Повикувајќи се на Извештајот на Државниот завод за ревизија, од ВМРО-ДПМНЕ потенцираат дека автопатот Кичево-Охрид, иако проектиран колку ќе чини, наеднаш станал поскап за 200 милиони евра и тоа без никакви детали.

За да одиме напред, мора да имаме информации за минатото, поточно што ни остави владата на СДС. Руинирани институции кои тонат поради корупција и криминал е состојбата која ја остави владата на СДС и ДУИ. Дека единствен приоритет на претходната владата на СДС и ДУИ и бил сомнителни тендери, се гледа и од тендерот за автопатот Кичево-Охрид. Фактите говорат дека на ДУИ и СДС приоритет им било местење на тендери, а не капитални инвестиции и изградба на инфраструктура. Ова го потврдува Извештајот на Државниот завод за ревизија. Автопатот Кичево-Охрид, иако проектиран колку ќе чини, наеднаш станал поскап за 200 милиони евра и тоа без никакви детали. Или кога станува збор местење тендери, ова е случај во најголем број од нив. Одлика на тендерите на Владата на СДС и ДУИ е одложена изведба и зголемени трошоци, со што се оптеретувал државниот буџет. Оваа Македонија ќе ја смениме! Неспособноста завршува со нив, работиме 100 проценти одговорно за твојата иднина!, велат од ВМРО-ДПМНЕ.

The post Нема објаснување зошто автопатот Кичево-Охрид наеднаш станал 200 милиони евра поскап appeared first on Република.

Има напредок во реализацијата на автопатот од Кичево до Охрид, секојдневно се работи и очекувам првата половина од автопатот од селото Арбиново до Охрид, со исклучок на мал дел кај село Ботун, да биде пуштена во употреба до мај следната година, истакна денеска премиерот Христијан Мицкоски.

Посочи дека до крајот на 2026 година, како што беше ветено во кампањата, ќе биде целосно пуштен во употреба овој автопат.

-Наследивме катаклизмична состојба со инфраструктурните проекти. Конечно оние два фамозни километри од автопатот кон Блаце се завршени и наскоро ќе бидат пуштени во употреба. Остануваат да се реализираат уште 10-тина километри. Имаме јасен план како тоа да се реализира преку Јавното претпријатие за државни патишта. Тој проект наскоро ќе почне со реализација, рече Мицкоски во одговор на новинарско прашање на денешната прес-конференција во Владата по повод 100 дена од работењето на новата влада.

Нагласи дека познати имиња кои се блиски на ДУИ се наоѓаат на трасата на овие 10 километри од автопатот.

-Но, тоа е што е. Предизвици има и ќе ги решаваме. Од онаа катаклизмична состојба што ја наследивме се случуваат големи поместувања. Оставена е страшна состојба и со проектите поврзани со коридорите 8 и 10д за кои освен авансот од 300 милиони евра буквално немаше никаков прогрес. Немаше ниту еден отсто прогрес направен од европејциве и про-западниве на кои од европското изгледа само еврото им било важно, потенцира Мицкоски.

Најави дека завршува градбата на експресниот пат Чатал-Длабочица-Крива Паланка кој е дел од коридорот 8 што треба да го поврзе Куманово со граничниот премин Девебаир со Бугарија. Привршуваат, како што кажа, и работите на експресниот пат Градско-Росоман-Фариш и се очекува до крајот на годината да биде пуштен во употреба.

The post Мицкоски: Првата половина од автопатот Кичево-Охрид ќе се пушти до мај appeared first on Република.

Има напредок во реализацијата на автопатот од Кичево до Охрид, секојдневно се работи и очекувам првата половина од автопатот од селото Арбиново до Охрид, со исклучок на мал дел кај село Ботун, да биде пуштена во употреба до мај следната година, истакна денеска премиерот Христијан Мицкоски.

Посочи дека до крајот на 2026 година, како што беше ветено во кампањата, ќе биде целосно пуштен во употреба овој автопат.

Наследивме катаклизмична состојба со инфраструктурните проекти. Конечно оние два фамозни километри од автопатот кон Блаце се завршени и наскоро ќе бидат пуштени во употреба. Остануваат да се реализираат уште 10-тина километри. Имаме јасен план како тоа да се реализира преку Јавното претпријатие за државни патишта. Тој проект наскоро ќе почне со реализација, рече Мицкоски во одговор на новинарско прашање на денешната прес-конференција во Владата по повод 100 дена од работењето на новата влада.

Нагласи дека познати имиња кои се блиски на ДУИ се наоѓаат на трасата на овие 10 километри од автопатот.

