Построги правила за течности и гелови во рачниот багаж повторно ќе стапат во сила од 1 септември на сите аеродроми во Европска Унија, соопшти аеродромот во Франкфурт.

Со новите правила на патниците ќе им биде дозволено да носат течност или гел до 100 милилитри, спакувани во проѕирна пластична кеса со максимален волумен од еден литар. Лековите и течната храна за бебиња се исклучени од новите правила.

Безбедносните правила за течности и гелови првпат беа воведени во 2006 година. Правилата беа олеснети на некои аеродроми каде што багажот можеше да се провери со помош на скенери. Но, повторно воведувањето на поригорозни мерки е поради тоа што ЕУ се сомнева во веродостојноста на новите скенери.

The post Од 1 септември построги правила на аеродромите во земјите-членки на ЕУ appeared first on Република.

Албанската министерка за туризам и животна средина, Мирела Кумбаро изјави дека до 2030 година Албанија ќе има четири аеродроми, објави Албанската радио и телевизија.

На веќе постоечките аеродроми во главниот град Тирана и северниот град Кукс, аеродромите во крајбрежниот град Валона, југозападна Албанија и во јужниот град Ѓирокастро, ќе бидат додадени до 2030 година.

Во интервјуто Кумбаро додаде дека до 2030 година меѓународниот аеродром „Мајка Тереза“ во Тирана ќе започне со прекуокеански летови.

Таа е оптимист дека во 2030 година во земјата ќе престојуваат 30 милиони туристи.

The post До 2030 година Албанија со четири аеродроми appeared first on Република.

Германското Сојузно здружение на компании за безбедност во воздухопловството (БДЛС) и претставниците на синдикатот Верди постигнаа начелен договор за платите, откако ангажираа независни посредници за да најдат решение за нивниот долгогодишен спор, пренесуваат британските медиуми.

Според соопштението на БДЛС, начелниот договор предвидува зголемување на платите меѓу 13,1 и 15,1 отсто во рок од 15 месеци за околу 25.000 работници на аеродромското обезбедување.

Дополнително, надлежните комисии во здружението на работодавачи БДЛС и синдикатот имаат рок до вторник напладне да ја прифатат или отфрлат арбитражната препорака, а синдикатот Верди е должен до тој рок да не ги повикува поддржувачите на штрајк.

Во најголемата европска економија, штрајковите на аеродромските и железничките работници, кои бараат повисоки плати, доведоа до многу скапи прекини во сообраќајот.

Во текот на февруари оваа година, дури 11 аеродроми низ Германија имаат привремен прекина на работата

The post Aеродромскиот персонал во Германија и работодавачите постигнаа начелен договор appeared first on Република.

Во Франција денеска беа испратени закани за бомби на осум аеродроми, од кои три се евакуираат, јави ТВ БФМ.

Извештаи за подметнати експлозивни направи во текот на утрото добија аеродромите во Лил-Лекан, Рен, Бове, Тарб, Нант, Безје, Пау и Брест, од кои во тек е евакуација во Рен, Тарбес и Безје.

И во претходните два дена, неколку француски аеродроми добија дојави за бомби, за кои беше утврдено дека се лажни. И Версајскиот дворец и музејот Лувр неодамна беа евакуирани од истите причини.

Денеска е уапсен 37-годишен маж под сомнение дека вчера испратил лажна дојава за бомба во Версајскиот дворец кој поради тоа беше евакуиран, како и уште три пати за помалку од седум дена.

Според ТВ БФМ, осомничениот, кој нема криминално досие, живее со родителите, невработен е, боледува од шизофренија, а полицијата засега не се сомнева во терористички мотиви.

Француската Влада се закани со затворски казни и високи парични казни за оние кои упатуваат закани за бомби, откако серија лажни тревоги доведоа до евакуација на 15 аеродроми и откажување на 130 летови.

The post Нови закани за бомби на осум аеродроми, во тек е евакуација appeared first on Република.

Аеродромите во Бордо, Лион (Лион-Сент Егзипери и Лион Брон), Рен, Лил, Тулуз, Париз Бове, Ница, Стразбур, Бијариц, Пау и Нант се евакуирани утрово, откако полицијата соопшти дека добиле закани за бомби или сомнителни пакети. , објави весникот „Локал“.

Сите летови до и од погодените аеродроми се прекинати, некои се обновени, но патниците може да очекуваат доцнења од неколку часа.

Во меѓувреме беа објавени и првите видеа од патниците од аеродромот како бегаат на безбедно.

Портпаролот на француската воздухопловна управа DGAC ја потврди евакуацијата поради предупредувањата за бомби само во Лил, Лион, Тулуз и Бове, и не можеше веднаш да даде дополнителни детали.

Онлајн контролната табла на DGAC покажа значителни доцнења во Лил, Лион и Тулуз.

