Утрово македонската фудбалска репрезентација го одработи последниот тренинг пред гостувањето кај Летонија со која играме в четврток (10 октомври).

На тренингот избраниците на селекторот Благоја Милевски имаа и специјален гостин – првиот селектор во историјата на македонската репрезентација.

Легендарниот Андон Дончевски ги посети фудбалери и им посака да се вратат со шест бода од двете гостувања. Покрај натпреварот со Летонија, Македонија три дена подоцна ќе игра и против Ерменија во Ереван.

Во овие два натпревари влегуваме како лидери во нашата група и целта е таму и да останеме.

The post Легендарниот Чичко Дончо го изненади фудбалерите на утринскиот тренинг appeared first on Република.

Претседателот на ВМРО-ДПМНЕ, Христијан Мицкоски, се сретнал со македонската фудбалска легенда, поранешниот фудбалер и тренер на Вардар, како и селектор на националната репрезентација, Андон Дончевски.

Со чичко Дончо пред да замине во Австралија зборувавме за Вардар, за македонскиот фудбал, но и за нашата најголема страст и љубов, Македонија.

 

Човек со неверојатен дух и енергија. Додека разговаравме застана и ми рече, врзи си го ова синко во крпче сега што ќе ти го кажам, нема назад, нема попуштање, таква ти била судбината, тишина, молк…

 

Го погледнав и му одговорив, а каде поназад од ова…, се поздравивме и закажавме следна средба во ослободена Македонија, напиша Мицкоски за средбата со Дончевски.

The post Дончевски на гости кај Мицкоски: Врзи си го ова синко во крпче, нема назад, нема попуштање, таква ти била судбината appeared first on Република.

Легендарниот Андон Дончевски кој е прв селектор на македонската фудбалска репрезентација ги мотивираше фудбалерите на Вардар во тешката ситуација да издржат до крајот на сезоната.

Дончевски им порача на фудбалерите да издржат, иако им ги знае маките и проблемите со кои што се соочуваат.

„Вие сте тие што треба да не наследите, во годините кога Вардар венеше, Вие да го вратите Вардар кај што му е местото. Ве поздравувам, ве почитувам и сите маки ви ги знам. Дајте да бидеме први, па ќе видиме кој ќе ни се спротивстави.

Вака ве малтретираат, многу ми е жал што не знаете каде ќе играте, каде ќе тренирате. И на тоа ќе дојде крајот. Само напред јунаци македонски, само напред вардарци! Мора да успееме, да знаете! Ви е во одбрана не давајте пиле да прелете, вие во напад не се срамете голови да давате. Сите заедно ќе го кренеме Вардар од пепелта како птица Феникс“, им рече Дончевски на фудбалерите.

The post Емотивен говор на легендарниот Андон Дончевски во соблекувалната на Вардар appeared first on Република.

Првиот селектор во историјата на фудбалската репрезентација на Македонија од независноста Андон Дончевски во интервју за Македонската радио телевизија (МРТВ) говореше за тоа како во моментов ги гледа случувањата во македонскиот фудбал.

Човекот кој со Вардар ја освои титулата во поранешна СФРЈ вели дека го боли душата кога гледа во каква ситуација се наоѓа неговиот омилен клуб.

Јадно е ова што се случува со Вардар, плаче и не престанува срцето за Вардар. Една величина која играла Европа од Данфермлајн до Порто, па сѐ до групната фаза во Лига Европа со Чеде Јаневски, сега да се соочува со оваа ситуација. Недозволиво е за Македонија, без оглед кој е на власт, со Вардар да се однесува вака нехумано! Не е само Вардар во прашање – Македонија е во прашање. На Вардар педигрето во Македонија никој го нема и уште 100 години да поминат нема да го стигнат. Катастрофа! Вардар дојде во ситуација за која човек не ни помислувал дека ќе се случи и мува не ги лази луѓето за да му се помогне на Вардар. Се помага на човек кога се дави, а не кога плива добро. Таму некои се жалеле зашто на Вардар да му се помогне, требало и на другите, ама никој не е како Вардар. Некои играат фудбал по канцеларии, а Вардар нема каде да тренира? Срамота! Греота е за тие фудбалери да нема каде да тренираат, да нема каде чајќе да се напијат. Да не знаат каде ќе играат, а да не зборувам за некои премии, бонуси, плати… Тие што се надлежни – греота е ова. Моја желба е Вардар и Македонија да одат напред. Вардар бил и мора да биде локомотива на македонскиот фудбал, мора да го влече македонскиот фудбал нагоре, вели легендарниот Дончо.

The post Дончевски: Некои играат фудбал по канцеларии, а Вардар нема каде да тренира? Срамота! appeared first on Република.

Првиот селектор на македонската фубалска репрезентација, Андон Дончевски им посака успех на нашите фудбалери во квалификациите за ЕП 2024.

На подарок доби нов дрес со кој ќе настапува А- селекцијата.

Во негов стил, им посака успех.

Јунаци, моја почит кон сите вас. Македонскиот фудбал го кренавте. Јас го почнав, тешко, меѓутоа знаев дека ќе дојде и генерација како вас, им рече Дончевски на фудбалерите.

Нашиот национален тим се подготвува за првиот меч од квалификациите за пласман на Европското првенство во Германија во кој ќе ја пречекаме Малта в четврток на „Тодор Проески“ арената од 20.45 часот.

The post Андон Дончевски им посака успех на фудбалските репрезентативци appeared first on Република.