На македонската фудбалска репрезентација следниве десет дена и претстојат последните два натпревара од квалификациите за Европското првенство 2024. Селекторот Милевски, на кого му завршува договорот по крајот на циклусот, остава простор за евентуално продолжување на соработката.

- Нашиот фокус сега е насочен кон претстојните натпревари со Италија и со Англија. Кога настапувате за националниот тим нема разлика дали играте со вакви репрезентации или со Малта или Украина. Секој мора да дава максимум. Формиравме тим кој го одликува позитивна енергија. Младите кои добија шанса ја оправдаа довербата. И тоа ме радува. Свесни сме колку тешки ќе бидат претстојните натпревари и колку ќе треба физички да се вложат нашите репрезентативци. Одиме да дадеме максимум. Што се однесува до евентуалното мое продолжување на селекторската функција, ќе кажам дека сум задоволен од условите во кои работиме. Две години и два месеца бев максимално посветен кон мојата работа и доколку добијам нов прифатлив договор со задоволство ќе останам, истакна Милевски.

Натпреварот на македонската репрезентација со Италија е закажан за 17 ноември во Рим, три дена подоцна во Скопје доаѓа Англија

The post Селекторот Милевски уште се надева дека ќе му биде продолжен договорот appeared first on Република.

Фудбалската федерација на Македонија (ФФМ) му врачила отказ на селекторот Боби Милевски, објави порталот „Спорт 1“.

Одлуката доаѓа по речиси еден месец од највисокиот пораз во историјата на нашата фудбалска репрезентација, 7-0 од Англија на Олд Трафорд.

Членови на раководството на ФФМ на Милевски му ја соопштиле одлуката дека повеќе не е кормилар на националниот тим, но потврда за смената се очекува да има до крајот на оваа недела, за кога е закажан состанок на Управниот одбор на куќата на фудбалот, „пишува Спорт 1“.

Најдобриот резултат на Македонија под водство на Милевски беше победата над Италија во Палермо, потоа следуваа низа лоши и неубедливи игри кои кулминираа со поразот на Олд Трафорд.

The post Фудбалскиот селектор Боби Милевски добил отказ? appeared first on Република.

Благоја Милевски беше суспендиран на натпреварот против Украина поради црвениот картон со Малта и затоа не го водеше тимот во петокот, но затоа против Англија беше крај теренот и го гледаше најлошото издание на неговите фудбалери откако ја презема националната селекција.

Македонија доживеа тежок пораз на гостувањето на „Олд Трафорд“ и со резултат 7:0 ќе се врати во Скопје, па поради тоа, Боби реши да и се извини на целата нација пред да почне да анализира било какви фудбалски случувања на теренот.

Прво и основно, сакам да и се извинам на цела македонска нација за нашето издание и перформансот кој го прикажавме. Јас сум тренер на овој тим, јас ги бирам играчите и одговорноста е моја – изјави Милевски.

– Затоа, сакам да испратам мое извинување до цела нација и посебно извинување до сите навивачи, особено до оние кои дојдоа да не поддржат и во Манчестер. За жал, се случуваат и вакви работи во фудбалот. Ова се истите фудбалери кои играа со Италија, со Германија, со Португалија. И јас сум истиот тренер, но во фудбалот има и вакви денови. Потфрливме во секој поглед. Тргнувајќи од мене, па потоа во сите линии на теренот. Јас сум одговорен на прво место, јас ги бирам играчите и одредувам кој ќе игра. Игравме против најразиграниот тим во Европа, но потфрливме во сите наши замисли. Пресуди нивниот индивидуален квалитет, но ова не значи дека треба да се откажеме. Јас сум борец и не планирам да се откажам, треба да сме силни и сплотени и во вакви тешки моменти. Да преспиеме и во иднина да прикажеме подобра слика од оваа на овој меч – нагласи селекторот, кој со оваа изјава јасно стави до знаење дека не планира да си поднесе оставка.

The post Селекторот Милевски ѝ се извини на македонската нација за резилот со Англија, ама нема да поднесе оставка appeared first on Република.

Во пресрет на утрешниот пријателски натпревар на македонската фудбалска репрезентација против Фарските Острови на Националната арена „Тодор Проески“ во Скопје, своите очекувања попладнево на прес – конференција ги изнесоа селекторот Благоја Милевски и играчот од средниот ред Елиф Елмас.

Натпреварот против Фарските Острови не смее да биде поразличен од кој било друг. Сите што се тука и кои ќе настапат го знаат тоа и мора да дадат сè од себе за да стигнеме до позитивен резултат. Не се во комбинација Димитриевски, Зајков и Муслиу, но сите други се подготвени и во комбинација за настап против Фарски Острови, изјави Милевски.

Македонскиот селектор посочи дека Фарските острови поседуваат квалитет во своите редови.

На последните осум натпревари противникот има само еден пораз, ја победија Турција и тоа доволно зборува дека денес нема слаби селекции. Треба да бидеме потполно фокусирани. Нема фаворити во денешниот фудбал и тоа ќе го кажам по којзнае кој пат. На ваков меч се испробуваат разни варијанти кои ќе ни помогнат за следните натпревари, рече Милевски.

Максимална ангажираност на утрешниот натпревар вети играчот на Наполи, Елмас.

