Нивото на инфлација во септември 2023 продолжува да се намалува на 6,6 проценти, (од 8,3 проценти август) и е намалена трикратно во споредба со пикот на кризата во октомври од 19,8 проценти, напиша денеска министерот за финансии Фатмир Бесими во објава на „Фејсбук“.

Во објавата, Бесими најавува дека наскоро ќе биде објавен новиот пакет антикризни мерки.

- Владините мерки за справување со инфлацијата досега се проценуваат на над 700 милиони евра, а наскоро ќе биде објавен и нов пакет на антикризни мерки за поддршка на ранливите категории граѓани и фирми. Нашата заложба е целосно надминување на глобалните инфлаторни предизвици и донесување на инфлацијата на историските ниски нивоа од околу 2 проценти, вели Бесими.

The post Бесими: Нивото на инфлација продолжува да се намалува, наскоро и нов пакет антикризни мерки appeared first on Република.

Денеска, на Меѓународниот ден на демократијата, се фокусираме на ЕУ интеграцијата, на итноста земјите од Западен Балкан да се стават на брзиот пат кон ЕУ. Во изминатите две децении се соочивме со многу искушенија кои ја нарушија довербата на дел од јавноста дека европската агенда еден ден ќе стане реалност. Но, најтемниот час е пред зори, а сепак ЕУ и понатаму останува наша стратешка цел, рече министерот за финансии Фатмир Бесими во воведното обраќање на Скопскиот економски и финансиски форум.

Бесими напомена што значи од економски и финансиски аспект да се биде дел од ЕУ, кои се клучните придобивки и перспективи.

Новите земји членки добиваат многу повеќе кохезивни фондови од она што го имале како кандидати за членство, а кохезивните фондови се двапати поголеми од ИПА фондовите. Буџетот на ЕУ за следните пет години е 11 пати повисок од оној што го имаме како кандидат со ИПА фондовите. Ние можеме да ја донесеме нашата разновидност, петприемништво, истакна Бесими.

Идејата на годинaшниот СЕФФ, како што рече, е да се отвори поширока дискусија за ЕУ како наша крајна дестинација.

Ќе се отвори поширока дебата за ЕУ перспективите, за тоа колку брзо ќе станеме дел од ЕУ. Ќе ги покриеме темите како ние можеме да придонесеме за забрзување на европската и регионалната интеграција, за подобрување на деловното опкружување за поткрепување на економскиот просперитет. Ќе поминеме низ геополитиката и политиките, како и низ глобалните трендови и можности за економијата. Во зората на подобро, европско утре, со голем број нови можности за повисок животен стандард, безбедност и перспектива за сите наши граѓани, темата на годинашната конференција е „Европа – ДА, Европа – СЕГА“ или поописно „Европска интеграција и економски просперитет“, потенцира министерот.

Тој потсети дека членството во ЕУ, пред сè, значи пристап до пазар со повеќе од половина милијарда потрошувачи. Тоа, нагласи, обезбедува поттикнување на раст и конвергенција.

Од микроекономска гледна точка, многу е полесно да се постигнат економии од обем, со што се повлекуваат помали трошоци преку поголем обем на производство. Благодарение на заедничките акции, заедничката трговска стратегија, таа е високо позиционирана на глобалната трговска сцена, при што билатералните трговски договори обезбедуваат отворање нови можности за синдикатите, рече Бесими во обраќањето.

Моментно пред присутните се обраќа и премиерот Димитар Ковачевски, а по него излагање треба да има и еврокомесарот за буџет Јоханес Хан.

The post Бесими: Земјите од Западен Балкан да се стават на брзиот пат кон ЕУ appeared first on Република.

Министерот за финансии Фатми Бесими денеска, како одговор на новинарско прашање, рече дека нема да има легислативни интервенции и дека ДДВ-то на сметките за електрична енергија за домаќинствата и малите потрошувачи на регулираниот пазар ќе се зголеми од 10 на 18 отсто од 1 јули, односно од утре, како што е законски предвидено.

Во тој дел веќе се презентирани даночните инструменти. Намалувањето на ДДВ-то беше една фаза во првичната енергетска криза со негово намалување од 18 на 5 отсто. Потоа тоа се зголеми на 10 отсто и враќањето на 18 проценти беше пролонгирано до јуни оваа година. Сега има нова методологија од Регулаторната комисија за енергетика за обликот на кризата со која се мотивира штедењето на потрошувачката со воведување на четири блок тарифи, рече Бесими на денешниот настан во канцеларијата на ЕУ.

Министерот рече дека како компензација, Владата ќе продолжи да ги субвенционира трошоците за производство и снабдување на електрична енергија. Според Бесими, тоа ќе биде еден вид на компензација за зголеменото оданочување.

Владата како сопственик на ЕСМ на Управниот одбор му даде насоки за цени пониски од цената на чинење и тоа значи дека ќе продолжиме со субвенционирањето. Нема да одиме со намалување на даночните давачки, туку со таргетирани мерки, додаде тој.

The post Од утре поскапо ДДВ на сметките за електрична енергија appeared first on Република.

Сојузот на синдикати на Македонија денеска излезе со соопштение во кое реагира на изјавата на министерот за финансии, Фатмир Бесими, вработените да почекаат на зголемување на платите до 2024 година. ССМ оцени дека изјавата на Бесими оти ако се зголемат платите на работниците сега ќе има импликации на инфлацијата, е неразумна.

