собранието достави Иницијатива за донесување на Закон за изградба на ПАХЕ Чебрен со, како што велат, македонски сили.

Здружението на инженери во изминатиот период реагираше до надлежните институции во врска со 14. тендер за изградба на хидроцентралата Чебрен кој пропадна откако грчката компанија „ППЦ Архиродон“, која лани на 14 септември беше избрана за најдобар понудувач, не ја продолжи банкарската гаранција што и важеше до 31 декември 2023 година . При тоа од Здружението порачаа дека Чебрен треба да се гради со сопствени средства од државата, а не по пат на јавно–приватно партнерство, бидејќи станува збор пред се за водостопански, а потоа за енергетски проект. Изразија сомневање дека се направени суштински, правни, економски и стручно-научни недостатоци во постапката при подготовка и реализација на тендерот за доделување концесија за користење вода за производство на струја со изградба на хидроелектраните на Црна Река.

-Бидејќи премиерот јавно нѐ повика да ги доставиме забелешките за проектот Чебрен, по што во јавноста најавивме дека ќе покренеме соодветна иницијатива, Ве известуваме дека денес до Владата и Собранието ја доставивме Иницијативата за донесување на Закон за изградба на Чебрен со македонски сили, посочуваат од Здружението на инженери.

Во прилог е предлог-иницијативата што ја доставија до Владата и до Собранието:

-Врз основа на членовите 24 и 71 од Уставот на Република Македонија и членовите 3, 4 и 5 од Законот за постапување по претставки и предлози, а согласно одредбите од Деловникот на Собранието на Република Македонија и Деловникот за работа на Владата на Република Македонија, ја поднесуваме следната

ПРЕДЛОГ - ИНИЦИЈАТИВА

за донесување Закон за финансирање на изградбата на водостопанско-енергетските објекти со име “Проект Чебрен“, како интегрално решение по должината на сливот на Црна Река, а е составен дела од Стратегија за развој на енергетиката во Република Македонија до 2040 година со која бараме пратениците во Собранието или Владата користејќи го своето право и должност да ја прифатат оваа иницијатива за донесување на овој Закон.

Целта на оваа ИНИЦИЈАТИВА е активностите на државните институции кои ќе бидат делегирани за спроведување на овој капитален проект од стратегиски интерес за државата, да се стават во законски рамки за да се овозможи непречена реализација, без обѕир која политичка партија ја формира Владата.

Некои од основните прашања и одговори, кои ја поткрепуваат потребата за донесување на овој Закон се:

Дали е потребно овој капитален проект да се изгради? ДА!

Дали Македонија може да раководи со реализацијата на овој проект? ДА!

Дали е лесно да се реализира овој проект? НЕ!

Дали реализацијата на овој проект е Проблем ? НЕ, таа е ПРЕДИЗВИК за македонското општество.

Дали Македонија може финансиски да го поднесе овој проект? ДА, преку интелигентно финансиско управување (Financial Management).

Изградбата на капиталниот објект со препознатливото име “Проект Чебрен“ е тема за која има спротивставени мислења околу тоа: кој да го гради и на кој начин. Досегашното искуство со 14 Јавни повици за партнерство со инвеститори од други земји се покажа дека не е функционално. Причините се различни, затоа што и условите кога тие беа објавени беа различни. Битно е дека ПРОЕКТОТ Е ЕКОНОМСКИ ИСПЛАТЛИВ И ОПШТЕСТВЕНО КОРИСЕН од енергетски водостопански и социјален аспект. Проектот е проследен со ризици поради стохастичката природа на водата како природен обновлив ресурс. Единствено е прашањето за колку години ќе се отплати инвестицијата. Ако Проектот не е исплатлив, не би се јавил ниту еден учесник на јавниот повик.

При денешна состојба, евидентна е брзата изградба на голем број сончеви фотоволтаични централи. Во определени периоди, може да се добие (купи) евтина електрична енергија, која не може да се пласира на берзата за трговија со електрична енергија. Со тоа се зголемува оправданоста за реализацијата на пумпно-акумулациониот хидроенергетски објект и може да се скуси периодот за враќање на инвестираните средства (Simple Payback Period).

Водата е со голема вредност денес, а во наредните десетлетија таа ќе станува сѐ поценета како стратегиски ресурс на секоја држава, но и во светски рамки. При носењето на одлуките, мора да се води сметка за суверенитетот и територијалната целина на државата како и уредувањето на територијата за потребите на одбраната предвидени со Планот за одбрана на Републиката. А во определувањето на економската оправданост на овој Проект потребно е да се анализираат многу важните придобивки кои се постигнуваат и тоа:

· Наводнување на земјоделските површини во Пелагонискиот и Тиквешкиот регион;

· Работа на домашните градежни и други компании во реализацијата на проектот;

· Обука во реални услови на припадниците на армијата од родот Инженерија во процесот на минирање и уредување на непристапниот терен;

· Внесување на современо Know-how во македонското стопанство;

· Надградба на македонски стручен кадар, неопходен за нашето стопанство и

· Позитивниот социјален ефект во однос на бруто-домашниот производ.

Од решенијата на овој Проект многу зависат одговорите и на следниве прашања: Колкаво е учеството на секој метар кубен вода во зголемување на приносот на земјоделските култури? Какво е влијанието на климатските промени во однос на очекуваниот годишен просек на врнежи? Кои количини вода се потребни за денешното ниво на индустријата и кои се очекувањата во блиската иднина од 10-20 години? Од каде ќе се обезбеди наводнувањето на Пелагонија и Тиквешко Поле, покрај другите извори и сл.

Постојат поголем број предлог-решенија кои се на ниво на идеја, пред-фисибилити или фисибилити студија. Во нив во суштина доминираат две насоки:

· Неколку брани во каскада со помала височина (Скочивир, Чебрен, Галиште, Орлов Камен) или

· Голем Чебрен (брана од 192 метри) придружен со мала брана Орлов Камен, за да се овозможи реверзибилна работа на постројките.

Потребно е целата досегашна инвестициско-техничка документација од секторите на електростопанство, земјоделие, животна средина, академските институции да се собере на едно место. Врз основа на длабинска анализа (Due Diligence), експертска работна група ќе дефинира најдобро прифатливо решение во однос на националните интереси на Република Македонија за кое ќе се изработи соодветна проектна документација (Идеен проект). Идејниот проект треба да биде ревидиран од реномирана ревизорска компанија. Следува изработката на главни проекти со кој ќе се дефинира РЕАЛНАТА ЦЕНА ЗА ИЗГРАДБАТА НА ОВОЈ ПРОЕКТ. После тоа може да се пристапи кон изработка на План за реализација на Проектот во сите негови фази (BIM - Building information modeling) во кој е вклучен и начинот на финансирањето и протокот на паричните средства (Business Plan).

