Министерот за спорт, Борко Ристовски е задоволен од сработеното во првите 100 дена од новата Влада.

– Македонија по 20 години доби Министерство за спорт. Конечно спорт го доби местото и вниманието што го заслужува. Овие 100 дена активно работевме на подобрување на спортската инфраструктура, обезбедување финансиска поддршка за спортските организации и поттикнување на младите да се занимаваат со спорт, рече Ристовски на денешната прес-конференција по повод 100 дена нова Влада.

Ристовски се осврна и на состојбата во спортот која тој и неговиот тим ја затекнаа по неговото назначување.

– Не почнуваме од нула, туку од минус два. Затекнавме нефункционална институција со покренато обвинение за корупција за работата на досегашната Агенција за млади и спорт. Потрошени се милиони државни пари без конкретни резултати. Затекнавме руинирани спортски сали, почнати и недовршени проекти, објекти без елементарни услови за спортски активности, рече меѓу другото Ристовски.

Темелната реконструкција на спортска инфраструктура е основа за нормалното функционирање на спорт и затоа до крајот на годинава Министерството за спорт обезбеди 35 милиони денари, посочи министерот.

Ќе се реновира салата „Расадник, салата во Радовиш, салата во Ново Село, фудбалското игралиште во Тетово, ќе с егради нова атлетска патека, ќе се гради спортска сала во Воената Академија и ќе се санираат 15-20 мултифункционални игралишта.

Покрај подобрување на инфраструктурата, Ристовски кажа дека во 100 дена акцент е ставен и на финансиската поддршка за спортистите.

– Овозможивме значителна финансиска поддршка за спортистите, клубовите и федерациите. Ова помош е клучна за континуитетот на делување и учество на меѓународни натпревари. За поддршка на врвниот спорт обезбедивме и исплативме 83 милиони денари за клубовите и федерациите кои учествуваат на меѓународната сцена, додаде Ристовски.

Исто така, министерот информира дека се обезбедени 550 милиони денари за државните субвенции кои не беа исплатени од АМС во вид на ваучери.

– Ќе финансираме конкретни програми и ќе бараме конкретни резултати со отчет како се потрошени парите. До крајот на годината ќе бидат поделени дополнителни 85 милиони денари за поддршка на женскиот спорт, за индивидуални спортисти и за рекреативниот спорт, потенцира Ристовски.

Министерството за спорт се вклучи и во финансирање на Охридскиот пливачки маратон, Скопскиот атлетски маратон и Европската недела на спортот.

– Сите наши иницијативи вклучувајќи ја и распределбата на државната помош, ќе бидат спроведени со целосна транспарентност. Како заклучок на крај ќе кажам дека овие 100 дена се почеток на нашата мисија за унапредување на спортот во Македонија и да го промовирам нашето мото: Транспарентност, Етика, Интегритет, заврши Ристовски.

The post Ристовски: Почнавме санација на спортската инфраструктура, обезбедивме финансиска поддршка за спортистите appeared first on Република.

Сто дена Влада - посветени на поддршка на бизнисите и домаќинствата, на заштитата на животниот стандард на граѓаните, вели Марјан Ристески, заменик министер за економија.

✅ Спроведовме серија на мерки „Помалку трошоци – повеќе за тебе“ со кои ги ограничивме маржите на трговија на големо и трговија за👇
👉 Маржите за училишниот прибор, со што се намалија цените за 25 до 30 %, а секое семејство со еден ученик заштеди од 1.500 до 2.000 денари
🛒Со акцијата „есенска потрошувачка кошничка“ ги ограничивме маржите на 10% во трговијата на големо и мало на 73 основни прехранбени производи, каде бележиме пад на цените во просек за 5 до 10 % , како и заштеда од 650 до 1.500 денари во просек за четиричлено семејство
✅Започна имплементацијата на Законот за нефер трговски практики, каде преку регулирање на односот на производителите и добавувачите со трговците, се очекува дополнителен пад на цените на 2.546 прехранбени и земјоделски производи 🍎 🥗.
✅ Доделивме 1777 ваучери за туризам во вредност од 32 милиони денари за работниците со ниски приходи за летување во некои од нашите туристички центри
✅ Обезбедена финансиска поддршка за локалните компании во износ од над 120 милиони денари
✅ Поддршка за конкурентноста на преработувачката индустрија и општествената одговорност во висина од 32 милиони денари
✅ За развој на претприемништвото и конкурентноста на мали и средни претпријатија за 2024 година обезбедени 80.000.000 денари
Не запираме, продолжуваме 100% #Посветени за тебе!

The post Ристески: Посветени на поддршка на бизнисите и домаќинствата, на заштитата на животниот стандард на граѓаните, appeared first on Република.

Министерката за образование и наука Весна Јаневска соопшти дека ќе има поголем буџет за образование и наука во 2025-та, а најави и наскоро дека ќе биде постигнат договор со СОНК и покачување на платите на наставниците годинава.

На прес-конференција за сто дена од работењето на Владата, Јаневска рече дека МОН дискутира со Министерството за финансии за поголем буџет за идната година за кога, рече, е предвидено зголемување и на средствата за наука, пред се за научните институции.

Се работи на правилникот, се надевам дека тоа ќе биде по изработени проекти, за дополнителни стипендии за постдипломски и докторски студии со објавување на научни проекти кои во минатото ги немаше, од идната година ги предвидуваме, така што средствата за наука ќе се зголемуваат, а ќе се зголеми и севкупниот буџет на Министерството за образование и наука, рече Јаневска одговарајќи на новинарски прашања.

Во однос на преговорите со Самостојниот синдикат за образование, наука и култура (СОНК) одговори дека тие се во тек и очекува за релативно кратко време да биде постигнат сериозен договор, најавувајќи дека постојат можности наставниците да добијат покачување на платите оваа година.

Се уште сме во фаза на преговори. Очекувам за релативно време дека ќе постигнеме договор и тој ќе биде сериозен и повеќегодишен. Се уште разговараме за можностите во буџетот, но она што СОНК го бара мислам дека ќе можеме да го реализираме со тек на време. Очекувам дека и годинава ќе има покачување на платите на наставниците за разлика од пред неколку месеци кога можностите речиси беа исцрпени, сега веќе се појавуваат реално можности за покачување на платите на наставниците, рече министерката за образование и наука.

Соопшти дека МОН прави анализи како да продолжи градењето на објектите за ФИНКИ и Факултетот за физичка култура во близина на Ректоратот на УКИМ и дека до крајот на мандатот „ако не целосно, градбата секако ќе продолжи на двете згради“.

Стручните служби ни велат дека овој процес нема да биде релативно брзо завршен затоа што таму имаше проблеми кои не зависат во моментот од Министерството. Една фирма банкротирала, па ја нема, па надзорот...Во комуникација сме со Министерството за транспорт кое исто така треба да се вклучи во овој процес. Тој е почнат и планираме до крајот на овој мандат ако не целосно, градбата секако ќе продолжи на двете згради, рече Јаневска.

The post Наскоро договор меѓу МОН и СОНК за платите на наставниците appeared first on Република.