-Оценката на министерот дека дијалогот во Економско социјалниот совет за зголемување на платите ќе потрае и дека побрзо ќе се утврди методологијата за плати во јавен сектор (онаа против која се сите синдикати) со која ќе се стави ред во платите во јавниот сектор, ќе остане само негова пуста желба. До кога Владата ќе глуми социјален дијалог, до кога владините претставници ќе зборуваат едно на ЕСС, а друго по медиумите и дали некогаш ќе се засрамат за тоа што си ги зголемија платите за 78 отсто во најголемата инфлација, а со ништо не заслужија такво зголемување, е наведува во реакцијата на ССМ.

Синдикатот прашува и дали функционерите имаат совест, кога говорат дека дека ако се зголемат платите на работниците ќе се покачи инфлацијата, додека 1100 од нив си ги покачиле примањата.

-До кога со ваквите политики на Владата, работниците ќе немаат ниту за леб туку за трошки, а функционерите за торта и колачи и до кога работниците ќе ги толерираат ваквите функционери! Нема друга држава во Европа и во светот каде што функционерите си ги зголемиле нивните плати за 78 отсто, а единствено зголемување за работниците е само работното време и тоа за 78 отсто, се вели во соопштението.

ССМ апелира работниците масовно да се придружат на активностите на синдикатите во наредниот период, наведувајќи дека „само заедно можеме да се избориме за нашите работнички права!“.

The post ССМ: Изјавата на Бесими дека зголемувањето на платите на работниците сега ќе влијае врз инфлацијата е неразумна appeared first on Република.

За повисоки плати за 1.060 фунцкионери се најдоа пари во буџетот. За вработени во јавниот сектор,  Бесими предлага зголемувањето да биде од следната година. На денешниот брифинг тој  кажа дека досегашната плата му била 71. 145 денари, а за април  му се исплатени 125.960 денари.

Примањата на Бесими пораснале за нешто над 50 илјади денари. Приближно  колку што му е потребно на едно  семејство за да ги покрие  основните трошоци во месецот.  Кај некој функционери зголемувањето е и поголемо. Но, Бесими  тврди – сега не е најповолно време за усогласување и зголемување и на платите  во јавниот сектор, поради инфлацијата.

• Не сум многу омилен министер кај синдикатите, затоа што велам дека не може да се покачат платите во јавниот сектор ако нема зголемување на продуктивноста и ако не се зголемат платите во реалниот сектор. Сметам дека сега не е најповолно време бидејќи ќе има импликации на инфлацијата и ќе го зголеми дефицитот во Буџетот. Усогласувањето на платите на Економско-социјалниот совет ќе трае подолго, а методологијата за зголемување на плати може да се донесе побрзо, рече Фатмир Бесими- министер за финансии.

Со зголемувањето претседателот Пендаровски кажа дека има плата од 165 000 денари. Претходно вицепемеирот Груби се пожали дека неговата е најниска, а министерот за земјоделство, Николовски не знаеше колкаво зголемување добил, затоа што ги изгубил картичките во Брисел.

Неодамна Уставниот суд укина одредба од законот за плати за коефицинетите на плати со која се овозможи на јавно избраните фунцкионери да им се зголемат платите до 78 отсто. Според пресметките за зголемените функционерски плати, годишно се потребни над 15 милиони евра.

The post Откако 1.060 функционери добија покачување на платите од 78%, Бесими вели не е најповолно време за зголемување на платите за работниците appeared first on Република.

Бројот на вработените во Министерството за финансии (МФ) е речиси преполовен. Раководители на сектори даваат откази, едноставно си одат. На друго место добиваат повеќе можности и подобри услови. Министерството за финансии беше и единствениот пример во целата државна администрација кое имаше пониска плата од органите во состав – УЈП и Царинската управа.

Вака ресорниот министер Фатмир Бесими го образложи зголемувањето на платите во МФ кое стартува од овој месец. Морало да се најде, рече, привремено решение се додека, од идната година, процесот не профункционира системски, на ниво на цела јавна администрација.

The post Бесими вели морал да ги зголеми платите на вработените за да не си заминат appeared first on Република.

Министерот за финансии Фатмир Бесими, во образложение на Предлог-законот пред матичната собраниска Комисија рече дека обезбедувањето средства преку овој Инструмент е дел од стремежите на Владата и Министерството за финансии, во овие услови на криза кога на пазарите на капитал се високи цените, да се обезбеди финансирање по најповолни услови.

Со Законот, како што рече, е предвидено РС Македонија да има пристап до 530 милиони евра, од кои до крајот на годината треба да се повлечат 110 милиони евра, а наредната 155 милиони евра. Тоа се средства потребни за справување со последиците од енергетската криза и поддршка на граѓаните и стопанството кои се најпотребни во претстојната зима, истакнува министерот Бесими.

Целта на овој инструмент е да обезбеди ефективна заштита од криза за оние земји членки на ММФ кои имаат здрави економски основи, односно политики.

Министерот потенцира дека Инструментот за претпазливост и ликвидност е воспоставен во 2011 година и е наменет за земјите членки на Меѓународниот монетарен фонд – ММФ со здрави основи и политики и докажана практика за имплементација на политиките и кои во даден момент може да имаат и потреба од финансирање заради одредени ризици што би можеле да доведат до таква потреба.

„За да може една земја да се квалификува да го користи овој Инструмент е да има здрави економски основи и институционални рамки на политики; да имплементира и да има докажана практика на имплементирање здрави политики и да остане посветена на одржување таквите здрави политики во иднина.

