Можеби една од највпечатливите македонски песни „Едно име имаме“ отпеани од грлото на легендарниот Јонче Христовски, која е и своевидна химна и една од оние аманет-композиции со кои се идентификува македонскиот народ, маестро Николче Мицевски во рамки на проектот „Македонијо во срце те носиме“ ја спакува во ново руво, а Александар Тарабунов се обиде да ја донесе онака како што тој знае и умее – маестрално.

„Едно име имаме“ ја пеам одамна и ми е многу драга песна, ми буди убаво чувство за Македонија и горд сум што ја препеав и имам можност да ѝ ја претставам на публиката во едно ново руво“, вели Тарабунов и се присетува на една убава случка поврзана токму со македонската фолк легенда: „Одамна ми беше голема желба да препеам некоја од безвременските песни на Јонче Христовски бидејќи беа големи другари со татко ми. Се сеќавам дека кога бев мал на еден мој роденден Јонче ми подари цела ќеса џамлии „црнки“ коишто во тоа време беа највредните. Со роденденскиот подарок излегов во маало да играм со другарите и поголемите ме намирисаа и ми ги ќарија сите џамлии. Кога се вратив дома татко ми ме праша каде ми се џамлиите од Јонче, е а кога дозна каде се отиде на врата да им ги бара ха, ха, ха...“

Видеото за „Едно име имаме“ во изведба на Александар Тарабунов е со потписот на Скендеровски продукција, која стои зад проектот „Македонијо во срце те носиме“, а во чии рамки се препеани 12 македонски легендарни песни, во изведба на 12 изведувачи, и од светот на забавната и од светот на народната музика. Меѓу изведувачите кои публиката уште треба да ги слушне и види се и: Сузана Спасовска, Бојана Скендеровски, ДНК, Андријана Јаневска и Зуица Лазова.

Уживајте во изведбата на Тара и легендарната „Едно име имаме“ и, секако, очекувајте го концертниот караван кој ќе стартува кон крајот на летото и кој под истото име „Македонијо во срце те носиме“ ќе гостува во неколку македонски градови

Да ја обоиме Македонија со најубавите звуци и да го зачуваме највредното – музичкиот аманет кој ни го оставиле генерациите пред нас. Уживајте во гласот на Тара и неговата верзија на „Едно име имаме“:

https://www.youtube.com/watch?v=QhV2kukcM20

The post Александар Тарабунов: Горд сум што ја препеав „Едно име имаме“ на Јонче, особено затоа што му беше голем пријател на татко ми! appeared first on Република.

На истата тема и Богдан Илиевски посвети статус на Фејсбук.

The post Победниците: Она кога мора професионално да се појавиш на настан, но не сакаш да те вмешаат во театарот на предавниците appeared first on Република.

Александар Тарабунов вчеравечер ја објави „Празен град“, уште една во низата одлични песни кои музичарот ги создава за својата публика.

Првите реакции за „Празен град“ се одлични. Композицијата наиде на позитивни коментари, а особено пофалби добива и видеоспотот, на кој и овојпат како режисер се потпишува добро познатиот Зоран Зонде Стојановски.

Музиката, аранжманот и мастерот ги направи токму Александар, додека пак режисерот Зонде овојпат ја имаше улогата и на текстописец.

Верувам дека ќе се допадне на публиката, бидејќи се што гледате и слушате во оваа нова песна е работено со многу љубов, а публиката тоа го препознава и го почитува. Јас сум задоволен од реакциите на луѓето кога првпат ја слушнаа, еве ќе ви откријам дека песната многу му се допаѓа на Игор Џамбазов, вели дека има светски звук, ни изјави познатиот пејач и музичар Александар Тарабунов.

https://youtu.be/LThG2B5a3Rw

The post Штом му се допаѓа на Џамбазов, значи е светска: Слушнете ја новата песна на Тарабунов appeared first on Република.

Македонскиот поп пејач Александар Тарабунов, преку социјалните мрежи на јавноста ѝ соопшти дека вчера бил уапсен за време на музичкиот настап во Битола, посветен на Тоше Проески и Аки Рахимовски, на кој беше придружуван од Камерниот оркестар на Битола.

Вчера вечерта бев уапсен во Битола каде што настапував, како да сум најголем криминалец. Со лисици и со туркање во комбе ме однесоа во станица, буквално за ништо. Изрежираа дека се противам на началникот и дека немам лична карта, иако се обидов да ја покажам и заедно со сопственикот на локалот нè држеа до 8 сабајле, на крај нè пуштија така, слободни сте... Спијте мирно луѓе, нема веќе криминал, сè е решено, напиша Тарабунов на својот инстаграм-профил.

Како што соопшти денеска МВР, полициски службеници од Бирото за јавна безбедност во координација со Државниот пазарен инспекторат, Управата за јавни приходи и Државниот инспекторат за труд ноќеска, меѓу 01:30 и 04:30 часот, спроведоа акциска контрола во четири ноќни клубови и кабареа во Битола.

https://republika.mk/vesti/crna-hronika/vo-bitola-za-zapechatuvaat-ugostitelski-objekti-poradi-kovid-sertifikati/

The post „Со лисици и со буткање во комбе како најголем криминалец“: Тарабунов вчера приведен по настап во Битола appeared first on Република.