Креирањето на соодветната правна рамка, која јасно ќе ги дефинира основите врз кои ќе се врши реализацијата и ќе се уредуваат внатрешните односи, претставува приоритетна задача сама по себе од највисоко ниво. Законот треба да биде подготвен со јасни и прецизни законски и подзаконски норми, без простор за толкување на законските решенија, со што се постигнува целта при спроведување на законот во практиката.

Политиката за наградување на изработувачите на целокупната документација треба да е соодветна и да одговара на оптовареноста и на одговорноста на учесниците за да може да се привлечат компетентни и искусни професионалци со цел да им се овозможи да вложат доволно време и енергија за извршување на своите задачи на одговорен и независен начин.

Доколку не биде донесен овој Закон, реализацијата на овој капитален проект ќе биде зависен единствено од политичката гарнитура која е на власт, нејзиниот капацитет и приоритет со повеќегодишно одложување на решавањето и повторно отворање на дилемата: Јавно приватно партнерство или изградба на овој капацитет со сопствени сили.

Со донесување на Законот, дел од придобивките кои ќе бидат овозможени се:

· Формирање на компанија, акционерско друштво, во 100% сопственост на Македонија, со однапред дефиниран годишен буџет, кој не зависи од моменталната политичка гарнитура во Владата.

· Средствата кои ќе се издвојат од буџетот ќе се вратат назад на ангажираните компании од поедините сектори на стопанството (градежништво, машинство, автоматика, електроенергетика и др.). Се зголемува БДП.

· Ќе се отворат нови работни места за невработените и млади кадри, преквалификуваните работници од термоцентралите кои ќе се затворат и нашите работници и експерти од странство.

· Учесниците во реализацијата, по потреба ќе се здружуваат, ќе се стекнат со дополнително искуство и референци за да настапат и на пазарот на труд надвор од Македонија.

· Армиските припадници од родот Инженерија ќе се стекнат со многу потребните практични знаења и искуства истовремено влијаејќи на намалување на трошоците за реализација на Проектот.

· Ќе се доделат стипендии на студенти од соодветните Технички факултети, со вработување на најдобрите поединци.

· Ќе се намали одливот на високо стручен кадар надвор од државата.

· Ќе заживее и ќе се рехабилитира македонската градежна оператива.

· Ние како држава ќе решаваме кој ќе ја испорача опремата, со можност дел да се произведува кај нас, а нашите млади инженери да бидат кај нив на пракса.

· Ние како држава ќе решаваме кои експерти ќе ги ангажираме за да учествуваат во проектирањето на деликатните делови, придружувани од наши млади инженери.

· Ќе се овозможи учество на домашни и странски инвеститори, со право на дел од добивката после реализацијата на проектот.

· Можност да се добијат средства од Европската Унија за енергетската транзиција (гаснење на термоцентралите) во согласност со Зелениот договор (Green Deal).

· При анализите на проектот ќе се усогласат перформансите со проектот Вардарска долина.

Во Владата има доволен број советници, кои можат да го изготват или барем да придонесат при изработката на овој Закон, а со неговото објавување на страницата на ЕНЕР, јавноста ќе може да ги достави и своите коментари.

Имајќи го сето ова предвид, оваа Иницијатива за донесување Закон за финансирање на изградбата на водостопанско-енергетските објекти со име “Проект Чебрен“ очекуваме да биде доставена до Претседателот на Владата, Претседателот на парламентот и сите пратеници, како би можеле истата со должно внимание да ја разгледаат. Воедно, очекуваме да нè известите за вашето понатамошно постапување.

Скопје, 11.01.2024 година

Подносители:

Проф. д-р Константин. Димитров

Проф. д-р. Атанаско Тунески

Проф. д-р. Дејан Трајковски

Проф. д-р. Вангел Фуштиќ

Проф. д-р Арсен Арсенов

Проф. д-р. Ана Лазаревска

МБА, Јасминка Димитрова Капац дипл.инж.

генерал потполковник Методија Величковски

Проф. д-р Благица Новковска

адвокат Тони Менкиноски

Петар Трајков инж.арх.

м-р Панзо Андонов дипл.ел.инж.

Јордан Ставров дипл.инж.

Илија Бендевски дипл.инж.

амбасадор Ивица Боцевски

полковник Душко Несторов

Цветко Милошевски дипл.инж.

м-р. Михајло Дранговски инж.арх.

Владимир Пандовски - менаџер

Дејан Димовски дипл.ел.инж.

Христо Ивановски - новинар

Владимир Дунговски дипл.ел.инж.

Златко Поповски дипл.ел.инж.

м-р. Дениз Мустафаоглу дипл.инж.

The post Здружението на инженери достави иницијатива до Владата и Собранието за изградба на ПАХЕ Чебрен со сопствени средства appeared first on Република.

Во Министерството за животна средина и просторно планирање (МЖСПП) во подготовка е информацијата со која ќе ја известат Владата дека се поништува постапката за тендерот за изградба на Чебрен, на кој единствен понудувач беше компанијата ППЦ-Архиродон, потврди министерката за животна средина и просторно планирање Каја Шукова. Таа кажа дека до утринава нема добиено информација од грчката компанија зошто се откажале од проектот.

До денеска утрово додека бев на работа се уште немаше ништо од грчката компанија, а подготвуваме веќе информација на Влада и подготвуваме одлука заедно со правниците и консултантите на наредната седница на Влада оваа информација ќе оди за поништување и за затворање на процесот за Чебрен – изјави Шукова на новинарско прашање по денешната панел- дискусија во Скопје во рамки на кампањата на Владата „Европска иднина, поблиску од кога било“.

Шукова на прес-конференција на 3 јануари, годинава, информира дека тендерот за изградба на Чебрен е пропаднат бидејќи заклучно со 31 декември не пристигнало продолжување на банкарската гаранција од страна на избраниот понудувач на тендерот и со самото тоа веќе не е активна понудата на ППЦ-Архиродон.

Ги разгледавме сите документи согласно тендерското досие и тендерската документација, постојните закони во државата. МЖСПП како надлежна во овој процес ќе подготви информација и ќе ја информира Владата дека ќе достави одлука за поништување на постапката – информираше тогаш Шукова.

Таа појасни дека согласно тендерската документација додека е активна банкарската гаранција понудувачот требало да пристапи кон договор за заедничко вложување со ЕСМ, а тоа не го направила и не продолжила банкарската гаранција после 31 декември.

ППЦ-Архиродон на 14 септември 2023 година беше избран за најповолен понудувач на 14. тендер за изградба на реверзибилната хидроцентрала ПАХЕ „Чебрен“. Подоцна имаше забелешки на јавниот повик и до крајот на 2023 година требаше да одлучи дали ќе продолжи со проектот. Првично одлуката требаше да ја донесе до 14 декември, но Министерството за животна средина и просторно планирање го продолжи рокот до 15 јануари 2024 година заради жалбената постапка која беше во тек, но банкарската гаранција им важеше до 31 декември 2023 година.

