The post Moжно ли е? Бруно Фернандеш во Баерн appeared first on Република.

Фудбалерот од средниот ред на Манчестер јунајтед, Бруно Фернандеш изрази подготвеност да го напушти клубот доколку тоа се побара од него.

- Може ли да го напуштам клубот на лето? Секогаш сум велел дека сакам да бидам овде. Но, ако поради некоја причина на Јунајтед не му требам, ќе си заминам, изјави Фернадес, за „Дејли мејл“.

Претходно во англиските медиуми се појави информација дека Манчестер јунајтед е подготвен да го продаде Португалецот.

Фернандеш игра за „црвените ѓаволи“ од јануари 2020 година. Вкупно за клубот одигра 230 натпревари, постигна 79 гола и 64 асистенции. Неговиот договор е до летото 2026 година.

Порталот „Трансфермаркт“ ја проценува вредноста на фудбалерот на 70 милиони евра.

The post Фернандеш навреден: Ако не му требам на Јунајтед ќе си заминам appeared first on Република.

Клубови од првенството на Саудиска Арабија покажуваат интерес за играчите на Манчестер јунајтед, Касемиро и Бруно Фернандеш, пишува „The Telegraph“.

Според британскиот медиум, претставниците на Касемиро веќе започнале преговори со клубовите од саудиската Про лига. Во Манчестер се подготвени да ја завршат зделката на почетокот на летниот преоден рок. Покрај тоа, клубот нема да инсистира на заминување на Бразилецот доколку тој изрази желба да продолжи да игра за „црвените ѓаволи“.

Во случајот со Фернандеш, раководството на Манчестер јунајтед е подготвено да преговара само доколку добие исклучителна понуда. Клубот го смета Португалецот за најважен играч на теренот.

Оваа сезона во Премиер лигата, 32-годишниот Касемиро настапи на 23 натпревари, на кои постигна еден гол и имаше две асистенции. Актуелниот договор на Бразилецот е со важност до летото 2026 година.

Дваесет и деветгодишниот Фернандеш има одиграно 33 натпревари во англиското првенство, на кои успеа да постигне десет гола и седум асистенции. Договорот на Португалецот со „црвените ѓаволи“ е до крајот на сезоната 2025/26

The post Тимови од Саудиска Арабија заинтересирани за играчи на Манчестер Јунајтед appeared first on Република.

https://www.youtube.com/watch?v=7KBicsXd9h8

Капитенот на Манчестер Јунајтед, Бруно Фернандеш не го криеше незадоволството и очајот по поразот (4:3) од Челзи на гостински терен во натпреварот од 31. коло на Премиер лигата.

„Црвените ѓаволи“ успеаја да го испуштат водството двапати во натпреварот, а кулминацијата беше во судиското продолжение кога примија два гола.

Се чини дека Јунајтед секој ден се повеќе тоне, иако веќе долги години не е ни бледа сенка на некогашниот гигант, а капитенот на тимот од „Олд Трафорд“, Бруно Фернандеш не ја криеше фрустрацијата по поразот.

-Фрустриран сум. Тешко ми е да го прифатам тоа што се случи. По ова немам што да им кажам на играчите во соблекувалната, бидејќи сите се свесни за важноста на неделното дерби со Ливерпул, изјави Фернандеш.

Фудбалерите на Манчестер Јунајтед во следното коло го пречекуваат својот најголем ривал, тимот на Ливерпул, кој моментално е на чело на табелата во Премиер лигата

The post Фернандеш уште не може да сфати како Челзи го сврте мечот appeared first on Република.

Португалскиот играч за врска Бруно Фернандеш го истакна одговорот на Кристијано Роналдо кој периодов е изложен на критики поради слабите игри во неговиот доскорешен клуб Манчестер јунајтед.

– Мислам дека тој ужива да работи во средина каде што сите го критикуваат, затоа ве молам сите: продолжете. Го гледаме најдобро кога го критикувате.

