Некои од најголемите светски компании, како „Амазон“, „Тесла“, „Мета“, „Блекстоун“ се обвинети за поткопување на демократијата ширум светот со финансиска поддршка на екстремно десничарските политички движења, финансирање и влошување на климатската криза и кршење на синдикалните и човековите права, се вели во извештајот објавен од страна на Меѓународната конфедерација на синдикати.

Така, „Амазон“, петтиот по големина работодавач во светот познат како светски број еден во онлајн продажбата, е познат по рушењето на синдикатот и ниските плати за своите вработени. Но, откриено е и дека компанијата криела приходи за да не плати соодветен данок, лобирале за интересите на компанијата кај повеќе влади.

„Амазон“, пишува „Гардијан“, финансираше и екстремно десничарски политички групи за поткопување на правата на жените и антимонополското законодавство. Во делот од извештајот што се однесува на „Тесла“ се вели дека тие се спротивставиле на синдикално организирање во Германија и Шведска, ги прекршиле човековите права во нивните синџири за снабдување додека самиот Илон Маск се спротивставил на синдикално организирање и демократски права.

The post „Амазон“, „Тесла“ „Мета“ ги кршат човековите права appeared first on Република.

Џеф Безос се ослободи од уште 2 милијарди долари акции на Амазон кои ги поседуваше, последна во серијата планирани продажби на акции што на поранешниот извршен директор на Амазон му заработи околу 8,5 милијарди долари во готовина.

Регулаторното поднесување објавено претходно овој месец го откри планот на Безос да продаде 50 милиони акции до 31 јануари 2025 година. Продажбата започна на 7 февруари и заврши во вторник.

Безос, основачот и извршен претседател на Амазон, сè уште има повеќе од 900 милиони акции на Амазон во вредност од околу 158 милијарди долари. Неговото богатство изнесува околу 191 милијарда долари, според индексот на милијардери на Блумберг.

Зошто Безос продава акции на Амазон? Плановите на Безос со парите не се јасни, но експертите велат дека тајмингот на продажбата има смисла. Цената на акцијата на Амазон е зголемена (досега има стекнато повеќе од 12% оваа година), а неодамнешното преселување на Безос од Сиетл во Мајами значи дека тој може да продава без да се грижи за новиот данок на капитална добивка од државата Вашингтон од 7%.

Преселбата на Флорида може да му заштеди речиси 600 милиони долари данок.

Акциите на Амазон затворија во средата на 168,59 долари, што е раст од 0,9%.

The post Џеф Безос продаде 50 милиони акции на Амазон и заработи 8,5 милијарди долари appeared first on Република.

Американските технолошки гиганти „Гугл“ и „Амазон“ во одделни најави соопштија дека ќе отпуштат стотици вработени.

„Гугл“ најави дека ќе отпушти „неколку стотици“ вработени и ќе реорганизира неколку сектори.

Отпуштени од работа ќе бидат вработените во главниот инженерски оддел на „Гугл“, како и во одделенијата кои се вклучени во развојот на гласовниот асистент и развојот на производи како што се паметните телефони Пиксел (Pixel), паметните домашни уреди Нест (Nest) и фитнес нараквиците Фитбит (Fitbit).

Дополнително, ќе бидат отпуштени „мнозинството“ вработени во одделот специјализиран за развој во областа на проширена реалност, се додава во соопштението на „Гугл“.

„Амазон“, како и „Гугл“, најави отпуштање од работа на „стотици вработени“, пред се во сервисот за стриминг „Твич“ (Twitch) и „Прајм Видео“ (Prime Video), како и во филмското студио „Метро Голдвин Мајер“, кое „Амазон“ го купи во 2021 година, пренесува Си-Ен-Ен.

Само „Твич“ отпушта 500 работници или 35 отсто од целата работна сила.

Во 2023 година, компанијата „Алфабет“ (Alphabet), сопственик на „Гугл“, отпушти 12.000 вработени, а „Aмазон“ отпушти 27.000 работници.

Технолошките компании ширум светот минатата година отпуштија повеќе од 260.000 вработени поради падот на приходите.

The post „Гугл“ и „Амазон“ ќе отпуштат стотици вработени appeared first on Република.