Владата на 14 септември на 185-тата седница донесе одлука со која се овозможи реализација на хидроцентралата Чебрен, со проценетата вредност на инвестицијата од околу една милијарда евра. Со одлуката беше предвидена изградба на реверзибилна хидроцентрала со инсталиран капацитет од најмалку 333 мегавати. Предвидено беше Чебрен да има функција на производство на електрична енергија, како и режим на пумпање и враќање на водата назад со што на Црна Река беше предвидено создавање на ново вештачко езеро. По завршување на проектирањето и обезбедувањето на потребните документи се очекуваше да се почне со градба која беше предвидено да трае седум години.

The post Шукова: Нема информација од грчката компанија зошто се откажала од проектот за „Чебрен“ appeared first on Република.

Здружението на инженери ќе покрене иницијатива да се донесе закон со којшто ќе почне да се гради Чебрен со македонски сили, најави вечерва Константин Димитров, кој е дел од ова Здружение.

Димитров за централниот дневник на телевизија „Сител“ изјави дека имаме капацитет сами да го изградиме Чебрен и дека ова е проект којшто треба да го обедини општеството.

Да се донесе закон за изградба на Чебрен, Галиште, Скочивир т.е. да се реши интегрално програмата со сливовите на реките каде Црна Река е дел од Вардарска долина. Да се направи закон којшто не може да се менува без разлика која влада и да дојде. Однапред да се дефинираат средства коишто не се големи, рече Димитров.

Здружението на инженери во изминатиот период реагираше до надлежните институции во врска со тендерот за изградба на Чебрен. Изразија сомневање дека се направени суштински, правни, економски и стручно-научни недостатоци во постапката при подготовка и реализација на тендерот за доделување концесија за користење вода за производство на струја со изградба на хидроелектраните на Црна Река.

Четиринаесетиот тендер за изградба на Чебрен пропадна. Министерката за животна средина и просторно планирање Каја Шукова денеска информираше дека грчката ПЦЦ Архиродон ја нема продолжено банкарската гаранција.

Заклучно со 31 декември не пристигна продолжувањето на банкарската гаранција од страна на избраниот понудувач на тендерот за изградба на Чебрен и со самото тоа веќе не е активна понудата на ППЦ-Архиродон. Министерството за животна средина и просторно планирање (МЖСПП) ќе ја извести Владата дека тендерот пропадна, рече Шукова на прес-конференција.

The post Димитров: Ќе покренеме иницијатива да се донесе закон за изградба на Чебрен со домашни сили appeared first on Република.

Пред еден месец предупредив на недоследности во тендерската постапка. Тогаш Владата и Бислимовски оркестрирано излегоа за да кажат дека нема ништо спорно и дека ни било криво за тоа што проектот ќе успеел. Но толку им е знаењето. Тогаш јавно кажав дека за жал Владата ниту има капацитет, ниту знаење, а ни визија за тоа да го направи, вели претседателот на ВМРО-ДПМНЕ, Христијан Мицкоски во интервју за порталот Прес 24.

Мицкоски објаснува како грчкиот инвеститор за Чебрен е доведен во заблуда.

„Во првата одлука на Владата конкретно во членот 5 се наведени процедурата и условите кои што ги донела владата и таму е пропишано дека државата ќе и ја подари ХЕЦ Тиквеш на компанијата што ќе ја добие оваа набавка после три месеци од датумот на започнување на изградбата. Втора одлука се носи веќе во месец февруари истата 2020 година, само еден месец подоцна, од страна на техничката влада на Оливер Спасовски и оваа одлука е за изменување на претходно донесената одлука со што со новиот акт членот 5 ставот 3 се брише“, објаснува Мицкоски.

https://republika.mk/vesti/ekonomija/dokumenti-vladata-sakashe-so-chebren-i-tikvesh-da-svrti-100-milioni-evra/

Практично, додава Мицкоски, Владата на Спасовски ја модифицира одлуката на владата на Заев.

„Она што е фрапантно е што тие во повикот за доделување на концесија се повикуваат на поништената одлука, но модифицирана. Односно, поништената одлука или првата одлука која што ја донела владата вели дека државата на добитникот ќе му ја отстапи ХЕЦ „Тиквеш“ за три месеци откако ќе почне градбата. Владата на Ковачевски повикот го спроведува на непостоечка одлука. На 14 септември 2023 година се носи одлука на Влада каде што се избира најповолен понудувач за Чебрен односно грчкото електростопанство. Владата во таа одлука се повикува и на двата Службени весници каде се објавени претходните одлуки, и онаа во која се вели дека ја дава „Тиквеш“ три месеци откако ќе почне градбата, и онаа во која тоа се брише“, кажува Мицкоски во интервјуто.

Мицкоски заклучува дека „јасно е дека процесот е фалименто, и дека ќе удрат во ѕид“

The post Mицкоски за „Чебрен“: Пред еден месец предупредив на недоследности во тендерската постапка appeared first on Република.

Заклучно со 31 декември не пристигна одлука за продолжување на договорот за Чебрен. МЖСПП ќе ја извести Владата дека тендерот пропадна, информира ресорниот министер Каја Шукова.

Според неа, компанијата во овие услови не обезбеди средства од банките за да можат да го градат. Банкарската гаранција од 1,4 милиони евра од Архиродон нема да се активира.

ППЦ-Архиродон на 14 септември 2023 година беше избран за најповолен понудувач на 14. тендер за изградба на реверзибилната хидроцентрала ПАХЕ „Чебрен“. Подоцна имаше забелешки на јавниот повик и до крајот на 2023 година требаше да одлучи дали ќе продолжи со проектот.

Првично одлуката требаше да ја донесе до 14 декември, но Министерството за животна средина и просторно планирање го продолжи рокот до 31 декември 2023 година заради жалбената постапка која беше во тек.

Владата на 14 септември на 185-тата седница донесе одлука со која се овозможи реализација на хидроцентралата Чебрен, со проценетата вредност на инвестицијата од околу една милијарда евра. Со одлуката е предвидена изградба на реверзибилна хидроцентрала со инсталиран капацитет од најмалку 333 мегавати. Предвидено е Чебрен да има функција на производство на електрична енергија, како и режим на пумпање и враќање на водата назад со што на Црна Река е предвидено создавање на ново вештачко езеро. По завршување на проектирањето, и обезбедувањето на потребните документи се очекува да се почне со градба која е предвидена да трае седум години.

Идејата и проектирањето за големиот хидроенергетскиот проект Чебрен започнува со првите физибилити студии во 60-тите години од минатиот век. Досега имало 13 неуспешни тендери во период од последните 20 години, а последниот јавен повик, пред тековниот, е објавен во 2016 година.

The post Шукова: МЖСПП ќе ја извести Владата дека тендерот за ХЕЦ Чебрен пропадна appeared first on Република.

