Гласав на денешните Претседателски избори во САД и како и сите Вие очекувам да видам кој ќе победи што значи дека заедно ќе продолжиме да следиме што ќе се случи, истакна денеска во Скопје американската амбасадорка Анџела Агелер.

Како амбасадор во Македонија мојата порака е дека е од витална важност секој граѓанин да излезе да гласа. Гласањето во демократијата е тајна одговорност и огромна привилегија. Јас гласав. Се надевам и очекувам дека ќе има мирна и фер транзиција на силата. Тоа е она што го очекуваме сите и се надеваме дека така и ќе биде, рече Агелер во изјава за медиумите за коментар за нејзините очекувања од денешните Претседателски избори во САД, дадена на паузата на „Конференција на високо ниво за соработка меѓу полицијата и царината за мало и лесно оружје и за криумчарење мигранти во Југоисточна Европа“ што денеска беше отворена во Скопје во организација на ОБСЕ.

Таа одби да ја коментира изјавата што неодамна ја даде Стејт департментот дека е можно САД да биде медијатор во нашите преговори со Бугарија за продолжување на европската агенда, по конституирањето на новата бугарска Влада.

The post Агелер: Гласав и како и сите вие очекувам да видам кој ќе победи на Претседателските избори во САД appeared first on Република.

Нема поголем поддржувач и партнер во остварување на вашите цели од САД и знам дека тоа беше повторено и на средбата меѓу претседателот Џо Бајден и Гордана Сиљановска Давкова, изјави американската амбасадорка Анџела Агелер.

Прашана каква и во која насока ќе биде најавената зголемена поддршка на САД за Македонија, на средбата меѓу претседателите Џо Бајден и Гордана Сиљановска Давкова, Агелер рече дека тие навистина имале одличен состанок, но нема некоја конкретна сума за која што е дискутирано.

-Како што веќе кажа и министерот за одбрана и премиерот има повеќе потреби коишто треба да се решат, а бидејќи ние веќе соработуваме во голема мера најверојатно ќе се работи на тоа да се прошири соработката која што веќе ја имаме. Во годината што следи има навистина повеќе важни цели и предизвици и за Армијата и за министерството. Како што имаме кажано и претходно, нема да имате поголем поддржувач и партнер во остварување на овие цели од САД и знам дека претседателот, тоа го повтори на средбата со вашата претседателка, изјави Агелер, која заедно со премиерот, Христијан Мицкоски, со министерот за одбрана, Владо Мисајловски, началникот на Генералштабот на Армијата, генерал-мајор Сашко Лафчиски и генералите во Армијата, присуствуваа на методско-показна вежба на Армискиот полигон „Криволак“

The post Агелер: Немате поголем поддржувач и партнер во остварување на вашите цели од САД appeared first on Република.

Министерот за надворешни работи и надворешна трговија, Тимчо Муцунски, денеска се сретна со амбасадорката на САД, Ангела Агелер. На средбата се разговараше за претстојното Генерално собрание на ООН, евроинтеграциите на Македонија и важноста од забрзување на процесот, што би придонело за економски развој, подобрување на владеењето на правото и борба против корупцијата.

Министерот Муцунски ја изрази благодарноста за континуираната поддршка од САД во реформските процеси и демократскиот развој на државата. Разменети беа мислења за билатералните односи и можностите за нивно зајакнување во рамки на Стратешкиот дијалог.

На средбата беше реафирмирано силното сојузништво во НАТО и заедничката определба за одбрана на демократските вредности, особено во контекст на актуелните безбедносни предизвици.

The post Муцунски и Агелер разговараа за актуелните предизвици appeared first on Република.

Амбасадорката на САД Анџела Агелер смета дека е добро што претседателката Гордана Сиљановска-Давкова оди во Софија каде, според бугарските медиуми, се очекува да се сретне со претседателот на Бугарија, Румен Радев.

Агелер во гостување во централниот дневник на телевизија „Сител“ рече дека колку државите соработуваат како соседи, толку поголем ќе биде напредокот за сите граѓани.

Според мене е одлично што претседателката оди во Бугарија на покана на претседателот Радев. Овие врски во регионот се многу важни, бидејќи сте соседи. Колку се посилни односите меѓу соседите, толку побезбедна, попросперитетна и стабилна може да биде секоја земја, рече Агелер.