Но, тоа е што е. Предизвици има и ќе ги решаваме. Од онаа катаклизмична состојба што ја наследивме се случуваат големи поместувања. Оставена е страшна состојба и со проектите поврзани со коридорите 8 и 10д за кои освен авансот од 300 милиони евра буквално немаше никаков прогрес. Немаше ниту еден отсто прогрес направен од европејциве и про-западниве на кои од европското изгледа само еврото им било важно, потенцира Мицкоски.

Најави дека завршува градбата на експресниот пат Чатал-Длабочица-Крива Паланка кој е дел од коридорот 8 што треба да го поврзе Куманово со граничниот премин Девебаир со Бугарија. Привршуваат, како што кажа, и работите на експресниот пат Градско-Росоман-Фариш и се очекува до крајот на годината да биде пуштен во употреба.

https://www.youtube.com/live/WQc4Wo4UgJI?si=OdCHdQ-qG8GJB86l

The post Дочекавме: Во мај следната година ќе биде пуштена во употреба првата половина од автопатот Кичево-Охрид appeared first on Република.

До крајот на 2026 година граѓаните ќе возат по новиот автопат Кичево – Охрид, вели вицепремиерот и министер за транспорт Александар Николоски.

Во интервју за неделникот Фокус, тој нагласува дека постојат бројни проблеми за изградба на автопатот, бидејќи се работи за земјиште што не одговара со класичните геолошки стандарди за изградба на автопат, но како што вели, нема да ја заморува јавноста со проблемите со кои се соочува Министерството.

– Има бројни проблеми, но реков дека нема да ја заморувам јавноста со проблеми, затоа што јавноста е уморна од изговори, но она што може да го кажам дека зборот ќе го држиме и до крај на 2026 година ќе имате функционален автопат Кичево – Охрид. Во однос на косините, се соочуваме со неколку проблеми. Се работи за исклучитечно тежок планински терен. Ние сакаме да ја претставуваме Македонија како земјоделска држава, но 80 проценти се планини кога ќе ја видите мапата. И се работи за земјиште што не одговара на она што се класични геолошки стандарди за изградба на автопат, вели Николоски.

Прашан зошто не се направени геолошки истражувања кога се проектирала трасата, Николоски вели направени се грешки во проектирањето, како и во изведбата.

– Е тоа е вториот проблем. Направени се многу грешки во проектирањето, но направени се грешки и во изведбата. Јас сега ги барам решенијата и ќе го решиме проблемот. Тоа што го кажав на охридски сега ќе го кажам литературно – што ќе правиме ќе правиме, но до крај на 2026 година ќе имаме функционален автопат, вели Николоски.

The post Николоски: До крајот на 2026 година граѓаните ќе возат по новиот автопат Кичево – Охрид appeared first on Република.

-Денес заедно со главниот надзор ГИМ, изведувачот Синохидро, подизведувачот Гранит, подизведувачот Илинден, професори од градежниот факултет, експерти од Кина и преставници од министерството за транспорт, извршивме увид на косините каде се појавуваат свлечишта долж трасата од автопатот Кичево-Охрид, соопшти директорот на Јавното претпријатие за државни патишта, Коце Трајановски.

-Изминатиот период имавме неколку состаноци каде ги детектиравме проблемите и по денешниот увид ќе се предвидат решенија за критичните косини. Денес директно на терен ги согледуваме и останатите проблеми долж целата траса и потоа започнуваме со изнаоѓање на решенија за истите, потенцираше во објавата.

-Пробиени се околу 95% од трасата. Интензивно се работи на земјани работи (ископ и насип, изработка на клинови кај вијадуктите и пропустите, асфалтирање и др.), 145 пропусти се завршени, остануваат уште 14 пропусти за изведба, од вкупно 37 потпорни ѕидови, 27 потпорни ѕидови се завршени, а на 10 се работи, вкупно 28 вијадукти, на сите се завршени долниот строј и коловозната плоча, има 35 натпатници и потпатници. Македонија за тебе!, нагласи директорот на Јавното претпријатие за државни патишта, Коце Трајановски во објавата на фејсбук.

The post Трајановски изврши увид долж трасата од автопатот Кичево-Охрид appeared first on Република.

Вицепремиерот и министер за транспорт Александар Николоски вели дека успеале за десетина дена да ги решат најголемите проблеми со Синохидро и да најдат решение за косините и свлечиштата. Во изминатиот период со изведувачот Синохидро се воделе интензивни разговори при што било постигнато решение, тие да се откажат од арбитражната постапка и со тоа да се заштедат 50 милиони евра пари од буџетот на државата.

Министерот Николоски во гостување на утринска програма на ТВ Сител нагласил дека во однос на техничките решенија со свлечиштата, се најдени две опции за санација на косините и дека со сите наследени проблеми, автопатската делница ќе биде завршена до крајот на 2026 година.