Европската комисија испрати официјално барање до компанијата „Амазон“ за дополнителни информации за мерките што таа ги презела за усогласување со одредбите и обврските до Законот за дигитални услуги на ЕУ, поврзани со проценката на ризикот и мерките за заштита на потрошувачите на интернет, особено во однос на ширењето на илегални производи и гаранцијата на основните права.

Како што јави дописникот на МИА од Брисел, „Амазон“ мора да ги достави бараните информации до Еврокомисијата најдоцна до 6 декември 2023, по што таа врз основа на проценка на одговорите ќе донесе одлука за следните чекори, кои би можеле да вклучат формално отворање постапка за неусогласеност со Законот за дигитални услуги.

Согласно законот, Комисијата може да изрече казни за дадени неточни, нецелосни или погрешни информации на барањето, а во случај да не добие одговор од страна на „Амазон“ до крајниот рок може да одреди санкции.

„Амазон“ заедно со уште 18 други социјални мрежи, пребарувачи и сајтови за онлајн трговија, согласно Законот за дигитални услуги, беше прогласен за „многу голема онлајн платформа“, што го обврзува на серија одредби, вклучително и за проценка и ублажување на ризиците поврзани со ширењето на илегални и штетни содржина и за какви било негативни ефекти врз остварувањето на основните права.

Слични барања за информации за усогласеност со Законот, претходно ЕК упати и до платформите Икс, ТикТок и Јутјуб, како и до компаниите „Мета“ и „Снеп“. „Мета“ е сопственик на Фејсбук и Инстаграм, а „Снеп“ на Снепчет.

The post ЕК побара информации од „Амазон“ за мерките за заштита на потрошувачите appeared first on Република.

Колумбиското обвинителство вчера поднесе обвинение за сексуална злоупотреба против таткото на две од четирите домородни деца кои во мај преживеаја авионска несреќа во регионот на Амазон. Децата од народот Хуито исчезнаа откако падна малиот авион со кој патуваа, при што загина нивната мајка и уште двајца возрасни, а беа пронајдени по 40 дена во џунглата.

Во соопштението, обвинителите го обвинија Мануел Ранок дека сексуално ја злоупотребил својата 13-годишна поќерка, која беше заслужна за тоа дека таа и нејзините помлади браќа и сестри преживеаја 40 дена во амазонската џунгла, вест што ја пренесе целиот свет. Раноке, кој беше уапсен во петокот, е обвинет дека ја злоставувал својата поќерка уште од 10-годишна возраст, се вели во соопштението.

Децата, на возраст од 1 до 13 години, беа хоспитализирани повеќе од еден месец, откако беа спасени во јуни. Оттогаш, тие се под грижа на колумбискиот Институт за семејна благосостојба, а обвинителите тврдат дека вработените таму првпат се посомневале оти имало сексуална злоупотреба.

The post Обвинет за сексуална злоупотреба таткото на децата кои ја преживеаја авионската несреќа во амазонската џунгла appeared first on Република.

Американската компанија Амазон соопшти дека нејзиниот профит за вториот квартал, од април до јуни, изнесува 6,7 милијарди долари односно 65 центи по акција. Тој резултат ги надмина очекувањата на Волстрит, кој предвидуваше профит од 30 центи по акција. Ова е значителна промена во однос на вториот квартал од минатата година, кога Aмазон забележа загуба од две милијарди долари, односно 20 центи по акција.

Вкупниот приход на Амазон за вториот квартал се зголеми на годишно ниво за 11 отсто на 134,4 милијарди долари, додека аналитичарите од агенцијата „Рефинитив“ предвидуваа приход од 131,5 милијарди долари. Ова е највисок приход на Амазон од четвртиот квартал на 2020 година. Приходот од веб-услугите на Амазон (AWS) пораснаа за 12 отсто на годишно ниво на 22,1 милијарди долари, а приходот од рекламите изнесуваше 10,7 милијарди долари.

Шефот на оваа компанија, Енди Џеси, кој ја презеде функцијата од Џеф Безос во 2021 година, значително ги намали трошоците. Бројот на вработени во Амазон на глобално ниво во вториот квартал падна за четири отсто на годишно ниво, на 1,46 милиони работници.

