Во акција на МВР вчера е приведен Боро Стојчев, познат како Марлборо поради шверцот со цигари, а сега вплеткан во шверц со марихуана.

https://republika.mk/vesti/crna-hronika/pritvor-za-osum-osomnicheni-istrazhna-postapka-protiv-deset-litsa-po-aktsijata-chibuk/

Стојчев е поранешен градоначалник на Ново Село (во периодот октомври 2017 до декември 2018 година), а во јули 2018 заедно со уште четири лица (дел од неговото потесно семејство), додека ја извршуваше функцијата градоначалник, беше фатен при обид за шверц на цигари во близина на македонско-бугарската граница.

На 10.07.2018 година над с. Баделен кај местото викано „Крстец“ по претходно поставена е „Заседа“ при што околу 18,00 часот застанати биле 2 (две) теренски моторни возила кои биле натоварени со вкупно 66 (шеесет и шест) бокса цигари. Во теренските возила се превезувале лицата Боро Стојчев род. 12.12.1964 год. Јулијана Стојчева род. 17.05.1969 год. Виктор Стојчев род. 24.12.1992 год. и Горан Стојанов род. 03.02.1994 год. сите од с. Ново Коњарево. Како претходница на наведените возила со моторцикл било лицето Митко Тотошев род. 21.03.1966 год. од с. Самоилово.

Во врска со делото тој беше осуден на 18 месеци затворска казна, која подоцна беше намалена на половина година.

Како „награда“, во 2020 фирмата ЕКО- ЕНЕРЏИ КОСМОС, управувана од синот на Боро Стојчев, Виктор Стојчев доби лиценца за одгледување канабис од Министерството за здравство, односно од Владата. Тотал Инженеринг Струмица“, градежната фирма на бизнисменот Вице Заев, во 2023 станала нов сопственик на Бојана БС Панел, претпријатие дотогаш во сопственост на Боро Стојчев. Во сопственичката структура на ЦБД МЕДПЛАНТ од Борисово основана 2018 исто така бил Перо Стојчев. Фирмата во моментов има сложена сопственичка структура со Фирма и сопственици од Швајцарија и Македонија.

https://republika.mk/vesti/makedonija/bogoev-go-vrabotil-vo-tsarina-sinot-na-kriminaletsot-boro-malboro-koj-prethodno-od-sdsm-dobi-litsentsa-za-proizvodstvo-na-marihuana/

Фирмата ЕКО EНЕРЏИ-КОСМОС ДООС.ЗУБОВО НОВО СЕЛО е основана од Славица Трајковска во 2019 година (веднаш по пуштањето од затвор на Боро Стојчев). Првично дејноста била производство на електрична енергија, а управител е Боро Стојчев. Во 2020 година во сопствеништвото на фирмата влегува и Димитар Борисов Стаменов од Бугарија, Петрич. Во 2021 има повторно промена на сопствеништвото кога влегуваат Виктор Стојчев, Перо Стојчев, и Славица Трајковска. На почетокот на 2024 година за фирмата е отворена стечајна постапка со стечаен управник Зоран Денковски од Куманово. Управител на фирмата во моментов е Александар Пандев. Во 2020 година фирмата ја менува дејноста за одгледување на зачински, ароматични и лековити растенија за употреба во фармацијата, кога ја добива лиценцата за одгледување на канабис.

The post Кој е Боро Стојчев фатен во акцијата „Чибук“ – некогаш шверцер на цигари, сега на марихуана appeared first on Република.

Во акција на МВР вчера е приведен Боро Стојчев – Марлборо, поранешен градоначалник од редовите на СДС во Ново Село, кој веќе беше во затвор за шверц на цигари. Тој беше осуден на 18 месеци затвор, а излезе за половина година поради намалување на казната.

Дека Боро Марлборо е миленик на СДСМ, говори и информацијата која деновиве ја пренесе порталот Експрес, а која пренесува дека директорот на македонската царина и потпретседател на СДСМ Стефан Богоев го
вработил во царината синот на криминалецот Боро Стојчев.
Нововработениот Перо Стојчев кој сега е советник за ризици во царина претходно од СДСМ доби лиценца за фабрика за медицинска марихуана.
Само четири години откако добил лиценца од владата на Заев, Перо Стојчев е вработен на конкурс за советник во секторот за истраги како самостоен советник и ќе зема над 1000 евра плата.
Перо Стојчев ја доби лиценцата за медицински канабис откако претходно татко му беше фатен во шверц по што мораше да си даде оставка.
Цели три години од мај 2020 година ниту една институција не се занимавала со можна корупција при издавање на лиценцата за одгледување медицинска марихуана која ја доби поранешниот осуден градоначалник на Ново Село Боро Стојчев.
Фирмата чиј управител е синот на поранешниот градоначалник на струмичко Ново Село Боро Стојчев, кој е осуден за шверц со цигари, лани во мај пред 4 години доби лиценца за одгледување канабис за медицински цели. Одлуката била донесена на владина седница во април 2020 година, а ја водел Зоран Заев.
Компанијата „Еко енерџи“ чиј управител е Перо Стојчев е регистрирана во април 2020, а сопственици се двајца македонски и еден бугарски државјанин.

Стојчев помладиот за Телевизија 24 лани потврди дека фирмата чиј управител е тој добила лиценца за одгледување канабис и вели дека во тоа нема ништо спорно.
Сомнежи за клиентелизам во овој случај изрази и ВМРО-ДПМНЕ, која ја обвини СДСМ дека во време на криза, доделува лиценци за вносен бизнис на фирми блиски до власта.
Управителот на „Еко енерџи“ Перо Стојчев тогаш изјави дека добивањето на лиценца за канабис не е никаква компензација на власта кон неговото семејство. Тој апелираше до ВМРО-ДПМНЕ да не го злоупотребуваат името на семејството Стојчеви.
Поранешниот градоначалник на Ново Село Боро Стојчев и членови на неговото потесно семејство беа осудени на затворски казни, откако беа фатени во шверц со цигари, на див премин на македонско-бугарската граница. Набргу потоа, Стојчев си даде оставка од градоначалничката функција.
Досега ниту една институција не го истражувала процесот во кој синот на осуден криминалец се стекнал со лиценца за медицински канабис

The post Богоев го вработил во царина синот на криминалецот Боро Малборо кој претходно од СДСМ доби лиценца за производство на марихуана appeared first on Република.