Одборот на ММФ средствата треба да ги одобри до крајот на овој месец. Предвидено е да се користат во наредните 24 месеци. Рокот на отплата на средствата што ќе се повлечат е утврден на три години и три месеци од повлекување на износот од средствата. Каматната стапка по која се обезбедуваат средствата во овој момент изнесува од 3,66 до 4,66 %.

Ова е само еден од начините на кој оваа година се обезбеди финансирањето на буџетскиот дефицит. Моделот кој се примени од страна на Министерството за финансии и Владата овозможи заштеда само по основ на камата од 40 милиони евра годишно.

The post Бесими: Средствата од ПЛЛ инструментот на ММФ стануваат достапни за справување со кризата appeared first on Република.

Не е крај на светот ако си заминат актуелните министри од ДУИ и им отворат пат нови кадри, изјави во „Емисијата 200“ Муса Џафери, член на претседателството на ДУИ.

Зошто е крај на светот ако може да се реконструираат Артан, Бујар или Фатмир Бесими, мојот колега, за да дојдат други? Тоа се тие што тврдат дека ќе дојдат млади, нека ни направат пат да видиме кои се тие млади луѓе. Не е трагично…Ова е мое индивидуално мислење како член на Претседателството. Врз основа на отчетноста и резултатите, ќе се направи класификација и ќе се донесе одлука кој ќе замине, кој ќе го напушти местото. Нема да ги носиме на гилотина. Ќе работат на други функции, ќе работат партиски функции, рече Џафери.

The post Не е крај на светот ако се разрешат Бујар, Артан или Фатмир Бесими, смета Муса Џафери appeared first on Република.

Основата на Концептот за даночната реформа е проширување на даночната основа преку повеќе измени во даноците на добивка, личен доход и додадена вредност, како и зелено оданочување. Истите претходно ќе бидат дискутирани и дебатирани со сите општествени чинители. Дали ќе се воведува прогресивно оданочување или не ќе биде дел од јавната дебата. Исто така, ќе се работи интензивно и намалување на сивата економија и на подобрување на услугите во јавниот сектор. Ова беа накусо пораките кои ги упати министерот за финансии Фатмир Бесими на средбата со новинарите по повод почетокот на јавната дискусија за даночните реформи.

Концептот за даночна реформа се заснова на Стратегијата за даночна реформа, кој е долгорочен, планиран и добро анализиран процес, односно дел од големата фискална реформа за СМАРТ или паметни јавни финансии.

Со подобрувањето на наплатата на приходите ќе се обезбедат повеќе средства за развојни проекти на среден рок, додека на кус рок ќе има повеќе средства за антикризни мерки и заздравување на економијата.

Одговарајќи на новинарско прашање, министерот Бесими посочи дека Владата на РС Македонија интензивно работи на новиот пакет антикризни мерки, што ќе биде претставен на јавноста.

Бесими посочи дека концептот на реформи на даночната политика во областа на данокот на добивка и данокот на личен доход се однесува на ревидирање на преференцијалните даночни третмани која ја нарушуваат неутралноста на даночниот систем преку фаворизирање на категории даночни обврзници или активности. Со тоа негативно влијаат врз неговата правичност и придонесуваат за зголемена нееднаквост во општеството.

Кај данокот на додадена вредност, потребно е натамошно зајакнување на основните принципи на неутралност и конкурентност, преку стеснување на листата на добра и услуги за кои се применува повластена стапка, како и оданочување на определен промет. Исто така, потребно е допрецизирање на правата и обврските на даночните обврзници за правото на одбивка на претходен данок, што ќе овозможи поголема правна сигурност за даночните обврзници, поголема ефикасност во спроведување на контролата и во прибирањето на даночните приходи од страна на даночната администрција, беше посочено.

Со даночните реформи, исто така, ќе се постигнат и некои системски цели, како спроведувањето на „зелената агенда“ и справувањето со климатските промени.

The post Бесими: Дали ќе има прогресивен данок или не – ќе се одлучи низ јавна дебата appeared first on Република.

Заменичката на претседателот на Владата задолжена за политики за добро владеење, Славица Грковска, денеска организираше состанок на Националната комисија за следење на имплементацијата на Стратегијата за јакнење на капацитетите за водење финансиски истраги и конфискација на имот за периодот 2021-2023 со акциски план, на кој присуствуваа и министерот за финансии Фатмир Бесими и министерот за правда Никола Тупанчески.

На состанокот се разговараше за предлог моделите за мотивираност на надлежните институции од продажбата на конфискуваниот имот, со цел да се дојде до најдоброто решение, кое ќе обезбеди ефикасност на постапките за продажба на конфискуваниот имот од кривични постапки.

Вицепремиерката Грковска го повтори ставот на меѓународните организации дека Република Македонија е прва држава во регионот која има Стратегија за за јакнење на капацитетите за водење финансиски истраги и конфискација на имот за периодот 2021-2023 со акциски план и Национална комисија која активно работи на нејзината имплементација.

Прашањето околу продажбата на конфискуваниот имот е сериозно и затоа сметам дека е добро да имаме ваков координиран пристап, во кој ќе бидат вклучени сите надлежни институции. Средствата од продажбата на конфискуваниот имот мора да се искористат на одговорен и транспарентен начин. Целта е да дојдеме до применливо, издржано и системско решение кое ќе даде резултати, а се во интерес на граѓаните, оцени Грковска.

