Египетскиот и рускиот претседател Абдел Фатах ал Сиси и Владимир Путин денеска во телефонски разговор се согласија да продолжат со напорите за постигнување прекин на огнот во конфликтот меѓу Израел и Хамас.

Портпаролот на египетскиот претседател, Ахмед Фахми изјави дека разговорот бил фокусиран на ситуацијата во регионот, особено во Појасот Газа, пренесоа руските медиуми.

Тие разговарале и за испорака на хуманитарна помош и се согласиле да продолжат да работат за воспоставување прекин на огнот.

The post Путин и Ал Сиси се согласија да продолжат со напорите за постигнување прекин на огнот во Газа appeared first on Република.

Дронови вчера паднаа врз два египетски града, потврди претседателот на Египет, Абдел Фатах ел Сиси.

Тој ги повика сите нации да го почитуваат суверенитетот и позицијата на Египет во регионот.

Египет ќе продолжи да игра позитивна улога во конфликтот меѓу Израел и Хамас и не сака тој да се прошири во регионот, додаде тој.

Два египетски безбедносни извори вчера соопштија дека „проектил“ паднал врз градот Нувеиба на Црвеното Море. Израелското Министерство за надворешни работи тврди дека тие биле лансирани од Хутите од Јемен.

The post Ал Сиси: Дронови вчера паднаа врз два египетски града appeared first on Република.

Египетскиот претседател Абдел Фатах ел Сиси изјави дека ескалацијата на ситуацијата меѓу Израел и Палестинците е многу опасна и може да влијае на безбедноста и стабилноста на целиот регион на Блискиот Исток.

„Египет се надева на решение што ќе доведе до мир и создавање на палестинска држава“, рече Ал Сиси.

Тој додаде дека прави се за што поскоро да се воспостави примирје што ќе ги поштеди цивилите од двете страни.

Ал Сиси нагласи дека националната безбедност на Египет е негов врвен приоритет и дека нема да го игнорира ова прашање под никакви околности.

The post Ал Сиси: Ескалацијата во Израел е опасна, може да влијае на стабилноста на Блискиот Исток appeared first on Република.