Негрижата за образованието што постоеше до јуни ја заменивме со 100-процентна посветеност и во стоте дена отпочнавме крупни промени за поквалитетно образование и подобра иднина на младите. Ги стопиравме лошите политики кои го намалија бројот на ученици за 17 илјади во изминатите седум години, изјави министерката за образование и наука Весна Јаневска во отчетот по повод 100 дена од работењето на Владата.

На прес-конференција таа истакна дека е задоволна од сработеното во ресорот што го предводи и најави дека МОН ќе продолжи со „исто силно темпо, максимално посветени кон учениците, студентите, наставниците, професорите, исто како и во првите три месеци“.

Моето прво, а воедно и реализирано ветување, беше навремено достапни учебници за сите ученици. По седум години,  првпат навремено се испорачани учебници за сите ученици. Над еден милион примероци беа поставени на училишните клупи, на првиот училишен ден. Успеавме да изработиме и повеќе нови учебници и наставни материјали по предмети за кои до скоро воопшто немаше никакво помагало – 10-ина во основното и 100-ина нови наслови во средното стручно образование, рече Јаневска.

За учебниците за странски јазици кои недостигаа на 1 септември поради проблеми во постапката, министерката рече дека набавката најверојатно ќе биде распишана најдоцна во јануари и дека тоа значи оти за следната учебна година ќе ги има и учебниците по сите странски јазици.

Во однос на инфраструктурата, соопшти дека во моментов се реализираат 36 капитални инвестиции во изградби и реконструкции на училишта, како и 40 помали санации на училишни објекти. Потсети дека започната е етапна реконструкција на државните студентски домови, со првите два - „Кузман Јосифовски Питу“ и „Стив Наумов“ во Скопје за што се инвестирани 17 милиони евра.

Посочи дека е поништена одлуката за основање Факултет за здравствени науки на Меѓународниот универзитет во Струга кој не ги исполнувал условите за почеток со работа.

Во 140 училишта е воведена квалитетна, економична и ефективна едносменска настава, а наскоро бројот ќе се зголеми за 50-ина. Заедно со наставниците се изработуваат нови наставни програми од седмо до деветто одделение, откако претходно беше стопирана Концепцијата за основно образование во овие одделенија и се одделија предметите кои, преку спојување на Историјата со Географијата и Граѓанското образование, ги обезвредни претходната влада. По цели 20 години e започнат и процес на етапна изработка на нови наставни програми во гимназиското образование, рече Јаневска.

Првпат во основните училишта, додаде министерката, се ангажирани над 1000 образовни асистенти, а ќе се постапи и по дополнително пријавени потреби од страна на родителите и старателите во меѓувреме.

Јаневска информираше дека се менува и законската регулатива - пет закони се предмет на јавна дебата - за основно образование; за средно образование; за средно стручно образование и обука; за образование на возрасните; за Национална рамка на квалификации, а уште други пет, рече таа, наскоро ќе треба да поминат низ филтерот на експертската јавност.

Јаневска посочи дека пред три месеци затекнале буџет на МОН во дефицит од 5 милијарди денари, но дека со ребалансот, дел од парите биле вратени во касата за да можат да се сервисираат услугите и да се исплатат сите задоцнети обврски кон граѓаните и кон институциите.

Обезбедивме 900 милиони денари за исплата на редовни плати во училиштата и 1,4 милијарди денари за повисоки плати на наставниците во високото образование односно за  универзитетските професори. Ја исплаќаме неисплатената финансиска поддршка за учениците. Ги исплативме неисплатените ученички и студентски стипендии, награди на ученици и нивни ментори кои освоиле прво место на државен натпревар или високи места на меѓународни натпревари, неисплатените средства за меѓуградски превоз на ученици, неисплатените парични надоместоци за објавени научни трудови во списанија со импакт-фактор. Исплативме средства кои претходната Влада не ги исплатила за учество во ПИСА-тестирањето во 2022 година, за учество во Фулбрајт-програмата со САД, за учество во Хоризонт-програмата на ЕУ и така натаму, што е навистина срамно, рече Јаневска.

The post Отчет на Јаневска: Навремено достапни учебници, над 1.000 образовни асистенти, 36 капитални инвестиции appeared first on Република.

Министерот за внатрешни работи, Панче Тошковски информира дека претходно на полициските службеници, како надоместок за хранарина, во црни вреќи им биле давани сув леб, паштети и други тип на прехрабени производи.

Тошковски истакна дека полицајците со право тужеле и тоа, вели, пак на крајот на денот ќе го платат граѓаните.

-Преку 8000 тужби само за 3 години, не знам колку имало претходно. Овие тужби за хранарина нема да ги имаме односно надоместок утврден согласно закон и Колективен договор, ќе биде исплаќан. Во рамки на она што требаше да се подготви како легислатива, го изменивме и го ставивме во функција. Обезбедени се средства и надоместокот се исплаќа. Тужби од овој тип повеќе нема да има, рече Тошковски на прес-конференција во Владата по повод 100 дена нова Влада.

The post Тошковски: Полицајци добивале црни вреќи со сув леб и паштети како надоместок за хранарина appeared first on Република.

Отчетноста и транспарентноста се одлики на добра управувачка практика и владеење на демократијата во една земја. Тоа значи јасно и отворено информирање на граѓаните за сработеното, за она што е во тек и плановите на среден и долг рок.

Како Влада и ресорни министерства, ја имаме одговорноста од носењето на одлуките до нивната реализација. Затоа што вие, граѓаните, ни ја дадовте вашата доверба, која ние носителите на државни функции треба да ја оправдаме.

Како министер за социјална политика, демографија и млади, денеска ќе ја исполнам мојата должност да дадам отчет за 100 дена Влада, во областите кои се во надлежност на министерството кое го предводам.

100 дена Влада, значеа 100% посветеност. Затекнавме закочени проекти, недостаток односно неиспланирани средства за тековни плаќања, незадоволни и демотивирани вработени во институциите, но пред се разочарани граѓани од целокупната состојба во државата.

Од првиот ден почнавме со анализа на состојбата и огромна посветеност во изнаоѓањето на решенија за предизвиците со кои се соочивме. За овие 100 дена, можеби не направивме многу, но направивме значајни чекори кои го олеснуваат понатамошниот живот на граѓаните.

Се обврзавме дека ќе работиме исклучиво и само во интерес на граѓаните и тоа го правиме.

Првото нешто кое го реализиравме, а од кое имаат бенефит голем број на граѓани е насочено кон нашата највозрасна категорија на граѓани, а тие се пензионерите.

Ветивме и исполнивме. Околу 340.000 пензионери на 1 октомври добија за 2500 денари повисоки пензии. На 1 април , со мартовската пензија тие ќе добијат уште 2500 денари, согласно измените на Законот за пензиско и инвалидско осигурување, која гарантира 5000 денари повисоки пензии за секој пензионер.

Општините најдобро ги знаат потребите на своите жители. Затоа добрата соработка со нив е од клучно значење и во интерес на граѓаните.

Владата обезбеди 250 милиони евра за капитални инвестиции за општините. Пристигнати се 357 проекти од околу 80 општини. Дел од нив се и за детски градинки и центри од областа на социјалната заштита.

Во изминативе 100 дена поставивме камен темелник на две нови детски градинки и тоа во Општина Бутел, во вредност од 100 милиони денари и во Општина Гази Баба, населено место Трубарево во вредност од 19 милиони денари.

