Курдската работничка партија (ПКК) денеска ја презеде одговорноста за нападот врз комплексот на турската национална воздухопловна-вселенска компанија „ТУСАШ“ во предградието Кахраманказан на Анкара.

Во нападот загинаа пет лица, а 22 беа повредени.

Турскиот претседател Реџеп Тајип Ердоган, на прес-конференција во својот авион по враќањето од самитот на БРИКС во Казан, изјави дека напаѓачите влегле во Турција од Сирија. Тој повторно се заколна дека Турција ќе го искорени тероризмот во неговото „седиште“ во Сирија, и додаде дека Анкара ќе продолжи да се бори со терористите додека не бидат уништени.

Нападот го извршиле двајца напаѓачи – маж и жена, кои загинале за време на акцијата. Турскиот министер за внатрешни работи Али Јерликаја изјави дека тие се идентификувани како членови на ПКК.

Вчера, Советот за безбедност на ОН го осуди терористичкиот напад врз „ТУСАШ“ и порача дека „сите терористички дејствија се криминални и неоправдани, независно од мотивите, времето или местото каде се извршени“. Советот ги повика сите земји на „активна“ соработка со Турција и со надлежните власти, истакнувајќи ја потребата да бидат изведени пред лицето на правдата извршителите, организаторите и финансиерите на терористичките акции.

ПКК е признаена како терористичка организација од Турција, ЕУ и САД.

The post ПКК презеде одговорност за нападот врз ТУСАШ во Анкара appeared first on Република.

Турскиот министер за внатрешни работи Али Јерликаја изјави дека во денешниот терористички напад врз комплексот на Турската воздухопловна и вселенска индустрија (ТУСАШ) во главниот град Анкара, загинале четири лица, а 14 се повредени, пренесува Анадолија. Тој потврди дека двајцата терористи биле неутрализирани.

Јерликаја го посети местото на нападот и изјави пред новинарите дека нападот се случил во 15:26 часот по локално време.

- Безбедносните сили веднаш пристигнаа на местото на настанот. Двајцата терористи, жена и маж, се неутрализирани. За жал, имаме четворица шехиди (маченици) и 14 ранети, од кои тројца се во тешка состојба, рече министерот.

Осудувајќи го тероризмот, Јерликаја изрази сочувство до турскиот народ и им посака брзо закрепнување на повредените.

Работиме на идентификација на терористите. Штом го дознаеме нивниот идентитет, ќе ги споделиме информациите за тоа која терористичка организација стои зад нападот,“ нагласи Јерликаја.

Инаку, ТУСАШ е државна компанија за оружје и авио-технологија со седиште во близина на Анкара. Оваа компанија произведува воени и цивилни авиони и хеликоптери, како и системи за беспилотни летала за турските вооружени сили и за странски пазари.

Според официјалниот веб-сајт, ТУСАШ е основана за да ја намали зависноста на Турција од увоз на авио-технологија за воени потреби.

Како членка на НАТО, Турција ја определи компанијата како лиценциран производител на американските борбени авиони Ф-16, а исто така има важна улога во модернизацијата на постарите авиони за потребите на турската војска.

Главни сопственици на оваа компанија се турските вооружени сили и цивилната агенција на турската влада.

The post Што е ТУСАШ, комплексот во Анкара кој го нападнаа терористите appeared first on Република.

Министерот за внатрешни работи на Турција, Али Јерликаја потврди дека четири лица загинале, а 14 се повредени во терористичкиот напад во областа Кахраманказан, предградие на Анкара. Во акцијата која следеше неутрализирани се и двајца напаѓачи.

Го осудувам овој грозоморен напад. Нашата борба ќе продолжи со истрајност и одлучност додека не се неутрализира и последниот терорист – рече тој.

Претседателот на Турција, Реџеп Тајип Ердоган, го осуди нападот и потврди дека загинаа четири лица.

Генералниот секретар на НАТО, Марк Руте, изрази загриженост поради бројот на жртвите и рече дека НАТО стои покрај својот сојузник Турција.

„Загрижувачки се вестите за загинати и повредени кои доаѓаат од Анкара. НАТО стои до нашиот сојузник Турција. Силно ги осудуваме сите форми на тероризам и внимателно го следиме развојот на настаните“, напиша Руте на социјалната мрежа Икс.

Тој додаде дека телефонски разговарал со турскиот претседател Реџеп Таип Ердоган и му ги пренел пораките за поддршка на НАТО.

Генералниот секретар на Обединетите нации Антонио Гутереш изрази сочувство до Турција по терористичкиот напад врз фабриката на Турската воздушна и вселенска индустрија (ТУСАШ) во Анкара.

„Очекуваме информации, но го осудуваме овој напад врз цивилите. Испраќаме сочувство до семејствата на жртвите и се надеваме на целосно закрепнување на повредените“, изјави за Анадолија заменик-портпаролот на ОН, Фархан Хак во име на Гутереш.

