Четворица планинари загинаа на италијанските Алпи во одделни несреќи што се случија вчера, соопшти планинската служба за спасување.

Несреќите се случиле во регионите Венето, Трентино и Пиемонт во северна Италија. Според информациите, загинатите се тројца мажи и една жена.

Спасувачките екипи распоредија хеликоптери и повеќе тимови во погодените области.

На Рочиамелоне во регионот Пиемонт, еден човек паднал повеќе од 400 метри. Спасувачките екипи го извлекле неговото тело по комплицирана операција.

Во областа Трентино, 26-годишен маж загинал кога изгубил рамнотежа и паднал околу 30 метри во провалија, завршувајќи во корито на река.

Во Венето, маж паднал во процеп, а во друг инцидент, жена паднала додека се спуштала со јаже.

The post Четворица планинари загинаа во несреќи на италијанските Алпи appeared first on Република.

Шест лица исчезнале за време на скијање на швајцарските Алпи, објавија француските медиуми, повикувајќи се на полицијата.

Таа пријавила дека туристите се исчезнати од вчера. Потрагата по нив е отежната поради многу лошите временски услови во областа во југозападниот швајцарски кантон Вале.

Полицијата не соопштува детали за идентитетот на исчезнатите туристи.

The post Шест лица исчезнаа на скијање на швајцарските Алпи appeared first on Република.

Шест лица исчезнале за време на скијање на швајцарските Алпи, објавија француските медиуми, повикувајќи се на полицијата.

Таа пријавила дека туристите се исчезнати од вчера. Потрагата по нив е отежната поради многу лошите временски услови во областа во југозападниот швајцарски кантон Вале.

Полицијата не соопштува детали за идентитетот на исчезнатите туристи.

The post Шест лица исчезнаа на скијање на швајцарските Алпи appeared first on Република.

Планинарски водич пронашол остатоци од човек за кој се верува дека загинал во несреќа на глечер пред 22 години високо на австриските Алпи, соопшти денеска полицијата.

Телото било пронајдено на глечерот Шлатенкис во националниот парк „Хохе тауерн“ во источната провинција Тирол, блиску до италијанската граница и на надморска височина од 2.900 метри.

Водичот ја известил полицијата во Лиенц, која го извлекла телото со помош на хеликоптер. Неколку метри под телото спасувачите пронашле ранец со пари, банкарска картичка и возачка дозвола. Полицијата утврдила дека, најверојатно, станува збор за посмртните останки на Австриец, кој во моментот на исчезнувањето имал 37 години, јавува „Асошиетед прес“.

Исчезнатиот носел опрема за скијање. Се прави споредба на ДНК за да се потврди идентитетот на мажот, а резултатот се очекува за неколку недели. Поради топењето на глечерите, за што многу научници вината ја наоѓаат во климатските промени, има сè повеќе откритија на останки на планинари, скијачи и други алпинисти, кои исчезнале пред неколку децении.

Во соседна Швајцарија полицијата минатиот месец објави дека ДНК-тестовите потврдиле оти телото пронајдено на глечер во близина на Матерхорн е на исчезнат германски планинар од 1986 година.

The post Пронајдено тело на австриските Алпи: Полицијата верува дека таму било 22 години appeared first on Република.

Пожарникарите сè уште се борат со шумскиот пожар на швајцарските Алпи, кој од синоќа гори во областа От Вала, во близина на границата со Италија, јави Би-би-си.

Речиси 200 луѓе и неколку хеликоптери учествуваат во гаснење на пожарот, а огнот брзо се проширил во текот на ноќта на една планина во областа Битш.

Локалната полиција сподели фотографии од пожарот што во раните утрински часови го зафати блиското село, но се чини дека огнот оттогаш стивнал.

Сепак, од шумите сè уште може да се видат големи облаци од чад, а властите предупредија дека може да бидат потребни денови или дури недели за пожарот целосно да се изгасне.

Многу локални жители беа евакуирани, додека на оние кои сè уште се дома им е препорачано да ги држат прозорците затворени за да се спречат загадениот воздух да влезе во просториите.

The post Сè уште гори големиот пожар на швајцарските Алпи appeared first on Република.

Четири лица загинаа во лавина што попладнево се случи на француските Алпи, изјави министерот за внатрешни работи на земјата, Жералд Дарманин.

Дарманин рече дека проценката за бројот на жртвите е привремена и оти спасувачките екипи се на лице место.

Локалните власти соопштија дека лавината се случила во Горна Савоа на глечерот Амансет на Алпите и била долга 1.000 метри и широка 100 метри.

Жртвите биле на планинарење кога се случила лавината, а нивниот идентитет сè уште не е утврден.

Метеоролошката служба претходно не издаде предупредување за лавина, што најверојатно се случило поради ветерот и повисоките температури.

На терен се спасувачки екипи составени од жандарми, пожарникари и медицински персонал бидејќи се претпоставува дека покрај четирите жртви има уште девет лица.

The post Четири лица загинаа во лавина на француските Алпи appeared first on Република.

Најмалку 21 лице е повредено вчера во несреќа на француските Алпи кога автобус со деца се превртел и низ падина и паднал во поток.

Во автобусот се превезувале 40 основци.

