Претседателот на Венецуела, Николас Мадуро, најави дека Божиќ годинава ќе се одбележува одржи порано од вообичаено, а свеченостите ќе бидат на 1 октомври, пренесе ДПА.

Септември е и веќе мириса на Божиќ. Како благодарност до борбените луѓе, со декрет ќе го донесам Божиќ на 1 октомври, им рече Мадуро на приврзаниците на телевизија.

Ова не е прв пат Мадуро да презема ваков необичен потег за да го одвлече вниманието од проблемите на јужноамериканската земја.

За време на пандемијата на корона вирусот во 2020 година, тој прогласи Божиќ да се слави на 15 октомври, а следната година на 4 октомври.

Во тоа време, Мадуро објави видео од претседателската палата Мирафлорес украсена со новогодишни елки и божиќни украси. Социјалистичката влада традиционално дистрибуира пакети со храна во сиромашните населби во земјата за време на божиќниот период.

На претседателските избори на 28 јули Мадуро, кој е на власт од 2013 година, освои нов мандат.

The post Мадуро наложи годинава Божиќ во Венецуела да се слави на 1 октомври appeared first on Република.

Се роди Царот, најмоќниот, за да може и најмалиот да стане и да извика – ние сме царски деца. Победник се роди, непобедливиот, да ги одбрани праведниците, да ги придобие грешниците, да ги собори злите духови под небото. Водач се роди, највидовитиот, да ги изведе и поведе изгубените. Се роди просветителот, најпросветлениот, за да го растури мракот и да ја просветли темнината, истакна митрополитот преспанско-пелагониски и администратор австралиско-новозеландски г. Петар.

Утрово, на свечената Божикна богослужба, пред верниците во храмот „Свети Великомаченик Димитриј“, митрополитот г. Петар нагласи дека денеска се празнува натприродното Рождество на воплотениот и вочовечениот Логос Божји, се слави силата на Троичниот Бог што ги надминува законите на природата, но и силата на Божјата љубов со која човекољубивиот Бог го прегрнува човекот и светот.

-Се роди љубителот на човештвото, најљубениот, да ги прегрне кон градите свои и да им даде љубов на сите луѓе. Христос се роди! Поздравувајќи се со овие зборови, ние меѓусебно си потврдуваме и сведочиме дека во светот дошол оној што требало да дојде за спасение на човештвото, и дека не треба да чекаме некој друг. Да го славиме Бога и нека има мир на земјата. Нека надвладее добрата волја меѓу луѓето. Тоа беше најпотребно тогаш,  ова е она што му е најпотребно на целото човештво и денес, рече митрополитот г. Петар.

Во своето обраќање до верниците, митрополитот г. Петар истакна дека Христос е потребен и денес, затоа што како што нагласи, без него, народите влегуваат од војна во војна.

-Ах, колку ни е потребен Христос и денес! Без него, народите влегуваат од војна во војна, луѓето запаѓаат од несреќа во несреќа, семејства одат од пропаст во пропаст. Без него, злобата навлезе меѓу луѓето и го распламти огнот на зависта и себичноста. Денес имаме сè повеќе и повеќе раскарани и закоравени луѓе, затапена совест, заслепени души, одроденост, омраза, монструозност и убиства. Сето ова се должи на оддалеченоста на човекот од Бога! Затоа, на народите и луѓето од нашето време, повторно им е потребен Христос. Не им треба никој повеќе од него. Им треба како дневен насуштен леб за гладниот, и како изворска вода за жедниот! Тој е единствениот што му е потребен на светот. Ништо друго и никој друг, нагласи митрополитот г. Петар.
Според востановената традиција, митрополитот г. Петар за време на Божиќните празници ќе богослужи и во други цркви на преспанско-пелагониската епархија.

The post Митрополит г. Петар: Се роди најпросветлениот, за да го растури мракот и да ја просветли темнината appeared first on Република.

Во Соборниот храм „Свети Климент Охридски“ во Скопје денеска се одржа централно одбележување на Рождеството Христово-Божик, каде архиепископот охридски и македонски г.г. Стефан одржа архиерејска литургија на Св.Василиј Велики. Во пресрет на празникот, што денеска го празнуваат сите православни христијани во земјава, имаше и божикни литургии во сите храмови на Македонската православна црква.

Г.г. Стефан упати порака дека ни е потребно духовно и национално единство за да опстоиме како Црква и како народ.