Во однос на именувањето на нови членови на Историската комисија со Бугарија, Агелер вели дека историјата е важна, но дека исто толку е важно да се разговара и за иднината.

Една од работите што ги разговарав и со претходната влада и сега со оваа нова Влада е тоа дека историјата е многу важна, таа не дефинира сите нас. Нашата историја како држави не донесе таму каде што сме денеска. Не само што е важно да се разговара за историјата, знам дека ова е дел од билатералните и меѓународните договори, исто така е важно да се разговара и за иднината. Мојата основна надеж е дека како што зборуваме за споделената историја која Македонија ја има со своите соседи, посебно со Бугарија, исто така зборуваат како ќе одиме напред во однос на транспортот, енергетиката, образовните размени… се надевам дека не гледаат само во историјата, туку дека гледаат и кон иднината, рече Агелер.

Во однос на изборите во САД и каква ќе биде поддршката по изборот на новиот американски претседател, Агелер рече дека без разлика на исходот од изборите, САД ќе останат силен пријател, сојузник и партнер на земјава.

Нашето пријателство и поддршка нема да се променат. Тоа ќе остане цврсто и може да ве уверувам дека додека сум овде како амбасадор ќе направиме се што можеме да ги поддржиме програмите на кои напорно работевте дури од независноста, рече Агелер.

The post Агелер: Одлично е што претседателката Сиљановска Давкова оди во Бугарија appeared first on Република.

Премиерот Христијан Мицкоски, министерот за одбрана Владо Мисајловски, заменик-министерката Елфет Исмаили, генерали од Армијата и амбасадорката на САД Анџела Агелер денеска во касарната „Јане Сандански“ - Штип ќе ги посетат припадниците на Лесната пешадиска баталјонска група.

Мицкоски,  Мисајловски, Исмаили и Агелер ќе присуствуваат и на презентацијата на новите шест лесни оклопни возила JLTV

The post Мицкоски, Мисајловски и Агелер во посета на касарната „Јане Сандански“ – Штип appeared first on Република.

Одличната соработка на Македонија и Соединетите Американски Држави во областа на образованието и науката ќе продолжи и во иднина. Интересот е взаемен и двете земји и понатаму ќе создаваат добри образовни и научно -истражувачки можности за своите граѓани преку постојните спогодби и протоколи за соработка, а ќе се размислува и за нови иницијативи кои ќе овозможуваат размена на позитивни образовни и научни искуства.

Ова беше потврдено на денешната средба на министерката за образование и наука проф. д-р Весна Јаневска и амбасадорката на САД во Скопје, Анџела Агелер на која двете страни ја потенцираа важноста, но и задоволството од развојот на стратешкото партнерство, кое носи придобивки и за македонскиот и за американскиот народ, соопштија од Министерството за образование и наука (МОН).

Министерката Јаневска ја запозна амбасадорката со состојбите кои ги затекнала во министерството и воопшто во образованието во државата, а презентираше и дел од активностите во рамки на планот на новата Влада за подигнување на квалитетот на националниот образовен систем, потенцирајќи дека промените ќе се случуваат одеднаш во сите образовни сегменти и нивоа.

Информираше дека се подготвува и Декларација за националното образование која ќе биде предложена на сите политички субјекти со цел постигнување на консензус за долгорочни политики, а заложбата беше поздравена од страна на амбасадорката.

Јаневска рече дека од исклучителна важност за Македонија се програмите за образовна размена со САД, потенцирајќи ја особено Фулбрајт програмата за студиски и истражувачки посети во партнерската земја, како и YES програмата наменета за средношколци кои имаат можност да поминат една година на некој од американските колеџи.

Амбасадорката Агелер исто така изрази задоволство од билатералните односи и нагласи дека САД и во иднина ќе ги поддржуваат напорите на Владата за подобро образование на младите во државата.

На средбата беше нагласена и добрата соработка на институциите во Македонија со Канцеларијата на УСАИД, особено преку заедничките проекти за меѓуетничка интеграција во образованието и за медиумска писменост, како и соработката со Мировниот корпус чии волонтери помагаат за поквалитетна настава на англиски јазик во македонските училишта.

Првата спогодба за соработка во областа на науката и технологијата меѓу Македонија и САД е потпишана во 1995 година.

The post Средба Јаневска – Агелер: Продолжува одличната соработка на Македонија и САД во областа на образованието и науката appeared first on Република.

