бојан јовановски Archives - Република

„Ќе занеме целиот свет“ вели Боки 13 најавувајќи го документарно-играниот филм „Рекет“

Марина — Tue, 08 Oct 2024 15:38:45 +0000

Почитувани, со оваа фотографија го најавувам документарно-играниот филм „Рекет“ објави Бојан Јовановски, еден од обвинетите во најкотроверзната афера во Македонија, за која веќе најави дека има доста што да каже.

Верувајте дека ќе занеме целиот свет!
Наскоро доаѓа вистинската приказната за најголемата општествено-правна афера „Рекет“, порачува тој.

The post „Ќе занеме целиот свет“ вели Боки 13 најавувајќи го документарно-играниот филм „Рекет“ appeared first on Република.

Боки 13 со коментар за судијата Георгиев: Јас осуден на девет години без пари, а Наќе фатен со пари доби три години

Игор Чавески — Fri, 16 Aug 2024 07:51:16 +0000

Бојан Јовановски-Боки 13, кој беше осуден во случајот „Рекет“, ја искоментира спогодбата на Обивинителството за гонење организиран криминал и корупција со судијата Наќе Герогиев, но и со членот на Советот на јавни обвинители, Иџет Мемети. Тој иронично вели: „Баш одлично!!!“, а потоа посочува дека тој како цивилно лице без функција добил девет години затвор, додека судијата Георгиев за истото дело ќе добие три години со спогодба.

„Јас бев осуден на казна затвор од 9 години за кривично дело : Примање награда за противзаконито влијание од чл. 359 ст.7 в.в. ст.3 в.в. со ст.2 од Кривичниот законик. Запретената казна затвор за ова кривично дело е од една до десет години!

За истото ова кривично дело денеска врховниот судија Наќе Георгиев, признал вина, се спогодил и добил казна затвор од три години, а вчера за истото дело Иџет Мемети добил условна казна и забрана за вршење на дејност!

Во насока на ова, значи јас и Наќе сме судени за исто кривично дело, само разликата е тоа што Наќе е фатен со пари, а кај мене пари никогаш не биле фатени, ниту најдени!!! И уште поважно Наќе и Иџет биле ВРХОВЕН СУДИЈА и ЧЛЕН НА СОВЕТ НА ЈАВНИ ОБВИНИТЕЛИ, ПА ОТТУКА СОГЛАСНО НИВНИТЕ ФУНКЦИИ МОЖЕЛЕ ДА ГО СТОРАТ ОВА КРИВИЧНО СО ИСКОРИСТУВАЊЕ НА НИВНИОТО ПРЕТПОСТАВЕНО ВЛИЈАНИЕ И ДА ВЛИЈААТ!!!

Едно прашање за правните умови, но и заради здрава логика: А со кое претпоставено влијание сум влијаел јас (заради што сум осуден на 9 години), кога не сум бил ни судија, ни функционер, ни премиер односно не сум бил никакво избрано лице – функционер со реален авторитет како е предведено во текстот на конкретното кривично дело?!?

Во приказнава за Наќе и Иџет мене ми фали и некој трет, на пример на кого му влијаеле, каде и што и на кого интервенирале за правно олеснување на Боро Малборо…? Бидејќи ако нема трет во приказнава на двајцава “угледни граѓани” Наќе и Иџет треба да им се суди за Измама од КЗ или пак сигурно има и трет и четврт во приказнава ама се сокриени и непознати, па затоа спогодобиве и казните се вакви од благи, поблаги?!?

Оттука сосема за крај, Предлог – Спогодба како институт се користи при постоење на признание за вина, и тоа е законско право и не е спорно, но спорно е колку овој институт е злоупотребуван во изминатите години и колку матни спогодби со смешни казни за сериозни криминали се постигнати и најспорно од сѐ, под чии патронат се направени и кој примил награди за таквите спогодби и казни???“, пишува Јовановски и додава:

Да не е трагично, ќе биде многу смешно!“

The post Боки 13 со коментар за судијата Георгиев: Јас осуден на девет години без пари, а Наќе фатен со пари доби три години appeared first on Република.

Не се знае до кога Боки 13 ќе биде на „распуст“

Игор Чавески — Mon, 22 Jul 2024 11:58:12 +0000

Директорот на управата за извршување на санкции Александар Пандов за Бојан Јовановски, познат како Боки 13, кој иако треба да биде во затвор не е, рече дека од Судот добил условен прекин поради здравствени причини.

-Проверив за него. Тој има добиено условен прекин, до кога не знам, но тоа судот му има одредено поради здравствени причини. Тоа не е прекин кој што го дава Управата туку Судот и има овластување Судот тоа да го направи, рече Пандов.

https://republika.mk/vesti/makedonija/pandov-ja-povika-katitsa-janeva-pak-da-pobara-da-odi-na-rabota/

The post Не се знае до кога Боки 13 ќе биде на „распуст“ appeared first on Република.

Заев, Спасовски, Кирацовски, Вилма добија кривична пријава од Боки

Игор Чавески — Fri, 10 May 2024 13:24:57 +0000

Зоран Заев, Оливер Спасовски, Александар Кирацовски, Миле Зачевиќ, Вилма Русковска се најголемите политичари и обвинители против кои Бојан Јовановски поднесе кривични пријави до Обвинителството за организиран криминал, а денеска имаше и распит.

На распитот ги соопштил сите докази i сознанија против политичарите за кои поднесе кривични пријави, а дел ќе ги предаде на Обвинителството по писмен пат.

