Македонскиот фудбалски репрезентативец Бојан Миовски кој го постигна единствениот гол, на денешниот меч смета дека „рисовите“ прикажале солидна игра против незгодниот противник.

„Задоволен сум од настапот во групата. Фарските острови дојдоа по победата во Ерменија со голема самодоверба. Но, ние бевме стрпливи и смирени и ете дојде таа шанса која ја реализирав за победа. Сите сме горди што го носиме националниот дрес, сите сме заслужни за првото место и рекордите. Имаме одлична атмосфера и верувам дека и во иднина ќе се радуваме заедно.

Кога се игра за репрезентацијата чувството е различно. Овој гол ќе ми даде поголема самодоверба за настапите во Џирона“, рече Миовски.

The post Миовски: Горд сум на успесите на оваа селекција appeared first on Република.

Македонскиот фудбалски репрезентативец, Бојан Миовски постигна два гола во синоќешната гостинска победа (4:0) на Жирона над Екстремадура.

Ова беше натпревар од 1. коло од Купот на Шпанија.

Македонецот погоди во 58. и 62. минута.

Од фаворитите, синоќа пласман во следното коло обезбедија и: Селта, Алмерија и Севилја.

The post Миовски почна да дава голови за Жирона appeared first on Република.

Тренерот на Барселона, Ханзи Флик, ги советуваше своите играчи да ги заборават поразите од Жирона минатата сезона, додека двата тима се соочуваат еден со друг во петтото коло од шпанската лига.

Жирона беше големото изненадување во сезоната 2023/2024, предизвикувајќи го првото место едвај во нивната четврта кампања во елитата и победувајќи ја Барселона со 4:2 дома и на гости.

Тимот на крајот заврши на третото место зад шампионите Реал Мадрид и Барселона, но поранешниот тренер на Германија и Баерн Минхен, Флик, кој ги презеде чело на Каталонците оваа сезона, очекува тежок натпревар.

-Победивме четири натпревари во низа и сакаме да продолжиме. Знам дека ќе биде тешко бидејќи Жирона игра навистина добро. Тоа е натпревар на највисоко ниво, ниво во Лигата на шампионите и ние сме далеку од дома. Имаме самодоверба, мора да играме 100 проценти, важно е нашите играчи да дадат максимум“, рече тој на прес-конференција.

Каталонците ја отвораат својата кампања во Лигата на шампионите во четврток на гостувањето кај Монако, но Флик не ја потценува пресметката со Жирона, која е на петтото место со седум бода од првите четири кола.

Ансу Фати е блиску до враќање, но не е дел од 21-члениот тим на Барса овој викенд, заедно со повредените Гави, Френки де Јонг, Андреас Кристенсен, Роналд Араухо и Марк Бернал. Флик го повика 16-годишниот играч од средниот ред Гиљермо за натпреварот.

Жирона, која ќе се соочи со Пари Сен Жермен на отворањето на Лигата на шампионите во средината на неделата, ги доби последните два натпревари во Ла Лига.

-Ќе ни биде многу тешко бидејќи Барселона е лидер и во одлична форма. За да победиме ќе мора да имаме поголем посед на топката. Убеден сум дека можеме да одиграме одличен натпревар. Мислам дека ќе имаме одлична година, изјави тренерот Мичел. 

The post Дали нашиот Миоски ќе ја „тресне“ вечерва Барселона? appeared first on Република.

Стрелецот на Македонија синоќа на Градски, кој растури со голови во Шкотска, а наскоро ќе го гледаме во Лига на шампиони во дрес на шпански прволигаш, се најде во интересно и славно друштво.

Запознајте го TransferFeed, стартап од Лондон специјализиран за податоци за фудбалски трансфер гласини, одлично скоцкан од наши луѓе кои ни пишаа да го ѕирнеме.

Со помош на новата технологија за вештачка интелигенција и четири клучни критериуми за анализа на милиони точки на податоци, ги идентификувавале играчите кои беа во центарот на вниманието и предмет на најинтензивните шпекулации ова лето.

Така ја создале листата на Топ 100 ѕвезди на трансфер листите ова лето.

Меѓу нив има едно име од Македонија, а тоа е Бојан Миовски за кој пишуваат дека интерес имало од Болоња, Џенова, Еспањол и Саутемптон, а тој на крај ја одбра Жирона.

Се работи за 4 годишен договор потпишан на 15 август.

Неговиот прогрес во кариерата, кој му се случи рапидно во две голгетерски сезони во Абердин, за кои доби награди и признанија, му ја зголеми и вредноста.

Абердин го ангажираше од МТК, Унгарија за 650.000 илјади евра, а во Шпанија го продаде за 8 милиони евра.