Уште пред еден месец лидерот на ВМРО-ДПМНЕ Христијан Мицкоски отворено предупредуваше за пропусти во постапката за реализација на проектот Чебрен. Алармиравме дека Владата неколку пати ги менувала одлуките поврзани со изградбата на хидроцентралата „Чебрен”, со што создаде сложена ситуација и потенцијално голем проблем во иднина. Тогаш СДС тврдеше дека нападите се малициозни и невистинити. Месец подоцна проектот пропадна, реагира ВМРО-ДПМНЕ.

Од партијата посочува на неколку одлуки на владата кои се збунувачки и спротивставени кои подоцна влијаеја на однесувањето на инвеститорот.

-Прво Владата на Зоран Заев на 24 декември 2019 година донела одлука за отпочнување на постапката, во која се вели дека на компанијата што ќе ја добие оваа набавка ќе и биде отстапена и хидроцентралата „Тиквеш” три месеци откако ќе почне изградбата. Почнува да се гради, три месеци потоа го добиваат „Тиквеш”, па потоа треба да изгради 400-киловолтна трафостаница „Мариово” каде што ќе се поврзе хидроцентралата- наведуваат од ВМРО-ДПМНЕ.

Според партијата нова промена е направена и за времена техничката влада предводена од Оливер Спасовски.

Таа носи нова одлука на 4 февруари 2020, со која се бришат сите овие обврски наведени во првичната одлука. А две недели подоцна е објавен и јавниот повик, и во него избришаните обврски повторно се појавуваат. Ситуацијата дополнително се комплицирала со тоа што во меѓувреме е објавен повикот за компаниите да учествуваат во пред квалификацијата, во кој се вели дека победничката компанија ќе ја добие ХЕЦ „Тиквеш” три месеци откако ХЕЦ „Чебрен” ќе почне со работа, односно ќе биде завршена градбата. Тоа е голема разлика бидејќи ако од прилика таа градба трае шест години, а ХЕЦ „Тиквеш” произведува отприлика 140-150 илјади мегават часови, пазарната цена е некаде околу 120 евра мегават час, но таа е пикова енергија и е уште поскапа, но еве да речеме 120 евра мегават час, помножено со 6 години ние добиваме сума од 100 милиони евра – велат од ВМРО-ДПМНЕ.

Оттаму додаваат дека во кус период се донесени повеќе документи што не се поклопуваат еден со друг, што предизвика проблем.

Конфузијата продолжила и понатаму во постапката, па така на 14 септември минатата година сегашната влада ја избира групата „ППЦ-Архиродон”, односно грчкото електростопанство, како најповолен понудувач, повикувајќи се на одлуките пред три и пол години во кои ХЕЦ „Тиквеш” еднаш се дава три месеци по почетокот на градбата, а вториот пат се брише. Владата во обид да си направи свој нов бонбона бизнис од 100 милиони евра дополнително се заплетка. Затоа поради овој криминал и неспособност никогаш не се живеело полошо. Важно е да ги поразиме! – наведуваат од партијата.

The post ВМРО ДПМНЕ: Тендерот Чебрен пропадна поради пропусти и немање капацитет ниту знаење од владата за капитални проекти appeared first on Република.

Пропадна тендерот за Чебрен. Истече рокот во кој грчки Архиродон требаше да стави потпис на договорот за изградба на хидроцентралата. Банкарската гаранција со важност до 31-ви декември не е продолжена.

Министерката за животна средина во телефонски разговор за Сител откри дека е формиран тим од правници кои веќе ги анализираат следните чекори. Меѓу нив и дали ќе се активира банкарската гаранција вредна речиси еден и пол милион евра. Нивните препораки потоа ќе одат на разгледување во Владата.

Грчката компанија претходно поднесе жалба оти условите на тендерот биле поинакви од владината одлука. Побараа измени и не го потпишаа договорот за формирање акционерско друштво со ЕСМ, во кое македонската страна ќе има третина од капиталот.

Голем дел од експертите повикаа Чебрен да не се дава на странци. Преку јавни дебати ги презентираа лошите страни од договорот. Здружението на инженери поднесе пртеставки до неколку институции и до претседателот Пендаровски. Нивниот став беше дека државата има капацитет да го изгради овој проект.

Договорот кој остана непотпишан вели дека Архиродон за 1 милијарда евра треба да ја изгради хидроцентралата на Црна Река, а за возврат да добие две третини од управува во наредните 60 години, како и ХЕЦ Тиквеш.

Чебрен е децениски проект. Првиот тендер за јавно-приватно партнерство за изградба на хидроцентралата се појавува во 2006 година и досега пропаднаа вкупно 13 тендери.

The post Пропадна тендерот за изградба на Чебрен appeared first on Република.

Истече рокот кој грчката фирма „Архиродон“ го имаше за да стави потпис на договорот за проектот „Чебрен“ и изградба на хидроцентралата на Црна река. Со ова повеќе од извесно е дека ќе пропадне и 14-от тендер за изградба на „Чебрен“.

Според информациите на Телма, по налог на министерката Шукова, денeска е формиран тим од правници кои веќе работеле на проектот и тие имаа имаат задача  да ја разгледаат комплетата документација за тендерот и најдоцна до утре да донесат препораки кои треба да бидат следните чекори на надлежните институции во Македонија. Оваа препорака потоа министерката Шукова ќе ја достави до Владата.

Претходно не се потпиша ниту договор со грчката фирма за формирање на заедничко тело со ЕСМ за вложување и да се формира заедничка компанија која треба да продолжи со реализација на овој проект

Грчката компанија „Архиродон“ поднесе и жалба  поради тоа што условите во тендерот биле поинакви од оние кои се донеле со одлука на Влада и бараа измени.

Голем дел од експертската јавност е децидно против грчката компанија „Архиродон“ да го гради „Чебрен“ и дека тоа треба да го стори државата.  Здружението на инженери се на ставот дека дека државата има капацитет да го изгради овој капитален проект, парите нема да се одлеат во странска фирма и затоа поднесоа претставки до неколку институции и претседателот Пендаровски.

Во договорот кој стои без потпис стои дека „Архиродон“  за сума од 1 милијарда евра треба да ја изгради хидроцентралата на Црна Река и за возврат ќе добие две третини од стопанисувањето во наредните шеесет години како и стопанисувањето со „ХЕЦ „Тиквеш“.

The post Истече рокот кој грчката фирма „Архиродон“ го имаше за да стави потпис на договорот за проектот „Чебрен“ appeared first on Република.

На грчката компанија Архиродон, која е добитникот на тендерот за изградба на хидроцентралата Чебрен, е да одлучи дали ќе продолжи во постапката или нема, истакна денеска премиерот Димитар Ковачевски.

Јас, како што кажа, не можам да зборувам во име на компанија која учествувала на наддавање, ниту за оваа, ниту, пак, за било која друга која учествувала во наддавање.