САД се најважниот стратешки партнер на Македонија и нивната цел е да ја поддржат, а не да се мешаат во внатрешните работи на земјата, изјава американската амбасадорка Ангела Агелер во интервју за емисијата „200“ на Алсат.

Прашана за изјавата на премиерот Христијан Мицкоски дека станува пракса амбасадорите да се мешаат во внатрешните работи земјата, таа вели оти се надева дека не мислел на неа.

- Нашата намера никогаш не е да се мешаме. Отсекогаш  наша намера било  да ве  поддржиме. Одлуките кои се носат во Судскиот совет, или искрено, во кое било друго тело во рамките на судството, се одлуки само на челниците на оваа земја. Ние не кажуваме кој треба да седне во кој било суд. Ние не кажуваме кој треба да биде член на кој било совет. Дали има широко распространета корупција во судството? Да. Кога јавната поддршка и доверба во судството е 2 проценти, тоа е разочаривачки, рече Агелер.

The post Агелер: САД се тука да ја поддржат земјата, а не да се мешаат appeared first on Република.

За поддршката што Министерството за финансии и, севкупно земјава, ја добива од Соединетите Американски Држави разговарале денеска министерката за финансии Гордана Димитриеска-Кочоска и амбасадорката на САД, Ангела Агелер.

На средбата во Министерството за финансии било истакнато дека таа соработка ќе се зајакнува особено во претстојното спроведување на реформите.

САД се стратешки партнер на земјава и тоа стратешко партнерство кое во континуитет се одржува од независноста ќе продолжи и во иднина. Тоа е значајно и клучно за унапредување на демократските процеси во земјава, владеење на правото, економски просперитет и обезбедување поголема стабилност и развој на земјата - рече министерката Димитриеска-Кочоска.

Како што информира Министерството за финансии, таа додаде дека претстои многу работа и дека со силна посветеност ќе се пристапи кон спроведување на реформите коишто се клучни за иднината на земјата, „а во остварувањето на тие реформи значајна е поддршката од стратешките партнери на земјата како САД“.

На средбата соговорниците се осврнаа и на поддршката што Министерството за финансии ја добива од Трезорот на САД во градење на капацитетите на институцијата во обезбедување стабилност во јавните финансии и фискална одржливост, се наведува во соопштението.

The post Димитриеска Кочоска-Агелер: Засилена соработка со САД во спроведување на реформите во Македонија appeared first on Република.

Претседателот на AA, воедно и министер за здравство, Арбен Таравари, ја прими на средба американската амбасадорка во Македонија, Ангела Агелер.

Таравари рече дека е задоволство да ја прими на средбата една драгоцен пријателка како амбасадорката Агелер.

Денеска го имавме задоволството да не посети важна стратешка личност, мудра жена и драгоцен пријател, како што е нејзината екселенција, американската амбасадорка Ангела П. Агелер, рече Таравари.

The post Министерот за здравство Таравари на средба со американската амбасадорка Агелер appeared first on Република.

Благодарност за досегашната континуирана поддршка од нашиот стратешки партнер Соединетите Американски Држави за развој на нашата земја особено за развој на одбранбените капацитети, изрази министерот Мисајловски на денешната средба со амбасадорката на САД, Ангела Агелер, новото одбранбено аташе полковник Даниел Сквајерс и потполковник Шон Руфоло, шефот на Канцеларијата за одбранбена соработка, која се реализираше во Министерството за одбрана.

„Заедно со нашиот стратешки партнер ја зацврстуваме националната, регионалната безбедност и колективната одбрана во Алијансата. Мирен и стабилен регион е од особена важност за прогрес на сите земји од Западен Балкан, а македонската Армија како докажан сојузник ќе продолжи активно да придонесува во операциите за поддршка на мирот“, потенцира министерот Мисајловски.

Тој посочи дека САД во изминатите 30 години активно придонесуваат за стабилен регион, а благодарение на програмите за обука, тренинг и стручно усовршување, како и поддршката за модернизација и опремување на Армијата, денес припадниците на Армијата даваат значаен придонес во рамки на командните структури на Алијансата и во мировните мисии предводени од НАТО, ЕУ и ООН.

Од двете страни беше искажано уверување дека одличната одбранбена соработка помеѓу двете земји ќе продолжи со засилен интензитет.