[caption id="attachment_265127" align="alignnone" width="640"] (фото: МИА)[/caption]

„Сите мои сознанија ќе бидат материјализирани со докази кои потекнуваат од мојот телефон којшто ми беше одземен при апсењето во случајот Рекет. Станува збор за повеќе кривични дела, злоупотреба на службената положба, злоупотреба на јавни набавки, изборни нерегуларности, незаконско финансирање политичка партија. Освен за злоупотреба на службената положба, обвинителката Вилма Русковска е пријавена и за тортура и примање поткуп“, кажа Јовановски.

The post Заев, Спасовски, Кирацовски, Вилма добија кривична пријава од Боки appeared first on Република.

Кон кого ќе сврти „бумерангот“ на Боки?

Игор Чавески — Fri, 10 May 2024 06:17:46 +0000

Денеска во 10 часот во Основното јавно обвинителство за гонење на организиран криминал и корупција започнува кривично-правната операција со кодно име – “Бумеранг” која ја најави Бојан Јовановски- Боки 13 изминатата година кога побара прием кај шефот на наведеното обвинителство, јавен обвинител Ислам Абази.

-По делегирање на надлежен јавен обвинител оформен е предмет. Тој е повикан за прв пат да дава исказ и да ги поднесе кривичните пријави за сторени кривични дела на високопрофилирани лица, функционери, политичари, обвинители, судии и бизнисмени, стои во соопштението од Тимот за комуникации на Јовановски.

Oва следува откако Бојан на поткастот кај Лазаров најави дека ќе ја истера правдата до крај.

The post Кон кого ќе сврти „бумерангот“ на Боки? appeared first on Република.

Боки 13: Го победивме злото! Нека е со среќа!

Марина — Wed, 08 May 2024 16:39:25 +0000

Заедно со мајка ми излеговме и гласавме, го остваривме нашето право на глас за двата изборни процеси, важно е денеска да покажеме достоинство, одважност и сигурност, порача денеска од гласачкото место Бојан Јовановски - Боки 13.

Црвено за радост и љубов, црвено за Македонија, порача Боки.

По објавата на ДИК дека до 17 часот за претседателски избори излегоа над 40% од граѓаните тој додаде:

Завршено - Македонија ќе добие нов претседател!!!! Денеска успеа и победи Македонија!!!!
Го победивме злото!!! Нека е со среќа!!!

The post Боки 13: Го победивме злото! Нека е со среќа! appeared first on Република.

Бојан Јовановски: Лидерот на српската опозиција го бараше од Заев моделот на „Шарената револуција“

Игор Чавески — Wed, 08 May 2024 06:24:12 +0000

Бојан Јовановски во поткастот кај Стефан Лазаров откри за контактите на Зоран Заев со српската опозиција, односно со противниците на Александар Вучиќ. Како пример го наведе Зоран Башановиќ, кој бил чест гостин во 1ТВ, а во тоа време советник на Заев.

[caption id="attachment_775185" align="alignnone" width="640"] Зоран Башановиќ, советник на Зоран Заев, на отворањето на 1ТВ[/caption]

Неговите политички опоненти доаѓааа кај мене во телевизија. Доаѓаше и Ѓилас и имаше интервју, а оттаму замина кај Заев и му го бараше моделот на „Шарената револуција“ - откри Јовановски.

The post Бојан Јовановски: Лидерот на српската опозиција го бараше од Заев моделот на „Шарената револуција“ appeared first on Република.

Надлежните треба да го гонат Кичеец за лажно пријавување, смета адвокатот Туфегџиќ

Марина — Tue, 07 May 2024 11:25:35 +0000

Бојан Јовановски – Боки 13 ги отфрла наводите за пријавата за загрозување на сигурноста, демнење и лажно пријавување. Како што информираше по денешниот информативен разговор во полициската станица во Кисела Вода, пријавувачот е Зоран Милевски-Кичеец, а целта е да му врши притисок.

Јовановски вели дека Кичеец е човек кој се огрешил пред законот, а не одговарал за тоа и неговата реакција е очекувана. Како што рече „ова е почеток на конечна битка и разрешница со цела криминална банда“.

Не сум го пријавил јас Зоран Милески на мојот фејсбук профил за да бидам пријавен дека лажно сум пријавил кривично дело. Напротив, Зоран Милески Кичеец е дел од моите кривични пријави за сторени кривични дела кои ги сторил истиот за кои јас имам индиции - докази дека ги сторил, но тоа ќе биде предмет пред јавен обвинител во друга постапка и не во оваа форма, а ова го сметам за директен притисок поради тоа што тоа се случи вчера кога скоро цела држава знаеше дека имам јавен настап, најавено интервју каде што и пријавителот во случајот Зоран Милески Кичеец беше еден од лицата за коишто зборував, рече Јовановски.

https://republika.mk/vesti/makedonija/koga-kradetsot-veli-drzhete-go-kradetsot-veli-boki-za-kicheets-koj-go-prijavil-za-zagrozuvane-na-bezbednosta/

Според адвокатот на Јовановски, Владимир Туфегџиќ, наводите на Кичеец се неосновани, а за лажното пријавување очекува одговорност.

Ги отфрламе сите наводи, бидејќи сметаме дека не постојат законски основи за понатамошно процесуирање. Потпишавме записник и воедно можам да кажам дека самиот настан е од таков тип што фактички сметам дека надлежните треба да преземат мерки и активности во насока на водење на постапка за лажно пријавување спрема пријавителот, бидејќи тој што знае дека некој не сторил кривично дело, а пријавил, исто така подлежи на кривична одговорност, рече Туфегџиќ.

