Претседателот на ВМРО-ДПМНЕ, Христијан Мицкоски денеска заедно со потпретседателот на ВМРО-ДПМНЕ Владо Мисајловски и меѓународниот секретар на партијата, Стефан Андоновски, остварија средба со Амбасадорот на Народна Република Кина во Македонија, Н.Е. Џанг Ѕуо.

Соговорниците разговараа за актуелната политичка и економска состојба на државата, како и руската инвазија врз Украина.

Мицкоски рече дека во Македонија има висок степен на криминал и корупција, како и дека државата тоне на економски план, поради лошото менаџирање и неспособноста на владата на СДС и ДУИ.

Мицкоски се осврна и на руската инвазија кон Украина, потенцирајќи дека руската агресија на независноста и суверенитетот на Украина, носи само штета и за народите на Украина и Европа, и за економијата и инфраструктурата во поширокиот европски регион. Негирањето на идентитетот, јазикот и самобитноста на украинскиот народ наликува на бугарското негирање на посебноста и самобитноста на македонскиот јазик и идентитет. Ова однесување е неприфатливо за 21виот век.

Воедно, Мицкоски се заблагодари за позитивната соработка и поддршка од страна на Народна Република Кина кон Македонија во областа на економијата и инфраструктурата, и ги поздрави традиционално пријателските односи помеѓу двете држави.

Соговорниците се согласија ваквите средби да продолжат и во иднина, како и да работата на унапредување на соработката.

The post Мицкоски на средба со амбасадорот на Кина во Македонија, Ѕуо appeared first on Република.

Христијан Мицкоски, лидерот на ВМРО ДПМНЕ денеска со потпретседателите на партијата Александар Николоски и Тимчно Муцунски се сретнаа со амбасадорот на НР Кина во Македонија, Џанг Ѕуо.

На средбата се разговараа економските предизвици кои ја засегаат земјата, но и светот и дека само зголемена соработка на економско поле и отворени економии може да придонесат за што побрзо оставање на кризата зад нас, објави Мицкоски на својот профил на Фејсбук.

The post Мицкоски со Муцунски и Николоски се сретнаа со амбасадорот на Кина Џанг Ѕуо appeared first on Република.