Министерот за финансии Бесими ја поздрави оваа иницијатива и нагласи дека за постигнување на целта мора да имаме системски пристап, добра комуникација и координација меѓу надлежните институции, јасна и прецизна законска регулатива, како и соодветни човечки капацитети. Тој најави дека Министерството за финансии ќе ги разгледа понудените модели и ќе оцени кој модел е најприфатлив.

Министерот за правда Тупанчески нагласи дека треба да ги имаме предвид и најдобрите светски искуства и практики и додаде дека моделите начелно се прифатливи, но мора внимателно да се избере конечното решение.

На денешниот состанок беше утврдена динамика на идни активности поврзани со целите од Акцискиот план на Стратегијата.

The post Грковска: Средствата од продажбата на конфискуваниот имот мора да се искористат на одговорен и транспарентен начин appeared first on Република.

Ребалансот на Буџетот за 2022 година, што го усвои Собранието, ги има предвид реалните економски состојби, содржи средства за амортизирање на ефектите од кризата, за одржување на динамиката на раст и овозможување фискална одржливост на среден рок, а при тоа е важно дека е обезбедено и финансирањето како што е планирано и се бараат начини тоа да се направи на најоптимален начин, изјави денеска министерот за финансии Фатмир Бесими.

Во гостување во Дневникот на ТВ 24, Бесими потенцира дека со Ребалансот се прави реструктуирање на расходната, но и приспособување на приходната страна, со цел да се излезе во пресрет на потребите за поддршка на граѓаните и стопанството.

Со Ребалансот се направија промени онаму каде во првата половина од годината се реалоцираа средства за кризата. Така што, без ребаланс на Буџетот се реализираа сите средства што беа предвидени за антиркизните мерки, како и поддршка за потребите на ЕСМ со што граѓаните плаќаат само 20 отсто од цената на електричната енергија. Средства за зголемени пензии согласно новата методологија, за зголемената минимална плата во јавниот сектор, но и за субвенции за придонесите за исплата на зголемената минимална плата во приватниот сектор, како и  други мерки кои беа преземени со цел да се помогне стопанството и граѓаните, но и за  периодот што следи од шест месеци, истакна Бесими.

Според него, обезбедени се дополнителни 3,2 милијарди денари за субвенции во земјоделството за стратешки производи и зголемување на приносите, 2,4 милијарди денари дополнителни средства за примателите на гарантиран минимален приход, дополнителни средства за зголемените плати за 15 проценти во образование и во делот на развојот на економијата, како и дополнителни 1,1  милијарди денари за проектот Мој ДДВ, за пари што се враќаат кај граѓаните.

Во однос на антикризните мерки, Бесими потенцира дека во посебна програма се предвидени 76 милиони евра или 4,7 милијарди денари, но дека вкупните средствата обезбедени за антиркизни мерки се повисоки.

Не се само овие 76 милиони евра. Тие се дополнителни средства на претходно резервираните 50 милиони евра во оваа програма. Потоа има 100 милион евра за ЕСМ кои се обезбедени од Европската банка за обнова и развој (ЕБОР) и за кои се очекува неделава да се усвои Законот во Собрание. Тоа се поволни средства за ликвидност на ЕСМ, кои инаку требаше да се обезбедат од Буџетот што ќе значеше дополнителен еден отсто дефицит од БДП. Се разговара за дополнителни 100 милиони евра од ЕИБ за поволни кредити за стопанството за ликвидност и за инвестиции во енергетска ефикасност и зелена транзиција, дополни Бесими.

Министерот потенцира дека средствата за финансирање на Ребалансот се обезбедени и ќе се реализираат како што е планирано, нагласувајќи дека покрај за средства за кои се разговара со Меѓународниот монетарен фонд (ММФ), се разговара и за други инструменти на финансирање како на домашниот, така и на меѓународните финансиски пазари.

Со ММФ се преговара. Тоа се преговори кои траат вообичаено со месеци. Но, работиме и на повеќе други инструменти, меѓу кои е и еврообврзницата. Целта е да го заокружиме целото финансирање по просечна каматна стапка која ќе биде под она што е на меѓународните финансиски пазари, а која се движи над 7 проценти. При тоа, ја земаме предвид и рочноста. Значи работиме на неколку опции. Не гледаме линеарно само на еден и единствен инструмент, гледаме на повеќе инструменти и портфолија за да го намалиме товарот врз буџетот, рече министерот за финансии.

Според него, вниманието е свртено и кон странски инвеститори и меѓународни финансиски институции, бидејќи стратегија на државата е да се внесат повеќе девизи во стопанството и на тој начин ќе се помогне  да се инјектираат дополнителни финансиски средства во нашата економија, да се релаксира монетарната политика, да се стабилизираат очекувањата и да се ублажи ефектот, односно трендот на зголемување на каматните стапки, кои може да имаат ефект за стагнирање на растот.

Бесими потенцира дека земјата има поволна позиција во однос на обезбедување средства на пазарите и оти според наши сигнали има интерес за нашите обврзници, но со оглед на високите цени, се уште се бара начин да се најде најоптималниот начин на финансирање.

Дополнителен сигнал за инвеститорите е почетокот на процесот на отворање на преговорите за членство во ЕУ, додаде Бесими.

Министерот потенцира и дека сериозно треба да се сфати состојбата со енергетската криза, посочувајќи на донесените заклучоци за заштеди на институциите на централно ниво, за дадените препораки и до институциите на локално ниво за заштеди. Тој апелираше и до граѓаните за штедење, бидејќи, како што рече, ситуацијата со актуелната криза е сериозна.