Пријавата се однесува на фејсбук статус на Јовановски во кој наведува дека лица блиски до Кичеец веќе неколку дена му се закануваат и вршат притисок со цел да го откаже второто гостување во подкастот кај Стефан Лазаров.

Зоран Милески Кичеец и Бојан Јовановски беа обвинети за случајот „Рекет“, во кој обвинета беше и поранешната специјална обвинителка Катица Јанева.

Јовановски и Јанева беа прогласени за виновни во случајот при што Јовановски доби казна затвор од девет години за примање награда за противзаконито влијание и за перење пари, а Јанева седум години за злоупотреба на службената положба и овластување.

Во издвоена постапка Зоран Милевски–Кичеец призна вина за примање награда за противзаконито влијание и му беше изречена казна затвор од три години.

The post Надлежните треба да го гонат Кичеец за лажно пријавување, смета адвокатот Туфегџиќ appeared first on Република.

„Кога крадецот вели држете го крадецот“, вели Боки за Кичеец кој го пријавил за загрозување на безбедноста

Марина — Tue, 07 May 2024 10:35:55 +0000

Бојан Јовановски – Боки 13 утринава се појави на информативен разговор во полициската станица во Кисела Вода откако вчера, додека гостуваше во живо на поткастот „Лазаров“, доби телефонски повик од родителите дека полицијата го барала во нивниот дом.

Боки е пријавен од страна на Зоран Милевски-Кичеец поради статус на „Фејсбук“ во СВР Охрид, па оттаму СВР Скопје постапува по барање по повод пријава за сторени три кривични дела – загрозување на безбедноста, демнење и кривично дело лажно пријавување.

https://republika.mk/vesti/makedonija/politsija-vleze-vo-domot-na-boki-dodeka-beshe-na-podkast-kaj-lazarov/

Боки-13 ги отфрлува сите наводи за понатамошно процесуирање.

Тој посочи дека Кичеец е дел од неговите кривични пријави за сторените кривични дела за кои тој има докази.

Тоа ќе биде предмет на постапка, а ова го чувствувам како директен притисок бидејќи се случи вчера кога речиси цела држава знаеше дека имам јавен настап, најавено интервју. Пријателот на Кичеец беше едно од лицата за кои зборував. Од авион се гледа дека тенденција е во прашање, притисок. Знаете како, човек којшто цел живот се заканувал и се занимавал со таков тип на работа, овде единствено што ми се поклопува е да ја кажам онаа народната – кога крадецот вели држете го крадецот. Заканувачот и насилникот пријавува некакво насилство. Беспредметно е и трошењето време на полициските службеници кои мора да ја запазат формата. Јасен ми е стравот на Зоран Милевски-Кичеец, очекуван. Човек којшто толку многу се огрешил пред законот, а не одговарал на сите грешки соодветно, човек којшто нанел многу злодела за кои не бил санкциониран навремено, очекувано е да има вакви потези како овие. Јас сум решен, ова е почеток на конечната битка и разрешница со цела криминална банда, а во таа криминална банда еден од предводниците е Зоран Милевски-Кичеец, рече Боки по разговорот во полиција.

The post „Кога крадецот вели држете го крадецот“, вели Боки за Кичеец кој го пријавил за загрозување на безбедноста appeared first on Република.

Полиција влезе во домот на Боки додека беше на подкаст кај Лазаров

Игор Чавески — Mon, 06 May 2024 19:59:01 +0000

Вечерва со почеток од 20 часот започна да се емитува вториот дел, второто гостување на Бојан Јовановски- Боки 13 кај јутјуберот Стефан Лазаров.

По извесно време, подкастот мораше да биде прекинат откако на Јовановски му јавија дека има полиција во домот кај неговите родители. Боки откако се јави на неговата мајка ја напушти емисијатаа потоа се врати и опиша што се случило.

– Се слушнав со мајка ми, видно вознемирена, во два наврати доаѓало полиција во мојот дом во Тафталиџе. Ме бараат на информативен разговор. Пријавен сум по член 144 од КЗ, тоа е загрозување на безбедност. Моите информации велат дека Зоран Милески – Кичеец ме пријавил дека јас сум му ја загрозил безбедноста со тоа што сум споменал јавно и сум објавил дека тој стои позади заканите и тој е човекот што сакаше да ме замолчи, рече Јовановски

The post Полиција влезе во домот на Боки додека беше на подкаст кај Лазаров appeared first on Република.

Боки 13: За секта, секташки резултат!

Марина — Wed, 24 Apr 2024 20:18:56 +0000

По првичните резултати од првиот круг на претседателските избори според кои кандидатката на ВМРО-ДПМНЕ, Гордана Силјановска Давкова со над 150.000 гласови води пред кандидатот на СДСМ Стево Пендаровски, се огласи и Бојан Јовановски кој порача:

За секта, секташки резултат!!!! АЈ ПРИЈАТНО, БАЈ БАЈ БЕЈБИ БАЈ!!!

Јовановски во подкастот „Лазаров“, во која откри многу скандали поврзани со функционерите на СДСМ, прват ја нарече таа партија секта. Рече дека е историска грешка во која тој учествувал како симпатизер на Шарената револуција.