Започнавме со градежни активности за доградба на објектот „Изворче” при градинката “Срничка”, Општина Аеродром, инвестиција вредна за 120 милиони денари.

Исто така пуштена во употреба е доградбата на Градинката „Гоце Делчев“ во Општина Илинден.

За овие 100 дена завршени се и градинките во населените места Јегуновце, Теарце, Тетово, Липково и Шуто Оризари.

Во последна, завршна фаза се и градинките во Општина Чаир, Прилеп, Битола и Св.Николе - с.Ерџелија.

Градежните работи течат во уште 13 детски градинки.

Покрај инвестициите во детски градинки, инвестираме и во центри за лица со попреченост, како и домови и центри за највозрасните лица.

Започнато е со изградба на Дневен центар за лица со телесна или ментална попреченост во Општина Кавадарци, проект вреден над 40 милиони денари, а тече и процесот на реконструкција и адаптација на крило во „Дом за стари лица д-р Иван Влашки“, во Берово, во вредност од 11 милиони денари.

Започнавме постапки за нови четири објекти и во тек е комплетирање на документација и склучување на договор за изведба.

Два од нив се за вон семејна заштита на повозрасни лица во Крива Паланка и Кавадарци, и два за лица со попреченост во Боговиње и Македонски Брод.

Како што можете да видите, опфатени се сите делови на земјата, се инвестира онаму каде што општините изразиле интерес за потребите на своите жители.

Важно е да напоменеме дека тука нема да застанеме, планираме зголемување на бројот на центри за социјална работа, за лица со попреченост, за повозрасни лица, за рехабилитација од различни зависности и прифатилишта.

Во завршна фаза е реконструкцијата на Заводот за рехабилитација на деца и младинци – Скопје, Топанско Поле. Истиот се трансформира во Ресурсен центар за социјални услуги. Проект на ИПА 2, Програма за инклузија во вредност од 1.6 мил. евра.

Во изминативе 100 дена, склучени се нови 10 договори со општини и лиценцирани даватели на социјални услуги односно услуги во домот и услуги во заедницата. Министерството обезбедува средства за услугите по завршувањето на финансиската поддршка со грантот од Светска Банка.

Во рамките на Јавни установи за згрижување на деца со воспитно социјални проблеми и нарушено поведение со финансиска помош од Светска банка и Европската унија направен е предлог проект за реконструкција за дел од установата за отворање на Советувалиштен центар за деца во ризик.

Активно работевме на Измените на Законот за детска заштита, кој е во завршна фаза и претставува унапредување во процесот на доделување ЛИЦЕНЦИ за негуватели и воспитувачи, процес кој бил намерно блокиран за околу една и пол година. Со овие измени ќе се отвори процесот на вработување во градинките и тоа за над 800 лица негуватели, воспитувачи, стручни работници и соработници.

Одобрена од Европска Комисија е ИПА 3 Оперативна програма „Човечки капитал“, каде влегуваат „Гаранција за млади“, вработувања на ранливи категории, социјално претприемништво, социјален дијалог, социјални услуги, социјално домување. Грант од ЕУ вреден 40 милиони евра.

Можеби 100 дена не се многу за да им покажеме на граѓаните дека сме сериозно посветени на исполнување на нашите ветувања и заложби. Но, за овие 100 дена направивме значајни промени кои го подобрија квалитетот на живот на граѓаните.

Ова е само почеток, граѓаните заслужуваат многу повеќе. Затоа периодот пред нас, посветено ќе работиме на демографскиот развој и политиките за младите.

Планот за демографија предвидува мерки за поттикнување на наталитетот и поддршка за секое новородено дете и неговите родители, односно зголемување на еднократната финансиска поддршка за прво и второ дете како и еднократна финансиска помош за третородено дете и повеќе.

Ќе воведеме финансиска поддршка за мајките кои се вратени по завршување на породилното отсуство, Ин витро постапка со можност секоја жена да добие до 6 бесплатни оплодувања, Дом за млади - купи куќа за младите, поддршка на фирмите кои ќе вработат мајки на три или повеќе деца и Програма „Добродојдовте дома“ за поддршка на лицата кои ќе се вратат од странство и стимулирање на останувањето во државата, односно спречување на одливот на мозоци.

Грижата за младите ја потврдуваме со поставување на неколку стратешки цели. Зголемено младинско учество во носење на одлуки на локално и централно ниво, младинска работа преку подготовка и донесување на Закон за младинска работа и зголемување на бројот на отворени сервиси за млади во општините, поддршка на млади талентирани лица, поддршка на младите во дeлот на нивното вработување, и на ангажман во насока на целосно спроведување на Законот за младинско учество и младински политики.

Да ги задржиме младите дома, да ги поддржиме семејствата, да обезбедиме достојна старост за највозрасните сограѓани и да обезбедиме поддршка за ранливите, за помошта да пристигне онаму, каде што вистински е потребна.

Продолжуваме 100 % посветени за сите граѓани!

The post Лимани: Продолжуваме 100% посветено да работиме исклучиво во интерес на децата, младите, пензионерите и ранливите категории граѓани appeared first on Република.

„Со реорганизација на Буџетот во овие први 100 дена, ако ја споредиме фактичката состојба којашто ја наследивме како Влада, од минус 200 милиони евра или отприлика минус 12 милијарди денари, можам да кажам дека веќе овој месец очекуваме да бидеме на позитивна нула, изјави премиерот Христијан Мицкоски.

А, што се однесува до институциите, надвор од Владините институции, министерствата, останатите претпријатија, можам да кажам дека во моментот АД ЕСМ има евидентирани долгови отприлика нешто повеќе од 5 милијарди денари, тоа е нешто над 80 милиони евра и се работи на санирање и намалување на истите. Фондот за здравство е исто така околу 5 милијарди денари, веќе 2 милијарди денари ќе бидат вратени овој месец, ќе бидат вратени оваа година. Ќе се обидеме во следната година целосно да дојдеме до состојба нула, затоа што кога сме во состојба нула и кога не барате одложено плаќање, тогаш и оние коишто ги испорачуваат оние лекарства коишто се потребни за пациентите, ќе бидат поевтини и поквалитетни.

Но тоа не е сѐ, тука се оние јавни претпријатија коишто е Национални шуми, Водостопанство, каде што долговите беа речи си милијарда денари, само по основ на плати беа близу половина милијарда. Или ако сѐ се собере можам да кажам дека, не само што го беа потрошиле Буџетот за помалку од половина година, туку и долговите кои што беа големи се бројат во, она коешто го затекнавме се брои отприлика околу една милијарда евра, нешто коешто претставува историски највисоко ниво на долгови коешто една Влада го наследила.“, изјави претседателот на Владата, Мицкоски одговарајќи на новинарско прашање за состојбата со долговите на институциите и колку истите во првите 100 дена Владата успеала да ги врати и додаде:

„Но нема очајување, тоа е што е, сега сме се нафатиле за оваа работа, сме ја добиле довербата од граѓаните, работиме многу и ќе продолжиме да работиме. Сите го знаат тоа, не е некоја тајна коешто ова го зборувам јас денеска, ако беа добри немаше сигурно да бидеме ние тука, така што ќе продолжиме да работиме и да ги потсетуваме граѓаните каква лоша и очајна состојба оставија, но истовремено мора да дадеме сѐ од себе за да, или вака да го кажам тоа спортски, да го ставиме срцето на терен за да излеземе од оваа ситуација и мислам дека до крајот на оваа година ќе можеме да кажеме дека сме излегле од оваа ситуација.“, изјави претседателот на Владата, Мицкоски.