-Со раѓањето на Синот Божји – Господ Исус Христос, Божјата светлина го огреа сиот свет. Бог Словото слезе на земјата и стана Човек, за да го обнови единството на Бога со човекот, зашто, според зборовите на свети Григориј Богослов, пред овој спасителен настан се беше отворила „голема и непремостлива провалија“, меѓу Создателот и првиот Адам. Но, со раѓањето на Богомладенецот се објави Божјата неизмерна добрина и Неговото човекољубие победи. Затоа и нашиот свети Климент Охридски, созерцавајќи го Рождеството Христово, воскликнува: „Радувај се, првосоздаден Адаме, бидејќи ти не беше оставен во адот! Ете, твојот Спасител и Избавител доаѓа да се роди од Дева; и Бог станува Човек, за да ја обожи човечката природа, порача г.г. Стефан за време на својата литургија.

Како што додава, потребно е да се радуваме со непоминливата радост од таа Витлеемска ноќ, со радоста на ангелите, со радоста на пастирите, со радоста на мудреците, да се радуваме со сите коишто во изминативе дваесет столетија се радуваа на тој спасоносен и неповторлив настан.

Министерот за внатрешни работи Оливер Спасовски кој денеска присуствуваше на Архиерејска литургија, во име на Владата и МВР на сите граѓани им посака многу здравје, среќа и единство.

-На сите православни верници им посакувам честит Божик, духовен мир, многу здравје, среќа, единство што е најмногу потребно, а на сите граѓани да посакам здравје, среќа и заеднички да празнуваме, заеднички да ја градиме Македонија со просперитет и напредок за секој, изјави Спасовски, по богослужбата на Архиепископот г. г. Стефан.

Градоначалничката на Град Скопје Данела Арсовска денеска по литургијата во Соборниот храм, испрати честитка до сите православни христијани и им посака мир, здравје и љубов.

-На Македонската православна црква, на нашиот македонски народ, на сите православни христијани би сакала денеска да им го честитам Божик, во секој дом да им мир, хармонија, здравје, љубов и сето она кое што сакаме да го покажеме пред нашите ближни во оваа година да го добиеме за возврат, изјави Арсовска по одржување на литургијата.

И лидерот на ВМРО ДПМНЕ Христијан Мицкоски по завршувањето на Архиерејската литургија го честита големиот христијански празник.

-Го честитам Божик на семејствата, пред се здравје и среќа, а потоа многу мудрост и трпение и на сите граѓани им посакувам да им се оствари се што посакуваат, изјави Мицкоски.

Претседателот Стево Пендаровски упати честитка до сите граѓани кои го прославуваат денот на Христовото раѓање. Тој посочи дека годинава Божиќ се празнува во време на голема неизвесност, страв и човечки страдања предизвикани од војни, кризи и социјални неправди. Како што рече, предизвиците не ги одминуваат ниту македонските граѓани, особено најранливите меѓу нас.

-Со солидарност кон ранливите, со заложби за социјална правда, со личен интегритет, со почит кон различните, Црквата и верниците можат да придонесат кон обновата на довербата и добрината во нашата заедничка македонска татковина, се вели во честитката на Пендаровски.

Во својата честитка во пресрет на христијанскиот празник, премиерот Димитар Ковачевски порача дека раѓањето Христово – Божиќ, секоја нова година, симболизира нов почеток и со тоа отвора нова можност, поискусни, помудри и со чисти мисли да пристапиме кон нови добри дела, што носат добро за сите.

-Само солидарни, истрајни во вербата и со храбри чекори напред, како што покажува и Христовото дело, можеме да го постигнеме посакуваниот спокој и да осигуриме просперитет. Божјата светлина нека засвети во сечие срце, се вели во честитката на Ковачевски.

И претседателот на Собранието Талат Џафери во својата честитка посака празникот да ги грее срцата со човештво, солидарност, взаемна почит и разбирање меѓу сите граѓани.

-Нека празникот, со сето свое волшепство рефлектира топлина во овие зимски денови, нека ги грее срцата со човештво, солидарност, взаемна почит и разбирање меѓу сите граѓани, и меѓу оние што го слават овој голем празник, и меѓу оние што изразуваат почит кон него. Важно е да се споделува благородна мисла, убава желба и топла прегратка, вели Џафери во честитката за Божиќ.

The post Со централна литургија во Соборен храм и литургии во сите храмови на МПЦ се одбележува Рождеството Христово-Божик appeared first on Република.