Тоа не е за да се заплашат граѓаните, туку да ја сфатат сериозноста на состојбата, додаде Бесими.

The post Бесими: Ребалансот на Буџетот обезбедува справување со кризата appeared first on Република.

Заштитата на животниот стандард на социјалните категории, зачувувањето на ликвидноста на компаниите, мерките за зголемување на економската стабилност се некои од клучните мерки кои ги презема владата на среднорочен и долгорочен план, рече денеска премиерот Димитар Ковачевски на Економскиот и финансиски форум.

Според овие приоритети, како што рече Ковачевски, направен е и ребалансот на буџетот за 2022, како потребна реакција во однос на новите геополитички случувања и нивните ефекти во домашната и глобална економија.

Министерот за финансии, Фатмир Бесими рече дека кризата од пандемијата и војната во Украина донеле многу краткорочни предизвици но фокусот треба да биде на оние долгорочните.

Нобеловецот по економија, американскиот професор Пол Кругман зборувајќи за состојбата по кризата предизвикана од пандемијата и војната во Украина, рече дека последиците се чувствуваат, но сега за сега не може да се каже дали земјите ќе бидат во рецесија но се истакнува дека сите ќе ја почувствуваат економската “болка“.

Макроекономските предизвици во време на немири, врските во регионот, предизвиците во време на криза што треба да се спроведат за да се зачува и мотивира порастот, беа некои од темите  на кои се дискутираше на Економско-финансискиот форум во Скопје одржан на иницијатива на Министерството за финансии.

The post Стабилни цени во втората половина од годината? – Бесими: Пандемијата и војната донесоа криза appeared first on Република.

Со ребалансот на буџетот ќе се скратат 200 милиони евра непродуктивни трошоци, расходите поради кризата и поради потребата да се заштити стандардот на граѓаните ќе мора да се зголемат за над 470 милиони евра. Ова значи дека со ребалансот ќе има нето зголемување на расходите за 260 милиони евра, соопшти на пресконференција министерот за финансии Фатмир Бесими..

Дефицитот во буџетот ќе изнесува 694 милиони евра, или 5,3 отсто од бруто домашниот производ.

Нови дополнителни 76 милиони евра за мерки за заштита на стандарот на граѓаните и поддршка на стопанството се обезбедуваат со ребалансот на Буџетот, како средства за заштита или резерва и во случај на потреба ќе влезат во нов пакет мерки. Се обезбедуваат и дополнителни 52 милиони евра за субвенции за земјоделците, информираше денеска министерот за финансии Фатмир Бесими.

Со ребалансот на Буџетот, што го усвои вчера Владата, се обезбедени и средства за покачување на пензиите на пензионерите, на платите за наставниците, за субвенции за покачување на минималната плата, и во јавниот и во приватниот сектор, како и повеќе средства за социјални надоместоци и субвенции за гарантиран минимален приход.

Овој ребаланс е соодветен и навремен фискален одговор на тековните глобални случувања. Ова е ребаланс за целосно заздравување на економијата од пандемијата. Ребаланс за поддршка на граѓаните и фирмите во екот на глобалната ценовната и енергетска криза, рече Бесими.

Економскиот раст за годинава е проектиран на 3,2 проценти, што е намалување за 1,4 п.п. во однос на макроекономските проекции кога се креираше Буџетот. Се очекува побарувачката да биде главен двигател на растот, при што приватната потрошувачка се проектира со раст од 3,3 проценти.

Влијанието на ценовните притисоци врз доходот на домаќинствата ќе биде неутрализирано преку зголемената минимална плата, зголемените пензии, но и преку други владини мерки за ублажување на ефектите од ценовниот шок, најави Бесими.

Стапката на инфлација е проектирана на 7,2 проценти, што е интензивирање на ценовниот пораст споредено со 2021 година. Меѓународните финансиски институции, укажа Бесими, очекуваат во втората половина од годината умерено и постепено да се стабилизираат ценовните притисоци, додека догодина да дојде до нивна целосна стабилизација.

Според Бесими, годинава се очекува раст на побарувачката за работна сила, поттикната преку активните мерки и програми за вработување и поддршката на домашните и странските претпријатија за отворање нови работни места. Според основното макроекономско сценарио, растот на бројот на вработени е проектиран на 1,6 проценти, што ќе придонесе просечната стапка на вработеност да се зголеми на 47,9 проценти, додека стапката на невработеност да се намали на 14,5 проценти.

Просечната нето-плата се очекува забрзано да расте со проекција од 11 проценти за 2022, во услови на покачување на минималната плата за 18,4% во март, зголемување на платите во секторот образование, како и пораст на платите во некои високо-продуктивни дејности, како што се информациско-комуникациската дејност, стручни, научни и технички дејности.

Како што образложи Бесими, нарушувањата на глобалните синџири на добавување, како резултат на пандемијата, се покажале подолгорочни и придонеле за ценовни притисоци кај примарните производи, како храната и енергентите, а војната во Украина „долеа масло на оганот“.

Од почетокот на годината, конфликтот создаде дополнителни притисоци кај примарните производи, поради значајната улога на Русија и Украина во европските и светските синџири на добавување, како едни од најголемите извозници на енергенти и житарици.Дополнително, војната внесе нова неизвесност во изгледите за светската економија, рече Бесими. 

Имајќи ги предвид проекциите за нашите најголеми трговски партнери, наведе министерот, како и преземените фискални мерки за заштита на стандардот на граѓаните и поддршка на фирмите, очекувањата за нашата економија се дека заздравувањето на економијата во минатата година, ќе продолжи и во 2022 година, но со успорено темпо. Сепак, потенцира Бесими, очекувањата се дека во 2022 година економијата ќе се врати на преткризното ниво.  