The post Претходната власт трошела расипнички, но во првите 100 дена Владата покажа домаќинско работење и ги враќа долговите appeared first on Република.

Следете ја во живо прес-конференцијата на заменик претседателот на Владата и министер за транспорт Александар Николоски по повод 100 дена нова Влада „100% посветени! За тебе“:

The post ВО ЖИВО: Прес на Николоски за 100 дена влада appeared first on Република.

100 дена Влада измина. За овие 100 дена влада опозицијата не остави простор, постојано критикува. Како да го заборави катастрофалниот пораз што го доживеа на изминатие избори. 100 дена влада. Има неколку сегменти кои сакам да ги опфатам. Влегуваме во сложена фаза, не самокако Македонија и не е одговорно да се правиме луди што се случува во светот и што се случува кај нас и од тоа да извлечеме заклучоци што може да се деси. Владата во овие 100 дена направи многу повеќе одошто претходната влада за седум години. Па дури и ќе кажам во последните 10 години вклучително и претходната влада шт беше срушена насилно 2017 година. ВМРО-ДПМНЕ кога беше донесе многу големи инвестиции од кои и ден-денеска живее Македонија. Од друга страна за овие 100 дена имаме инвестиција од скоро половина милијарда во енергетскиот систем. Најздрава и најдобра држава е во која луѓето градат, а не државата. Оние бизнисмени што успеаа да изградат фабрики изградија во друга држава. Зошто? Зошто системот е корумпиран. Кога е ВМРО-ДПМНЕ е на власт приказната се менува драстично и тогаш стануваат хистерични нападите. Ако овие ја имаа поддршката од меѓународната заедница имаа за да го променат името. А таа штета е направена и последиците ќе ги трпат и наредните генерации - вели Јанко Илковски во својата видео-колумна Слушај ваму, што ја прави во соработка со Република.

Што направија за 100 дена влада? Учебници, пушија плати, зголемија пензии, вратија долгови во здравство...

Слушнете го Јанко Илковски во најновото издание на Слушај ваму

The post 100 дена ноќна мора за опозицијата appeared first on Република.

Во првите 100 дена од владеењето на Христијан Мицкоски и ДПМНЕ власта покажа тотална негрижа во однос на исполувањето на основните потреби на работниците, велат од СДСМ, додавајќи дека и покрај барањето и на работниците и на Синдикатите за приоритетно покачување на минималната плата на 450 евра, Владата не презеде никакви мерки.

Нема покачување на минималната плата со Мицкоски и ВМРО-ДПМНЕ. Владата на Мицкоски не само што не го исполни своето ветување, туку и продолжува да ја игнорира потребата на работниците. За време на овие 100 дена, не се одржа ниту Социо-економскиот совет. Ова е показател за недостатокот на интерес на актуелната влада за решавање на проблемите на работниците. СДСМ неколкукратно ја зголемуваше минималната плата преку социјален дијалог. Во времето на ДПМНЕ минималната плата беше 9.000 денари а СДСМ ја зголеми на 22.000 денари и оваа година минималната плата требаше да порасне повторно. Денеска гледаме дека Мицкоски и ДПМНЕ ја враќаат политиката на евтина работна сила и понижување на работниците, велат од СДСМ.

The post СДСМ: 100 дена Влада на Мицкоски, нема покачување на минималната плата appeared first on Република.

Во првите 100 дена од мандатот на новата Влада започна изградба на три нови детски градинки, а пуштена е и доградбата во ЈОУДГ „Гоце Делчев“, соопштија од Генралниот секретаријат на Владата.

Со ова покажуваме дека Владата се грижи и за најмалите.

Беше поставен камен темелник на изградба на НОВА ДЕТСКА ГРАДИНКА во Општина Бутел за што се инвестирани 100.000.000 денари, а капацитетот на згрижување e за над 200 дечиња. Со ова Бутел 2 конечно ќе добие нова детска градинка.

Исто така, започна и изградба на НОВА ДЕТСКА ГРАДИНКА во Трубарево, Општина Гази Баба за што се инвестираат 19.000.000 денари, која ќе има опфат за сместување на над 60 дечиња.

Започнаа градежни активности за доградба на објектот Изворче во ДЕТСКА ГРАДИНКА Срничка во Општина Аеродром за што се инвестираат 120.000.000 денари. И тука капацитетот на згрижување е околу 170 деца од 0 до 6 годишна возраст.

Исто така во овие 100 дена се пушти во употреба ДОГРАДБА на градинката „Гоце Делчев“ во Општина Илинден во вредност од 15.000.000 денари за згрижување на 60 деца. Оваа доградба значи конечно затворање на листите на чекање во Општина Илинден.

Владата и претседателот Христијан Мицкоски се обврзаа дека главен приоритет во мандатот ќе биде намалување на листите на чекање за прием во детските градинки.

Продолжуваме и во следниот период да инвестираме, да градиме и создаваме за сите категории на граѓани.

Листите на чекање мора целосно да се намалат. Дечињата мора да имаат соодветна грижа и услови за престој во детските градинки.

Посветени сме и одговорно работиме на создавање на нова надеж и иднина за сите граѓани.

100 дена повеќе од 100 нови проекти и мерки.

100% посветени за тебе!, велат од Влада.

The post Влада: За 100 дена почна изградба на три детски градинки, а се пушти во употреба и доградбата во ЈОУДГ „Гоце Делчев“ во Илинден appeared first on Република.

Сто денови влада и веќе околу 100 реализирани проекти. Последниот од нив е тој што почна од од стартот на октомври - линеарното зголемување на пензиите, но пред тоа имаше и почеток на изградба на нови градинки, почеток на големи инфраструктурни проекти, нови странски инвестиции, проширување на позитивната листа на лекови ...

И се тоа, без преголема помпа или големи Пи-Ар кампањи, кои остануваа на празни зборови, туку со посветена работа на терен, таму каде што веќе се чувствуваат видливи резултати.

Пристојноста мора да е една од нашите клучни одлики, а пристојноста доаѓа од понизноста кога Владата го слуша својот народ, работи за него и е практично слуга на народот. Лошото е ако имаме чувство за себе дека се знаеме и дека гласот на народот воопшто не е важен“, е една од пораките на премиерот Христијан Мицкоски, кој даде отчет пред граѓаните за сработеното на владата предводена од ВМРО-ДПМНЕ.

Токму мислењето на граѓаните и тоа што тие имаа да го кажат за нивните желби и потреби беа еден од основните столбови уште во предизборната програма на ВМРО-ДПМНЕ, па токму на тоа се става фокус при изборот што да се реализира од државните институции.

https://republika.mk/vesti/makedonija/graganite-za-100-dena-vlast-dokazhavte-kako-se-raboti-vlada-no-koga-apsene-na-banditite-koi-sedum-godini-ne-lazhea-i-ne-dovedoa-vo-ovaa-sostojba/

Првичните резултати сами за себе говорат дека критиките и советите се слушнати и врз основа на истите се делува. Секогаш без исклучок, навремено се реагира слушајќи го гласот на народот и гласот на медиумите.