Според последните информации од турските медиуми, двајца терористи се неутрализирани, додека третиот напаѓач наводно држи работници во заложништво во фабриката. Ситуацијата и понатаму е напната, а безбедносните сили се во состојба на готовност. Во областа се испратени безбедносни сили, пожарникари и брза помош. Пријавено е дека персоналот на одбранбената фирма е испратен во засолништа од безбедносни причини.

Обвинителството во Анкара, исто така, започна истрага за терористичкиот напад.

The post Четворица загинати и 14 повредени во терористичкиот напад во Анкара, ликвидирани и двајца напаѓачи appeared first on Република.

Експлозија одекна во Анкара во близина на зградата на турската корпорација ТУСАШ, производител на воени авиони и вселенска опрема, а причините се уште не се јасни, објави агенцијата ИХА.

„Се случи експлозија во производствениот погон ТУСАШво Анкара, област Кахраманказан. Се слушнаа и звуци од истрели“, се вели во соопштението.

Турскиот министер за внатрешни работи Али Јерликаја денеска соопшти дека во просториите на Турската компанија за воздухопловна и вселенска индустрија (ТУСАШ) бил извршен терористички напад, во кој имало убиени и ранети.

Јерликаја во објава на својот профил на социјалните мрежи објави дека терористичкиот напад бил извршен во комплексот на компанијата ТУСАШ во областа Кахраманказан во Анкара.

„За жал, во нападот имаме загинати и ранети. На нашите маченици им посакуваме Божја милост, а на ранетите брзо закрепнување. Јавноста ќе биде информирана за ситуацијата. Важно е да се земат предвид информациите што доаѓаат од официјалните извори“, рече Јерликаја.

Во областа се испратени безбедносни сили, пожарникари и болничари. Беше објавено дека персоналот на одбранбената фирма бил упатен во засолништа од безбедносни причини.

Ankara'da TUSAŞ Tesisi önündeki patlama görüntülendi.pic.twitter.com/5zg9dCODyz

— Boşuna Tıklama (@bosunatiklama) October 23, 2024

The post Терористички напад во Турција, има загинати appeared first on Република.

Во Анкара денеска се случи терористички напад кога бомбаш самоубиец активирал експлозивна направа во близина на зградата на полицијата, пренесоа турските медиуми.

Турскиот министер за внатрешни работи, Али Јерликаја, изјави дека „еден терорист се разнесе, а вториот е неутрализиран“ во терористичкиот напад врз седиштето на турската национална полиција во главниот град Анкара.

Јерликаја во објавата на социјалните мрежи напиша дека терористите се доближиле до зградата на полицијата со лесно комерцијално возило и дека еден од нив го активирал експлозивот и се разнел, а вториот, додаде, бил „неутрализиран“ во престрелката со полицијата која следела, во која двајца полицајци, исто така, биле полесно ранети.

The post Бомбаш самоубиец се разнесе пред зградата на полицијата во Анкара appeared first on Република.

Општина Анкара отвори огромен земјоделски комплекс и рекреативна зона во регионот Голбаш во близина на турската престолнина.

Проектот е реализиран во рамките на развојниот план на Општина Анкара - БАКАП. Зоната има површина од 3,5 милиони метри квадратни, а земјоделската површина опфаќа 970.000 метри квадратни.

Просторот, кој до пред неколку години беше целосно пуст, опфаќа 39 километри пешачки патеки, 19 километри велосипедски патеки, 160 илјади метри квадратни трева, 45 илјади метри квадратни излетнички места, 15.000 метри квадратни игралишта, езера, кафулиња, ресторани, спортски терени.

Зоната има градина со лаванда на површина од 55 илјади метри квадратни, десетици илјади различни овошни дрвја, големи земјоделски површини, оранжерии.

Комплексот има 5.000 паркинг места, како и огромна површина наменета за организирање фестивали.

Во комплексот има фарма за одгледување коњи, предвидено е и јавање. Има 12 спортски терени, вклучувајќи тениски терени, фудбалски игралишта, за одбојка и кошарка. Во областа има и два мини картинга.

На отворањето на зоната, градоначалникот на Анкара Мансур Јаваш истакна дека со задоволство го претставува најголемиот земјоделски комплекс и рекреативна зона во Турција, што се отвора по повод 100-годишнината од Републиката.

The post Во Анкара отворен најголемиот земјоделски комплекс и простор за рекреација appeared first on Република.

The post МНР: Македонските државјани кои беа затекнати во загрозеното подрачје, го напуштиле и на пат се кон Анкара appeared first on Република.

Четири лица загинале во невремето проследено со поројни дождови во турската престолнина Анкара, соопшти турското претседателство за управување со катастрофи и несреќи (АФАД)

Спасувачките операции продолжуваат од почетокот на невремето, кое почна пред два дена.

Како резултат на дводневната операција за пребарување, во која учествуваа приближно 350 вработени, беше пронајдено безживотното тело на граѓанин зафатен во поплавите во областа Алтандаг во Анкара - се вели во соопштението, во кое се изразува сочувство до роднините на загинатите.

Во различни делови на Анкара автомобилите останале заглавени на улица поради поројниот дожд, а поплавени се и домови и работни места.

The post Најмалку четворица загинати во поплавите во Анкара appeared first on Република.