-Ако имале дополнителни барања во однос на договорот, тогаш тоа се барања кои излегуваат од рамката на договорот кој бил предмет на тендерската постапка која им била достапна на сите други компании кои  учествувале на тој тендер, рече Ковачевски во одговор на новинарско прашање на настанот за доделување изводи на досега не евидентирани лица.

Како што истакна, тендерот за изградба на хидроцентралата Чебрен е меѓународен тендер кој е објавен и на кој учествувале девет или 10 реномирани меѓународни компании, чиј составен дел на тендерската документација е договорот за концесија.

-Врз основа на евалуација на независна комисија составен од експерти во Министерството за животна средина еден од понудувачите е избран дека ги исполнува условите. Владата врз основа на тоа носи одлука согласно Закон за концесии, согласно тендерската документација и согласно договорот за концесија кој е предмет на тендерот и согласно Законот за води, појасни Ковачевски.

Прашан зошто ЕСМ има потреба од нови 500 вработувања кога не е во добра состојба и дали станува збор за предизборни вработувања во јавниот сектор, рече дека изборите  се на 8 мај, а денеска е декември.

Во однос на најавениот штрајк во Контрола на летање наведе дека од она што го слушнал од директорот „нема штрајк и се работи за некакво недоразбирање“

The post Ковачевски: На Архиродон е да одлучи дали ќе ја продолжи постапката за изградба на хидроцентралата Чебрен appeared first on Република.

Продолжува неизвесноста околу проектот ХЕЦ „Чебрен“. Министерството за животна средина го продолжи рокот за склучување на договорот и сега останува на грчката страна да се изјасни што понатаму.

Во телефонски разговор за „Канал 5“ министерката за животна средина Каја Шукова, вели дека банкарската гаранција на грчката компанија Архиродон е со важност до крајот на годината. Доколку ја продолжат, процесот ќе продолжи и ќе се пристапи кон склучување на Договорот за заедничко вложување и основање на акционерско друштво со ЕСМ.

Се жалеа на содржината на одлуката, бидејќи согласно законот за води прво мора да добиете Дозвола за води, а потоа да се потпише Договор за концесија, а тие сметаат дека прво треба да се потпише Договор за концесија, а потоа да продолжи постапката понатаму. Но, ние се држиме на она што го регулираат нашите закони и за истото ќе биде информирана компанијата. Нивната банкарска гаранција е до крајот на годината и ако ја продолжат ќе значи дека ќе продолжи процесот, ако не се продолжи банкарската гаранција, автоматски ќе се прекине процесот. До крај на година ќе имаме некакви информации во која насока ќе оди постапката“, изјави Шукова.

Во меѓувреме, експертите не отстапуваат од барањето проектот да се стопира. Според нив жалбите на грчката компанија се оправдани и се дел од тоа за кое и тие предупредувале. Очекуваат дека некоја од институциите кон кои поднесоа претставка пред некој ден ќе постапат и ќе го запрат проектот.

Константитн Димитров од здружението на инженери вели дека остануваат на ставот – Чебрен да не се дава на странски инвеститор, туку да го гради државата.

Барањето на тој што конкурирал веројатно е оправдано по тие точки, но и тендерот не е усогласен со повиците и законските одредби кај нас. Ние баравме да се испита легитимноста на вакви неусогласени работи. Сите сме загрижени, дека наместо да се пристапи сериозно од сите аспекти, ние даваме да ни владее врз државата, става рака друга држава. ЕСМ е држава, препуштат друга држава да ти води и раководи, суверенитетот го напушташ на некој начин. Ако еднаш едно кралство падне, веќе не може да се подигне“, вели Константин Димитров, професор за енергетика.

Владата по повеќе од 3 децении и 13 неуспешни тендери, во септември годинава донесе одлука преку јавно приватно партнерство да се реализира хидроцентралата Чебрен.
Проектот треба да чини 1 милијарда евра, пари кои ќе ги вложи концесионерот грчки Архиродон. Обврска на земјава е да го даде ХЕЦ Тиквеш како удел кога Чебрен ќе почне со работа, а за возврат Македонија ќе добие 33 % од сопственоста.

The post Банкарската гаранција за ХЕЦ „Чебрен“ истекува до крајот на годинава, неизвесноста околу проектот продолжува appeared first on Република.

Вицепремиерот за економски прашања Фатмир Битиќи вели дека одлуката за поволен понудувач за Чебрен е донесена од Владата врз основа на извештај од Комисија и ако има одредени жалби тие се доставуваат до таа Комисија и до Министерството за животна средина и просторно планирање како задолжено за Чебрен.

На новинарско прашање дали ќе оди на состанок во МЖСПП за Чебрен и дали има можност да пропадне проектот по жалбата од грчката фирма, Битиќи денеска изјави дека нема да се спроведе проектот ако процедурално Министерството за животна средина и просторно планирање МЖСПП оцени дека не е возможно спроведување.

-Ако има таква одлука како што кажувате, јас немам слушнато дека е возможно, ќе дојдат на Влада да реферираат како што доаѓаат за секоја точка. За жал, 30 години како е одземена можноста од некого, упорно сакаме да не го направиме финалниот чекор да одиме во следниот момент - кон развој. Секогаш, за секоја добра иницијатива, велиме дека ни се одзема можност, а не гледаме дека тоа е можност за развој. Секако, ако процедурално МЖСПП оцени дека не е возможно спроведување на тој проект, нема да се спроведе, но сметам дека за државата е важно денес да се направат вистинските одлуки и директно да влијаеме за она што го слушнавме во демографските проекции - да донесеме храбри одлуки кои ќе ги убедат сите кои живеат во државата дека овде имаат можност да продолжат квалитетно да живеат, рече Битиќи.

Тој учествуваше на промоција на проекции за населението во државава на Државниот завод за статистика кои упатуваат на намалување на вкупното население во земјава.

The post Битиќи: Ако процедурално МЖСПП оцени дека не е возможно спроведување на Чебрен, нема да се спроведе appeared first on Република.

Здружението на инженери на Македонија денеска информира дека е поднесена претставка до надлежните институции за одлуката за концесија за хидроцентралата Чебрен.

Претставката ја поднесовме поради сомневање дека со општите акти на Владата во постапката при подготовката и реализацијата на јавниот повик за доделување концесија за користење вода за производство на електрична енергија со изградба на хидроелектрични централи на Црна Река се направени бројни суштински, правни, економски и стручно-научни недостатоци со кои се загрозуваат     суверенитетот, територијалната целина и основите на економските односи определени со Уставот, како и уредувањето на територијата за потребите на одбраната предвидени со Планот за одбрана на Републиката согласно одредбите од Законот за одбрана, се вели во соопштението.

Здружението на инженери очекува надлежните органи да постапат по претставката и да го замрзнат процесот за потпишување на договор за јавно-приватно партнерство сѐ додека не се истражат, потврдат или отфрлат нивните сомневања.

Преставката, како што стои во соопштението, е испратена до Уставниот суд, Државното правобранителство, Државната комисија за спречување на корупцијата, Државниот завод за ревизија, Јавното обвнителство и Бирото за јавни набавки.