Никола Груевски забега во тој период кога се случуваше Шарената револуција, но потоа Зоран Заев забега по 100. Јас сум бил отсекогаш симпатизер на СДСМ, но СДСМ нема идеологија. Тоа е една секта која се убива меѓу себе и нема да постои по изборите како партија, вели Јовановски.

Тој тврди дека СДСМ во тој период имала многу полза од него и неговите врски во естрадниот свет.

Во моментот кога Заев го доби мандатот од Иванов, се официјализира Меѓународен сојуз, а јас станав претседател на таа организација. Имавме супер визија, но за жал и таму ме извозија, ме изманипулираа. Дозволив и огорчен сум, вели Боки 13.

The post Боки 13: За секта, секташки резултат! appeared first on Република.

„Вилма, време е да си ги смениме местата!“ ѝ порачаа осудените за 27 април по пораките објавени од Боки

Марина — Tue, 23 Apr 2024 17:33:26 +0000

Бојан Јовановски-Боки 13 во поткастот „Лазаров“ читаше пораки за кои рече дека се разменети помеѓу него и Вилма Русковска, тогаш шефица на Обивнителството за гонење организиран криминал, а најшокантни меѓу нив беа преписките на само два дена пред пресудите за „27 април“, за кои обвинителката веќе го знаела исходот.

https://republika.mk/vesti/makedonija/samo-edna-osloboditelna-drugite-site-visoki-ruskovska-predvreme-gi-znaela-presudite-za-27-april/

Таа ги знаеше пресудите за 27 април пред судот да ги изрече и да донесе пресуда. Јас ѝ пишувам: ‘Утре ќе ја пренесуваме пресудата за 27, цела’, Вилма враќа: ‘Ќе биде интересно, највисоки казни, после ќе давам изјава’. Јас враќам: ‘Значи Кацарска ќе направи лом’, Вилма вели: ‘Лом, лом, ќе видиш’. Јас ѝ викам: ‘Дај некоја ексклузива’, јас ѝ барам ексклузива на телевизијата. Она ми одговара: ‘Само една ослободителна, другите сите високи’. Русковска: ‘После пресудата ќе ја бараме Кацарска да гостува’ и точно, дојде кај Гордана Дувњак да гостува во емисија. Таа ми изнесува пресуда пред пресудата да биде изнесена. Потоа ми зборува за директори кои што ќе бидат ексклузивно апсени за две недели итн“, вели меѓудругото Јовановски.

Дел од осудените јавно ѝ порачаа дека тежок ќе ѝ е крајот.

На страницата „Слобода за Јане Ченто“ осамна порака дека доаѓа денот.

Тек доправа ќе треба да одговараш за местенките, за криењето записници, криењето докази кои се во наша корист, искривување на факти, менаџирањето на процесот….и многу други работи за предметот 27ми април, се вели во објавата со најава дека „Доаѓа денот“.

Горан Ангелов-Ќосето, пак, ѝ порача „време е да си ги смениме местата!!“

Игор Дурловски, кој доби ослободителна пресуда, напиша: Е ова е „Вистината за Македонија”, алудирајќи на бомбите на Заев.

Реагираше и адвокатот Драган Пешевски.

Ете го новиот доказ потребен за повторување на постапката за 27ми април, кај Стефан Лазаров у емисија – лајв. Нема кој само да им ги врати годините излежани на лугево, а за све што ке ви следи пошто Господ сте си играле ич не ве жалам!!!, напиша Пешевски.

Остра реакција и од адвокатот Воислав Димоски.

Никој не е изненаден од околноста дека обвинителката (која е нели, странка на постапката!) ги знаела пресудите за „27-ми април“ пред судијката јавно да ги изрече. Никој не се изненади ни кога таа судијка стана судија и претседател на Уставниот суд, а начинот на кој го спроведе судењето се предава на универзитети ширум светот како пример за кршење на правото на одбрана. Никому не му е чудно што обвинител кој на дневна основа лиферувал информации до Боки 13 за обвинителски предмети напредувал до обвинител во Републичкото Обвинителство, откако претходно под закрила на Началникот стигнал до одделението за организиран криминал. Напредувањето во кариерата било очекувано бидејќи луѓе кажуваат дека го виделе како се гушка со тогаш новиот премиер. Место на гушкање: охридски хотел за чии диво изградени делови пак, друга обвинителка ќе го заташка предметот и ќе биде наградена со напредување во кариерата. Очекувано! Дури не се прекине синџирот на негување на правосудни функционери кои се слуги на сите господари, нема што да зборуваме за реформи во правосудството! Правдата треба да се врати во рацете на праведните!, напиша Димоски.

The post „Вилма, време е да си ги смениме местата!“ ѝ порачаа осудените за 27 април по пораките објавени од Боки appeared first on Република.

Филипче, Заеви, Лукаревска, Богоев…Кој сè земал торби полни евра и средувал проценти според црниот тефтер на Бојан Јовановски

Марина — Tue, 23 Apr 2024 16:55:52 +0000

Шоуменот Бојан Јовановски, кој заглави судските ходници, па во затвор за случајот „Рекет“ со фамозната „луј витон“ торба и поради организацијата „Меѓународен сојуз“, во поткастот „Лазаров“ пет часа зборуваше за функционерите и јавни лица кои биле вмешани во криминали, на кои тој бил сведок.

Од црното тефтерче на Боки во неговата исповед излегоа имињата на семејството Заеви, особено браќата Зоран и Вице, нивниот добар пријател политичарот Венко Филипче, некогашната обвинителка Вилма Русковска, потпретседателите на СДСМ Стефан Богоев и Сања Лукаревска, новинарите Сашо Ордановски и Борјан Јовановски итн итн.