Сите ние во репрезентацијата секогаш кога доаѓаме го даваме најдоброто од нас за Македонија. Така ќе биде и утре со Фарски острови. Јас за репрезентацијата секогаш сум максимално мотивиран. Тоа што е Наполи, тоа останува таму и во моментов е небитно, размислувам само за Македонија. Секогаш се трудам да го дадам максимумот. Утре нè чека предизвик во кој ќе го дадеме максимумот, зашто знаеме дека Фарски острови имаат добра низа на резултати. Но, ќе излеземе на терен да го направиме тоа што ќе се договориме и тоа што го бара селекторот од нас, изјави Елмас.

The post Максимално ангажирано и на победа против Фарски Острови, најавија Милевски и Елмас appeared first on Република.

Фудбалската репрезентација на Македонија синоќа го отвори квалификацискиот циклус за следното Европско првенство според планот, со победа над Малта (2-1). .

На стандардната прес-конференција по натпреварот се обрати селекторот Благоја Милевски. Тренерот им честиташе на фудбалерите за постигнатото и кажа дека победата радува. Во иднина, посакува подобра Македонија за која верува дека ќе дојде, затоа што играчите од собир во собир се подобри.

„Најпрво, честитки за момците, за тактичката дисциплина. Јас напоменав и пред мечот дека овие натпревари против екипа како што е Малта се најопасни. Можеше да победиме со повисока разлика, штета што примивме ваков случаен гол. Најзадоволен сум од енергијата која ја покажаа момците. Се создаде хемија со нив. Имаме вклучено нови млади играчи, а тоа да се вклопи во една целина, треба време. Се повеќе и повеќе наликуваме на тим каков што го посакувам. Сите се како карактери одлични момци и тоа го покажуваат од собир на собир“, кажа селекторот.

Предводникот на А-тимот ги прокоментира и различните полувремиња. Во првиот дел имаше доста солирање и индивидуални пробиви, додека во вториот дел видовме поинаква Македонија.

„Имаше акции кои мораше да ги завршуваме со удар на голот. Но, кога доаѓате во ситуација цела нација од вас да чека да направите нешто повеќе… Не е од што има солирање затоа што играчот така сака, туку да се задоволи нацијата да се постигне гол. Тоа е само еден позитивен дел од карактерот на момците и се надевам дека тоа ќе се поправи во наредните натпревари“, заврши селекторот Милевски.

The post Македонија играше очајно, селекторот вели дека наликуваме на тим што го посакува appeared first on Република.

Уште една пријатна прес-конференција за македонската репрезентација пред историскиот натпревар за пласман на првото учество на едно светско првенство.

Очигледно расположен по триумфот над Италија, но максимално сериозен во очекување на утрешното финале со Португалија на „Драгао“, македонскиот селектор Благоја Милевски како и пред дуелот во Палермо нагласи дека повторно играме со вистински фудбалски гигант, но категорично ја истакна силната верба во своите избраници…

„Секако, како и пред мечот со Италија знаеме кој ја носи фаворитската улога пред овој меч. Знаеме со каков квалитет располага португалската селекција, нема потреба да ги нагласувам сите тие имиња кои играат за Португалија, но ние не сме тука дојдени како туристи. Напротив, дојдовме да победиме!“ – категорично истакна Милевски на официјалната прес-конференција, веднаш дополнувајќи:

„Никој во светот не очекуваше дека ќе се најдеме на овој дуел. Но, ние чекор по чекор го потврдивме сиот свој квалитет и заслужено сме повторно тука во финалето за СП 2022. Затоа фудбалерите имаат повторно само една порака од мене, да уживаат во моментот, да излезат на терен и уште еднаш да го покажат сиот свој потенцијал и срце“.

Македонскиот селектор нагласи дека здравствениот билтен е максимално поволен, и познат е почетниот тим за утрешниот натпревар.

„Здравствениот билтен е максимално поволен. Немаме никакви проблеми, ги знаеме почетните 11, а секако стартниот тим ќе го видиме утре“ – истакна Милевски, и дополни:

„Сигурен сум дека не очекува сосема поразличен натпревар од оној против Италија. Најважно е да го реализираме тоа што ќе се договориме, да се почитува секој момент од подготовките, a потоа на терен ќе се види кој за што бил подготвен и дали ќе одлучи на крај колективот или индивидуалните квалитети“.

The post Селекторот Милевски оптимист: Дојдовме во Португалија да победиме appeared first on Република.

Македонската фудбалска репрезентација вечер се враќа во Скопје, ден по сензационалниот триумф над актуелниот европски првак Италија (1-0) во полуфиналето од баражот за пласман на Светското првенство.

Предвидено е македонската фудбалска експедиција со чартер-лет од Палермо да пристигне на скопскиот аеродром околу 18 часот.

Селекторот Благоја Милевски ќе ги искористи деновите од викендот за мини подготовки за финалето против Португалија, кое ќе се игра во вторник од 20:45 часот на стадионот „Драгао“ во Порто, а победникот ќе обезбеди настап на Мундијалот од 21 ноември до 18 декември во Катар.

Македонката репрезентација на дуелот против Португалија ќе биде посилна за Елјиф Елмас и Тихомир Костадинов, кои го пропуштија вчерашното полуфинале во Палермо поради жолти картони.

The post Македонските фудбалери вечер се враќаат во Скопје appeared first on Република.