Објективниот проблем е со состојбата со теренот на трасата кај што не се гледа, а тоа над Кичево до Дебрца и тука тој терен е многу проблематичен. Седнавме со изведувачот и побарав да прават што ќе прават, да најдат решение и да се заврши. И очегледно таа беше формулата бидејќи во рок од десетина дена со интензивни раговори тие се откажаа од арбитражата каде што Македонија потнецијално ќе изгубеше 50 милиони евра, а тоа за земја како Македонија се многу пари. И втора работа е да се решат проблемите со свлечиштата и косините на еден модерен начин, рекол Министерот за транспорт.

Како што информираат од Министерството за транспорт, Николоски во гостувањето истакнал дека решенијата не се голема филозофија оти или ќе се оди со галерија, тоа е како тунел, не целосно затворање, тука само со покрив или опција е само со шипови за стабилизација на косините. Тој потенцирал дека до крај на 2026 година автопатот ќе биде завршен.

The post Николоски: За само десет дена најдов решение со Синохидро за Кичево-Охрид, до 2026 година ќе го завршиме автопатот appeared first on Република.

Нејасно е како 12 години не е решена експропријацијата за автопатската делница Кичево-Охрид и за тоа директно е одговорна претходната Влада. Детектиравме три главни проблеми и во овој летен период максимално ќе се посветиме на нивно разрешување за конечно да ја одглавиме изгрaдбата на оваа автопатска делница, истакна заменик на претседателот на Владата и министер за транспорт Александар Николоски во емисијата “Заспи ако можеш”, на телевизија Алфа.

Како што кажа министерот Николовски, се уште не е решена експропријацијата, не се решени имотно правните работи со бензински пумпи кои се лоцирани на самата траса на автопатот, како и лошо проктираните косини за кои потребно е да се направи репроектирање.

Најголем дел од работното време плаирам да го трошам за разрешување на проблемите со автопатската делница Кичево - Охрид и изградбата на автопатите на Коридор 8. Мислам дека веќе наесен ќе презентирам добри вести и проектите ќе тргнат во посакуваната насока. Имам четири приоритети за ова лето и веќе реков дека тоа е одглавување на изградбата на Кичево-Охрисд, изградбата на автопатските делници преку Бехтел, пругата и стабилизација и реорганизација на Железницата. Паралелно со тоа работиме на силна подршка за општнините со 100 милиони евра. Ќе имаме градежен бум во општините, на граѓаните им се потребни улици, патишта, водоводи, канализации. Нема да дозволам пак да се случи Кичево – Охрид со ниту еден друг проект во инфраструктурата, истакна министерот Николоски.

Тој уште еднаш го повика Јавното обвинителство да биде поефикасно и да ги истражи наводите за евентуална злоупотреба на буџетските пари.

The post Николоски: Нема да дозволам да се случи повторно „Кичево – Охрид” со ниту еден друг проект appeared first on Република.

Последниот дел од кредитот од кинеската банка EXIM за изградба на автопатот Кичево – Охрид е одобрен и наскоро ќе бидат префрлени парите.

Вториот дел од кредитот беше договорена во анексот 2018 година и истата е во висина од 211 милиони долари.

Делницата од 57 километри се гради веќе 10 години, со две влади. Минатата која имаше два мандати, не успеа да ја изгради, па сега ќе треба да ја довршува новата. Токму новиот министер за транспорт и врски Александар Николоски ја најави како приоритетна.

Крајниот рок на изградба е на 1. јануари 2026 година. За изградба се земени кинески кредити во износ од 772 милиони долари.

Поранешната власт се правдаше дека автопатот не е готов поради појава на свлечишта и лошо планирање.

The post Кинеската банка го одобри вториот дел од кредитот за изградба на автопатот Кичево – Охрид appeared first on Република.

„Повеќе од 2 милијарди евра се планирани да се инвестираат во инфраструктурата. Тука е оној проект кој е многу значаен, а тоа се реалоцирање средства од буџетот кон општините во вредност од 250 милиони евра годишно или за еден четиригодишен мандат тоа би било точно 1 милијарда евра“, истакна претседателот на ВМРО-ДПМНЕ Христијан Мицкоски одговарајќи на новинарско прашање при денешниот увид на градежни активности во поранешната касарна во Охрид.

Претседателот Мицкоски продолжи и додаде:

„Ги повикувам општините, не само онаму каде имаме градоначалници кои доаѓаат од редот на ВМРО-ДПМНЕ и коалицијата туку и оние општини каде има градоначалници од СДСМ, ДУИ, Алијанса на Албанците, БЕСА, но и независни градоначалници да прават проекти бидејќи првиот оглас откако ребалансот на буџетот ќе се случи во јули месец првиот оглас ќе биде објавен некаде есента септември, за да може да аплицираат за проекти кои ќе бидат важни за граѓаните“, порача Мицкоски.