Православните христијани во земјава денеска го слават Рождеството Христово-Божик. Во сите храмови на Македонската православна црква изутринава се одржуваат божикни литургии. Централното одбележување е во Соборниот храм „Свети Климент Охридски“ во Скопје, каде архиепископот охридски и македонски г.г. Стефан ќе богослужи архиерејска литургија на Св.Василиј Велики.

По повод Божик, архиепископот охридски и македонски г.г. Стефан, до свештенослужителите, монаштвото и до сите верници, упатија Божикно послание во кое им пожелуваат мир и благослов од Бога, поздравувајќи ги со величествениот торжествен поздрав – Христос се роди! во кое се вели:

„Со раѓањето на Синот Божји – Господ Исус Христос, Божјата светлина го огреа сиот свет. Бог Словото слезе на земјата и стана Човек, за да го обнови единството на Бога со човекот, зашто, според зборовите на свети Григориј Богослов, пред овој спасителен настан се беше отворила ‘голема и непремостлива провалија’, меѓу Создателот и првиот Адам. Но, со раѓањето на Богомладенецот се објави Божјата неизмерна добрина и Неговото човекољубие победи. Затоа и нашиот свети Климент Охридски, созерцавајќи го Рождеството Христово, воскликнува: ‘Радувај се, првосоздаден Адаме, бидејќи ти не беше оставен во адот! Ете, твојот Спасител и Избавител доаѓа да се роди од Дева; и Бог станува Човек, за да ја обожи човечката природа’“.

„Да се радуваме со непоминливата радост од таа Витлеемска ноќ, со радоста на ангелите, со радоста на пастирите, со радоста на мудреците, да се радуваме со сите коишто во изминативе дваесет столетија се радуваа на тој спасоносен и неповторлив настан“, порача архиепископот охридски и македонски г.г. Стефан во своето Божикно послание.

The post Честит Божиќ! appeared first on Република.

Во светот постојат многу верувања и обичаи коишто се практикуваат на божиќните празници, а еден од нив е и бакнежот под имела како зимско растение и божиќен украс. Обично се верува дека овој празничен обичај потекнува од Велика Британија и САД, па се проширил низ светот, но за благотворноста на имелата се знаело и во древноста.

Оваа билка се среќава и во нордиската митологија, келтските верувања и легенди, но и во хеленската, древнобалканската и римската медицина. Хелените и околните народи верувале дека имелата има лековити својства и ја користеле за лекување на, на пр. грчеви и болки кај слезината, но и воопшто - на сè, а Римјаните знаеле оти ова растение е лек за израстоци на кожата, пишува „Ридер’с дајџест“ (Reader's Digest).

Поврзаноста на билката со љубовта и романтиката се среќава кај убедувањата на келтските друиди. Забележувајќи дека лековитото растение цветало дури и на студ во зима, друидите верувале дека тоа ја симболизира виталноста на животот и може, на пр., да ја врати плодноста.

Северните народи верувале дека боговите користеле имела за да го подигнат синот на богот Один - Балдур, од мртвите. Во скандинавската митологија, Один се поврзува со мудрост, исцелување, но и војни, битки, победа, па дури и смрт, а Балдур е бог на невиноста, убавината и чистотата. Откако тој воскреснал, мајката на Балдур - божицата на љубовта се заколнала дека ќе го бакне секој што ќе мине под имелата и така растението останало симбол на љубовта.

Плодноста и љубовта се поврзуваат со растението и во 18. век, па се вклопило и во божиќните прослави. Се претпоставува дека традицијата на бакнување под имела ја почнале луѓето од пониската класа во Англија, а подоцна ја прифатиле и оние од повисоките класи. Некои велат дека двојката која ќе се бакне под имела треба да земат бобинка од имелата. Исто така, се вели дека одбивањето бакнеж под имела носи лоша среќа.

The post Познат од древни времиња: Бакнежот под имела како божиќен обичај appeared first on Република.

Честитка по повод празникот католички Божиќ, од претседателот на ВМРО-ДПМНЕ, Христијан Мицкоски

Од мое лично име и од името на ВМРО-ДПМНЕ на сите верници од христијанска вероисповед кои се раководат според грегоријанскиот календар да Ви го честитам големиот христијански празник Божиќ.

Нека најсветлиот празник Божиќ ви донесе мир и спокој и ги исполни вашите домови со радост. На овој ден кој означува раѓање на надеж за подобра иднина да ги споделуваме христијански вредности како почитта и хуманоста и заедно да си помагаме.

Токму надежта за подобро утре е тоа што не води отсекогаш и затоа е важно да бидеме сплотени и заедно да работиме за да ја создадеме подобар живот и иднина за нас и за нашите деца.

