Со 3,8 милиони евра е обновен државниот пат Скопје - граничен премин „Блаце“ во должина од 10 километри, а во завршна фаза е изградбата на првите два километри од автопатот на оваа релација и се очекува да бидат пуштени на крајот на март.

Министерот за транспорт и врски Благој Бочварски и директорот на Јавното претпријатие за државни патишта Ејуп Рустеми, придружувани од вицепремиерот Артан Груби денеска на настан кај кружниот тек пред ГП „Блаце“ го означија завршувањето на рехабилитацијата на патот.

Завршена е целосно обновата, имаме нова еластична ограда, делумно проширување на патот, како и санација на тунелот. Со тоа ја подобривме и безбедноста на патот, кој е еден од четирите кои водат кон граничните премини што ги завршивме изминатите месеци, Битола- Меџитлија, Струга-Ќафасан, како и Крива Паланка - ГП Деве Баир, што значи дека поврзувањето со соседите за нас е од исклучително значење, изјави министерот Бочварски.

Како што посочи, зависно од временските услови се очекува на крајот на март да бидат пуштени првите два километри од автопатот во изградба.

Рустеми исто така посочи дека набргу ќе бидат пуштени во употреба првите два километра од автопатот и оти во тек се процедурите за избор на изведувач и надзор за 10-те километри што треба да бидат изградени во втората фаза.

Обновената делница, како што беше посочено, била запоставувана со години и и како дел од Рутата 6 од европската транспортна мрежа е многу значајна заради проширување на европските патни мрежи кон Западен Балкан.

Изведувач на работите за обнова на патот е ГД „Гранит“, а надзорот е на ГЕИНГ.

Според најавите, во наредниот период ќе бидат пуштени во употреба и реконструираните патни правци Катланово – Велес и Велес – Градско.

The post Потрошени 3.8 милиони евра за поправка на 10км пат до Блаце appeared first on Република.

Целосната реконструкција на тунелот на патот Скопје - Блаце (границата со Косово) треба да заврши во октомври годинава. Комплетната реконструкција на останатиот дел од патот е завршена. За жал, поради непочитување на патната сигнализација пред тунелот од страна на неодговорни лица, но и поради значително зголемениот проток на сообраќај, се создаваат долги редици од автомобили, напиша вицепремиерот и министер за политички систем, Артан Груби на Фејсбук.

По реакциите и барањата на голем број граѓани, синоќа и денеска ЈПДП разговараше со изведувачот и надзорот. Асфалтирањето на едната лента од тунелот завршува во понеделник. Потоа ја разгледуваме можноста од вторник да ги прекинеме работите на другата лента за да се овозможи непречен сообраќај на двете ленти во текот на месец август за да се избегнат долгите редици во екот на туристичката сезона и зголемениот проток на автомобили. Работите на тунелот ќе продолжат во септември, а датумот на завршување на работите исто така ќе се помести, пишува Груби.

The post Власта не знае да се справи со несовесните возачи на патот Скопје-Блаце, па затоа ја одложува реконструкцијата appeared first on Република.

Во една влада каде што пола од министрите се Албанци а 80 отсто од економските ресори ги водат Албанци капиталните инвестиции во албанските средини да се на два посто, праша во вестите на Сител Изет Меџити, предводник на незадоволната група која бара промени во ДУИ.

https://republika.mk/vesti/makedonija/medhiti-dui-go-ima-izgubeno-kontaktot-so-realnosta/

Децентализацијата не е придвижена, ништо не е превземено за официјализирање на албанскиот јазик.Сакаат цело време да се фалат со инфраструктура, а патот Скопје-Блаце за пет години два километри се направени, Кичево-Струга тапка во место а за Коридорот 8 само ни покажуваат некои снимки но работите никако да се придвижат.Во источна Македонија е поинаку, кон бугарската граница се вози 120 на час, беше пуштен и експресниот пат Штип-Валандово - објасни Меџити.

The post Mеџити: ДУИ цело време се фали со инфраструктура, а патот Скопје-Блаце за пет години два километри се направени appeared first on Република.