Претседателот Мицкоски истакна дека нема да бидат влада само онаму каде има градоначалници од ВМРО-ДПМНЕ, туку влада за сите граѓани.

„Амбицијата ни е во еден момент да се работи на минимум 500 точки, 500 локации на територијата на цела Македонија со што ќе бидат задоволени потребите на граѓаните. Ние нема да бидеме влада само онаму каде има градоначалници од ВМРО-ДПМНЕ и коалицијата, туку сакаме да бидеме влада за сите граѓани и да покажеме дека не се сите политичари исти, да покажеме дека немаме намера да ги делиме граѓаните како тоа што правеше сегашната влада“, вели Мицкоски.

Претседателот Мицкоски истакна дека еден од приоритетите е конечното завршување на автопатот Кичево – Охрид.

„Исто така тука се еден од приоритетите и конечно завршување на автопатот Кичево – Охрид. Рековме според нашата анализа тоа би било некаде околу 2026 година, втората половина на 2026 година. Реализација на тековните автопати Тетово – Гостивар, Прилеп – Битола. Многу други проекти поврзани со локалната инфраструктура, железничката инфраструктура, возови, вагони итн., нешто што е дел од програмата „Платформа 1198“, посочи Мицкоски.

Претседателот Мицкоски истакна граѓаните детално да ја прочитаат „Платформа 1198“ бидејќи има детално за секого по нешто.

„Цениме дека сето тоа што е таму содржано е возможно да се реализира и ќе го реализираме. Чуда не ветувавме, ние не сме чудотворци, чуда се невозможни, сите оние кои ветуваат чуда не ја говорат вистината. Ве молам прочитајте ја програмата „Платформа 1198“ и ќе го најдете патот како Македонија ќе се развива и ќе биде повторно горда и Македонија ќе биде повторно твоја“, дециден е Мицкоски.

The post Mицкоски најави завршување на автопатот Кичево-Охрид во 2026 година appeared first on Република.

Неспособната и неодговорна власт на СДС и ДУИ 7 години не направи ниту километар автопат во Македонија, го уништи железничкиот сообраќај до ниво да нема возови кон Кичево и Кочани, а кон Битола да се сообраќа само еден воз дневно кој патува и по половина ден.
Оваа катастрофа која ја оставија зад себе мора да се надмине и во Македонија да се довршат отпочнатите и да се градат нови капитални инвестиции од патната инфраструктура што ќе значи поттик за економијата во земјата, ветуваат од ВМРО-ДПМНЕ.

Согласно направените анализи и градежните капацитети следната влада на ВМРО-ДПМНЕ до крајот на 2026 ќе го доврши автопатот од Кичево до Охрид, кој СДС и ДУИ 7 години не можеше да го доврши. Впрочем власта на СДС и ДУИ само ја зголеми цената на овој автопат до 600 милиони евра и не реализираше ниту 20% дополнителна градба.
Во исто време новата влада на ВМРО-ДПМНЕ ќе ја доврши изградбата на експресниот пат од Градско, преку Росоман до Прилеп кој со правилен менаџмент и со јасен план ќе се финализира до 2026 година.

https://republika.mk/vesti/makedonija/mitskoski-vmro-dpmne-koga-ke-dojde-na-vlast-do-2026-ta-godina-ke-bide-zavrshen-avtopatot-kichevo-ohrid/

Не само што ќе се довршат фамозните 2 километри од Скопје кон Блаце, туку до крајот на мандатот на идната влада на ВМРО-ДПМНЕ во целост ќе се реализира автопатот кон граничниот премин Блаце. Во првата година од новата Влада на ВМРО-ДПМНЕ ќе се заврши изградбата на експресниот пат од Ранковце до Крива паланка, а две нови патни делници ќе бидат испроектирани до ниво на проект, а тоа е експресен пат од Струмица до граничниот премин Ново Село и автопатската делница од Велес преку Чашка до Прилеп.

Дополнително ќе се инвестира во модернизација на сигнализацијата и безбедноста на патиштата, но и ќе се реновираат и железничките пруги, со цел возовите да можат брзо и безбедно да се движат по нив, бидејќи железничката инфраструктура е неопходна за економски и стопански развој во земјата.

Она кое што ВМРО-ДПМНЕ го ветува, тоа и го реализира. Граѓаните тоа го знаат и може да му веруваат на ВМРО-ДПМНЕ. Во моментот со власта на СДС и ДУИ никогаш не било полошо во Македонија, и затоа важно е да ги поразиме заедно со народот.

The post Не само автопатот Кичево-Охрид: Идната влада на ВМРО-ДПМНЕ до крајот на 2026 година ќе ги доврши и експресните патишта Прилеп Градско и Ранковце-Крива Паланка appeared first on Република.