Стратешките прашања, а тоа се интересите на граѓаните, интересите на народот се заедничка цел на постојната Влада затоа што народот е тој кој е заслужен за тоа што денес можеме да кажеме дека имаме плодни и успешни 100 дена зад нас“, додаде Мицкоски.

The post 100 дена Влада: Се слушаат желбите на граѓаните, реализација на стотина проекти за нивните директни потреби appeared first on Република.

Браво Премиере! Со Вашето успешно лидерство и најискрени заложби, направивте многу за само 100 дена од Вашето владеење. Сите надежи се насочени кон Вас! Гласноговорници од другата страна безочно критикуваат,наместо да се засрамат за сиот пустош што го сторија, од кој последиците тешко може да се конвалидираат. Народната изрека вели:" Кучињата лаат, караванот си врви". Само напред! - гласи еден од коментарите на фејсбук оставен под владиниот отчет од сработеното во првите 100 дена.

Голем дел од граѓаните се задоволни од тоа како Владата предводена од премиерот Христијан Мицкоски ја започна својата работа. Очекувањата за наредниот период се големи, но и поддршката од народот е голема. Веруваат во подобро утре.

Корисниците на социјалните мрежи пишуваат:

Довербата во Вас е голема.....а деструктивните ги имало и ќе ги има, и тоа се посилни и посилни, зошто се се попразни и пошупливи, и од петни жили се трудат да доминираат.
Загреота.

Секоја Чест Почитуван Премиер Х.Мицкоски докажавте како се работи Влада Предводена од Вмро Дпмне која реализира повеќе во овие 100 дена колку што Сдс реализира во овие 7 години да сте здрави и живи да Живее Република Македонија

Секоја чест и респект за решените проблеми .
Народот затоа ги испрати во минатото, токму поради расипничкиот неморален одност кон своуте сограѓани кои беа секој ден седум години под притисок и насилства.

Редно беше веке некој да покаже дека има достоинство Македонија и дека има Маледонци со крената глава а ме овие со старата поговорка (наведната глава сабја не ја сечи) само останете на курсот патот ке се отвори за правите достоинствени Македонци 👍👍👍!!!

Браво Премиере. Прес за сите да разбереме. Ми велат дека треба да почекам и ќе видам дека: парите сите ги расипуваат. Јас им велам: Дај Боже да не ме разочарате. Премногу ви верувам. И Вас, и на сите министри. Лесна и успешна работа на сите. Да си ја кренеме од пепелта мајчичкава што ни изнедрува најмногу препаметни чеда.

Посебно се задоволни пензионерите кои месецов го добија предизборното ветување - покачување на пензиите за 2 500 денари во октомври, а се надеваат дека ќе се реализира и вториот дел од ветувањето - уште нови 2500 денари покачување во март наредната година.

ВМРО е вистинска партија тоа што ко ветува и го остварува еве пензиите линеарно се покачија пензионерите за прв пат се задоволни и среќни браво премиере.

Браво за 100 дена многу направивте. Дупка до дупка во секое министерство. Дадовте плати на сите кои претходната власт ги измамија. Пензионерите добија покачување. Наредната година ќе добијат зголемување наставниот кадар и здравството. Секоја чест премиере!

Сепак и покрај позитивите реакции, очекувањата на граѓаните за санкции за грабежот во минатото не се остварија. Тие бараат затвор за оние кои ја урадоа и опустошија Македонија.

Се е во ред ,само сега чекаме да поведете одговорност од тие што сега се прават на удрени а 7 години не лажеа и не доведоа во оваа состојба -Бандити.

Господине Мицковски зошто дозволувате затвореници на слобода да ве критикуваат местото им е во затвор нели гледате дека рејтингот ви го намалуваат криминалците и сам знаеш кои се

Како не бевте позиција во времето на Братучедите немаше да дојде на власт челичниот опинок и да опустоши се со Алија и четириесет разбојници да не стави во пат позиција со мисла како да направат нереди за да го зачуваат покраденото. Подфолио - многу им се дозволува наместо да се мислат на бегање тие се спремаат за враќање во позиција наместо позади решетки тие како безгрешни се спремаат да ве судат вас. За нас смртниците што едвај преживуваме некако не ни е јасна политика на НЕКАЗНИВОСТ после зулумот невиден сторен овие 7 години. ЗАНДАНА ЗА СЕКОЈ ШТО СЕ ОГРЕШИЛ ЗА ТОА ВЕ ГЛАСАВМЕ

Ако не го затвориш црпнатиот Муртинец ништо не си направил.

Кажи кога ќе го затвориш Зоран Заев што ја уништи Македонија и и нанесе зло на секое поле. Тоа ја унушти државата, тоа фо очекува народот од вас

На оваа тема во својата колумна коментира и аналитичарот и колумнист Александар Ристевски.

Каде е лутината на незадоволните? Претпоставувам кај брзината и интензитетот на справувањето со предизвиците. Народот бара крв, бара одговорност и отчетност од минатите, сменетите, бара строги казни, конфискација, одговорност. Интересно е што толку меѓународната заедница не дозволува да се стави рез во судството и обвинителството, чиј рејтинг е на ниво на статистичка грешка. Едноставно, никој не им верува, па ни авторот на овој текст. Жално, затоа што, убеден сум, дека туморот инсталиран во системот, не е поголем од 10-20 отсто. Сигурен сум дека огромен дел од вработените во фелата се чесни, објективни и вредни лица. За жал, веќе никој не им верува. Очигледно ќе мора самите да ја водат битката внатре, во нивната фела. Народот ги презира, од дното на душата. Правда сакаме.

Мицкоски со став - од апсењата нема да се прави естрадно шоу.

Не треба да правиме естрада..Не е ништо посебно ако државата го споредува редот и законите бидејќи ние немаме втора опција.Не сме во договор со криминалците како што тоа го правеа некои минати влади, сакаме да расчистиме со нив без разлика дали се на улиците, во политиката. Мораме да имаме владеење на правната држава ако сакаме да одиме напред.Ако сакаме да не биде како држава, мора се расчисти.Не должиме никому како генерација политичари, немаме концесија кон никого и ова е тоа што мораме да го направиме-изјави Мицкоски.

The post Граѓаните за 100 дена власт: Докажавте како се работи Влада, но кога апсење на бандитите кои седум години не лажеа и не доведоа во оваа состојба appeared first on Република.

Новата влада од денеса веќе не е нова. Повлечена е линијата на 100-те дена владеење. Опозицијата обвинува, критикува, Владата прикажува реализирани предизборни ветувања. Воедно и Владата обвинува - наследиле пустош од власта на СДСМ и ДУИ.

Претходната власт кон државата се однесувала по системот „пољубац смрти”, што допреле осушиле, така што граѓаните со право очекуваат одговорност. Јас сум еден од најгласните заговорници да се санкционира, пред сè, адмистративниот криминал кој го затекнав - вака вицепремиерот и министер за политички систем и односи меѓу заедниците, Иван Стоилковиќ, го претстави своето искуство во првите сто дена од Владата.