На првите четири позиции на оваа листа се Дани Олмо, Федерико Киеза, Виктор Осимен и Рикардо Калафиори.

За да ја видите целата листа стиснете ТУКА.

The post Бојан Миовски во топ 100 ѕвезди на трансфер листите ова лето appeared first on Република.

 Шпанскиот прволигаш Џирона денес го промовира својот нов фудбалер - македонскиот репрезентативец Бојан Миовски.

Миовски кој одигра одлична сезона во шкотски Абердин, доаѓа во Џирона како големо засилување во напаѓачката линија.

Македонецот со свој нов клуб ќе дебитира во Лигата на шампионите.

Џирона објави дека 25-годишниот Миовски се обврза на соработка до јуни 2028 година.

Новиот напаѓач на Џирона ја започна својата професионална кариера на 18-годишна возраст, дебитирајќи во Брегалница, Во Македонија играше и за Работнички, Македонија ЃП и Ренова. Потоа потпиша за МТК во Унгарија во 2020 година. Во летото 2022 година направи трансфер за Абердин во Шкотска, каде остана две сезони. Минатата сезона тој постигна 26 гола на 53 натпревари, вклучувајќи ги и оние во шкотската Премиер лига, Лига Европа и Конференциската лига

The post Причина сезонава да гледаме „Примера: Жирона го претстави нашиот Миовски appeared first on Република.

Фановите на Абердин се збогуваа со својот миленик – Бојан МиовскиМакедонскиот репрезентативец во новата сезона ќе го игра во дресот на Жирона. Тој во шпанскиот тим оди од таборот на Абердин во кој успеа да стане еден од лидерите и да ги освои срцата на фановите, кои вчера се збогуваа со него.

The post Како навивачите на Абердин го испратија нашиот Миовски appeared first on Република.

Напаѓачот на Абердин и на македонската репрезентација Бојан Миовски е номиниран за наградата за најдобар фудбалер во сезоната 2023/24 во шкотската Премиер лигата, која традиционално од 1965 година ја доделува Здружение на фудбалски новинари (SFWA).

Миовски, како што е соопштено денеска, номиниран е за престижното признание заедно со голманот на Глазгов Ренџерс, Џек Батланд, Мет О’Рајли од Селтик и капитенот на Хартс, Лоренс Шекланд.

Миовски од почетокот на оваа сезона постигна 24 голови во сите натпреварувања и беше избран за фудбалер на годината на Абердин, а се најде во тимот на сезоната во шкотската Премиер лига.

Наградата за најдобар играч во изборот на шкотското Здружение на фудбалски новинари ќе биде доделена на гала свеченост на 19 мај.

Престижната награда се доделува од сезоната 1964/65 кога прв носител на признанието беше легендата на Селтик, Били Мекнил.

Низ историјата само четворица фудбалери на Абердин го освојувале престижното признание кое го доделува SFWA – Мартин Бухан (1970/71), Гордон Страхан (1979/80), Вили Милер (1983/84) и Алекс Меклиш (1989/90).

The post Бојан Миовски номиниран за фудбалер на годината во Шкотска appeared first on Република.

Македонскиот фудбалски репрезентативец Бојан Миовски е задоволен од атмосферата во националниот тим. Тој очекува добри игри и позитивни резултати на двата претстојни контролни натпревара со Молдавија и со Црна Гора.

- Секогаш е одлично чувството кога одново сме во репрезентативниот дрес. Убаво е да се видиме после подолг временски период и гледаме позитивно на натпреварите кои ни следуваат. Доколку целта е да играме на големо натпреварување треба да играме со одлични репрезентации и на контролни натпревари. Молдавија и Црна Гора, а потоа и Хрватска во јуни се одличен тест за нас, треба да дадеме се од себе, да ги слушаме насоките на селекторот, да се фокусираме на стратегијата и се разбира, да се воигруваме за следниот циклус. Јас секогаш давам 200 % за клубот и репрезентацијата, секако ќе ми биде многу драго да почнам да погодувам и во националниот дрес, различно е чувството кога даваш гол за репрезентацијата и се надевам и се надевам дека ќе ја искористам шансата ако ми се укаже.

The post Миовски: Ќе ми биде многу драго да почнам да погодувам и во националниот дрес appeared first on Република.

Бојан Миовски кој со голем успех игра во дресот на Абердин има успех и надвор од теренот. Шкотските медиуми пишуваат за неговата нова девојка со која се фотографирани во еден ресторан.

Се работи за Сара Марџи во која 24 годишнииот Бојан е заљубен. Сара живее во Лајпциг и засега љубовта им е на далечина но тоа не ги спречува да се гледаат што имаат неколку слободни денови.