Тоа е многу важно затоа што живееме во едно тешко време со сиромаштија и безнадежност. Затоа во духот на денешниот ден треба да работиме тоа да го промениме. Сите обединети и заеднички да работиме да се смени секојдневието на подобро. Само сплотени, со почит и разбирање можеме да создадеме дела кои ќе ги остават позади нас несигурноста и безнадежноста, а ќе донесат успех, подобар живот и иднина во која веруваме. Македонија мора да стане земја на среќни граѓани.

Нека е за многу години големиот христијански празник Божиќ.
Христос се роди!
Навистина се роди!

The post Мицкоски за католичкиот Божиќ: Сплотени и заеднички да го промениме безнадежното секојдневие и да создадеме иднина и земја на среќни граѓани appeared first on Република.

Годинешната Божиќна честитка од британското кралско семејство дише со префинета едноставност. Семејството престолонаследници се облечени во комбинации на панталони и кошули.

The post Едноставно прекрасни: Годинешната Божиќна честитка од британското кралско семејство appeared first on Република.

За православните христијански верници кои се водат според јулијанскиот календар денеска почнува шест неделниот божиќен пост.

Постот ќе трае 40 дена, односно до Божиќ, 7 јануари, денот на раѓањето на Исус Христос. Бидејќи датумот на Божиќ не се менува, постот секоја година почнува на 28 ноември, а завршува на Бадник, 6 јануари.

Христијанскиот пост е воведен по примерот на Исус Христос, кој 40 дена поминал во пустина во пост и молитва. Постот претставува духовна и телесна подготовка на човекот за влез во тајната на претстојниот празник.

Божиќниот пост е втор по должина на траење, веднаш по велигденскиот. Во однос на „строгоста“ за употреба на храна, божиќниот пост е „поблаг“, бидејќи дозволува користење вино, масло за јадење и риба.

Во Православната црква практика е во текот на божикниот пост верниците да се исповедаат и по можност да се причестат за да бидат што подостојни во подготовката за празнување на Христовото раѓање – Божиќ. Целта на постот е да се „исчистат“ духот и телото, што се постигнува не само со воздржување од мрсна храна, туку и од лоши мисли, зборови и дела. За време на божиќниот пост, посни се и сите славски трпези.

Со Канонот на Православната црква се предвидени еднодневни и повеќедневни пости.

Еднодневните пости се во среда и петок, Водокрст на 18 јануари, Отсекувањето на главата на св. Јован Крстител на 11 септември и Крстовден на 27 септември.

Повеќедневни пости се велигденските, петровденските, богородичните и божиќните пости.

Лицата кои доследно ги почитуваат правилата постат и секоја среда и петок, бидејќи тоа се деновите кога Христос е осуден и кога умрел на крстот.

Божиќниот пост, како и останатите повеќедневни постови, датира од првите векови на христијанството и се споменува во делата на светите лица од 4 и 5 век.

Првобитно постот траел седум дена, а одлуката христијаните пред празникот – Раѓањето Христово да постат 40 дена е донесена на Собор во 1166 година.

Траењето на божикниот пост се објаснува и со четириесетдневното патување на тројцата мудреци до Витлеемската пештера, во која на 25 декември е роден Богомладенецот Исус. Затоа се вели дека постот е ѕвезда водилка за сите кои христијанството го одбрале за своја вера, како што за мудреците кои верувале во пророштвото за раѓањето на Спасителот единствена водилка била најсветлата ѕвезда на небото, која се движела од западот кон истокот и која ги довела во Витлеем.

The post Почнува божиќниот пост appeared first on Република.

Украинскиот претседател, Володимир Зеленски, потпиша закон за промена на датумот на државниот празник Божиќ во Украина од 7 јануари на 25 декември, како дел од напорите за „откажување од руското наследство“.

Според новиот закон, Денот на украинската државност ќе биде поместен од 28 јули на 15 јули, а на 1 октомври наместо на 14 октомври ќе се одбележува Денот на бранителите на Украина и Покров на Пресвета Богородица.

Православната црква на Украина вчера го усвои новиот јулијански календар, а промената ќе стапи во сила на 1 септември.

Тоа значи дека датумот на верските прослави на Божиќ ќе се помести од 7 јануари на 25 декември.

До неодамна, и Православната црква на Украина и украинските гркокатолици го користеа само јулијанскиот календар, кој го користеа Руската православна црква и Украинската православна црква.