The post Со ребалансот на буџетот Владата крати 200 милиони евра, инфлацијата ќе биде 7,2 проценти appeared first on Република.

На средбите со извршниот директор на Светска банка Кун Давидсе, потпретседателот на Светска банка Ана Бјерде, регионалниот директор за Западен Балкан Линда Ван Гелдер и директорот на Светска банка за земјава,  Масимилијано Паолучи беа разгледани мерките и политиките што ги спроведува земјата за справување со енергетската и ценовната криза, можностите и потребите за поддршка во реализација на тие мерки, како и  плановите за враќање на патеките на економски раст.

„Конфликтот во Украина, неговото времетраење и неизвесноста што ја наметнува влијае на економијата на нашата земја, како и  врз  цените на основните прехранбени производи и енергенсите, кои и претходно веќе бележеа раст. Владата навремено одговори преку  пакет мерки од 400 милиони евра, со средства обезбедени од  Буџетот, но несомнено  одолговлекувањето на кризата, прави дополнителен притисок и создава потреба од дополнителни финансиски средства, рече министерот Бесими, кој ги финализира договорите околу  користење на инструментот Макрофинансиска поддршка од Европската Комисија  како и  финансиска поддршка од ММФ, кои ќе дадат силен сигнал за понатамошно продолжување на добрите макроекономски политики.

Тој потенцира дека Владата на среден рок останува посветена на структурните реформи, забрзан економски раст и подобрување на животниот стандард на граѓаните. Несомнено е дека економските последици од војната во Украина влијаат на проекциите и на истите е извршена надолна ревизија, следејќи го трендот на ревизија на проекциите на глобално ниво. При тоа, Планот за забрзан економски раст, воспоставен минатата година од страна на Министерството за финансии и усвоен од Владата, е добар патоказ за постигнување на нашите среднорочни цели, и истиот е  позитивно оценет и од Групацијата на Светска банка.

На средбите беше презентиран Планот со сите негови елементи, вклучувајќи ги и инструментите што треба да бидат воспоставени. Групацијата Светска Банка, ЕБОР, ИФЦ и МИГА покажаа интерес околу можностите за нивно  вклучување и поддршка на активностите кои произлегуваат од Планот.

Зелената агенда, дигитализаицјата, иновациите  и технологијата, развој на човечкиот капитал, подобрување на инфраструктурата се приоритети утврдени и од Владата и вградени во Планот за забрзан економски раст. Светска Банка останува активно вклучена во реализација на активностите во РС Македонија, кои се дефинирани во тековната Рамка за партнерство, но и продолжува со детални анализи на пооделни сектори кои ќе се отсликаат во новата дијагноза за земјата и од кои ќе произлезат фокусираните области на соработка. Секако горенаведените приоритетити ќе бидат вградени во новата четиригодишна Рамка за партнерство со Светска банка.

Министерот Бесими заедно со претставниците на СБ ги разгледа и образложи сите проекти кои се дел од портфолиото и изрази увереност за нивна успешна понатамошна имплементација.

Од страна на Светска банка, на средбата беше покрената и иницијатива за доделување нови средства во рамки на Проектот за подобрување на општинските услуги (МСИП), со цел институционално зајакнување на општините и за проекти за заштита на животната средина, за што беше изразен позитивен интерес од наша страна. Досега преку МСИП се повлечени над 90 милиони евра за проекти на општините.

Светска банка во Република Македонија активно работи на повеќе проекти проценети на близу 500 милиони американски долари. Нивната реализација и забрзувањето на динамиката на дел од нив, исто така, беше тема на состанокот. Меѓу нив се Проектот за надградба и развој на патиштата, воспоставувањето  Интегриран информациски систем за управување со јавните финансии, Проект за поврзување локални патишта, Проект за администрација за социјално осигурување, Проект за подобрување на основното образование, Проект за олеснување на трговијата и транспортот на Западен Балкан, како и Проектот за одговор при итни случаи за Ковид 19.

Република Македонија има континуирана поддршка од Светска банка која е активна во земјава од 1993 година и досега има обезбедено подршка од над 2,8 милијарди американски долари во реализција на 65 проекти.

The post Министерот Бесими на средби во Светска банка – Oдговор на влијанието од енергетската и ценовната криза, но и фокус кон натамошен долгорочен развој appeared first on Република.

Задолжувањето кое го најавува Бесими е резултат на неспособноста и криминогеноста на владата, реагираат од ВМРО-ДПМНЕ.

Фатмир Бесими најави ново задолжување, под превезот за буџетски потреби. Тоа буквално значи дека владата ја клекнала економијата на колена и во буџетот немаме намалени проливи, а зголемени расходи.

5 години ВМРО-ДПМНЕ предупредува на лошите економски политики, проследени со криминал, корупција и местење тендери, 5 години владата продолжува со исто темпо и резултат веќе сите го гледаме.

Државата има јавен долг над 7 милијарди евра, а повеќе не се задолжуваме како држава за нови проекти, туку за буџетско одржување, т.е. преживување.

Потребни се итни мерки за заздравување на економијата и поттикнување на економскиот раст, а тоа се процеси кои СДСМ и ДУИ не можат да ги водат. Затоа потребни се предвремени избори час поскоро, велат во партиското соопштение.