Од Здружението на инженери сметаат дека проектот за изградба на хидроцентралата Чебрен по пат на јавно – приватно партнерство е штетен и со него се нарушува електроенергетската независност на земјава и се дава на управување воден ресурс кој е веројатно најзначаен во овој век.

https://youtu.be/QVtM4gOwEeg?si=U-QlqvRd7_Nd6b5B

The post Здружението на инженери поднесе претставка за концесијата за Чебрен appeared first on Република.

Здружението на инженери на Македонија денеска информира дека е поднесена претставка до надлежните институции за одлуката за концесија за хидроцентралата Чебрен.

Претставката ја поднесовме поради сомневање дека со општите акти на Владата во постапката при подготовката и реализацијата на јавниот повик за доделување концесија за користење вода за производство на електрична енергија со изградба на хидроелектрични централи на Црна Река се направени бројни суштински, правни, економски и стручно-научни недостатоци со кои се загрозуваат суверенитетот, територијалната целина и основите на економските односи определени со Уставот, како и уредувањето на територијата за потребите на одбраната предвидени со Планот за одбрана на Републиката согласно одредбите од Законот за одбрана, се вели во соопштението.

Здружението на инженери очекува надлежните органи да постапат по претставката и да го замрзнат процесот за потпишување на договор за јавно-приватно партнерство сѐ додека не се истражат, потврдат или отфрлат нивните сомневања.

Преставката, како што стои во соопштението, е испратена до Уставниот суд, Државното правобранителство, Државната комисија за спречување на корупцијата, Државниот завод за ревизија, Јавното обвнителство и Бирото за јавни набавки.

Од Здружението на инженери сметаат дека проектот за изградба на хидроцентралата Чебрен по пат на јавно – приватно партнерство е штетен и со него се нарушува електроенергетската независност на земјава и се дава на управување воден ресурс кој е веројатно најзначаен во овој век.

The post Проектот е штетен: Здружението на инженери поднесе претставка за концесијата за Чебрен appeared first on Република.

Секој човек кој што малку ги подржува зелените инвестиции и обновливата енергија и што ја разбира оваа проблематика целосно ќе застане зад овој проект за кој ВМРО-ДПМНЕ има распишано 11 тендери и ниту еден успешен. Придобивките од Чебрен се огромни. И сега кога оваа Влада најде инвеститор и започнува потпишување на договор има проблем,“рече пратеникот од СДСМ ,Ненад Коциќ во емисијата „Само Вистина“ на Канал 5 Телевизија.

Тој истакна дека 333 мега вати се обезбедуваат за 250.000 домаќинства,плус придобивките со изградбата на хидроцентралата, за земјоделие, заштита од поплави и слично.

„Со нула евра инвестиција и 1 милијарда евра од инвеститорот се прави акционерско друштво со кое грчкиот инвеститор има 66 отсто , ЕСМ 33 отсто, три месеци по пуштањето во употреба, не изградбата.

Коциќ посочи на дека тоа значи заштеда од 100 милиони евра како држава, споредувајќи го договорот на ВМРО-ДПМНЕ кој бил со потпишување на договорот , а не по пуштање во употреба , при што изградбата ќе трае 7 години.

The post Коциќ: Придобивките од Чебрен се огромни, со договорот на оваа Влада се заштедуваат 100 милиони евра appeared first on Република.

Изградбата на хидроцентралата Чебрен и хидроцентралата Орлов камен е процес кој е децениски. Целта е да се збогати производниот енергетски потенцијал на Македонија и до тука е се добро. Но, за жал дали од незнаење дали аматерски начин Владата повторно го загрозува реализирањето на овој проект, рече Христијан Мицкоски, претседател на ВМРО-ДПМНЕ за време на посетата на Битола која е во рамки на кампањата „Важно е! Од тебе зависат промените!“.

Мицкоски објасни како Владата го загрозува реализирањето на овој проект.

Владата на Зоран Заев на крајот на својот мандат мислам дека е 24 или 27 декември 2019 година носи одлука во која дефинира во членот 5 став 3 со што ќе учествува ЕСМ поранешно ЕЛЕМ во новата компанија која треба да формира со најуспешниот понудувач. И таму вели, дека ќе биде вложен ХЕЦ Тиквеш три месеци од почетокот на изградбата на ХЕЦ Чебрен и Орлов Камен. Потоа вели трафостаница 400 киловолтна во Мариово, потоа вели ќе се направи експропријација на земјиштето па ќе се изградат пристапни патишта и ќе се користат по поповластена цена ноќните вишоци на електрична енергија за потребите на Орлов Камен да ја враќа водата назад во акумулацијата Чебрен, кажа Мицкоски.

Мицкоски додаде дека „тоа е отприлика состојбата на крајот од декември 2019, потоа следи нова одлука од страна на Владата, на техничката Влада на Спасовски од почетокот на февруари“.

На почетокот на февруари 2020 следи одлука во која вели членот 5 став 3 се брише и остануваат другите ставови за да потоа таму некаде на 17 февруари мислам се објави тендерската документација во која повторно се појавува ХЕЦ Тиквеш да ја користи најуспешниот понудувач и има ексклузивно право, но сега малку модифицирана вели откако ќе се изгради Чебрен три месеци потоа, вели Мицкоски.

Мицкоски информираше што следело потоа и додаде „за да слушнеме дека практично се повикуваат на членот 5 ставот 2 од претходната одлука каде велат дека пред објавување на тендерската документација ЕСМ, поранешно ЕЛЕМ ќе донело одлука со што ќе учествувало во новата компанија, а потоа кога ја објавуваат тендерската документација никаде не се повикуваат на таа одлука како што се повикуваат на таа одлука како што се повикуваат на владините одлуки“.

И сега, продолжи Мицкоски, како тогаш наеднаш се појавува таа одлука која ја нема во документите.

Затоа што ако сум јас понудувач логично е да ги имам сите документи на увид одлука на влада, закони, одлука на АД ЕСМ. Тие ја заплеткале работата. Мојата цел беше бидејќи ВМРО-ДПМНЕ за неколку месеци ќе формира влада не сакаме да биде погрешно сфатено она кое сакаме да биде правилно направено, не сакаме да ги менаџираме туѓите пропусти и грешки со тоа што ќе го стопираме процесот. И потоа таков стопиран може да има негативни импликации и кон потенцијалниот инвеститор и кон Владата, затоа најдобронамерно укажуваме каде се направени пропусти за тие во овие неколку месеци бидат надминати. И ако покрај сето ова што го зборувам постои уште една жалба која е поднесена од фирмата избрана за најповолен понудувач која ги оспорува членовите 5, 6, 8 и 10 од одлуката за доделување и избор на најповолен понудувач и велат дека одлуката е спротивна на тендерската документација, рече Мицкоски.

