Првоосомничениот за убиството на ракометарот Денис Тот, Ангело Ѓоргиевски не бил избеган надвор од земјава и се криел во објект во Скопје, рече вечерва на ТВ24 министерот за внатрешни работи, Оливер Спасовски.

Сите оперативни информации, стеснет простор и тоа допринесе после повеќе часовни активности, лицето да биде најдено и приведено во станицата во Аеродром. Лицето се криело во Скопје, во еден објект, а истрагата мора да се водат низ институциите, но сето она што може да соопштиме ќе го кажеме. Многу информации имаше за овие два дена и на рајот излезе дека е тука и дека е изведен пред лицето на правдата. Знаевме дека не ја напуштил Македонија и се работеше интензивно на тоа, рече Спасовски.

На прашањето дека осомничениот сам се предал на полицијата и дека всушност не бил уапсен, Спасовски на ТВ 24 рече дека тој се предал по повеќечасовни активности на тимот за потраги во Скопје и е приведен во полициската станица Аеродром.

Спасовски не објасни како го убедувале првоосомничениот да се предаде и какви се активности преземал овој тим.

The post Спасовски тврди дека цело време знаеле дека Ѓоргиевски е во Македонија, се криел во „објект во Скопје“ appeared first on Република.

Првоосомничениот за убиството на хрватскиот ракометар Денис Тот ноќеска околу 2 часот бил спроведен во КПУ Затвор Скопје за издржување на притворот од 30 дена.
Министерството за внатрешни работи соопшти дека 28-годишниот А.Ѓ. ноќеска е приведен на територија на населба Аеродром.
По преземени интензивни мерки и активности за негово пронаоѓање и приведување, лицето околу 01.20 часот се предало на полициски службеници од Оперативен тим Потраги на подрачје на нас. Аеродром, информира МВР.
Покрај А.Ѓ, приведени се и одреден им е 30-дневен притвор и на 19-годишната К.Л. и 22-годишниот А.К. Тие се осомничени дека го претепале хрватскиот ракометар Денис Тот пред дискотеката „Централ парк“ во Скопје кој почина на скопските клиники.

The post Првоосомничениот за убиството на ракометарот Тот однесен во затворот „Шутка“ appeared first on Република.

Министерството за внатрешни работи утринава соопшти дека е приведен осомничениот А.Ѓ. по кого се трагаше за убиството на хрватскиот ракометар Денис Тот. Осомничениот е приведен на територија на Скопје.

“Фокус” дознава дека Ѓорѓиевски доброволно сам се предал на припадниците на Оперативниот тим Потраги, околу 1 часот по полноќ, во населбата Аеродром. Преговорите за неговото предавање траеле околу 4 часа.

https://republika.mk/vesti/crna-hronika/priveden-prvoosomnicheniot-za-ubistvoto-na-hrvatskiot-rakometar-denis-tot/

За Ѓорѓиевски МВР вчера распиша и меѓународна потерница.

The post Ангело се предал во Аеродром, по 4 часа преговори со полицијата appeared first on Република.

The post Приведен првоосомничениот за убиството на хрватскиот ракометар Денис Тот appeared first on Република.

Министерството за внатрешни работи распиша меѓународна потерница покрај централниот распис за за Ангело Георигевски роден на 13 јануари 1994 година во Скопје, каде и живее на улица број 9 број 5 во село Волково. Тој се бара по наредба број 1211/22 од 12 април на ОЈО Скопје, поради основано сомневање за сторено кривично дело убиство.

Ѓоргиевски е првоосомничен за убиството на 28-годишниот ракометар од Хрватска Денис Тот кого како што се гледа на снимките од безбедносните камери, пред дискотеката Привилиџ во градскиот парк, минатата недела го удрил, од што ракометарот паднал на асфалтот и се здобил со смртоносни повреди на кои подоцна им подлегна на КАРИЛ.

The post Распишана меѓународна потерница за убиецот на хрватскиот ракометар appeared first on Република.

Првоосомничениот за претепувањето на хрватскиот ракометар Денис Тот, кој почина како последица на повредите, Ангело Ѓоргиевски, е повеќекратен деликвент осудуван за трговија со дрога во Словенија, објави порталот „24 Инфо“.

Ѓоргиевски, кој е роден во Марибор, во јуни 2016 година во центарот на градот направил тешка сообраќајка. Тој со својот автомобил „фиат пунто“ удрил во пет паркирани автомобили и избегал, но набргу бил фатен од полицијата.

Тогаш криминлистите од Марибор влегле во трага на банда дилери на дрога, меѓу кои и Ѓоргиевски. Во октомври истата година во Шентиљ полицијата открила лабораторија за производство на синтетички дроги. Меѓу другото имало и ГБХ (гамахидроксибутират) кој спаѓа во категорија на депресори на нервниот систем или средство за успивање и позната како дрога за силување. Во лабораторијата биле запленети амфетамини и марихуана.

По Ѓоргиевски е распишана централна потерница, што значи дека полицијата смета дека тој е во земјава. Но, ако се има во предвид дека живее во странство, не е исклучено тој да ја напуштил Македонија.

The post Осомничениот за убиството на Денис Тот во Словенија бил осуден за производство на дрога за силување appeared first on Република.