The post Задолжувањето кое го најавува Бесими е резултат на неспособноста и криминогеноста на владата appeared first on Република.

Околу 615 милиони евра се издвоени досега за амортизирање на ценовните шокови. Владата минатата година презеде мерки за амортизирање на порастот на цените, а годинава дополнително беше донесен сет од 26 мерки за поддршка на стандардот на граѓаните и фирмите, но и за финансиска поддршка на фирмите преку Развојна банка. Кризата може да се искористи како можност за обединување и понатамошно проширување на Европската Унија и НАТО. Стратешкото позиционирање на малите и отворени економии е клучно во време на зголемена поларизација“, порача Бесими во своето обраќање на Делфи форумот, што се одржува во Грција, а на кој присуствуваа високи претставници од 36 земји.

Во однос на последиците од руско-украинската војна, Бесими посочува дека РС Македонија иако има мала економска соработка со Русија и Украина, сепак ги чуствува ефектите од војната кои во нашата економија се рефлектираат индиректно и тоа преку глобалниот пораст на цените на енергенсите и основните прехранбени производи, како и преку забавените економски активности и инфлациските притисоци во Европа како наш најголем трговски партнер. Дополнително Русија и Украина претставуваат еден од најголемите извозници на метал во нашата земја, што се очекува да се рефлектира врз нашата метална и градежна индустрија.

Во услови на пораст на цените, во јули минатата година ја намаливме стапката на ДДВ за прометот на електричната енергија за домаќинствата од 18 на 5%, заклучно со јуни годинава. Истата мерка сега со цел да го заштитиме стандардот на граѓаните ја продолжуваме до крајот на годината“, потенцира Бесими.

Војната во Украина, исто така, подвлече Бесими, го привлече вниманието на политиката на потребата за зајакнување на домашното производство на храна и енергија.

Намалената зависност од увоз на енергија и храна и диверзификацијата на увозот треба да ја зајакне отпорноста на нашите економии на идни кризи", рече Бесими и додаде дека и покрај климатските промени, имаме релативно поволни временски услови за зголемување на домашното производство на храна повикувајќи ги земјоделските и прехранбените компании од Грција и регионот да инвестираат во проекти во нашата држава.

Министерот Бесими, напомена, дека на ниво на држави треба да дизајнираме планови за вонредни ситуации во случај на дополнително намалување или во најлошо сценарио целосно запирање на испораките на руски гас во ЕУ.

Доколку постои иницијатива подготвени сме да учествуваме во потенцијална заедничка акција на ниво на ЕУ за заедничка набавка на природен гас. Властите дополнително треба да изградат фискални бафери и да создадат фискален простор за справување со потенцијални идни интервенции“, вели Бесими.

Притоа, како што посочи, треба да се стремиме да го диверзифицираме увозот на енергија и да ја намалиме зависноста од енергија.

Инвестициите во инфраструктурата за производство на енергија ќе бидат висок приоритет во наредниот период. Владата, исто така, е насочена кон забрзување на зелената и дигиталната трансформација, со посебен акцент на енергетската ефикасност. И јавниот и приватниот сектор треба да поддржат проекти за зголемување на енергетската ефикасност, истовремено подигајќи ја јавната свест за важноста на заштедата на енергија“, истакна Бесими на Делфи форумот што од 6 до 9 април се одржува во Грција.

The post Бесими на Делфи форумот во Грција: Владата досега реализираше мерки во вредност од 615 милиони евра за амортизирање на ценовниот шок appeared first on Република.

Проекти кои се приоритетни за Владата на РС Македонија и кои имаат придонес во економскиот развој и можностите за нивно финансирање и унапредување на соработката со Обединетите Арапски Емирати, се теми на дводневните состаноци на министерот за финансии Фатмир Бесими со претставници на инвестициски фондови од Обединетите Арапски Емирати, кои, иако планирани да се одржат во Абу Даби,  се одржуваат онлајн согласно антиркризните мерки за рационализација на трошоците.

По вчераодржаниот состанок со директорот за инвестиции во Фондот за развој на Абу Даби Мохамед Саиф Ал Суади, денеска министерот за финансии Фатмир Бесими одржа состанок со Калифа Алмхеири, извршен директор на Фондот за развој на Абу Даби.

Постои голем потенцијал за развој на сорабоктата меѓу двете земји и за реализација на инвестиции од ОАЕ во земјава. Фондот за развој на Абу Даби е меѓународен инвеститор со инвестиции кои се проценуваат во повеќе милијарди долари, а присутен е и во развиени и во земји во развој во Северна Америка, Европа и Азија.

Покрај Планот за забрзан економски раст, кој нуди координирана поддршка за поттикнување на инвестициите на јавниот и приватниот сектор, на средбата министерот Бесими упати на институционалната поддршка за реализација на инвестициите во земјата и условите за инвестирање. Притоа додаде дека други значајни закони кои имаат за цел да го поттикнат и забрзаат економскиот раст преку привлекување и поддршка на инвеститори во земјата се Законот за финансиска поддршка на инвестициите и Законот за технолошки индустриски развојни зони.

Приоритетните области за  инвестиции кон кои е фокусирана Владата се  „Зелената агенда“, дигитализацијата, иновациите и технологијата; развој на човечкиот капитал; подобрување на физичката инфраструктура; социјална кохезија и добро владеење.

Како Влада, потенцира министерот, и покрај актуелните случувања во Украина и нивното влијание на глобално ниво, останува приоритет постигнување економски раст со стапки над 5 % во наредните години, засновани на растот на инвестициите и потрошувачката.