Јас ќе зборувам за неколку работи, дел се тековни, дел ќе бидат нови, но истовремено нема како, а да не споменам дека сигурно нема да биде како до сега. Се сеќавате на еден одговор на мнозинскиот иако е малцински партнер во Владата, претседателот на помалата партија која во суштина е поголема во Владата, му даде сугестија на Ковачевски кога беше прашан од страна на новинарите како ќе продолжите понатаму, па овој рече како до сега. Сигурно нема да биде како до сега, истакна претседателот на ВМРО-ДПМНЕ, Христијан Мицкоски на денешната дебата „Инфраструктурна платформа за иднина“ на тема „Концепт за инвестиции во инфраструктурата“ која што се одржа во Другово, општина Кичево.

„Со ВМРО-ДПМНЕ ќе биде многу поразлично, од како што беше до сега. Затоа што до сега буквално немаме никакви победи како народ, како држава, туку нижеме порази, декаденција, срам, понижување, криминал, пљачка насекаде. И најчесто дури и оние малку проекти кои што беа реализирани во делот на инфраструктурата се проследени со многу сомнежи за сторен криминал и корупција“, рече претседателот на ВМРО-ДПМНЕ.

Мицкоски додаде ВМРО-ДПМНЕ кога ќе дојде на власт сиот криминал и корупција што се случил во делот на инфраструктурата детално ќе се истражи и ќе има одговорност за тоа.

„Видеото  „Стани Благоја, да те види сала“  заврши со една наредба која што требаше да биде реалност, а тоа е да автопатот Кичево – Охрид биде завршен во јануари 2024-тата година. Сега сме веќе втора половина на февруари месец, а од автопатот нема ниту „А“. И е невозможно да има крај на тој проект во јануари 2024-та година. зошто? Затоа што во овој момент кога ќе направите детална анализа и пресек до каде се градежните активности ќе заклучите дека тој е некаде 70-тина проценти завршен од тоа што треба да биде 100%. Значи имаме некаде од прилика 30-тина проценти. И ние детално подготвувајќи се за оваа трибина, анализирајќи ја состојбата во која што денеска се наоѓа оваа патна делница истовремено имајќи јасен приказ со што располагаме како градежен капацитет можеме да излеземе со ветување кое што ќе биде дел од Програмата на ВМРО-ДПМНЕ и Коалицијата дека целосната делница ќе биде завршена и пуштена во употреба втората половина или би рекол крајот на 2026-тата година“, вети Мицкоски.

The post Мицкоски: ВМРО-ДПМНЕ кога ќе дојде на власт до 2026-та година ќе бидe завршен автопатот Кичево – Охрид appeared first on Република.

Никогаш не било полошо и во областа на инфраструктурата во Македонија.Никогаш помалку не се градело, а тоа што се гради никогаш не било  понеквалитетно.Никогаш и не се градело побавно.

Следниов март навршуваат 10 години од почетокот на изградбата на автопатот од Кичево кон Охрид. Македонија со оваа власт на СДС и ДУИ, со 10 годишната агонија во неградењето на овој автопат освен што придонесуваат за стагнација на туризмот и економијата овој автопат стана мета на подбив во целиот регион.

Никогаш не се градело вака не-плански, обвини ВМРО-ДПММЕ.

Никогаш на ниедна претходна влада не и биле потребни 7 години за да изгради 2 километри автопат. А, оваа влада за 7 години не успеа ни тие 2 километри автопат да ги изгради од Скопје кон Блаце.

Всушност оваа Влада во цели два мандата не изгради ниеден километар автопат.

Никогаш не било полошо затоа што до сега не се случило од страна на ниедна претходна влада една година да држи затворен автопат иако на истиот е завршена градбата. Говорам за автопатот Демир Капија кон Смоквица.

Не помниме влада со волку голем број на анекси на договори за зголемување на вредноста на капиталните проекти како и анекси за пролонгирање на роковите за изградба, кои да е комично, самите си ги задаваат роковите кои ги пробиваат, самите ги пробиваат.

Никогаш не било полошо затоа што и странските фирми изведувачи на капиталните инфраструктурни проекти ги напуштаат проектите поради низа притисоци и сомнителни влијанија, а проектите се уште ни зјаат недовршени. Овде пред се мислам на железничката пруга кон Бугарија и на експресниот пат од Градско до Прилеп.

Безбедноста во сообраќајот никогаш не била полоша. Заштитата на учесниците во сообраќајот се уште се врши со застарени, а и скоро напуштени методи. А, да не ги спомнувам жртвите од небезбедните железнички премини.

Исто така никогаш не било полошо и за Македонски Железници.

Повеќе немаме меѓународни линии. Укинат е возот од Солун кон Скопје, а и кон Белград.

-Се укинаа 2 линии Скопје-Кочани, се укинаа две линии 2 линии Скопје-Кичево, 3 линии Скопје-Битола, а и плус се укина деловниот воз „Пелагонија“ кон Битола.