Во објава на сметката на платформата X на аеродромот во Ница се вели дека „поради сомнителен багаж… поставен е безбедносен периметар за да се овозможат вообичаените проверки“.

l’aéroport de toulouse évacué mais que se passe-t-il ? 🤨🤨 pic.twitter.com/SaqbyGrFLr

— L-A (@pyjamay_) October 18, 2023

A statement from #Lille Airport said: "Lille Airport is being evacuated following a bomb threat. State security services are on site."#France #airlines #avgeeks #IsraelAttack pic.twitter.com/md3zBXvk4Z

— 🇬🇭alsaeed🇸🇱 (@alimsaeed604) October 18, 2023

L'aéroport de Toulouse évacué après une alerte à la bombe #alertealabombe #Attentat #terrorism #Vigipirate pic.twitter.com/hJlC5o6ddT

— Erreur 404 (@Erreur455769746) October 18, 2023

The post 11 аеродроми во Франција евакуирани поради закани за бомби appeared first on Република.

Сајт Локал објави дека аеродромите во Лион, Лил, Тулуз, Париз и Бове биле евакуирани.

АФП, повикувајќи се на извор од француската полиција, рече дека евакуацијата ќе им овозможи на властите „да ги разјаснат сите сомнежи“ за тоа дали заканите се реални или не.

Се вели дека и полетувањата и слетувањата се суспендирани на аеродромите погодени од заканите, така што патниците може да очекуваат доцнење од неколку часа.

🚨 #UltimaHora

Los aeropuertos de Lille, Niza, Lyon y Toulouse reciben alertas de bomba y están siendo evacuados.

La alerta terrorista vuelve a Europa.#airport #France #lille #lyon #nice #toulousepic.twitter.com/RARANOMeaw

— Noticias Rosetta (@RosettaNews) October 18, 2023

Од аеродромот во Лил било соопштено дека таму веќе пристигнале „тимови на државната безбедност“.

Évacuation de l’aéroport de Toulouse
Nous sommes sur le tarmac pic.twitter.com/nN1nLc7MKs

— Nathalie Lacombe (@NatLacombe66) October 18, 2023

Франција прогласи состојба на максимална готовност откако на 13 октомври во таа земја беше убиен наставник во напад за кој се верува дека го извршил исламист.

Версајската палата, една од главните туристички атракции во Франција, вчера беше затворена на неколку часа по втората безбедносна тревога за само четири дена.

Претходно денеска два молотови коктели беа фрлени врз синагога во центарот на германската престолнина Берлин.

The post Хаос низ Европа: Први снимки од аеродромите во Франција и од нападот на синагогата во Берлин appeared first on Република.

Шест аеродроми низ Франција се евакуирани денеска откако по имејл беа испратени „закани за напад“, изјави полициски извор за локални медиуми.

Евакуацијата на аеродромите во Лил, Лион, Нант, Ница, Тулуз и Бове во близина на Париз ќе им овозможи на властите „да ги расчистат сите сомнежи“ дека заканите би можеле да се реални, рече изворот.

The post Шест француски аеродроми евакуирани по „закани за напад“ appeared first on Република.

Аеродромите во Подгорица и Тиват во Црна Гора утринава информираа дека утринава околу 9 часот добиле закана преку телефон дека на аеродромите има поставено бомби.

Аеродромите во моментов се затворени, а полициски службеници со кучиња трагачи вршат проверки. Додека траат проверките, авионите кои требаше да слетаат, кружат на небото на Црна Гора.

„Во Подгорица еден авион е вратен на дополнителна контрола. Во моментот полициски екипи прават контроли на аеродромот“, велат од аеродромот во Подгорица.

Од Министерството за внатрешни работи на Црна Гора известуваат дека на персоналот на аеродромите во Подгорица и Тиват им се заканувале од број од странство.

„Управата на полицијата согласно сите процедури презeма мерки во област на своите надлежности, а јавноста ќе биде благовремено известена“, рекоа од црногорското МВР.

Аеродромските служби им наредиле на сите пилоти кои требало да слетаат на аеродромите да кружат се додека не завршат проверките на полициските службеници.

The post Хаос во Црна Гора: Аеродромите затворени, авионите кружат во воздух appeared first on Република.

Германскиот синдикат Верди започна 24-часовен штрајк на седум аеродроми поттикнати од спорови за платите, што предизвика нов хаос за патниците во германскиот авиопревоз.

Здружението на аеродромите соопшти дека околу 295.000 патници ќе бидат погодени од откажувањето на околу 2.340 летови на аеродромите во Бремен, Дортмунд, Франкфурт, Хамбург, Хановер, Минхен и Штутгарт.

Верди ги повика вработените да штрајкуваат во исто време за да го зголемат притисокот, велејќи дека колективното договарање постигнало мал напредок.

Lufthansa соопшти дека откажала повеќе од 1.300 летови за денеска, вклучувајќи ги и сите летови на аеродромите во Франкфурт и Минхен.

The post Хаос на германските аеродроми, откажани над 2.300 летови appeared first on Република.