Венко Филипче кај мене дома се дрзна да преговара за милионски бизниси, сакаа да продаваат болница со Јордан Камчев. Преговараа за продажба на болницата и Филипче, како тогашен министер за здравство си побара колку пари треба за него и Заев, вели Јовановски.

Повеќе:

https://republika.mk/vesti/makedonija/boki-13-filipche-kaj-mene-doma-pregovarashe-prodazhba-na-gob-8-septemvri-i-dogovarashe-protsent-za-nego-i-za-zaev/

За фамозната торба, рече завршила кај Вице Заев:

https://republika.mk/vesti/makedonija/bojan-jovanovski-kicheets-ja-odnese-torbata-luj-viton-kaj-vitse-zaev/

Боки 13 читаше пораки за кои рече дека се разменети помеѓу него и Русковска, тогаш шефица на Обвинителството за гонење организиран криминал и откри дека два дена пред пресудите за „27 април“ таа веќе ја знаела судбината на обвинетите кои поради неа лежат за делото „тероризам“.

Повеќе:

https://republika.mk/vesti/makedonija/samo-edna-osloboditelna-drugite-site-visoki-ruskovska-predvreme-gi-znaela-presudite-za-27-april/

Тој ја спомена и директорката на УЈП, Сања Лукаревска, која е носител на листа за СДСМ, за која вели уште молчи за скандалот од 800.000 евра за РЕК Битола во кој е вмешана.

Повеќе:

https://republika.mk/vesti/makedonija/jovanovski-inspektorite-na-lukarevska-mi-vrshea-psihichka-tortura-za-da-potpisham-nepostoechki-raboti-a-taa-molchi-za-skandalot-od-800-000-evra-za-rek-bitola-vo-koj-e-vmeshana/

Јас бев сведок кога Силјан Мицевски во мојата канцеларија во 1ТВ му даде полн коверт со евра на Александар Кирацовски, зборува Боки во врска со далаверите во РЕК Битола.

Повеќе:

https://republika.mk/vesti/makedonija/boki-13-siljan-mitsevski-vo-mojata-kantselarija-vo-1tv-mu-dade-poln-kovert-so-evra-na-aleksandar-kiratsovski/

Јовановски рече дека многу избори во Македонија се наместени. Едни од оние кои ги спомена беа и локалните избори:

https://republika.mk/vesti/makedonija/jas-preku-moi-kontakti-izlobirav-stefan-bogoev-da-stane-gradonachalnik-na-opshtina-karposh-veli-boki-13/

Зборувајќи за неговата телевизија, тој не штедеше зборови ни за „големите новинарски имиња“.

Да не ги заборавиме контактите на Ордановски со разни позиционирани лица. Подоцна беше човек кој ги бранеше тезите на обвинителството на Русковска, вели Јовановски.

https://republika.mk/vesti/makedonija/boki-za-urednitsite-od-1tv-sasho-ordanovski-raboti-za-sluzhbi-borjan-jovanovski-e-neseriozen-lik-me-ogovaraa-vo-fejsbuk-grupa/

Ме изманипулираа. Дозволив и огорчен сум, вели Боки 13 зборувајќи за СДСМ.

https://republika.mk/vesti/makedonija/bojan-jovanovski-sdsm-e-sekta-koja-se-ubiva-megu-sebe-po-ovie-izbori-nema-da-postoi-kako-partija/

The post Филипче, Заеви, Лукаревска, Богоев…Кој сè земал торби полни евра и средувал проценти според црниот тефтер на Бојан Јовановски appeared first on Република.

Бојан Јовановски: Кичеец ја однесе тoрбата „Луј Витон“ кај Вице Заев

Игор Чавески — Tue, 23 Apr 2024 09:19:23 +0000

Бојан Јовановски кај Стефан Лазаров откри што имаше во фамозната „Луј Витон“ и каде заршила торбата.

Тој вели дека „Луј Витонот“ го зел Зоран Милевски-Кичеец и ја однесол кај Вице Заев.

Што имало во таа торба најдобро може да каже Зоран Милевски-Кичеец. Тој ја носеше торбата и тој му ја врати на Орце Камчев, дали истата вечер кога бевме или утредента му ја врати. Замина со торбата заедно со мене, ме остави дома со неговата кола, замина на средба со Вице Заев во ресторан за морски плодови. Потоа излегува дека јас сум човекот што го изрекетирал Јордан Камчев. Вистината е следна: Јордан Камчев бараше трети лица за спас од кривичен прогон за него, за мајка му и сестра му. Парите не е докажано дека ми ги дал“, тврди Боки.

https://republika.mk/vesti/makedonija/samo-edna-osloboditelna-drugite-site-visoki-ruskovska-predvreme-gi-znaela-presudite-za-27-april/

The post Бојан Јовановски: Кичеец ја однесе тoрбата „Луј Витон“ кај Вице Заев appeared first on Република.

Јовановски: Инспекторите на Лукаревска ми вршеа психичка тортура за да потпишам непостоечки работи, а таа молчи за скандалот од 800.000 евра за РЕК Битола во кој е вмешана

Билјана — Tue, 23 Apr 2024 08:56:36 +0000

„Сите кажаа доколку немаше поддршка од Влада и не доаѓаше Кирацовски, Фросина Ременски, Стефан Богоев, не се јавуваше Зоран Заев да комуницира со нив, да се јавува на Наташа Петроска од Битола, немаше да биде ништо од тоа. Јас без нивната поддршка не сум можел ништо од тоа да направам. Па тоа беа луѓето кои што закажуваа состаноци и кај таа Наташа Петроска, и кај покојниот градоначалник во Охрид, поради тоа што Силјан требаше да гради и во Охрид и во Битола“, истакна Бојан Јовановски познат како Боки 13 во вчерашното емитување на поткастот на Лазаров.