На состанокот меѓу другото се разговараше и за актуелната безбедносна состојба во регионот и на Европскиот континент во насока на зачувување на безбедноста, стабилноста и мирот на граѓаните, како и за претстојниот Самит на НАТО кој ќе се одржи наредниот месец во Вашингтон.

The post Мисајловски- Агелер: Нашето стратешко партнерство ќе продолжи со засилен интензитет appeared first on Република.

Премиерот Христијан Мицкоски денеска оствари средба со Амбасадорката на САД, Ангела Агелер.

-На средбата беа разменети мислења и ставови за тековните политички и економски прашања, како и за напредокот на демократските процеси во земјата. Ја истакнав важноста на стратегиското партнерство помеѓу двете држави, потенцирајќи дека поддршката од американската страна е клучна за развојот и стабилноста на регионот.
Средбата заврши со согласност за натамошно зајакнување на билатералните односи и интензивирање на соработката во различни области од заеднички интерес, пишува Мицкоски на Фејсбук.

И американската амбасадорка се огласи по средбата со македонскиот премиер. Таа напиша:

Продуктивна средба со премиерот. Разговаравме за приоритетите на новата влада и уште еднаш ја потенциравме постојаната поддршка на САД во унапредувањето на целта за бзбедност, просперитет и евроатлантските интеграции на Cеверна Македонија.

Productive meeting with Prime Minister @MickoskiHM today to discuss priorities of the new government. Reiterated the abiding support of 🇺🇸 in advancing 🇲🇰 goals for security, prosperity, and Euro-Atlantic integration. pic.twitter.com/M0GapppDLm

— Ambassador Angela Aggeler (@USAmbNMacedonia) June 26, 2024

The post Мицкоски-Агелер: Зајакнување на билатералните односи и интензивирање на соработката во различни области од заеднички интерес appeared first on Република.

Американската амбасадорка Анџела Агелер ја поздравува најавата на лидерот на ВМРО-ДПМНЕ и мандатар на идната влада Христијан Мицкоски дека при заклетвата како иден премиер и во настапите во странство ќе го користи уставното име на државата.

Во интервју за „360 степени“, Агелер изразува надеж дека неговиот пример ќе го следат и сите министри.

- Ќе кажам дека беше разочарување за раководството во Вашингтон кога претседателката реши да не го употреби уставното име на земјава при давањето заклетва и, искрено, тоа што идниот премиер и министри ќе го направат, е нешто што го поздравуваме. Како што разбирам, Деловникот на Собранието е сменет за да се вклучи и тоа (уставното име) и воодушевена сум што тоа го гледам, и сум многу задоволна и го поздравив неговиот јавен настап од пред некоја вечер, во кој тој рече дека ќе го почитува уставното име на земјата при давањето заклетва, вели Агелер.

Од идната влада очекува колку што може побрзо, да ги испорача ветувањата дадени за време на изборната кампања.

- Очекувам да видам како тие, а така ќе беше за која било влада која ќе дојдеше на власт, дали на реториката од кампањата и дадените ветувања ќе одговорат со конкретни дела. На крајот, како политичка партија и влада ве судат според вашите дела наспроти предизборните ветувања кои, искрено, можат да го покријат целиот спектар на политиката во време на избори, вели Агелер во интервју за „360 степени“.

The post Агелер: Најавата на идниот премиер дека ќе го користи уставното име при заклетвата е за поздравување appeared first on Република.

Амбасадорката на САД во Македонија, Ангела Агелер, во обраќањето на седмиот Македонски енергетски форум, порача дека енергетската сигурност и зелената енергија се два суштински приоритета што треба да ги надминат партиските политики. Таа нагласи дека енергетската сигурност и зелената енергија како приоритети се од витално значење и за земјата и за регионот.

Агелер смета дека земјава ја чекаат многу предизвици и покај тоа што во голема мера закрепнала од неодржливата енергетска околина во минатото.

Безбедна енергетска иднина изискува дополнителни иновации и напредок на многубројни проекти вклучувајќи и завршување на грчко-македонскиот гасовод. Овој извор на природен гас ќе ја елиминира првин зависноста од Русија, како и заканите на одредени прекини во снабдување со гас. Со интерконекторот или гасоводот Македонија исто така може да гради централи, кои се со погон на гас и ќе може да ја олесни транзицијата на земјата од јаглен кон други извори“, рече амбасадорката Агелер.