Да се ​​игра со Роналдо за клубот и за репрезентацијата е остварување на сонот, нешто посебно. Сега за мене главно е Португалија да се претстави што е можно подобро. Во овој случај Роналдо ќе биде среќен, и јас, и цела Португалија ќе биде среќна, изјави Фернандеш.

Роналдо беше стрелец на првиот гол за Португалија на вчерашниот натпревар со Гана (3:2).

The post Бруно Фернандеш: Роналдо е најдобар кога го критикуваат appeared first on Република.

Бруно Фернандеш, еден од најдобрите фудбалери на денешницата, со порака го честита големиот јубилеј на нашиот клуб. Оваа фотографија нека сведочи за големината на нашиот Вардар, а за сите навивачи нека биде мотив плус - стои до фотографијата која ја објави македонскиот фудбалски клуб Вардар на фан страницата на Фејсбук.

Најтрофејниот македонски фудбалски клуб утре со мечот против Железничар ќе прослави јубилеј од 75 години постоење. Свој мини јубилеј ќе има и навивачката група на „црвено-црните“, Комити Запад.

Натпреварот е закажан за утре, Градски стадион, 19:30 часот.

The post Бруно Фернандеш: Македонија за Вардар appeared first on Република.

Португалскиот играч за врска Бруно Фернандеш постигна два гола во финалето на плејофот за Светското првенство 2022 година. Португалија синоќа во Порто ја совлада македонската фудбалска репрезентација со 2:0 и обезбеди пласман на Мундијалот во Катар.

Овој натпревар треба да се памети затоа што влеговме на Светското првенство. Беше многу важен натпревар, навивачите беа беспрекорни, атмосферата вечерва беше неверојатна. Луѓето разбираат што ни треба. За мене главната работа е да му помогнам на тимот. Ако е можно и да реализирам. Секако, сите сакаме да постигнуваме гол на секој натпревар, без разлика дали тоа е најважниот или најмалку важен. Не ги губам од вид идеите на нашиот тренер. Секогаш се трудам да го правам она што го бара тренерот. Главната работа е што Португалија победи. Секој има амбиција. Роналдо и јас не сме исклучок. Обично тој постигнува гол, а јас асистирам. Но, овој пат беше обратно, изјави Фернандеш.

Репрезентацијата на Португалија шести пат по ред ќе учествува на Мундијалот. Последен пат тимот го пропушти овој турнир во 1998 година. На Светското првенство 2006 година стигна до полуфиналето, во 2010 и 2018 година стигна до 1/8 финалето, во 2002 и 2014 година не ја помина групата. зс/

The post Фернандеш: Обично Роналдо дава гол, а јас асистирам, овој пат е обратно appeared first on Република.

Бруно Фернандеш, ѕвездата на Манчестер јунајтед и добриот пријател на македонскиот капитен Стефан Ристовски вечерва ни го урна мундијалскиот сон со двата гола за победата на Португалија со 2-0 и пласман на „европските Бразилци“ на Светското првенство во Катар.

Фернандеш, кој ни даде по еден гол во двете полувремиња, немилосрдно казнувајќи ги двете наши големи грешки, посочи дека овој меч ќе му остане во вечно сеќавање, најмногу зашто ја однесе Португалија на Мундијалот, шести по ред за поранешниот европски првак.

Овој меч ќе ми остане во сеќавање, зашто отидовме на Светско првенство. Ова беше многу важен меч, неверојатна атмосфера, спектакуларна... Ова беше одговор на постојаните критики кон нас, а одговорот е дека ние продолжуваме да остваруваме важни резултати и ан најдобар начин да ја презентираме нашата земја и нашиот народ. Најмногу што сакам е кога Португалија победува, небитно кој ќе даде гол. Не сме битни ни јас, ни Кристијано – Португалија е битна. Обично јас му асистирам, тој дава голови, но вечерва беше обратно - рече Бруно.

The post Бруно Фернандеш: Ќе го паметам овој меч! appeared first on Република.