Или вкупно 8 линии во домашниот железнички сообраќај вклучувајќи го деловниот воз „Пелагонија“ се укинати.

– Се откажуваат возови поради немање на дизел гориво за локомотивите.

– Пред некој месец Македонски Железници остана и без струја.

– Скоро 90% од железничкиот возен парк е надвор од употреба, а верувале или не само поради ненавремено сервисирање.

– Се на се ова се срамни податоци во областа на инфраструктурата. Никаква реализација нема државата на капиталните проекти.

https://www.youtube.com/watch?v=mIwV_SP6Ozc

Затоа важно е да ги поразиме. Да ги поразиме затоа што заслужуваат да бидат поразени. Да ги поразиме затоа што не ја оправдаа довербата на граѓаните и не постои категорија на граѓани која што не е разочарана. Затоа што личниот интерес го ставија пред државниот интерес, и затоа ќе бидат поразени.

Во Македонија со СДС и ДУИ никогаш не било полошо.Да ги поразиме затоа што Македонија заслужува подобро. Затоа што заслужува да ја предводат луѓе кои ја сакаат својата татковина.

The post На автопатот Кичево-Охрид ќе му вадиме десет години appeared first on Република.

Вицепремиерот Фатмир Битиќи во своето видеобраќање за „Блумберг Адрија“ изјави дека по новогодишните празници, Владата и кинеската компанија „Синохидро“ ќе започнат преговори за потпишување нов анекс на договорот.

„Сметам дека не треба јас да очекувам, компанијата во овој случај треба да даде цврсти гаранции дека се спремни да одговорат на предизвикот за финализирање на проектот. Таму се вклучени и надзорот затоа што тоа што требаше како институции да го испорачаме сме го испорачале во минатиот период. Веќе крајно време е гаранциите да се добијат од тие што треба сето тоа го го спроведат, изјави вицепремиерот за економски прашања.

Тој потврди дека има заклучок кој доаѓа од одредена анализа направена од неколку експерти дека препораката била да има нов анекс, со нов рок за финализирање на проектот, а не раскинување на договорот.

The post Битиќи за автопатот Кичево-Охрид: Сите треба да сфатат дека време за губење нема appeared first on Република.

Пратеникот Бојан Стојаноски од ВМРО-ДПМНЕ на седница за поставување на пратенички прашања му постави три пратенички прашања на Димитар Ковачевски, кои се однесуваа на изградбата на автопатот Кичево-Охрид, започнување на преговорите на Македонија со ЕУ како и прашање за усогласување на платите со минималната плата.

Стојаноски го потсети Ковачевски на фамозната изјава каде што го повика министерот за транспорт и врски Благој Бочварски да стане да го види цела сала и да му каже дека тој ќе биде одговорен за овој проект да се заврши до 2023 година, укажувајќи дека автопатот се уште не е изграден.

Според вашите лажни тврдења и празни ветувања автопатот Кичево Охрид требаше да биде готов до крајот на 2023 година. Тоа е ваша изјава. Но, денеска пред почеток на седницата видов дека со одлука на влада сте го продолжиле рокот за изградба на автопатот. Вие застанавте пред народот на 19 ноември 2022 година и ветивте дека од јануари 2024 година граѓаните ќе возат по нов автопат во Охрид. Тогаш рековте, Благој е одговорен овој проект да се заврши до крајот на 2023 година. Тоа беше она популарно видео каде што рековте стани Благој да те види сала и Благој е одговорен овој проект да се заврши до крајот на 2023 година. Но, со оглед дека проектот е далеку од завршен, дека автопатот не е готов, се поставува прашањето дали во својство на министер за транспорт и врски ќе го повикате Благој Бочварски на одговорност. Во истото тоа виде, вие велите дека ако се сака, тогаш се се може, нема изговори и нема предавања. Тогаш кој е вашиот изговор што овој проект не е завршен, односно дали и кој ќе сноси одговорност за тоа што автопатот Кичево Охрид не е завршен до моментот и рокот кој што вие го кажавте, праша Стојаноски.

Второто прашање Стојаноски го постави до Ковачевски се однесуваше на почетокот на преговорите на Македонија со ЕУ, укажувајќи му на Ковачевски дека дипломатијата не е само исполнување на туѓи желби, туку вештина за водење на надворешна политика односно да го зачувате вашиот државен и национален интерес, а притоа да стигнете на патот на кој сте тргнати.