Таа смета дека земјата има многу соларна енергија, голем хидропотенцијал, како и голем потенцијал за ветерници, кои може да бидат употребени при транзицијата, а САД може да помогнат во тоа не само на владата и на граѓанските организации туку и на приватниот сектор, односно на компаниите на кои им требаат партнерски инвестиции и поттик за внесување иновации, производи, технологии и индустрии што водат кон чиста енергија.

Амбасадорката Агелер во воведното обраќање на форумот го поздрави Христијан Мицкоцки нарекувајќи го иден премиер на земјата и нејзин пријател.

Вашето присуство овде дава многу важна порака за вашата лична заложба и таа на владата за да може да навигирате низ еден комплексен енергетски пејзаж во кој денес Македонија се наоѓа“, истакна амбасадорката Агелер.

Кратко по неа, говор имаше и Мицкоски. Тој рече дека при преминувањето од јаглен на други извори енергија особено ќе внимаваат на социјалниот момент, а одговори и на забелешката од амбасадорката за грчко-македонскиот гасовод. Мицкоски смета дека освен тоа што треба да се поврзат македонскиот и грчкиот гасовод, треба да се додаде и интерконектор, кој ќе ги поврзе македонскиот и српскиот гасовод, со што ќе се обезбеди поголем пристап до светскиот пазар за гас.

The post Агелер го пофали Мицкоски на енергетскиот форум: Вашето присуство дава многу важна порака за навигација на енергетскиот пејзаж appeared first on Република.

Енергетската сигурност и зелената енергија се двата приоритета кои ќе треба да ги надминат партиските политики, порача денеска американската амбасадорка во земјава Анџела Агелер.

Обраќајќи се на 7. Македонски енергетски форум (МЕФ) што се одржува во Скопје, Агелер истакна дека Македонија во голема мера закрепна од неодржливото енергетско опкружување, но допрва претстојат вистински предизвици. Според неа, земјава треба да го заврши грчко-македонскиот гасовод кој ќе ги елиминира, како што рече, зависноста од Русија и заканите на одредени прекини во снабдувањето.

- Со интерконекторот Македонија ќе може да гради централи со погон на гас и да ја олесни транзицијата од јаглен кон други извори, потенцира Агелер, потсетувајќи дека земјава ја има поддршката од САД за спроведување на зелената транзиција.

На форумот ќе стане збор за воспоставување енергетска сигурност и безбедност во регионот, трансформација на енергетската инфраструктура, еколошка одржливост, примена на технологија и иновации, како и за финансирање на реформите кон зелена транзиција.

Во тек е обраќање на мандатарот Христијан Мицкоски, кој нагласи дека енергетската ефикасност ќе биде приоритет на идната влада.

Пред него зборуваше и евроамбасадорот Дејвид Гир. Тој уште еднаш ја искажа европската поддршка за реформите на земјава кон зелената транзиција.

The post Агелер: Енергетската сигурност и зелената енергија се приоритети што треба да ги надминат партиските политики appeared first on Република.

Претседателот на Собранието, Африм Гаши, оствари средба со амбасадорката на САД во земјава Ангела П. Агелер. Како што информираат од собраниската прес-служба, на средбата биле поздравени долгогодишните и силни билатерални односи меѓу двете држави. Било нагласена важноста од одржување и натамошно зајакнување на овие односи кои се од заеднички интерес на двете земји.

Гаши изразил благодарност за континуираната поддршка што САД ја даваат на Република Македонија што високо се цени во земјата. Силен столб во билатералната соработка, стои во информацијата, претставува Декларацијата за стратешко партнерство од 2008 година како и Стратешкиот дијалог меѓу двете влади од 2022 година.

Гаши истакнал дека е многу важна улогата на Република Македонија и Соединетите Американски Држави во промовирање на регионалната стабилност и соработка меѓу земјите од Западниот Балкан. Во тие рамки, тој информирал дека македонското Собрание претседава со Парламентарното Собрание на Процесот за соработка во Југоисточна Европа и од 18 до 20 јуни 2024 година во Собранието ќе се одржи 11-та Пленарна сесија на Парламентарното Собрание на Процес за соработка во Југоисточна Европа што претставува уште еден знак на посветеност на земјата за продлабочување на регионалната соработка.