Возачот и совозачот се најтешко повредени, додека 18 деца и еден возрасен се здобиле со полесни повреди, изјави Фабиен Мулик, градоначалник на градот Корп, каде што се случила несреќата.

The post Детали за несреќата на Алпите: Автобусот со 40 деца се превртел низ падина и паднал во поток, повредени 21 лице appeared first on Република.

Автобус со деца се преврте на француските Алпи, при што се повредени најмалку 21 лице. Според информациите возилото превртело по падина и завршило во поток. Во автобусот се превезувале 40 ученици од основно образование.

Најтешко повредени се возачот и сопатникот, а 18 деца и еден возрасен се здобиле со полесни повреди, изјавил Фабиен Мулик, градоначалник на градот Корп, каде што се случила несреќата.

Регионалниот обвинител започнал истрага, а градоначалникот изјавил дека голема е веројатноста возачот да имал некаков медицински проблем додека бил зад воланот.

Локалните власти за француските медиуми изјавиле дека при падот на автобусот временските услови биле добри, а на местото на несреќата немало снег или мраз.

The post Автобус со 40 деца на Алпите се преврте, повредени 21 лице appeared first on Република.

Рекордно високи температури се забележани на првиот ден од новата 2023 година на северната страна на Алпите, во Швајцарија и Лихтенштајн, а за историски рекорди известуваат и од руските метрополи.

Во малиот северен швајцарски град Делемонт и во Вадуз, главниот град на Лихтенштајн, во неделата се измерени на 20 Целзиусови степени, објави Meteonews.

Претходниот рекорд во јануари бил измерен на 12-ти јануари 1993 година во Луцерн, кога изнесувал 19,4 Целзиусови степени. Во Делмонт на 1-ви јануари 2023 година, во неделата, пак, се измерени 20,9 степени. Вкупно 36 мерни станици измериле локално максимални температури на влезот во Новата година.

Истовремено во неделата научниот директор на рускиот Хидрометеоролошкиот центар, Роман Вилфанд, изјави за медиумите дека во неделата вечерта во главниот град Москва температурата изнесувала 4,3 степени, што по 50 години е нов топлотен рекорд за првиот ден од новата година.

Претходниот рекорд бил забележан на 1-ви јануари 1973 година, кога во Москва вечерта биле измерени 4,2 Целзиусови степени.

Истовремено се известува и дека во неделата во Санкт Петербург била измерена највисоката температура на 1-ви јануари во историјата на бележењето на метеоролошките набљудувања. Во ткн северна руска престолнина во неделата вечерта во 17 часот по локално време се измерени 4,8 Целзиусови степени.

Во Санкт Петербург, всушност денеска се регистрирани два рекорда, односно изминатата била и најтоплата новогодишна ноќ со плус 3,4 Целзиусови степени, а претходниот максимум на преминот од една во друга година бил забележан на 1-ви јануари 1937 година од 2,9 степени.

The post Рекордно топло време на северните Алпи, рекорди бележат и Москва и Санкт Петербург appeared first on Република.

Девет лица се повредени денеска при пад на балон со топол воздух на источниот крај на Алпите во Австрија.

Австрискиот Црвен крст соопшти дека двајца патници се тешко повредени во несреќата во регионот Буклиге Велт, област наречена по нејзиниот ридски предел.Тие се пренесени со хеликоптер во локалните болници.

Двајца полесно повредени патници се пронајдени во Унтерек, додека останатите пет патници се пронајдени со полесни повреди во близина на Станг, на околу пет километри.

Причината за несреќата се уште не е откриена.

The post Деветмина повредени во пад на балон во источните Алпи appeared first on Република.

Страшна несреќа се случила на француските Алпи кога 40-годишен маж додека скијал налетал на петгодишното девојче Офелија од Британија и го убил на лице место!

Според британските медиуми, несреќното дете било на патеката за скијање кога на неа налетал маж со голема брзина.

Девојчето, како што е соопштено, немало шанси да преживее поради екстремно тешките повреди, а на пат кон болница починало.

Трагедијата се случила во луксузното одморалиште Флен, кое се наоѓа на околу 80 километри од швајцарскиот град Женева. Малата Офелија живеела со семејството во тој град.

Непосредно пред да го изгуби својот живот, таа скијала со уште четири деца кои стоеле недалеку од инструкторот на самиот раб на патеката.

Се работи за човек кој очигледно бил добар скијач, волонтирал како пожарникар, но очигледно се движел со голема брзина – рекол обвинителот од блискиот Боневил и открил дека против човекот ќе биде спроведена постапка за убиство, пред се поради загрозување на безбедноста.

Обвинетиот 40-годишен маж ќе добие казна од најмалку пет години затвор, како и парична казна од околу 65.000 евра.

Медиумите јавуваат дека семејството на малата Офелија е во исклучително тешка ситуација и дека моментално работат на изнаоѓање психолошка поддршка за нив, пред да пристигнат назад во Женева.

Инаку, максималната дозволена брзина на делот каде што загина детето е 48 километри на час, но човекот се движел многу побрзо од тоа.

The post Трагедија на француските Алпи, загина петгодишно девојче, го прегазил скијач appeared first on Република.