The post Профитот на Aмазон во вториот квартал 6,7 милијарди долари, повисок од очекуваното appeared first on Република.

Уништувањето на шумите во бразилската амазонска прашума во март било за 14 отсто поголемо отколку во март минатата година, покажуваат прелиминарните податоци што ги објави бразилската Влада.

Бразилскиот претседател, Луис Инасио Лула да Силва, ја презеде функцијата на 1 јануари, ветувајќи дека ќе стави крај на уништувањето на шумите.

Ова зголемување открива дека Амазон продолжува да страда од огромен недостиг на управување и оти новата влада мора итно да дејствува за да го врати капацитетот за борба против еколошкиот криминал, кој беше целосно уништен од претходната влада, изјави претседателот на локалната еколошка група „Набљудувачи на климата“ Марсио Астрини.

The post Прашумата во Амазон се позагрозена: Сечењето во март било за 14 отсто поголемо од минатата година appeared first on Република.

„Њујорк тајмс” денеска објави дека компанијата „Амазон“ планира да отпушти околу 10.000 вработени, почнувајќи од неделава.

Весникот наведува дека тоа ќе биде најголем отпуштање во историјата на „Амазон“. Но, тоа би претставувало помалку од еден процент од глобалната работна сила на Амазон и три проценти од вработените во корпорациите.

„Амазон“ на крајот на 2019 година пријави 798.000 вработени, но компанијата имаше 1,6 милиони работници со полно и скратено работно време на 31 декември 2021 година, што е зголемување од 102 отсто, пишува „Њујорк Тајмс“.

Годинава акциите на „Амазон“ се намалија за околу 41 отсто.

The post Околу 10.000 вработени во „Амазон“ ќе добијат отказ appeared first on Република.

Amazon.com Inc во четвртокот соопшти дека го заклучил договорот вреден 8,5 милијарди долари за купување на MGM.

Овој потег резултира во спојување на легендарното холивудско филмско студио – кое, меѓу другото, стои зад серијалот филмови за Роки и Џејмс Бонд – со гигантот за онлајн трговија, кој сака да ја зголеми понудата на својот сервис за стриминг „Амазон прајм“ и да привлече нови корисници.

Во соопштението, „Амазон“ наведува дека ќе им посака добредојде на сите вработени од „МГМ“ во компанијата и ќе работи со раководството на студиото, што укажува дека нема да има отпуштања.

Одлуката на „Амазон“ да го финализира договорот доаѓа откако истече рокот на американската Федерална трговска комисија да го оспори овој договор.

Гигантот за онлајн купување со седиште во Сиетл ја објави трансакцијата во мај 2021 година, додавајќи дека МГМ понудил ризница на содржини за да ги привлече потрошувачите во својот клуб за брза испорака и стриминг, „Прајм“, кој чини 14,99 долари месечно во САД.

Амазон плати 8.5 милијарди долари за MGM што е втора најголема аквизиција од страна на компанијата откако во 2017-та плати речиси 14 милијарди долари за синџирот супермаркети Whole Foods.

The post „Амазон“ го купи филмското студио „MГM“ appeared first on Република.

Компанијата, исто така, објави дека ќе ги блокира корисниците во Русија да пристапат до нејзината услуга за стриминг „Prime Video“ до натамошно известување. Покрај тоа, Амазон повеќе нема да прифаќа нарачки за „New World“, единствената видеоигра што компанијата ја продава директно во Русија.

Компанијата нагласи дека нема да соработува со центри за податоци, инфраструктура или канцеларии во Русија и дека има „долгогодишна политика да не соработува со руската влада“.

Во Русија повеќе нема да работат ниту Нестле и тутунските брендови Филип Морис и Империјал брендс. Тие се последните на списокот на мултинационални корпорации кои се повлекоа од Русија по зголемениот притисок врз западните компании да заземат став за руската инвазија на Украина.

Претходно работата во Русија ја суспендираа и Мекдоналдс и Старбакс, а на листата компании се најдоа и Пепси, Кока Кола, Хајнекен, Ејч енд ем, Спотифај.

The post Амазон ги суспендира испораките, се повлекуваат и Нестле и Филип Морис од Русија appeared first on Република.