Гаши изразил благодарност за континуираната и силна поддршка на Соединетите Американски Држави за напорите на Македонија за евроатланска и европската интеграција, како и за значајната поддршка за унапредување на политичките процеси во земјата.

Амбасадорката Агелер се заблагодарила за средбата и истакнала дека Собранието  е една од најзначајните институции во земјата. Таа искажала задоволство од успешно спроведените претседателски и парламентарни избори во земјата кој биле фер, слободни и демократски.

Таа ја реафирмираше спремноста на САД за продлабочување на билатералните односи меѓу двете земји како и очекувањата за продолжување на спроведување на реформите во земјата со цел добро владеење на правото, реформи во правосудскиот систем, како и борба против корупцијата и криминалот, стои во соопштението.

Како што наведуваат од собраниската прес-служба, двајцата соговорници се согласиле дека во иднина треба поголемо внимание да се посвети на економските прашања со цел подобрување на животниот стандард на сите граѓани, подобрување на образовниот систем како и привлекување на повеќе странски инвестиции со цел државава да може да напредува на својот европски пат и да ги надмине тешките предизвици со кои се соочува.

The post Средба Гаши-Агелер: Многу е важна улогата на Македонија и САД во промовирање на регионалната стабилност appeared first on Република.

На Денот на слободата на медиумите, американската амбасадорка во земјава Анџела Агелер порачува дека медиумите имаат клучна улога, особено сега во изборниот процес.

Денес е Светски ден на слободата на медумите, а изборите ја истакнуваат клучната улога што медиумите треба и мора да ја играат во текот на процесот. Слободен и жив печат кој ги испитува фактите, соопштува идеи и предлози до јавноста и ги притиска официјалните лица да ја објаснат својата позиција за прашања кои се важни за животите на граѓаните и за одредување на текот на државата, потенцира амбасадорката Агелер во објава на платформата X.

Република Македонија е рангирана на 36-то место на Индексот за слобода на медиумите за 2024 година во извештајот на „Репортери без граници“, што е за две места скок во однос на 38-то место лани. Од земјите во регионот, Македонија е најдобро оценета, по што следат Црна Гора (40), Словенија (42), Хрватска (48), Косово (75), БиХ (81), Србија (98) и Албанија (99).

Иако новинарите не работат во непријателско опкружување, раширените дезинформации и недостатокот на професионализам придонесуваат за опаѓање на довербата на општеството во медиумите, што ги изложува независните медиуми на закани и напади. Понатаму, владините функционери имаат тенденција да имаат лоши и понижувачки ставови кон новинарите, стои во оценката за земјава.

The post Агелер: Медиумите имаат клучна улога, особено во изборниот процес appeared first on Република.

Амбасадорката на Соединетите Американски Држави (САД) во Македонија, Анџела Агелер верува дека на престојните парламентарни и претседателски избори ќе се одлучи иднината на државата. Во интервју за Телевизијата 21 запрашана за коментар на изјавите кои се почесто доаѓаат од партиите на Албанците, било од власта или опозицијата, дека прво треба да се изгласаат уставните измени, па потоа да се формира влада по изборите и дали тоа е можно, Агелер вели дека и во минатото имало преседани кога амандмани се изгласувале за време на техничка влада.

Јас сум го слушнала тоа, сум слушнала неколку различни опции, за тоа како тоа би било возможно. Верувам дека имало преседани, не мислам пред декади, но имало преседани каде амандмани се изгласувале за време на техничка влада. Една од работите кои јас ги научив служејќи овде е дека сè е возможно“, вели амбасадорката во интервју за Телевизија 21.

The post Агелер за можноста од уставни измени пред избор на влада: Овде e сè возможно appeared first on Република.

Често во своите јавни настапи амбасадорката на САД во Македонија Анџела Агелер знае јасно и недвосмислено да каже дека корупцијата е епидемија во државата. Во денешното интервју, прашавме зошто е тоа така?

Па, верувам дека е епидемија. Канцер е во државава. Тие кои вршат корупција… Баш утринава размислував за ова. Тие луѓе се крадци. Крадат од државата и нејзините граѓани, изјави амбасадоркта на САД во Македонија Анџела Агелер во интервју за ТВ21.

Таа додаде дека тие лица ги крадат и можностите, но и надежта.