Јовановски додаде дека и на крај целиот товар се свали на него. Тој нагласи дека тој со сите тие луѓе до денот на неговото апсење беше во комуникација со нив.

„Зошто ги менуваа исказите? Ги менуваа по една пресија, која што пресија ја прави Сања Лукаревска, директорката на УЈП. Е, сега замислете средства нема уплатено на Меѓународен сојуз, не знаат како они да стигнат до уште поголемо сатанизирање на мојот лик, дело, уште поголемо угнетување на мене и мојата фамилија, и они ги праќаат инспекторите од УЈП да влезат во телевизијата, во Меѓународен сојуз. Не може ништо да најдат и мене ми доаѓаат во притвор и ме малтретираа и тоа една Лидија и еден Албанец“, појасни Јовановски.

Тој посочи дека го малтретирале на мртво. Го приморувале да потпише записници за непостоечки работи кои што тој не ги знае.

„Ми вршеа психичка тортура. Замислете јас сум економски неук човек. Значи на човек кој што е неук во струката, ти му претставуваш некакви си записници, а немам право во моментот да побарам било каква супервизија од стручно лице“, рече тој.

Јовановски укажа дека Лукаревска го обвинувала дека не платил данок за карти за концерт, демек имало 4-5 милиони денари за карти, а таму имаше едвај 100-200 карти продадено.

„Сања Лукаревска денес е потпретседател на СДСМ, во мое време додека и требав на Сања Лукаревска знаеше да гостува во телевизија, да биде афирмативна, да ме прибира таму во канцеларијата нејзина, да ми доаѓа на гости, да гостува кај Ацо Кабранов. Значи да биде онака мед и млеко. Кај Сања Лукаревска има скандал од 800 илјади евра кои што Силјан Мицески дојде да ги пријави поради тоа што исто сакаа да му стегнат ваква кривична пријава за затајување на данок за РЕК Битола и му бараа 800.000 евра, а тоа беше во мое присуство. Тука сум личен сведок на таа ситуација, за да му биде повлечена пријавата и записникот од некаква си ревизија и да биде променет. И сето тоа го знаеше Сања Лукаревска. И за ова имам докази“, нагласи Јовановски.

„Таа беше машата како Силјан Мицески и Ардијан Амзески ги менуваа исказите од тоа не сме оштетени, немаме што да пријавиме, не се чувствуваме оштетени и измамени. Во денот кога они даваа искази пред Русковска, во тој момент им влегува инспекција од УЈП под диригентска палка и диригенција на Сања Лукаревска во координација со Заев“, укажа тој.

The post Јовановски: Инспекторите на Лукаревска ми вршеа психичка тортура за да потпишам непостоечки работи, а таа молчи за скандалот од 800.000 евра за РЕК Битола во кој е вмешана appeared first on Република.

„Само една ослободителна, другите сите високи“: Русковска предвреме ги знаела пресудите за „27 април“

Игор Чавески — Tue, 23 Apr 2024 07:38:57 +0000

Бојан Јовановски-Боки 13 во подкастот кај Стефан Лазаров читаше пораки за кои рече дека се разменети помеѓу него и обвинителката Вилма Русковска, која беше шефица на Обивнителството за гонење организиран криминал.

Бојан Јовановски-Боки 13 читаше пораки за кои рече дека се разменети помеѓу него и обвинителката Вилма Русковска, која беше шефица на Обивнителството за гонење организиран криминал.

„Јас ја прашувам на 23.02.2019 година,

‘Вилмич, кај сакаш да седнеме на вечера’. И ги повикувам медиумите, еве, и таа нѐ гледа, можеби само е во алкохолизирана состојба, да ѝ се јават и да ја прашаат дали е тоа точно или не е, ако е тоа точно. Вилма ми одговара ‘Ќе ви јавам, само да завршам’, јас ја прашувам ‘Што сакаш од Италија, Вилмич’, таа ми одговара: ‘Од Италија само кондури се купуваат’, јас ја прашувам: ‘Кој број кондури носич Вилмич’, таа вика ’37’, па вика дека кога била во Рим, само кондури купувала. На 20.03. 2019 година ми вели: ‘Пуштај ми новинар, ќе го викнам на распит З. Караџовски, многу ми е одвратен, ќе го уништам’, јас ја прашувам: ‘За што го викаш на распит?’, таа ми вели: ‘Нели му отворив предмет за бонусите кои ги потпиша за судиите’. Јас ја прашав кога и треба новинар, а таа одговара. Таа вика: ‘Одвратен ми е, ќе ти кажам што да го праша новинарот’. Таа ги уредуваше работите. Тоа го правела во Рекет, цело време“, рече Јовановски.

Потоа продолжи со читање на пораки.