Мицкоски додаде дека народски кажано направиле карма каша или ја исплеткале работата која ни они самите не знаат како да ја решат.

Но, проблем е што ќе плаќаат граѓаните и проблемот треба да го решава Македонија, нивната глупост и незнаење треба Македонија да ги решава. Но и да не знаат ќе ја решиме за неколку месеци, заклучи Мицкоски.

The post Мицкоски: Владата направи кармакаша со „Чебрен“ и не знае како да го реши она што го заплетка appeared first on Република.

Економските параметри во Македонија се кои од кои полоши. Галопирачка инфлација, нови 500 милиони евра задолжување, уништен животен стандард на граѓаните, но затоа власта во заминување е заглавена во криминал и корупција во секоја сфера, вели Марија Митева од ВМРО-ДПМНЕ.

Новиот скандал за изградба на Чебрен, со кој се загрозува и енергетскиот суверенитет на Македонија се пресметува во стотици милиони евра!

Првата одлука на Влада – е одлука за почнување на постапка за доделување концесија за изградба на проектот Чебрен, објавена на 17.01.2020 година. Во оваа одлука, конкретно во членот 5 се наведени процедурата и условите кои што ги донела владата и таму е пропишано дека државата ќе и ја подари ХЕЦ Тиквеш на компанијата што ќе ја добие оваа набавка после три месеци од датумот на започнување на изградбата.

Втора одлука се носи веќе во месец февруари истата 2020 година, само еден месец подоцна, од страна на техничката влада на Оливер Спасовски и оваа одлука е за изменување на претходно донесената одлука со што со новиот акт членот 5 ставот 3 се брише.

Практично, владата на Спасовски ја модифицира одлуката на владата на Заев.Она што е фрапантно е што тие во повикот за доделување на концесија се повикуваат на поништената одлука, но модифицирана. Односно, поништената одлука или првата одлука која што ја донела владата вели дека државата на добитникот ќе му ја отстапи ХЕЦ „Тиквеш“ за три месеци откако ќе почне градбата.

Владата на Ковачевски повикот го спроведува на непостоечка одлука. Имено објавениот јавен повик во 2023 е врз основа на одлука која е изменета, односно во јавниот повик повторно се појавува ХЕЦ „Тиквеш“ како хидроцентрала која државата ја отстапува, иако не би требало да се појави бидејќи тој дел е избришан и променет од владата на Спасовски.

Одиме понатаму: На 14 септември 2023 година се носи одлука на Влада каде што се избира најповолен понудувач за Чебрен односно грчкото електростопанство. Владата во таа одлука се повикува и на двата Службени весници каде се објавени претходните одлуки, и онаа во која се вели дека ја дава „Тиквеш“ три месеци откако ќе почне градбата, и онаа во која тоа се брише.

Се поставува прашањето: Која од овие одлуки е важечката одлука по која е распишан повикот и добиен тендерот, кои услови се применувани, зошто се појавува различно толкување на отстапување или не отстапување на ХЕЦ „Тиквеш“?

https://republika.mk/vesti/ekonomija/skandalot-chebren-niz-dokumenti-kako-vladata-im-podari-na-grtsite-hidrotsentrala-i-profit-od-100-milioni-evra/

Дали три месеци по отпочнување на градбата или три месеци по пуштање во функција на хидроцентралата „Чебрен“?

https://www.youtube.com/watch?v=sv6lEK3zoRM&embeds_referring_euri=https%3A%2F%2Fvmro-dpmne.org.mk%2F&source_ve_path=MjM4NTE&feature=emb_title

И ова е од особена важност зошто разликата од примената на одлуката е во вредност од 100 милиони евра.

И ова значи дека така повторно само Македонија губи од незаконското постапување на власта зад што се крие нов скандал на криминал и корупција.

Ова е скандал за кој власта се надева дека никој нема да го разбере ниту примети, нивната игра со законските акти е веќе добро позната, но за ова одговорност ќе има.

The post „Чебрен“ ќе ги чини граѓаните 100 милиони евра appeared first on Република.

Економските параметри во Македонија се кои од кои полоши. Галопирачка инфлација, нови 500 милиони евра задолжување, уништен животен стандард на граѓаните, но затоа власта во заминување е заглавена во криминал и корупција во секоја сфера. Новиот скандал за изградба на Чебрен, со кој се загрозува и енергетскиот суверенитет на Македонија се пресметува во стотици милиони евра, вели Марија Митева, портпарол и член на ИК на ВМРО-ДПМНЕ.

-Првата одлука на Влада – е одлука за почнување на постапка за доделување концесија за изградба на проектот Чебрен, објавена на 17.01.2020 година. Во оваа одлука, конкретно во членот 5 се наведени процедурата и условите кои што ги донела владата и таму е пропишано дека државата ќе и ја подари ХЕЦ Тиквеш на компанијата што ќе ја добие оваа набавка после три месеци од датумот на започнување на изградбата. Втора одлука се носи веќе во месец февруари истата 2020 година, само еден месец подоцна, од страна на техничката влада на Оливер Спасовски и оваа одлука е за изменување на претходно донесената одлука со што со новиот акт членот 5 ставот 3 се брише, рече таа.

Митева оценува дека практично, владата на Спасовски ја модифицира одлуката на владата на Заев.

-Она што е фрапантно е што тие во повикот за доделување на концесија се повикуваат на поништената одлука, но модифицирана. Односно, поништената одлука или првата одлука која што ја донела владата вели дека државата на добитникот ќе му ја отстапи ХЕЦ „Тиквеш“ за три месеци откако ќе почне градбата. Владата на Ковачевски повикот го спроведува на непостоечка одлука. Имено објавениот јавен повик во 2023 е врз основа на одлука која е изменета, односно во јавниот повик повторно се појавува ХЕЦ „Тиквеш“ како хидроцентрала која државата ја отстапува, иако не би требало да се појави бидејќи тој дел е избришан и променет од владата на Спасовски. Одиме понатаму: На 14 септември 2023 година се носи одлука на Влада каде што се избира најповолен понудувач за Чебрен односно грчкото електростопанство. Владата во таа одлука се повикува и на двата Службени весници каде се објавени претходните одлуки, и онаа во која се вели дека ја дава „Тиквеш“ три месеци откако ќе почне градбата, и онаа во која тоа се брише, вели портпаролката на ВМРО-ДПМНЕ.

Таа истакнува дека се поставува прашањето: Која од овие одлуки е важечката одлука по која е распишан повикот и добиен тендерот, кои услови се применувани, зошто се појавува различно толкување на отстапување или не отстапување на ХЕЦ „Тиквеш“? Дали три месеци по отпочнување на градбата или три месеци по пуштање во функција на хидроцентралата „Чебрен“?

„И ова е од особена важност зошто разликата од примената на одлуката е во вредност од 100 милиони евра.

И ова значи дека така повторно само Македонија губи од незаконското постапување на власта зад што се крие нов скандал на криминал и корупција.