Добар дел од аналитичарите велат дека за само 100 дена, новата Влада успеала да реализира огромен број на проекти од кои се во корист и од интерес а сите граѓани на Република Македонија.

Вчера премиерот Христијан Мицкоски даде отчет за сработеното. Тој е задоволен од сработеното, и покрај, како што вели, лошата позиција наследена од претходната Влада на СДСМ. Според него, 100 дена нова Влада значи повеќе од 100 нови проекти и мерки за сите граѓани.

-Колку повеќе знаеме дека состојбата е пооптоварувачка отколку што очекуваме, нашата решителност станува поцврста. Наследивме потрошен годишен буџет за само шест месеци. Држава од која младите се иселуваат, 600 илјади кои живеат само со 150 денари на ден и многу други горливи проблеми. Но, тоа само ги засили нашите ангажмани и мотивираност да ги исправиме и да излеземе на правиот пат. Денешната цел е недвосмислена – 100 проценти посветеност кон реализација на проектите и исполнување на ветувањата, рече Мицкоски.

Аналитичарот и колумнист, Александар Ристовски во својата колумна вели дека целата нација има огромни очекувања од ветувањата кои беа дадени, но и број наталожени фрустрации од „цунамито“ кое, како што пишува, не снајде, во режија на ДУИ и СДСМ.

Едноставно, се што направија е распродавање на државните и национални интереси, трошење на ангро и дегенерација на институциите и севкупниот државен систем. Ова што новата Влада го прави изминатите сто дена е едноставно кризен менаџмент, и обиди да се вратат нештата во колосек - колумнист и аналитичар Александар Ристевски.

Намалените трошоци за живот, враќање на долговите се само дел од работите кои ги одбележаа ови 100 дена влада.

Мерките кои се донесени, пред сѐ се однесуваат на намалување на трошоците за живот на обичниот граѓанин, преку намалување на одредени давачки и трошоци со кои сите се соочуваме. Враќање на долговите и побарувањата на институциите, кои претходниците ги довеле до нула, а некаде и наталожиле огромни долгови - пишува тој.

После долги години конечно учениците добиваат учебници, и веќе нема да има импровизации, здравството добро почна со укинување на еден куп измислени и небитни функции, пред се во Клиничкиот центар, Транспорт е еден од најактивните ресори, Собранието функционира конструктивно...

Што успеа Владата да реализира и покрај, како што велат, пустошот кој го наследија:

Повисоки пензии преку линеарно покачување на пензиите на над 330.000 пензионери!

Историски највисоки 250 милиони евра за капитални инвестиции за Општините! Пристигнати 357 проекти од 80 општини на јавниот повик.

Поевтини лекови преку проширување на позитивната листа со 9 генерици, вкупно 87 лекови!

Вработување на 600 специјализанти во јавните здравствени установи!

За 100 дена 4 странски инвестиции во износ од 600 милиони евра за нови над 1.500 вработувања!

Странска инвестиција за изградба на ветерници во државата со капацитет до 400MW на „Aлказар Енерџи“ во вредност од 500 милиони евра. Оваа инвестиција ќе се реализира во општините Радовиш, Штип и Карбинци, а ќе бидат инсталирани 55 ветерници и 630 нови вработувања, со што 100.000 граѓани ќе се снабдат со електрична енергија.

Германско-белгиска на „Епсотех Аим“ инвестира во развојно истражувачки центар, алерти центар во индустриско-технолошките зони на територијата на Општина Петровец. Вредноста на инвестицијата е 20 милиони евра и нови 110 вработувања.

Нова инвестиција за производство на сопирачки за шински возила на американскиот „Вебтек“ во вредност од 35 милиони евра и нови над 100 вработувања!

Инвестиција на германската компанија „BMZ Group“ за производство на литиум јонски батерии во вредност од 65 милиони евра и отворање нови 700 вработувања!

Обезбедени средства за исплата на регрес за над 84 илјади вработени во вредност од 11.000 денари!

Исплатени над 1 милијарда денари за субвенции во земјоделието заостанати од претходната влада!

Исплатени заостанати плати во износ од половина милијарда денари на 3000 вработени во Национални шуми и АД Водостопанство!

Исплатен долг од 2 милјарди денари на Фондот за здравство!

Откочена изградбата на Штипската болница!

После 7 години обезбедени бесплатни учебници за сите од првиот училишен ден во новата учебна година!

„Помалку трошоци – повеќе за сите“- намалени цени и маржи за купување на училишен прибор!

Поевтини катастарски услуги – до милион евра годишно ќе остануваат во паричниците на граѓаните!

Рекордно највисока откупна цена за сортите Вранец и Смедеревка!

Двојно повисоки субвенции за хектар јачмен – зголемување за 100% – од 6.000 денари на 12.000 денари!

Во месец јули 2024 година на патарините собран промет од 470.194.563 денари што е за цели 16.071.251 денари повеќе, споредено со истиот период лани, со што се потврдува домаќинското работење на оваа Влада споредено со претходната!

Рекорди приходи  – Царинската управа со 12 милијарди денари приход, УЈП со 13.4 милијарди денари приход!

Помалку трошоци повеќе за тебе – Ограничена маржа на над 70 производи!

Издавање на пасоши и лични карти во редовен рок!

18 милиони евра за реконструкција на студентските домови!

Отпочната процедура за влез на трет мобилен оператор за пониски цени на услуги!

Одлука за формирање на совет за управување со јавни финансии!

200.000 нови патници во Македонија со новата финансиска поддршка за нови авио дестинации!

Пораст на просечните нето плати  – по вработен во јули 2024 година, во однос на јули 2023 година за 12%!

Раст на индустриското производство од 3,8%

Борба против корупцијата – Обемна акција за основан сомнеж и предистрага за случајот Крмзов и злоупотреба на десетици милиони евра.

Пуштање во употреба на нов булевар со кој Гевгелија се поврзува со автопатот, за што се инвестираа 19 милиони денари!

Камен темелник на изградба на нова детска градинка во општина Бутел за што се инвестирани 100 милиони денари.

Почеток на реконструкција на спортската сала ДТВ ,,Партизан” во Битола за што се инвестираат 16 милиони денари!

Камен темелник на изградба на Спортска сала во Лескоец, Охрид!

Нов изглед на влезот во Битола! Реконструкција на коловозните и тротоарски површини, изградба на нова велосипедска патека, изградба на атмосферска канализација во должина од 700 метри

Пуштање во употреба на детско повеќенаменско спортско игралиште во Видобишта, Охрид!

Камен темелник за изградба на нова детска градинка во Трубарево, општина Гази Баба за што се инвестираат 19.000.000 денари!

Изградба на ново основно училиште Свети Климент Охридски во Драчево, општина Кисела Вода!

Започнување на градежни активности за доградба на објектот Изворче во детска градинка Срничка за што инвестираат 120.000.000 денари!

Комплетно реновирано одделение за дигестивна хирургија!

Нова апаратура во износ од 1 000 000 евра за Дигестивна хирургија Скопје за лапароскопски столб и изведба на оперативен зафат со употреба на флуоресцентен контраст!

Камен темелник на нов градски пазар во Неготино!