Само вие фалете ја Катица и тие дебили за да можат да им го донесат законот за да зимаат уште повеќе бонуси’. Јас ѝ одговарам: ‘Не сум во тек, на пат сум’. Таа вика: ‘Па на вести само тоа објавувате и уште најавувате дали јас сум можела да ги постигнам овие резултати во ОЈО-ГОКК. Срамота. Ај те молам кажи за кои стандарди треба да се борам’. Значи, таа уште тоа време, имаше анимозитет кон Катица и СЈО. И вели: ‘Или треба да бидам неписмена како свиња Катица’. Потоа ми вели: ‘Онаа дувнатата од кај тебе од ТВ многу се замислува’. Мисли на Дувњак и кажува дека веќе нема да гостува. Потоа вели: ‘Оној шпиунон Ордановски не мора толку да одработува за СЈО, ја изгледав емисијата за 27-ми, на што личеше тоа?’. Јас ѝ викам, чекај да видам, те барам“, додаде Јовановски.

Посочи дека внукот на Вилма Русковска е обвинител во Куманово, па барала тој да биде вработен кај Катица, да помогнел.

„Месец март, 2019 година.

Откако јас сум ги зел наводно парите од Јордан Камчев. Јас на тоа викам, ‘слушни се подобро со Катица, така е подобро’. Да си се договорат тие две, колешки се. Се оградувам. Претходно кога ми рекла да пробам кај Катица, јас викам, ‘важи, ќе биде’“, додаде Јовановски.

Потоа, посочи дека на 13.03. бил во комуникација со Русковска, на два дена пред пресудата за 27-април.

„Таа ги знаеше пресудите за 27 април пред судот да ги изрече и да донесе пресуда. Јас ѝ пишувам: ‘Утре ќе ја пренесуваме пресудата за 27, цела’, Вилма враќа: ‘Ќе биде интересно, највисоки казни, после ќе давам изјава’. Јас враќам: ‘Значи Кацарска ќе направи лом’, Вилма вели: ‘Лом, лом, ќе видиш’. Јас ѝ викам: ‘Дај некоја ексклузива’, јас ѝ барам ексклузива на телевизијата. Она ми одговара: ‘Само една ослободителна, другите сите високи’. Русковска: ‘После пресудата ќе ја бараме Кацарска да гостува’ и точно, дојде кај Гордана Дувњак да гостува во емисија. Таа ми изнесува пресуда пред пресудата да биде изнесена. Потоа ми зборува за директори кои што ќе бидат ексклузивно апсени за две недели итн“, додаде Јовановски.

По ова посочи: „Јас ѝ го зборував ова на Вилма Русковска, дека ќе ѝ дојде овој ден, дека ќе одговара.

Она беше свесна дека ова постои во мојот телефон. Они ме уапсија, мислеа ќе ги има само доказите за Јордан Камчев, снимка, разговори и дека во мојот телефон нема да има ништо. Две недели пред да ме уапсат, една личност ме подучуваше да избришам сѐ од телефонот, да сум го напраел ко нов.

Ми викаше ‘зло не требало’. Јас на тоа, за да престане да ми зборува тоа, јас викав: да, да, да избришав’. Јас намерно телефонот го држев без пасворд, намерно. Таа кога го зема телефонот, се сретна со пораки, меѓу кои, со пораки со Наум Пановски. Виде пораки каде Наум Пановски ја напаѓа, каде дава информации какво ѝ е обвинението за 27-ми април, мене ми кажува дека е алкохоличарка која е неписмена, тоа се негови зборови и дека други ѝ ги правеле обвиненијата, дека од ракав ѝ се обвинети луѓето“.

Јовановски објасни:

„Заради 27 април доби шефовско место. Го доби предметот за работење, па стана и шеф на организиран криминал. За да се изживљава на луѓе, упропасти толку места. Цитирам порака дека обвинението е пишувано од ракав и дека кому-иде луѓето се ставени таму“.

The post „Само една ослободителна, другите сите високи“: Русковска предвреме ги знаела пресудите за „27 април“ appeared first on Република.

Бојан Јовановски: СДСМ е секта која се убива меѓу себе, по овие избори нема да постои како партија

Игор Чавески — Tue, 23 Apr 2024 06:44:23 +0000

Бојан Јовановски-Боки 13 во подкастот „Лазаров“ зборуваше за СДСМ и дека таа партија е историска грешка во која тој учествувал како симпатизер на Шарената револуција.

https://republika.mk/vesti/makedonija/samo-edna-osloboditelna-drugite-site-visoki-ruskovska-predvreme-gi-znaela-presudite-za-27-april/

-Никола Груевски забега во тој период кога се случуваше Шарената револуција, но потоа Зоран Заев забега по 100. Јас сум бил отсекогаш симпатизер на СДСМ, но СДСМ нема идеологија. Тоа е една секта која се убива меѓу себе и нема да постои по изборите како партија, вели Јовановски.

Тој тврди дека СДСМ во тој период имала многу полза од него и неговите врски во естрадниот свет.

Во моментот кога Заев го доби мандатот од Иванов, се официјализира Меѓународен сојуз, а јас станав претседател на таа организација. Имавме супер визија, но за жал и таму ме извозија, ме изманипулираа. Дозволив и огорчен сум, вели Боки 13.

The post Бојан Јовановски: СДСМ е секта која се убива меѓу себе, по овие избори нема да постои како партија appeared first on Република.

Боки 13: Имам нови докази за „Рекет“, Заев беше директно вмешан со сите

Марина — Fri, 19 Apr 2024 09:23:23 +0000

Случајот „Рекет“ не е расчистен. Тој случај треба целосно да се расчисти, сите инволвирани да одговараат, а јавноста конечно да дознае што точно се случувало и каде се парите. Затоа, денеска официјално во Основниот кривичен суд поднесувам барање за повторување на кривичната постапка под името „Рекет“.