Ова е скандал за кој власта се надева дека никој нема да го разбере ниту примети, нивната игра со законските акти е веќе добро позната, но за ова одговорност ќе има“ – порачува Митева.

https://www.youtube.com/watch?v=sv6lEK3zoRM

The post Митева: Со новиот скандал за изградба на „Чебрен“, се загрозува и енергетскиот суверенитет appeared first on Република.

Македонија нема стратегија во делот на економија и борбата против корупцијата и затоа нема резултати, вели лидерот на ВМРО-ДПМНЕ Христијан Мицкоски во вториот дел во интервјуто за „Република“. Според него, во економијата нема импровизација и одлуки кои се носат од денес за утре.

За жал Владата ниту има капацитет, ниту знаење, а ни визија за тоа да го направи - вели Мицкоски.

Коментирајќи ги последните протести на пензионерите и судската адмистрација вели дека би било несериозно да ветува нешто само за да гласаат за него.

Многу внимателно пристапуваме бидејќи од информациите што ги имаме состојбата во буџетот е алармантна и катастрофална. Покрај тоа што има многу криминал и сива економија, и приливите не се според планираното посебно во делот на ДДВ. Можам да ветам дека ќе биде многу поправично и многу по фер за сите целни групи, и за јавната администрација и за вработените во судовите, и за пензионерите и за бизнисмените и за земјоделците и за медицинските работници. Буквално за сите целни групи ќе имаме пофер пристап од ова што е денеска.

Во однос на платите на функционерите, Мицкоски смета е потребно нивелирање и тие да бидат фер.

Потребно е да се донесе закон во кој ќе има јасно нивелирање на примањата на функционерите. Треба тоа да биде достоинствено имајќи ја во предвид одговорноста која што ја имаат, но не треба да биде толкава разликата колку што е сега. ВМРО-ДПМНЕ ќе донесе закон кој ќе биде фер и ќе ги намали примањата.

Мицкоски за „Република“ откри скандал поврзан со изградбата на хидроцентралата „Чебрен“ од страна на грчка компанија.

Во овој документ од Службен весник од 17 јануари 2020 година е објавена одлуката за почнување на постапка за доделување концесија за изградба на проектот Чебрен. Во овој „Службен весник“ е дефинирана процедурата и условите кои што ги донела Владата кога премиер бил Зоран Заев на седница одржана на 24 декември 2019 година. Во членот 5 од оваа одлука за почнување постапка се дефинирани обврските кои што ги презема државата и вели: Државата на компанијата што ќе ја добие оваа набавка ќе и ја отстапи хидроцентралата „Тиквеш“ која фунционира на Црна Река, три месеци по датумот на старт на изградбата на хидроцентралата „Чебрен“. Значи почнувате да градите и три месеци потоа го добивате „Тиквеш“.

Потоа треба да изгради 400 киловолтна трафостаница „Мариово“ каде што ќе се поврзе хидроцентралата, ќе направи експропријација на земјиштето, ќе изгради пристапни патишта до локацијата и ќе обезбеди ноќни вишоци на струја со која помалата хидроцентрала „Орлов камен“ навечер ќе ја враќа водата во  „Чебрен“ и ќе може истата вода неколку пати да се користи преку ден за производство на електрична енергија.

Документот број два е одлука што ја носи техничката влада на Оливер Спа.совски на 4 февруари 2020 година за изменување на одлуката што ја носи владата на Заев истата оваа одлука е објавена во Службен весник од 10 февруари 2020 година. Оваа одлука вели дека членот 5 ставот 3 се брише и тоа го објавува во Службен весник на 10 февруари 202о година.

Во документот број четири со кој се покануваат компаниите да учестуваат на предквалификации од 17 јануари, значи отприлика две недели откако владата на Спасовски ја модифицира одлуката на владата на Заев и повторно магично се појавува ексклузивното право да ја управува и одржува ХЕЦ „Тиквеш“ три месеци по започнување со работа на „Чебрен“. Се повикуваат на поништената одлука ама модифицирана. Односно, поништената одлука вели ќе му ја отстапиме на добитникот ХЕЦ „Тиквеш“ откако ќе почне градбата, а во повикот повторно се појавува ХЕЦ „Тиквеш“, но три месеци откако ќе биде завршена градбата.

Ако таа градба трае шест години а ХЕЦ Тиквеш произведува отприлика 150.000 мегават часови, а пазарната вредност е 120 мегават часови, помножено со шест години добиваме сума од 100 милиони евра. Но што е важно, помеѓу овој јавен повик, одлуката на Заев е одлуката на Спасовски да брише делови од одлуката на Заев за отпочнување на постапка и се објавува јавниот повик каде што повторно се појавува ХЕЦ „Тиквеш“ каде не би требало да се појави бидејќи е веќе избришан од страна на Владата на Спасовски две недели претходно.

Во документот записник од седницата на Владата одржана на 14 септемви 2023 година се носи одлука каде што се избира најповолен понудувач и така е дојдено до компанијата Пиписи архиродон груп“ , односно грчкото електростпанство. Владата во таа одлука се повикува на Службен весник број 13 и 33, двата Службени весници каде што еднаш ја дава „Тиквеш“ три месеци откако ќе почне градбата а вториот пат ја брише. Но тука не завршува сѐ. Откако ја добива оваа одлука компанијата добитник, на 16.10 оваа година вложува жалба до Министерството за животна средина и вели дека членовите 5, 6, 8 и 10 од оваа одлука се спротивни на тендерската документација на која учествувале.

 

Не знам дали е ова направено од незнаење или од некои други причини но предупредувам дека овој процес ваков каков што е поставен на погрешна основа. Имаме право како потенцијално идна влада да бидеме загрижени дека ова може да не доведе во една многу сложена ситуација и ги повикувам институциите, вклучително и потенцијалниот инвеститор да го разјаснат ова на јавноста. Народот има право да знае која од овие одлуки е одлуката и зошто и зошто се појавува различно толкување на отстапување или не отстапување на ХЕЦ „Тиквеш“ дали три месеци по отпочнување на градбата или три месеци по пуштање во функција на хидроцентралата „Чебрен“ и тоа е 100 милиони евра разлика. Ова е скандал-убеден е Мицкоски.

Според Мицкоски, зад неизрадбата на автопатот Кичево-Охрид стојат лични интереси.

Тука гледам лични интереси и обиди на Ковачевски и Груби да прават политички гимнастики и пресметки но мислам дека тоа нема да им успее овојпат. Во отсуство на јасен проектен менаџмент и многу невистини се доведоа во една ваква ситуација. Oчекував Ковачевски на ист начин како што му велеше на Бочварски „стани да те види цела сала“ да го стане и да го праша што ќе прави.

The post Mицкоски: Нов скандал со изградба на „Чебрен“ – избришале член за отстапување на „Тиквеш“ на кој подоцна се повикуваат appeared first on Република.