Украинскиот народ долго време беше подложен на руската идеологија во речиси сите животни сегменти, па дури и Божиќ се славеше според јулијанскиот календар, се наведува во образложението на одлуката што ја изгласаа пратениците во Државната Рада во средината на јули.

Во текстот се вели и дека „силното заживување на украинската нација продолжува и дека постојаната борба за сопствениот идентитет придонесува за свеста и желбата на секој Украинец да живее во согласност со традицијата и свои празници“.

The post Зеленски го смени Божиќ: Празникот во Украина ќе се слави на 25 декември appeared first on Република.

На втор ден Божик, според Јулијанскиот календар, се одбележува уште еден голем празник – Собор на Пресвета Богородица.

На вториот ден од Божик христијанската Црква ѝ оддава слава на Пресветата Божја Мајка, која што го роди Господ и Спасителот наш Исус Христос. Во Охрид од древноста беше устроено спроти вториот ден на Божик вечерната да се служи само во црквата на Пресвета Богородица, наречена Челница. Целото свештенство со народот овде соборно ја прославуваше Пречистата Божја Мајка.

Кога стана успението на пресвета Богородица ангелите и апостолите на облаците се собираа и, Тома наречен бизнак. Сета Индија ја уверија во тој час, три илјади луѓе, и не сакаше да дојде дури не го увери сиот народ. Зеде облак светол и тој го донесе, и ја сретна света Богородица што се носеше на облаците и во рајот влегуваше.

Црквата утврдила веднаш после големите празници да се слават и учесниците во настанот што се празнува. Затоа денес се слави Пресвета­та Богородица. Зашто најчистата утроба на Марија беше единствена способна да го прими оној кој го надвишува се она што е создадено. Во таа смисла Црквата ја нарекува Девица Марија врата на спасението.

Народот вели дека вториот ден на Божиќ, треба да го посветите на прошетки и посети на пријателите и кумовите. Како што е обичај на Божиќ да се остане дома и првиот ден од празникот да се помине со семејството, вториот ден е време кога се посетуваат, роднините, пријателите, кумовите.

Се верува дека на денешен ден се мират и оние кои со години се скарани и дека не е добро да се избрка било кој од куќниот праг. Денеска, на празничната трпеза која се уште е поставена, сите се еднакви и во здравје и веселба го слават најрадосниот празник во христијанството.

По повод празникот Собор на Пресвета Богородица-втор ден Божиќ, утрински богослужби ќе има во сите парохиски цркви во Охрид.

The post Денеска е Соборот на Пресвета Богородица: Испочитувајте ги овие обичаи на вториот ден на Божиќ appeared first on Република.

Модерниот начин на живот и технологијата го променија секојдневието што го живееем, а недостатокот на слободно време доведува до тоа Божиќ се’ почесто да се честита со испраќање пораки преку мобилните телефони.

Сепак, неможноста да се видите со блиските во живо не значи дека треба да пропуштите да им го честитате овој голем празник, а за тоа можете да искористите некоја од овие божиќни пораки.

1. Срцето на човекот го смислува неговиот пат, а Бог управува со неговите чекори! Се’ што правите, каде и да одите, нека биде благословен вашиот пат. Среќен Божиќ!

2. Дозволете Бог да се всели во вашето срце, љубовта во вас да се раѓа секој ден, затоа што Божиќ станува видлив во секоја љубов помеѓу луѓето. Христос се роди!

3. Нека тишината на овој свет ден ви донесе мир во надежта, радост во животот и љубов за оние со кои живеете! Од срце ви посакувам мирни денови. Христос се роди!

4. Нека сребрените зраци од Божиќното утро го осветлат вашиот подарок составен од здравје, среќа, мир и љубов. Христос се роди!

5. Божиќ доаѓа, ни се приближува Бог. Нека ве грее огнот на среќата, постојано во куќата да ви цвета радост, нека светиот крст во животот ве води, Христос се роди!

6. Нека целата година ве прати чувство на љубов, среќа, топлина и потреба за блиските да бидат до вас. Среќен Божиќ!

7. Денес простете им на оние кои ви згрешиле, подарете им љубов на најблиските, помогнете им на тажните, а на полноќ погледнете во небото – ќе видите ѕвезда што оди и тивко изговорете Христос се роди!

8. На тивката божиќна ноќ, нека во вашето срце се всели радост, љубов и надеж. Бидете здрави, силни и полни со среќа. Среќен Божиќ!

9. Денес радоста доаѓа од небото и тоа е она што ви треба. Бидете исполнети со здравје, насмевки и љубов. Имајте мир во вашиот дом. Среќен Божиќ!