Ова денеска на прес-конференција го изјави осудениот за предметот „Рекет“, Бојан Јовановски-Боки 13, кој рече дека поседува цврсти докази кои наскоро ќе ги приложи, посочувајќи го експремиерот Зоран Заев дека е човекот кој комуницирал директно со сите лица кои биле кривично засегнати со постапките на СЈО.

Обвинителката Вилма Русковска презентираше само две-три пораки кои сум ги разменил јас со тогашниот премиер Зоран Заев, а токму од тие две-три пораки излегува дека Зоран Заев знаел за случајот „Рекет“, но во една позитивна афирмативна смисла, односно дека тој е човекот кој го бранел законот. А јас ќе ви кажам дека тој е сè, само не е човекот кој го бранел законот. Значи, Зоран Заев беше човекот кој комуницираше директно со сите лица кои беа кривично засегнати во постапките на Специјалното јавно обвинителство. Зоран Заев беше човекот кој во позиција на моќ имаше реален авторитет и можеше да влијае врз многу постапки и влијаеше врз многу постапки, изјави Бојан Јовановски.

Тој откри дека притисоци му биле вршени и во пресрет на денешната прес-конференција, но како што рече, воопшто не се плаши и ќе продолжи и понатаму да зборува.

The post Боки 13: Имам нови докази за „Рекет“, Заев беше директно вмешан со сите appeared first on Република.

Мајката на Боки 13: Сега се чувствува малку посмирено и посреќно затоа што конечно ги има условите што му се потребни за нормално да се лекува

Игор Чавески — Wed, 14 Feb 2024 12:22:18 +0000

Мајката на Бојан Јовановски проговори за здравствената состојба на нејзиниот син. Таа во ,изјава за српските медиуми вели дека Бојан дома ги има сите услови да зкрепне од тешката операција.

-Беше тешко, јас како мајка сето тоа тешко го издржав, но се бориме, се бориме и веруваме во Господ и правдата. Сега се чувствува малку посмирено и посреќно затоа што конечно ги има условите што му се потребни за нормално да се лекува, ја има потребната храна, секојдневно ги прима терапии кои му се потребни, изјави мајката на Боки на 13.

The post Мајката на Боки 13: Сега се чувствува малку посмирено и посреќно затоа што конечно ги има условите што му се потребни за нормално да се лекува appeared first on Република.

Боки не сака да се враќа во затвор, здравствено било лошо

Игор Чавески — Fri, 15 Dec 2023 10:35:47 +0000

Првообвинетиот во случајот „Меѓународен сојуз“, Бојан Јовановски - Боки 13, денеска се појави во Апелациониот суд во Скопје на седницата закажана во врска со предметот за кој Основниот кривичен суд го осуди на девет години затвор.

Јовановски во моментот се брани од слобода, откако Основниот кривичен суд Скопје неодамна донесе одлука за прекин на издржувањето на казна затвор поради неговата лоша здравствена состојба.

Пред Апелациониот суд во Скопје, тој денеска изјави дека му била констатирана „интенстинална метаплазија“ на желудник и дел од тенките црева.

- Со оваа здравствена состојба не бев и не сум во состојба да бидам во затворот каде ја издржував казната на која бев правосилно осуден и поради тоа сум пуштен на домашно лекување односно на прекин на издржување казната затвор. Со себе носам цела терапија за да функционирам, покрај тоа што имам сериозен хигиено-диететски режим кој изискува посебна храна за да функционирам. Имам проблеми од органски карактер, рече Јовановски.

Тој појасни дека нема физички проблем, туку станува збор за органско заболување.

- Јас сум со траен инвалидитет, кој не е од физичка природа или со физички деформитет, туку станува збор за состојба која не може да се промени. Имам сериозна терапија која ја примам, сериозен и строг режим кој морам да го практикувам секој ден. Тоа не значи дека имам проблем со движење, но имам моменти кога морам да мирувам, да се придржувам кон тоа, рече Јовановски.

Судењето за „Меѓународен сојуз“ заврши на 7 април 2022 година. Судечкиот совет при Основниот Кривичен суд - Скопје определи вкупно 14 години затвор за обвинетите и тоа единствена казна затвор во траење од девет години на првообвинетиот Бојан Јовановски за „измама“ и „перење пари и други приноси од казниво дело“.

Обвинетата Јасна Ерцеговиќ, исто така, е прогласена виновна за „измама“ и „перење пари и други приноси од казниво дело“ со што судот на неа ѝ определи единствена казна затвор од четири години во која се смета и времето поминато во куќен притвор.

Судечкиот совет ги ослободи од обвинение за „измама“ обвинетите Фросина Ташевска Ременски и Христина Блажевска, додека Блажевска, се обвинува само за „перење пари и други приноси“ и се осудува на казна затвор во траење од една година.

Судот на обвинетиот Миле Јовановски за кривично дело „перење пари и други приноси од казниво дело“ и за „неовластено изработување, држење, посредување и тргување со оружје или распрскувачки материи“ му утврдува единствена казна затвор од две години која нема да се изврши ако обвинетиот во рок од пет години по правосилноста на пресудата не стори кривично дело.

Правното лице „Меѓународен сојуз“ судот го осуди со казна од еден милион денари.

Во Апелациониот суд во Скопје во тек е јавната седница по однос на жалбите за пресудата на првостепениот суд.

The post Боки не сака да се враќа во затвор, здравствено било лошо appeared first on Република.