Граѓаните заслужуваат да имаат чесни лидери, чесни деловни потфати и претприемачи и заслужуваат одговорност не само од тие кои ги избираат на власт туку и од тие кои ги снабдуваат со услугите кои ги заслужуваат во државава“, изјави амбасадоркта на САД во  Македонија Анџела Агелер во интервју за ТВ21.

https://youtu.be/fpfmRmklMF4?si=rCYj1tGx8pF4nxzu

The post Корупцијата е епидемија, канцер во државава, вели Агелер за ТВ21 appeared first on Република.

САД ќе продолжат да ги именуваат функционерите на која било партија, гранка на владата или заедница, објави американската амбасадорка Анџела Агелер по објавата дека поранешната специјална обвинителка Катица Јанева и градоначалникот на општина Карпош Стевчо Јакимовски се ставени на црната листа на САД за корупција.

Денешните ознаки на поранешната специјална обвинителка Катица Јанева и актуелниот претседателски кандидат и градоначалник Стевчо Јакимовски никого не треба да изненадуваат. Соединетите Држави ќе продолжат да ги именуваат функционерите на која било партија, огранок на владата или заедница што е вклучена во значителна корупција. Народот на Македонија заслужува правда и одговорност од нивните институции за да се запре бранот на криминално однесување и да се запре ракот на корупцијата, порача Агелер.

The post Агелер: САД ќе продолжат да ги именуваат функционерите вклучени во корупција appeared first on Република.

Притисоци врз судската власт во Македонија е нешто што мора да престане. Судиите мора да бидат ослободени за да можат да го практикуваат правото. Граѓаните на оваа земја имаат потреба од тоа, и се повеќе го бараат тоа – порача американската амбасадорка Анџела Агелер во обраќањето на Меѓународна конференција на тема „Уставно-судска заштита на слободата на мислата и слободата на јавно изразување на мислата“, организирана од Уставниот суд по повод 60 години од неговото основање со поддршка на Мисијата на ОБСЕ во Скопје.

Таа ја нагласи како што рече витална и незаменлива одговорност на Уставниот суд во изминатите шест децении во заштитата на основните човекови права, вклучително и слободата на говорот.

– Во САД и тука во Македонија овој суд е од суштинско значење за да се овозможи транспарентно и правично општество. Сите треба да ја почитуваат независноста на судиите кои што треба да бидат слепи за политичките влијанија и јавните мислења и да бидат водени од начелата кои што се втемелени во нашите устави. Американскиот уставен судија се уште смета дека нашиот Устав не е напишан во песок за да може да се измие со секој бран од нови судии кои што се под влијание на политички бранови. Притисокот кој што е ставен врз судиите во овие судови може да биде огромен. Ние како граѓани инстистираме притисоци да бидат елиминирани и нашите судии секогаш да бидат независни без оглед на нивното потекло и лични мислења – рече Агелер.

Таа се осврна и на улогата на овој суд во контекст на претстојните избори.

– Од аспект на претстојните избори судската независност е од суштинско значење како и секогаш досега. Само независни судии можат да го запазат владеењето на правото и да ги заштитат правата. Судиите мора да делуваат објективно и правично. Јас имам слушнато многу од вас за притисоците кои се ставени врз вас. Притисоци врз судската власт во Македонија е нешто што мора да престане. Судиите мора да бидат ослободени за да можат да го практикуваат правото. Граѓаните на оваа земја имаат потреба од тоа, и се повеќе го бараат тоа – потенцира Агелер.

Во текот на изминатите шест декади, додаде таа, преку различни правни мислења, толкувања и промени Уставниот суд продолжил со својот мандат да ги заштитува правата на сите граѓани во оваа земја и ветил продолжување на поддршката на САД во овие напори.

Амбасадорката на Германија, Петра Дрекслер во своето обраќање посочи дека додека се слави 60-годишнината од Уставниот суд на Македонија, во Германија оваа година, се одбележуваат 75 години од германскиот Устав и потсети дека по тој повод пред неколку дена, сојузниот претседател Франк-Валтер Штајнмаер ја започнал прославата со дебата за состојба на демократија во Германија – под провокативен наслов „Испадна добро, но не гарантирано“.