Камен темелник на изградба на спортска сала во Огњанци, Петровец!

Пуштање во употреба на доградба на градинката „Гоце Делчев“ во Илинден!

Пуштен во употреба спортско – Рекреативн центар „Бранители“ во Бутел!

Обезбедени се 68 милиони денари за изградба на колектор Трпејца и дополнителни 53 милиони денари за водоводи и канализации во повеќе општини!

Камен темелник на изградба на спортска сала во ООУ „Димитар Поп Георгиев Беровски“ во Хром, Ѓорче Петров!

Камен темелник за изградба на дом на културата со спортска сала во село Дреново, Кавадарци!

Поплочување на улица Ванчо Прќе и Пренамена на сообраќајница во шеталиште во Штип!

Почеток на доградба на ООУ „Блаже Конески“ во Мичурин, Општина Аеродром!

Укинат факултетот за здравствени науки во Струга на Мерко!

Укинати лиценците за интернет игри на среќа!

Ристовски ќе напише:

Севкупната оценка, барем од мене е преодна. Сите во државава бевме свесни со што ќе се справи новата власт, но тоа не значи дека истото треба да не обесхрабри и демотивира. Мора сите расположливи структури во државата кои имаат што да дадат и да придонесат да се стават на располагање на Македонија, и секој да помогне во областа во која е квалификуван и компетентен. Да дадеме шанса на оние кои се низ светот да се вратат и тука да градат кариера и семејства. Да се заживее внатрешноста на државата, со услови, со урбанизација, парно, школи, градинки, болници.

Но како што вели, народот очекува и бара поголеми резултати во периодот кој доаѓа. Нема простор за изговори!

The post 100 дена 100 проекти и покрај „цунамито“ кое не снајде во режија на ДУИ и СДСМ appeared first on Република.

Вицепремиерот и министер за политички систем и односи меѓу заедниците Иван Стоилковиќ го сподели своето искуство во првите сто дена од Владата:

1. Наместо нормално преземање на работите, по изборот на Владата, следеше „дочек на нож“ на одреден дел од јавноста, кои со лажни обвиненија се обидуваа да ја сокријат омразата, но сум научил на лошо и не ми беше тешко. Непримопредавање на Министерството од стариот министер и очекуваниот крш во Министерството, кое го затекнав во поприлично хаотична состојба, без програма и основни документи за работа, исто така, го одбележаа моето влегување во Министерството, а веќе денес со сета одговорност можам да соопштам дека е воспоставен ред во Министерството.

2. По увидот во Министерството, слободно можам да заклучам дека претходната власт кон државата се однесувала по системот „пољубац смрти”, што допреле осушиле, така што граѓаните со право очекуваат одговорност. Јас сум еден од најгласните заговорници да се санкционира, пред сè, адмистративниот криминал кој го затекнав.

3. Што се однесува до односот на јавноста, можам слободно да кажам дека најголемиот број на навреди, омаловажувања и монструозни квалификации ги доживеав во изминатите сто дена. Но, на платениците на поранешниот министер и хејтерите, во овој случај антисрпски, никогаш не сум обрнувал посебно внимание. Исто така, за она што е сработено доживеав и критики и пофалби, што на некој начин е и нормално, бидејќи граѓаните секогаш очекуваат повеќе. Дали ќе биде повеќе или не, не зависи само од мене, но секако ќе биде со полн ангажман.

4. Како заменик претседател на Владата го искористив своето влијание за отворена поддршка од Србија за некои од клучните проекти за понатамошен развој на Македонија, кои ќе бидат крунисани со потпишување на меѓудржавни договори веќе идната недела при посетата на српскиот премиер на Македонија.

5. Користам прилика посебно да се заблагодарам на шефот на мојот кабинет Јелена Таст, и на Александра Тимковска задолжена за односи со јавност, кои уште од првиот ден на влегување во Министерството беа со мене и кои без било каква накнада два месеца по ред работеа со мене и дел од вработените во Министерството и учествуваа во консолидација на затекнатата состојба.

6. Како дел од Владиниот кабинет им се заблагодарувам на сите министри за отворената соработка и после сто дена работа можам да порачам дека ми е чест што сум дел од тимот на претседателот Христијан Мицкоски.

The post Стоилковиќ: Првите сто дена затекнав министерство во хаос и административен криминал, што допреле исушиле appeared first on Република.

100 дена посветени за тебе, 100 дена посветени на безбедноста на граѓаните. Заедно градиме побезбедно утре, порача министерот за внатрешни работи Панче Тошковски споделувајќи го сработеното на МВР во овие 100 дена Влада:

1. Решавање на проблемите и доближување на услугите до граѓаните.
Начекавме хаос, револтирани граѓани и изгубено достоинство и макотрпна, посветена и организирана работа целосно го решивме проблемот со издавањето на лични документи. Нема повеќе гужви, чекање со часови, чекање на поларни температури.
- Отворивме нови канцеларии на управни служби во Јегуновце и Матејче. Услуги поблиску до граѓаните, продолжуваме секаде каде што е потребно...

2. Унапредување на условите за работа, градиме задоволна и ефикасна полиција
- Целосна реконструкција на Центарот за обука на МВР во вредност од 184.838.711 од буџетот на МВР.
- План за изградба на нови полициски станици во Кисела Вода и Бутел.
- Исплаќање на финансиски средства за хранарина за работа подолга од 3 часа во ноќна смена.
- Промена на колективниот договор, награда за добиено новороденче и за полициските службеници од машки пол, отстранета дискриминација.
- План за набавка на функционални и модерни полициски униформи.
- Отворен нов К9 регионален центар за обука и сертификација поддржан од ОБСЕ

3. Дигитализација на процесите за модерна и ефикасна полиција
- „Џастис РБН за родово базирано насилство“, мобилна апликација за зајакнување на капацитетите на полицијата во постапување на случаи на родово базирано и семејно насилство.
- Нов софтвер за менаџмент на воздухопловни полициски операции
- Нов регионален К9 центар за обука и сертификација
Преку соработка до унапредување на капацитетите
- Меморандум за користење на системот безбеден град со над 220 надзорни камери за побезбеден град Кавадарци

4. Зголемено присуство на полицијата - побезбедни граѓани
- Акциски контроли. Засилени проверки на лица и возила, над 6000 прегледи, приведени лица по разни основи 131…
- Акциските и зголемено присуство продолжуваат, полицијата е поблиска до граѓаните.

5. Борба со пожарите 2024
- Пожари: 355 летачки часа и 3400 тони вода
- 10 летачки часа и 7 Потраги и спасувања
- Медицински летови: 15 летачки часа и 2 медицински лета

6. Борба со криминалот во полициските редови
- Нема место за нечесните во полицијата - број на кривични и прекршочни пријави кон полициски службеници кои се огрешиле пред законот и граѓаните.

7. Превенција - заедно со граѓаните до поголема безбедност
- Голем број превентивни активности за едукација на граѓаните.

The post „Начекавме хаос и изгубено достоинство“ вели министерот Тошковски неговата работа првите 100 дена од Влада appeared first on Република.

Не добив предлози од експертите и покрај моите повици за тоа да дадат предлози како да се врати довербата на граѓаните во правосудтсвото и затоа од денеска почнува реализацијата на она што ние го ветивме како реформа во правосудството, рече денеска премиерот Христијан Мицкоски на прес-конференцијата по повод 100 дена Влада.