На некои европски аеродроми се укинуваат ограничувањата за носење пакувања од повеќе од 100 мл течност во рачниот багаж. Одредбата најверојатно ќе стапи на сила во 2024 година.

Ограничувањето од 100 мл по пакување во рачниот багаж им го отежнува пакувањето на многу луѓе, затоа што, покрај водата за пиење, тоа важи и за шампони, гелови за туширање, производи за шминка.

Како што беше пропишано во 2006 година по терористичкиот напад на лондонскиот аеродром Хитроу, при секое патување, сите течности дополнително се пакуваат во проѕирни пластични кеси што се затвораат. Освен непријатностите од ваквото пакување на тоалетните и средствата за лична хигиена, повеќето луѓе ги забораваат овие кесички, а различните аеродроми имаат различни прописи за тоа колку треба да биде голема торбата и колкав број на мали шишиња се дозволени во неа.

Поради ова, се создаваат големи гужви и често се отвораат патничкитре куфери за, на пример, дезодоранси или креми, кои не спаѓаат во оваа категорија.

Напредокот на технологијата многу ја олесни безбедносната проверка и можноста да се идентификуваат потенцијално опасните материи, така што сите големи аеродроми во Велика Британија ќе го укинат ова правило во 2024 година.

Багажот ќе минува низ специјални ЦТ скенери кои ќе создаваат 3Д слика, а резултатите од ваквото скенирање се задоволителни и че доведат до укинување на ваквите забрани.

Сепак, и покрај овие измени, другите одредби за ограничување на рачниот багаж ќе останат исти, па така, на пример, останува на сила абраната за патување со остри предмети или поголеми ножици.

The post Аеродромите ги менуваат правилата за рачен багаж: Се укинува ограничувањето коешто полудуваше многумина патници appeared first on Република.

Голем број аеродроми во Кина ги откажуваат летовите поради зголемениот број на заразени лица со Ковид-19, објави денеска кинескиот државен весник „Глобал тајмс“.

Во јужната кинеска метропола Гуангжу, во која има најголем број на заразени лица откажани се над 1.000 летови, а од двата аеродрома во Пекинг откажани се повеќе од 700 летови.

И покрај кинеската политиката нулта толеранција на коронавирусот, што негативно влијаеше врз нејзината економија, бројот на инфекции низ Кина повторно се зголемува со недели.

Кинеските здравствени власти денеска соопштија дека за еден ден се регистрирани околу 8.800 заразени луѓе на национално ниво. Изминатите денови се зголемува бројот на инфицирани со Ковид-19 во поголемите градови Гуангжу, Пекинг, Шангај и Чонгкинг.

The post Голем број аеродроми во Кина откажуваат летови поради зголемениот број заразени со Ковид-19 appeared first on Република.

Повеќе од двајца од пет работници на аеродромите во Велика Британија размислуваат да ја напуштат индустријата, покажуваат резултатите од најновото истражување на „СиВи Лајбари“ (CV-Library).

Анкетата спроведена на 1.700 работници покажува дека тие сакаат да се откажат од својата работа поради повисока плата и помалку стрес.

Само пет проценти од испитаниците ја обвинија моменталната ситуација на аеродромите во Велика Британија, каде што имаше долги одложувања во изминатите месеци. Двајца од тројца од анкетирани изјавиле дека немаат зголемување на платите во изминатите 12 месеци.

Извршниот директор на „СиВи Лајбари“ Ли Бигинс истакна дека поради „хаосот во индустријата, не е изненадување што толку многу аеродромски работници размислуваат да заминат“.

Обидите да се свртат работите досега ја промашија целта и, со шпицот на сезоната сега пред нас, потребна е итна акција. Врз основа на нашите податоци и гласот на сегашните и поранешните авиокомпании и аеродромски работници, доколку се зголемат платите и бенефициите, кризата би можела да се надмине, наведе Бигинс.

The post Најмалку 40 проценти од вработените на аеродромите во Велика Британија размислуваат да дадат отказ appeared first on Република.

Штрајк на безбедносните работници на осум германски аеродроми, меѓу кои и најпрометниот во Франкфурт, денеска доведе до голем број прекини и откажувања на летови.
Синдикатот Верди повика на целодневен штрајк на аеродромите во Франкфурт, Берлин, Бремен, Хамбург, Хановер, Штутгарт, Дизелдорф и Келн, пред преговорите за платите со работодавачи, закажани за четврток.
Во Франкфурт до изутринава се откажани 108 од 790 летови планирани за денеска, јавува ДПА.

На аеродромот во Хамбург се откажани сите 88 планирани полетувања.

Безбедносните проверки на германските аеродроми се под надзор на федералната полиција, но во најголем дел ги спроведуваат приватни фирми.

Безбедносните работници во Баварија не штрајкуваат бидејќи се платени во согласност со договорот за платите на вработените во јавните служби.

The post Штрајк на безбедносните работници на осум германски аеродроми appeared first on Република.