The post Бојан Миовски тресе и надвор од теренот appeared first on Република.

Новиот тренер на Абердин, Нил Ворнок искажа пофални зборови за македонскиот фудбалски репрезентативец Бојан Миовски кој продолжи со одличните игри, па во само три дена постигна голови против шкотските фудбалски гиганти Селтик и Глазгов Ренџерс.

Синоќа Миовски погоди во поразот од Глазгов Ренџерс (1:2).

- Не верувам дека во моментов некој е подобар од Миовски во Шкотска. Абердин од него сигурно ќе заработи многу пари доколку го продаде. Утре да замине во англиската Премиер лига и таму ќе биде на ниво. Мислам дека Бојан ќе даде барем уште 10 гола до крајот на сезоната, изјави Ворнок.

Иако зимава Миовски беше поврзуван со заминување од Абердин, сепак на крај реши да остане барем до крајот на сезоната. Во досегашниот дел од сезоната стигна до вкупно 20 гола.

The post Mиовски е новата ѕвезда на островскиот фудбал appeared first on Република.

Бојан Миовски е во одлична форма.Тој денеска даде гол за својот Абердин откако убаво го „измеша“ обрамбениот играч на Селтик.Сепак тоа не беше доволно за победа бидејќи гостите постигнаа гол за 1-1.

🏴󠁧󠁢󠁳󠁣󠁴󠁿 Goal: Bojan Miovski | Aberdeen 1-0 Celticpic.twitter.com/UXk2AhBjJc

— FootColic ⚽️ (@FootColic) February 3, 2024

The post Миовски му даде гол на Селтик appeared first on Република.

Македонскиот фудбалски репрезентативец Бојан Миовски ги постигна двата гола синоќа во победата на Абердин над Ливингстон.

Ова беше натпревар од 12. коло на шкотската Премиер лига.

Гостите први дојдоа во водство, но Македонецот погоди за изедначување во финишот на првиот дел, додека во 65. минута ги постави конечните 2:1.

За Миовски ова беше осми погодок во тековната сезона во шкотското првенство.

Абердин по 16 натпревари има 19 бода и во моментов се наоѓа на осмата позиција на табелата

The post Mиовски му донесе нова победа на Абердин appeared first on Република.

На синоќешниот натпревар меѓу ПАОК и Абердин во Солун беа забранети македонски знамиња. Причина е македонскиот репрезентативец Бојан Миовски кој настапува за шкотскиот тим. Тој на првиот меч им покажа три прста и тоа беше доволен повод за домаќините да забранат наши знамиња на „Тумба“ стадионот.

Добрососедски, нема што

The post „Добросососедски“: Во Солун беа забранети македонски знамиња на фудбалски меч appeared first on Република.

Македонскиот репрезентативец во дресот на Абердин Бојан Миовски одигра одличен натревар против грчки Паок во мечот од Конференциската лига. При постигнувањето на голот тој ги почести грчките фудбалери и навивачи со три кренати прста како голем Македонец.

Бојан секоја чест

The post Ги поздрави Грците со три кренати прста: Миовски голем Македонец appeared first on Република.

Македонскиот фудбалски репрезентативец и член на Абердин, Бојан Миовски има тешка повреда заработена синоќа на натпреварот со  Сент Мирен во 37.коло од првенството на Шкотска.

Се играше 31.минута кога врз Миовски грубо стартуваше Тјери Смол кој по прегледување на ВАР доби црвен картон.

Подетално за повредата на Миовски ќе се знае во текот на денот, но сигурно е дека за закрепнувањето на левиот скочен зглоб ќе треба подолго време.

Инаку, Абердин го доби натпреварот со 3:0 и се зацврсти на 3. место во поредокот

The post Миовски се повреди, најверојатно нема да игра против Украина appeared first on Република.

Стрелецот на два од четиритте гола на натпреварот против Грузија, Бојан Миовски, по мечот изјави дека е горд и среќен што успеа да постигне два гола на Националната арена во Скопје.

„Добро го почнавме дуелот. Уште во 3. минута погодивме, а потоа беше се полесно за нас. Во второто полувреме имавме доста измени, малку падна играта, но задоволни сме со резултатот и победата. Да се постигне гол за националниот тим е најубавото чувство кое може да го почуствува секој фудбалер. Среќен сум поради двата гола, но и победата на Македонија. Се додека математички имаме шанси ќе се бориме. Ние ќе дадеме се од себе да ги победиме тие два меча и да се надеваме на уште некој кикс на Грузија“, вели нашиот голгетер.

The post Миовски: Да се даде гол за својата земја е најубавото чувство за еден фудбалер appeared first on Република.