10. Кога последната свеќа на Бадник догорува, слушај го срцето што ти зборува, нека радост и среќа во животот те води, среќен Божик, Христос се роди!

11. Божјата милост насекаде нека ве прати, нека за доброто со добро ви се врати, Христос насекаде да ве води, Среќен Божик, Христос се роди!

12. Денешниот блажен ден нека ви биде радосен! Божиќ вратата да ви ја злати, секогаш среќа нека ве прати. Ангел срцето кон љубов нека го води, мир Божји, Христос се роди!

13. Нека бадниковата вечер го избрише сето она што сакаш да го заборавиш, а Божикното утро ти исплете венец од здравје, среќа, љубов и Божји благослов!

14. Како што бадниковиот оган се ложи, во вашиот дом среќа да се множи, нека светла ѕвезда во животот вас ве води, зашто денес е Божик – Христос се роди!

15. Рана зора додека се руди, коледарска песна ве буди, среќа и радост Бог нека дари, полна софра, а и многу пари. Сите да ве служи здравје, бадниковата вечер да ви е на здравје! Бериќет и к’смет в куќи да ви царува, со здравје и љубов Господ да ве дарува!

The post 15 најубави пораки за да честитате Божиќ appeared first on Република.

Претседателот Стево Пендаровски, по повод големиот христијански празник Христовото раѓање – Божиќ, упати честитка до сите граѓани кои го прославуваат денот на Христовото раѓање, до поглаварот на Македонската Православна Црква – Охридска Архиепископија, Митрополит Скопски, Архиепископ Охридски и Македонски и на Јустинијана Прима, г.г. Стефан и до претседателот на Црковното претставништво на Евангелско – методистичката црква, Емил Заев.

-Имам особено задоволство и чест да ви го честитам големиот христијански празник – Божиќ и да ви посакам празникот на Христовото раѓање да го поминете пред сѐ во добро здравје, во радост и во среќа. Божиќ ни доаѓа на почетокот на новата година и ни дава сила и енергија да продолжиме исправено пред сите животни искушенија, потсетувајќи нѐ на смислата на нашето постоење и храбрејќи нѐ да им додадеме вредност на нашите животи ширејќи љубов и хармонија. Токму за големиот празник исполнети со вера и надеж да ја вратиме самодовербата и оптимизмот и да работиме посветено на остварување на нашите цели. Светлината на Божиќ нека се всели во нашите домови и нека донесе просперитет во нашите семејства, во нашите соседства, во пошироката заедница, во целото општество. Да си даруваме почит и внимание, да бидеме грижливи и солидарни и да си ја чуваме татковината, се вели во честитската на претседателот Пендаровски.

The post Пендаровски: Светлината на Божиќ нека се всели во нашите домови и нека донесе просперитет во нашите семејства, во нашите соседства, во пошироката заедница appeared first on Република.

Времето утре ќе биде сончево со мала до умерена облачност. По одделни котлини и долж Повардарието ќе има појава на магла и ниска облачност, кои преку денот краткотрајно ќе се намалат.

Во Скопје претпладне со појава на магла или ниска облачност, која преку денот ќе се намали. Ќе дува слаб ветер од северозападен правец.

Како што информира Управата за хидрометеоролошки работи (УХМР), за време на претстојните божиќни празници ќе биде сончево со мала до умерена облачност. Наутро некаде во котлините ќе има услови за појава на слаба магла. Преку денот ќе биде претежно тивко. Се најавува слаб до умерен северозападен ветер. Минималната температура ќе биде во интервал од -5 до три степени, а максималната од седум до 15 степени.

До недела ќе се задржи периодот на стабилно и претежно тивко време. По котлините и понатаму ќе има појава на магла и ниска облачност со променлив интензитет.

В петок ќе дува слаб до умерен северозападен ветер, поизразен вдолж Повардарието што ќе предизвика во текот на денот по одделни котлини условите за магла да се намалат.

Претпладне в понеделник се уште ќе има појава на магла, а во попладневните часови ќе има врнежи од дожд, а на планините од снег.

The post За божиќните празници сончево со мала облачност и температура до 15 степени appeared first on Република.

На 28 ноември почнуваат Божиќните пости кои траат 40 дена, пред големиот празник Рождеството Христово Божик, на 7 јануари.

Православната црква запишала дека Божиќниот пост е востановен за верниците да можат, во пресрет на Рождеството Христово, да се исчистат себеси со покајание, молитва и пост, и со чисти срца, душа и тело, благоговејно да го пресретнат Синот Божји што се јави во светот, принесувајќи му го, наместо обични дарови и жртви, чистото срце на верниците и желбата за последување на Неговото учење.