The post Стратешките проекти и влез на инвестиции од ОАЕ теми на дводневните состаноци на Бесими со Фондот за развој на Абу Даби appeared first on Република.

Министерот за финансии Фатмир Бесими во ексклузивно интервју за indeks.mk зборува за поскапувањето на нафтените деривати и струјата.

Тој рече дека растот на цените на европските берзи влијае и на цените во Република Македонија.

На ист начин ни се пренесуваат и цените кои растат на европските берзи. Сите извори на енергија, нафтени деривати, електрична енергија, природен гас итн. До сега имаше поскапување на цените, ама не 10 или 20 проценти. Ова сега за мене е алармантно со она што се случува на енергетскиот пазар и во таа насока денеска има средба во Владата со претставници, не само на економските ресори, туку и со надворешни експерти, на која разговаравме за ситуацијата и подготвуваме мерки кои во наредните денови Владата ќе ги презентира, како да се влијае, балансира и амортизира поскапувањето на основните производи но и на енергенсите, изјави Бесими за indeks.mk.

The post Бесими: Подготвуваме мерки како да се балансира поскапувањето на основните производи appeared first on Република.

Финансиите се стабилни и во наредниот период се земаат предвид сите ризици за тие да останат на стабилно ниво. Во Буџетот има доволна ликвидност и реализацијата на приходите во буџетот, иако сме на почеток на годината, се согласно проекциите.

Ова го истакна министерот за финансии Фатмир Бесими во интервју за Топ тема на ТВ Телма, осврнувајќи се и на новите инструменти кои ќе бидат понудени за да се финансираат предвидените проекти преку развојни, проектни и зелени обврзници, како и обврзница индексирана со ифлација која е наменета пред се за граѓаните за да се мотивираат да инвестираат, а и да се намали сивата економија преку повелкување ќеш или заштеда, а сето тоа во рамки на законските решенија. Тоа е предвидено во рамки на домашното задолжување, додека за задолжување во странство посочи дека во Буџетот е предвидено издавање еврообврзница од 250 милиони евра, за која се следат состојбите и ќе биде издадена, како и во претходната година, кога на пазарот ќе има најповолни услови.

Средствата од задолжувањата ќе одат за капитални проекти, така што и овие обврзници се наменети конкретно проектните се за одредени проекти, развојните за капитални проекти и зелената е за проекти за зелен развој. Во однос на барањата за зголемување на платите на администрацијата што е барање на синдикатите да се усогласи со зголемувањето на минималната плата, како и за барањето за зголемување на пензиите, рече дека Владата има слух и дека преку дијалог со вклучените страни ќе се дојде до одржливо решение, како што тоа беше направено и со зголемувањето на минималната плата.

Разговорите со синдикатите за ова прашање е тековен процес и постојано се разговара. Се разговараше за минималната плата и се дојде до решение кое ќе се применува како во приватниот, така и за вработените во јавниот сектор. Ќе седнеме во наредниот период и ќе ги видиме можностите, но на прашањето треба да гледаме реално и од аспект на продуктивноста. Во овој момент не може да кажам ниту дали ќе има зголемување, ниту дека ќе нема. Она што можам да кажам е она што е планирано, а тоа е проектиран дефицит од 4,3 % од БДП и ако не оствариме проектираниот раст од 4,6%, а го реализираме буџетот целосно, тоа ќе значи дека ќе имаме поголем дефицит и дополнително зголемување на инфлацијата, рече министерот кој потенцира дека не се сите механизми исцрпени и дека штрајкот е последно решение.

Според него треба да се дојде до издржано решение, како во однос на рашањето за платите, така и за барањето за зголемување на пензиите. Во однос на прашањето за пензиите посочи дека и тоа ќе се решава преку дијалог со претставници на пензионерите и дека и тука ќе се оди со одржливо решение преку промена на методологијата.

Работиме на различни сценарија. Се прават анализи на промена на методологијата за да се најде системски одржливо решение, кое треба да се најде во подобрување на продуктивноста во економијата и со тоа и да има раст на пензиите, рече министерот Бесими.

The post Бесими: Минималната плата е предвидена и во администрацијата, а растот на другите плати и пензиите ќе се бара преку дијалог appeared first on Република.

Министрите Фатмир Бесими и Крешник Бектеши биле во службената шкода (сопственост на СОЗР на владата) која учествуваше во сообраќајната незгода на три возила пред владата на Илинденска.

Во сообраќајката две лица се полесно повредени. Повредени се возачот на Бесими и уште едно лице кое се наоѓало во државната шкода.

Бесими на својот фејсбук профил потврди дека се наоѓал во еден од автомобилите кои беа судрени на Илинденска.

Од МВР засега испитуваат кој е одговорен за незгодата:

На 07.02.2022 околу 19:15 час на крстосница од бул.Св.Климент Охридски и бул.Илинден се случила сообраќајна незгода помеѓу ПМВ Шкода, управувана од Ј.Б. (38) од Скопје, ПМВ Киа, управувано од А.Т. (36) од Скопје и ПМВ Фиат, управувано од Д.П. (45) од Скопје, сите со скопски регистарски ознаки. Во незгодата со повреди се задобиле возачот Ј.Б. и сопатникот од истото возило Б.Љ. кои се пренесени во Комплекс клиники “Мајка Тереза”.Ова е првично. Официјална информација ќе има по завршување на увидот.

The post Возачот на министерот Бесими повреден во сообраќајката кај Влада appeared first on Република.