Македонија повторно не доби датум за почеток на преговори со ЕУ. Дали вие дипломатијата ја разбирате само како виткање на кичма и коленичење пред туѓи интереси, односно исполнување на шовинистички или мегаломански барања, праша Стојаноски и додаде:

Дали до сега вашата влада која што е “најевропска“ не можевте да убедите некои од сериозните европски политичари да го повикаат бугарскиот премиер да излезе на кафе, па и македонскиот народ по сите понижувања кои што ги имаше изминатите години да се стекне со статус кој што одамна веќе беше заслужен. Зошто Македонија нема сојузници кои што ќе може да ги повикаат вашите бугарски колеги да излезат на кафе, праша Стојаноски.

Третото прашање Стојаноски рече дека пред почетокот на седницата им испратил порака на претседателите на КСС и ССМ што сакаат да го прашат Ковачевски, потенцирајќи дека синдикатите реагираат дека во наредната година во буџетот кој што беше изгласан нема обезбедено средства за усогласување на сите други плати со минималната плата.

Пред седницата им испратив порака на најголемите синдикати КСС и ССМ дали сакаат да го прашат нешто премиерот. Зошто владата упорно ги лаже и манипулира синдикатите. Синдикатите реагираат дека во наредната година во буџетот кој што беше изгласан нема обезбедено средства за усогласување на сите други плати со минималната плата, вели Стојаноски.

Стојаноски го праша Ковачевски со кое лице ќе излезе на следните избори да го бара гласот и довербата на работниците кога не го слуша нивниот глас, ниту пак ги исполнува нивните барања.

Од тука клучната порака на синдикатите е дека буџетот за 2024 година ниту е развоен ниту е одржлив, ниту пак помага на работниците. Со кое лице Ковачевски ќе излезете пред работниците на следните избори кога не го слушате нивниот глас и кога не сте заитересирани да ги исполните нивните барања, заклучи Стојаноски, се наведува во партиското соопштение.

The post Кој ќе сноси одговорност за тоа што автопатот Кичево – Охрид не е завршен? appeared first on Република.

СВР Охрид поднесе кривична пријава против М.Ј.(56) од Народна Република Кина поради постоење основи на сомнение за сторени кривични дела „уништување или оштетување на јавни инсталации“ и „несовесно работење во службата“, како и против А.Н.(62) од Охрид поради постоење основи на сомнение за сторено кривично дело „несовесно работење во службата“.

Двајцата, вработени во градежната фирма „Синохидро“, со неизвршување на своите службени должности за известување на поставена подземна инсталација на автопат во изградба, предизвикале оштетување на електрични кабли сопственост на ЕВН Македонија по што, настанал прекин на снабдувањето на електрична енергија на повеќе правни и физички лица во општина Дебрца, со што предизвикале материјална штета од околу 502.000 денари.

The post Кривична за двајца работници на автопатот Кичево-Охрид, поради кои Дебарца остана без струја appeared first on Република.

Според Христијан Мицкоски, зад неизрадбата на автопатот Кичево-Охрид стојат лични интереси.

Тука гледам лични интереси и обиди на Ковачевски и Груби да прават политички гимнастики и пресметки но мислам дека тоа нема да им успее овојпат. Во отсуство на јасен проектен менаџмент и многу невистини се доведоа во една ваква ситуација. Oчекував Ковачевски на ист начин како што му велеше на Бочварски „стани да те види цела сала“ да го стане и да го праша што ќе прави,изјави Мицкоски за „Република“.

https://www.youtube.com/watch?v=q4wZx08Ldds

The post Мицкоски: Зад неизградбата на автопатот Кичево стојат лични интереси appeared first on Република.

Јас мислам дека кабелот е одговорен и за ова. И Миле Јанакиески секако, напиша на својот фејсбук профил Богдан Илиевски.

The post Богдан Илиевски: Јас мислам дека кабелот е одговорен и за ова и Миле Јанакиески секако appeared first on Република.

Остри критики денеска упати првиот вицепремиер Артан Груби за 10 годишното одложување на изградбата на автопатот Кичево-Охрид, за кој, како што вели, и по 10 години ниту еден метар не е пуштен во употреба. Според Груби, изведувачите, оние кои градат, но и надзорот треба да сносат одговорност за неуспехот на овој проект барајќи доколку е потребно, да прекинат работите на терен.

И премиерот Димитар Ковачевски смета дека е неприфатливо автопат од 40км да не може да се изведе за повеќе од 10 години. Рече дека ќе побара ревизија на проектот и врз основа на тоа да се донесе одлука.

„Овој проект 10 години не е завршен од низа причини кои се однесуваат од проектирање до изведба на самиот проект, а исто така и на самиот почеток знаете дека тој беше предмет на голем број на контроверзии во кои не би сакал да навлегувам. Сметам дека треба да се размислува и во насока на раскинување на овој договор и барање на изведувач кој ќе го направи на квалитетен начин, а не да гледаме пат којшто се прави, во кој се инвестираат пари, а досега нема еден метар автопат пуштено делницата Кичево – Охрид“, рече Ковачевски.