Секој пост има правила, во кои денови се пости стого, а во кои денови е дозволено масло, вино и/или риба. Верниците строго се придржуваат на црковните правила.

Во продолжение погледнете ја табелата со годинашните датуми, празници и правила за постење на Божиќните пости.

The post Почнуваат Божиќните пости: Ова се правилата за постење, што треба, а што не треба да јадете секој ден appeared first on Република.

Најголемата интернет-страница за купување во Нов Зеланд се извини откако ја промовираше автобиографската книга на Адолкф Хитлер „Мојата борба“ (Mein Kampf), како „совршена“ идеја за божиќен подарок.

Книгата беше вклучена во реклама на Инстаграм-страницата на „Трејд ми“ (Trade Me), којашто претставува неколку подароци, меѓу кои и овој своевиден нацистички „манифест“ од 1925 година, напишан од Адолф Хитлер.

Во книгата тој подробно ги изразува неговите политички ставови, замисли и намери за иднината на Германија, пишувајќи за супериорноста на „ариевската раса“ и за истребување на еврејското население.

„Мајн Кампф“, најдете го совршениот подарок и дајте им го она што навистина го сакаат овој Божиќ!“, се вели во веќе избришаната реклама.

Гласноговорничката на „Трејд ми“ (Trade Me), Сали Феинсон изјави за „Спиноф“ (The Spinoff), дека рекламата е предизвикана од алгоритамска грешка.

Неподносливо е да гледаме дека некој има лошо искуство со нас и навистина ни е жал што ова се случи. За овој вид реклами, нашиот тим создава шаблон за маркетинг и огласите автоматски се повлекуваат преку алгоритам. Ние не ја избравме посебно оваа книга за да се појави во оваа реклама, нагласи Феинсон.

Според прописите, книги со нацистички или материјал поврзан со холокаустот, може да се продаваат на страницата само со истакнат историски контекст. Во Нов Зеланд не е нелегално да се поседуваат и дистрибуираат вакви материјали.

„Трејд ми“ е посетуван 1,9 милиони пати секој ден во просек од 650.000 Новозеланѓани, со повеќе од 9 милиони огласи во секое време.

The post Книгата на Хитлер, „Мајн Кампф“, понудена во реклама како „совршен божиќен подарок“ appeared first on Република.

Светиот синод на Украинската православна црква на последното заседание, ја усвоило одлуката број 19.

Таа се однесува на можноста за одржување богослужба во чест на раѓањето Исус, према новојулијанскиот календар на 25 декември 2022 година, како што е објавено на официјалната страница на УПЦ.

Нема сомнеж дека оваа одлука е верска колку што е и политичка, бидејќи претставува уште еден чекор во оддалечување на украинските верници и Црквата од Руската православна црква, која на чело со патријархот Кирил ја подржува агресијата на својата држава на Украина.

The post Украинците нема веќе да го слават Божиќ во исто време со Русите appeared first on Република.

Американскиот претседател Џо Бајден и неговата сопруга Џил денеска им го честитаа Божиќ на православните христијани во САД и ширум светот.

Како и многу други во текот на изминатата година, православните христијани покажаа голема сила на карактер и истрајност, продолжија да покажуваат љубов кон своите ближни и да им служат на своите заедници во тешки времиња - се вели во честитката од американскиот претседател и првата дама.

Притоа, тие изразуваат и сочувство на оние кои ги загубиле своите најблиски за време на пандемијата и кои, како што наведуваат, „ќе го поминат овој Божиќ полни со тага“.

Џо и Џил Бајден порачуваат дека се молат за сите оние кои страдаат, со надеж дека „и покрај болката, ќе најдат сила и чувство за цел и смисла“.

Додека ја почнуваме новата година, многу православни христијани ширум светот продолжуваат да се соочуваат со прогон и дискриминација. Сакаме уште еднаш да ја изразиме нашата непоколеблива поддршка за почитувањето на универзалното и неотуѓиво право на верска слобода - се наведува во честитката.

Претседателот и првата дама на САД исто така посочуваат дека заедно со православните христијани се молат за мир, правда, слобода и исцелување во наредната година.

The post Бајден со семејството го честитаа православниот Божиќ appeared first on Република.

Модерниот начин на живот и технологијата го променија секојдневието што го живееем, а недостатокот на слободно време доведува до тоа Божиќ се’ почесто да се честита со испраќање пораки преку мобилните телефони.