-Да, можно е да се изгуби демократијата. За да се спречи ерозијата на политичката култура на отвореност и различност, претседателот Штајнмаер на споменатата дебата повика на „широка алијанса на демократите“. Уставните судови се чини дека се меѓу очигледните партнери за таков сојуз. Како чувари на почитувањето на уставите и со нивната способност да ја ограничат државната власт, уставните судови се од фундаментално значење за обезбедување владеење на правото и се неопходни за секоја демократија. Има три основни елементи, кои се од суштинско значење за исполнување на овој висок политички стандард: независност од политиката, функционален капацитет како институција и професионален интегритет – нагласи амбасадорката Дрекслер.

Според неа, очигледно е дека тие критериуми не зависат само од можностите на судот и од неговите судии сами по себе. Во Германија, дебатата за тоа како да се подобрат долгорочните гаранции за независноста на Сојузниот уставен суд се фокусираат на поцврсто закотвување во самиот Устав. Важна е нагласи и ангажираноста во меѓународната дебата за предвизвикот на демократската отпорност и ја поздрави одлуката на Уставниот суд својата 60-годишнина да ја одбележи со организирање на оваа меѓународна конференција, наместо со обична церемонија.

-За Германија, правната соработка и размената со Уставниот суд е важен столб во германско-македонските односи долги години. Ја цениме оваа соработка и ќе продолжиме да соработуваме – рече Дрекслер придружувајќи се кон повикот за понатамошно зајакнување на Уставен суд на Македонија, како начин на зајакнување, вели, на нашиот широк сојуз на демократите.

Шефот на Мисијата на ОБСЕ во Скопје Килијан Вал, меѓу другото, го истакна јакнењето на Уставниот суд преку воведувањето на ефикасниот механизам на вложување жалби, кој е присутен веќе подолго време и вети продолжување на поддршката на овој суд означувајќи го како столб на човековите права, владеењето на правото, демократијата.

-Наместо потпирање само на ЕСЧП ние ја правиме правдата подостапна и подопирлива за сите граѓани на Република Македонија. Ние сме на оваа пресвртница кога го прославуваме минатото и гледаме со оптимизам кон минатото и колективно се залагаме за успешно патешетствие на Уставниот суд во идинина. Мисијата на ОБСЕ во Скопје секогаш била и ќе биде ваш стабилен партнер што се потврдува со потпишувањето на Меморандумот за соработка склучен со Уставниот суд за да се зајакнат капацитетите на овој суд. Со вашите партнери кои се тука заедно ќе го поддржуваме Судот, кој ќе продолжи да служи како цврст столб за владеење на правото, заштита на човековите права и демократијата во Македонија – рече амбасадорот Вал.

Заменик шефот на Мисијата на ЕУ Бен Нупнау, оцени дека Уставниот суд ја зголемил својата транспарентност и се осврна на евроинтегративниот пат на земјата.

-Навраќајќи се на амбицијата за евроинтеграција Македонија успешно го заврши процесот на скрининг во 2023 година. Земјата изготви патоказ кој што ќе биде водилка за усогласувањето на законодавството и од тогаш со задоволство можеме да констатираме назначување дополнителни судии во Уставниот суд што е многу важен елемент за функцијата на оваа институција – рече Нупнау.

Тој се осврна особено на законската регулатива во сферата на медиумите каде, вели, се бележи напредок.

-Зачувувањето на слободата на изразувањето е суштински концепт не само во Македонија туку и во светот. При тоа новинарите продолжуваат да бидат жртви на напади како онлајн и офлајн. Постојано се жртви на попречување на нивната работа. Но, нападите на новинарите се всушност напади на демократијата и општо на општеството, особено во време на предизборието. Со задоволство можам да констатирам дека има подобрување на законската рамка во однос на зголемување на заштитата на новинарите. Македонија ги усогласи своите правни регулативи и прописи во однос на заштитата на медиумите и новинарите. Ќе продолжиме со поддршка тука, во регионот на ЗБ. ЕУ се фокусира на зајакнување на капацитетите на поддршка на граѓанското општество и на професионалните организации. Се надевам дека ова партнерство ќе обезбеди капацитети за да се заштитат фундаменталните слободи во годините кои претстојат – нагласи Нупнау.

На конференцијата се обратија и претседателот на државата Стево Пендаровски, претседателот на Собранието, Јован Митрески, претседателот на Владата, Талат Џафери, министерот за правда Кренар Лога.

The post Притисокот врз судската власт мора да престане, за судиите да можат да го практикуваат правото, порача Агелер appeared first on Република.