Изградбата на автопатот Охрид-Кичево започна во 2013. Првично се сметаше дека ќе заврши во 2018, потоа рокот се одложи до 2021 а сега сме на крај на 2023. Требаше да чини 378 милиони евра, но сумата двојно се зголеми, на околу 600 милиони евра.
Автопатот Кичево-Охрид е дел од коридорот 8 кој го опфаќа делот Тетово-Гостивар-Букојчани и проектот за автопатот Требеништа-Струга-Ќафасан.

The post По седум години Груби и Ковачевски сакаат раскинување на договорот за автопатот Кичево-Охрид appeared first on Република.

Автопатот Кичево-Охрид е опасен по живот. Да се стигне до нашиот туристички центар не е нималку лесно. Најмалата штета е по автомобилите кои после едно одење натаму се за ремонт, туку е загрозена безбедноста на патниците.

Не се знае каде се вози по една лента, каде од спротивната насока наидува друго возило, расфрлани столпчиња кои треба да го разделуваат патот.

Власта постојано го одложува завршувањето на делницита а таа не е до никаде. Овде-онде по некоја машина и работник,но крајот не се гледа.

Се чини дека крајот на автопатот ќе го чека доаѓањето на власт на ВМРО-ДПМНЕ која и го почна.

The post Пат што не води никаде: Забележан е работник на автопатот Кичево-Охрид appeared first on Република.

„Јас имам две пратенички прашања, едното е за министерот за транспорт и врски, а другото е за вицепремиерката за добро владеење, Славица Грковска која што имаше писмено известување дека ќе е отсутна од оваа седница за пратенички прашања“, истакна Мирче Аџиоски, пратеник од редовите на ВМРО-ДПМНЕ на денешната собраниска седница на пратенички прашања.

Првото прашање е за министерот за транспорт и врски, а се однесува за фамозниот и вечен автопат кој се гради во Република Македонија, а тоа е автопатот Кичево – Охрид. И ќе го прашам министерот дали ќе се изгради автопатот Кичево – Охрид во предвидениот рок до 31.12.2023 година. И доколку не се изгради и се поднесе нов Анекс на законот за повторно продолжување на рокот, дали министерот заедно со Анексот ќе си ја поднесе и оставката негова за неговото неработење“, запраша Аџиоски.

Аџиоски го запраша министерот за транспорт и врски дали тој ќе си понесе одговорност бидејќи тој е директно одговорен за тоа што автопатот Кичево – Охрид остана да се град 6 години односно да не се гради.

„Второто се однесува на вицепремиерката за добро владеење, Славица Грковска. Прашањето е за кои владини функционери ДКСК има доставено иницијатива за утврдување на одговорност, за кои случаи и како е постапено по тие случаи“, нагласи пратеникот.

Тој посочи дека ова се прашање се наметне од фактот што изминатиот период ДКСК доставува до вицепремиерката иницијативи, има неколку случаи меѓу кои е и случајот во кој што се бара оставки од министерот Османи и Нуредини затоа што на локалните избори се гледа како министерот за надворешни работи, Бујар Османи и министерот тогашен за животна средина и просторно планирање, Насер Нуредини, користат службени возила за партиски цели.

„Од Кабинетот на Грковска не дадоа ниту за овој случај конкретен одговор освен дека штом стигне предметот до нив ќе постапат според Кодексот за етичко однесување на членовите на Владата“, потсети Аџиоски.

Тој исто така рече дека вториот сличен случај е кога ДКСК кажа дека постои сомневање дека претседателот на Агенцијата за млади и спорт и членовите на Централната комисија во 2020-та, 2021 и 2022 година по пат на искористување на службената положба и несовесно работење, заобиколувајќи ги законските процедури извршиле распределба на средства со што го оштетиле Буџетот на државата. И лицата што имале законско право на вакви средства, а не им биле доделени.

„Има уште еден случај, тој е случајот кој што ДКСК бара одговорност од Оливер Спасовски за сообраќајната несреќа на БЕСА Транс во која што загинаа односно живи изгореа 45 луѓе. Комисијата утврдила дека министерот Оливер Спасовски не постапил правилно бидејќи по добиениот извештај од инспекторот кој извршил контрола и утврдил неправилност во работењето на станицата не издал наредба во предвидениот рок од станицата да ги отстранат неправилностите. И последниот случај е случај за кој што и вчера зборуваше претседателката на ДКСК, а тоа е за семејното патување на премиерот во Америка во кое што кажа дека чека на вицепремиерката да постапи за да може да поднесе предмет“, укажа пратеникот.

The post Аџиоски до Бочварски: Доколку не се изгради вечниот автопатот Кичево – Охрид во предвидениот рок, ќе си ја поднесеш ли оставката за неработењето? appeared first on Република.