Сепак, неможноста да се видите со блиските во живо не значи дека треба да пропуштите да им го честитате овој голем празник, а за тоа можете да искористите некоја од овие божиќни пораки.

1. Срцето на човекот го смислува неговиот пат, а Бог управува со неговите чекори! Се’ што правите, каде и да одите, нека биде благословен вашиот пат. Среќен Божиќ!

2. Дозволете Бог да се всели во вашето срце, љубовта во вас да се раѓа секој ден, затоа што Божиќ станува видлив во секоја љубов помеѓу луѓето. Христос се роди!

3. Нека тишината на овој свет ден ви донесе мир во надежта, радост во животот и љубов за оние со кои живеете! Од срце ви посакувам мирни денови. Христос се роди!

4. Нека сребрените зраци од Божиќното утро го осветлат вашиот подарок составен од здравје, среќа, мир и љубов. Христос се роди!

5. Божиќ доаѓа, ни се приближува Бог. Нека ве грее огнот на среќата, постојано во куќата да ви цвета радост, нека светиот крст во животот ве води, Христос се роди!

6. Нека целата година ве прати чувство на љубов, среќа, топлина и потреба за блиските да бидат до вас. Среќен Божиќ!

7. Денес простете им на оние кои ви згрешиле, подарете им љубов на најблиските, помогнете им на тажните, а на полноќ погледнете во небото – ќе видите ѕвезда што оди и тивко изговорете Христос се роди!

8. На тивката божиќна ноќ, нека во вашето срце се всели радост, љубов и надеж. Бидете здрави, силни и полни со среќа. Среќен Божиќ!

9. Денес радоста доаѓа од небото и тоа е она што ви треба. Бидете исполнети со здравје, насмевки и љубов. Имајте мир во вашиот дом. Среќен Божиќ!

10. Кога последната свеќа на Бадник догорува, слушај го срцето што ти зборува, нека радост и среќа во животот те води, среќен Божик, Христос се роди!

11. Божјата милост насекаде нека ве прати, нека за доброто со добро ви се врати, Христос насекаде да ве води, Среќен Божик, Христос се роди!

12. Денешниот блажен ден нека ви биде радосен! Божиќ вратата да ви ја злати, секогаш среќа нека ве прати. Ангел срцето кон љубов нека го води, мир Божји, Христос се роди!

13. Нека бадниковата вечер го избрише сето она што сакаш да го заборавиш, а Божикното утро ти исплете венец од здравје, среќа, љубов и Божји благослов!

14. Како што бадниковиот оган се ложи, во вашиот дом среќа да се множи, нека светла ѕвезда во животот вас ве води, зашто денес е Божик – Христос се роди!

15. Рана зора додека се руди, коледарска песна ве буди, среќа и радост Бог нека дари, полна софра, а и многу пари. Сите да ве служи здравје, бадниковата вечер да ви е на здравје! Бериќет и к’смет в куќи да ви царува, со здравје и љубов Господ да ве дарува!

The post 15 најубави пораки за да честитате Божиќ appeared first on Република.

Празничното обединување на семејствата, споделувањето на убавите зборови и благородните мисли, солидаризирањето со помалку среќните, било да се тие блиски или далечни, познати или непознати, нека ве исполнат со волшебниот мир и спокој што ги даваат празниците, напиша во честитка по повод Божиќ претседателот на Собранието Талат Џафери во лично име и од името на пратениците.

Ширењето на позитивните мисли на надеж, верба, меѓусебна почит и разбирање, хуманост, пожртвуваност и сплотеност, вели Џафери, се должност на секој од нас.

Оваа година беше посебно тешка и тажна година за нашата земја, за нашите граѓани и јас се надевам дека никогаш повеќе нема да бидеме ставени пред такви предизвици како земја, како граѓани и како човечки суштества и упатувам апел до сите Вас почитувани, да бидеме уште поодговорни кон себе, кон сите околу нас и кон државата, заедно и сплотено да ја надминеме и пандемиската криза и сите други предизвици кои ни се испречуваат на патот.  Упатувам искрени желби за добро здравје и оздравување на сите што беа засегнати од вирусот КОВИД-19, желби за семеен и душевен мир, благосостојба, личен и колективен напредок на секое поле од општественото живеење. Среќен празник!, напиша Џафери во честитката до православните верници.

The post Џафери: Заедно и сплотено да ја надминеме пандемиската криза и сите други предизвици appeared first on Република.