Тој летово зборуваше дека целосно ќе бидат распуштени Судскиот совет и Советот на јавни обвинители, но по критиките дека тоа е мешање на власта во правосудството остави рок за предлози до крајот на септември како поинаку да се реформира судството. ВМРО-ДПМНЕ во својата предизборна програма најави и целосно нови закони од оваа област, како Закон за кривична постапка, Закон за Јавно обвинителство, Кривичен законик и др.

– Добивам забелешки за борбата против корупцијата, зошто не апсиме? Ниту како човек, ниту како универзитетски професор, ниту како политичар нема од тоа да правам естрада, ниту со злоупотреба на институциите да манифестирам сила, моќ и реваншизам. Мора да престане тој начин на однесување. Има закони, институции, криминалците таму ќе одговараат. Треба трпение, имаме партиски контаминирано судство. Затоа тргнавме со реформи во правосудството и дадов рок до октомври, но, ниту еден предлог не стигна до нас. Сите кои велеа дека сакаме чистка во судството и нова партизација, ги нема со предлози. Затоа од денеска почнува нашиот систем, нашата методологија, почнуваат реформите и нема запирање – рече премиерот Мицкоски.

Тој додаде дека Македонија нема време за чекање. Рече дека во правосудството добиваат големи плати, а малку испорачуваат.

– Откриени се случаи. За прв пат во историјата е фатен врховен судија со мито, член на Советот на јавни обвинители му бил соучесник. Откриени се поранешни пратеници, актуелни пратеници, директори со огромни криминали. Не правиме естрада од тоа и ќе ја почитуваме презумпцијата на невиност и тајната на истрагите. Ќе ставиме крај на таа пракса кога специјалци влегуваа дома кај пратеници, за да се задоволи суетата на политички моќници. Мора да сме цврсто на земја, да работиме тивко, но сигурно – рече МицкоскТој најави дека наскоро ќе имаат акциски план за реформата на правосудството.

The post Мицкоски: Нема со апсења да правиме естрада од борбата против корупцијата appeared first on Република.

Рокот до 30 септември што го даде Владата помина, но за жал до нас не стигна ниту еден конкретен предлог како треба да се одвива реформата во нашиот правосуден систем. Затоа од денеска ние почнуваме да го развиваме нашиот систем и започнуваат реформите во македонскиот правосуден систем, затоа што Македонија и граѓаните немаат повеќе простор за чекање, порача премиерот Христијан Мицкоски на денешната прес-конференција по повод 100 дена од мандатот на новата Влада.

Тој подвлече дека борбата против корупцијата е една од можеби најголемите забелешки која ја слушал изминативе денови, односно зошто се уште не започна борбата против корупцијата, односно зошто не апсиме, но потенцира дека ниту како човек, ниту како универзитетски професор, ниту како политичар нема да дозволи од тоа да прави естрада и никогаш вели, нема да се случи преку својата позиција и злоупотребите на институциите кои што се дел од македонската Влада да манифестира сила моќ и реваншизам, затоа што засекогаш мора да престане тој начин на однесување.

Човечки е да се простува, но исто така потребно е криминалот и корупцијата да бидат казнети. Но има институции каде што се водат тие процеси, има закон, има Устав пред кој тие кои сториле криминал треба да одговараат без разлика дали се тоа политички криминалци, бизнис криминалци, или некој друг вид криминалци кои што можеме да ги сретнеме сеуште на улиците низ државата. Затоа ве молам да бидете трпеливи, процесот е тежок затоа што имаме партиски октроирано и заробено обвинителство и судство и тоа не мислам за сите обвинители и судии, туку за една мала група од нив кои се партиски послушници кои го контаминираа нашиот правосуден систем, вели Мицкоски.

Посочи дека до вчера до кога бил рокот за предлог реформи за правосудството до Владата официјално не пристигнал ниту еден предлог.

Сите оние кои што критикуваа, сите оние кои што велеа дека ние сакаме да правиме чистка во правосудството и повторна партизација, само овој пат да ги смениме улогите, наместо едните и другите, наместо СДСМ и ДУИ да бидат Вреди, ВМРО-ДПМНЕ и ЗНАМ, ги нема. Затоа од денеска ние почнуваме да го развиваме нашиот систем, нашата методологиоја и започнуваат реформите во македонскиот правосуден систем, затоа што Македонија и граѓаните немаат повеќе простор за чекање, рече Мицкоски.

Борбата со криминалот и корупцијата продолжуваат, посочи премиерот нагласувајќи дека голем дел од случаите се веќе разоткриени и се на виделина на јавноста.

За првпат во независна држава имаме врховен судија кој што е фатен со мито во рацете, имамем поранешен претседател на Советот на јавни обвинители кој што е сочесник во тоа, поранешни пратеници, актуелни пратеници, директори, бизнисмени, огромни скандали. Можеби наша грешка беше што не правевме спектакл и естрада од сето тоа, но така се одлучивме мислејќи дека приватноста на семејствата, пред се, но и презумпцијата на невиност да ги испочитуваме пред било што да правиме, не смеевме да ги осудиваме луѓето пред да бидат вистински осудени, вели премиерот Мицкоски.

Според него, мора да се стави крај на таа пракса кога специјалци влегуваа во домовите на пратенции пред очиглед на малолетни деца и се иживува врз нив за да биде задоволена суетата на некои политички моќници.

Нема потреба од тоа, мора да се сме на земја, подобро половина чекор напред, отколку три напред-два назад, верувајте тоа веќе се чувствува. Одговорноста е на највисоко ниво а псоветеноста и работата ќе продолжи со уште поголема одлучност, нагласи премиерот Мицкоски.

https://www.youtube.com/live/WQc4Wo4UgJI?si=OdCHdQ-qG8GJB86l

The post Не добивме ниту еден предлог за правосудните реформи, почнуваме да го развиваме нашиот систем на реформи, најави Мицкоски appeared first on Република.

Премиерот Христијан Мицкоски денеска во обраќањето по повод 100 дена Влада повторно нагласи дека владината коалиција е стабилна и дека и покрај различните мислења за одредени прашања, сепак сите коалициони партнери се обединети околу стратешките прашања.

Изминатите 100 дена од работата на Владата ги оцени како успешни и рече дека она што го прави горд и задоволен е тоа што сите оние кои добиле шанса, во најголем дел ја исполниле дадената можност без разлика од која политичка партија доаѓаат.

Коалицијата има двотретинско мнозинство, ова не е коалиција што се бори за својата стабилност. Хармонијата и колегијалниот дух владее во коалицијата, на моменти нормално е да постојат и различни мислења, но тоа не значи дека не се согласуваме за стратешките прашања, рече Мицкоски.

На опозицијата ѝ порача да биде конструктивна и силна и наместо со обвинувања, да се натпреварува со политики кои ќе донесат подобар стандард на граѓаните.

Има такви кои велат дека ВМРО-ДПМНЕ направило премногу отстапки на коалиционите партнери и такви кои велат дека ВМРО-ДПМНЕ ги поништи своите коалициони партнери. Ги слушам сите тие гласови кои доаѓаат од опозицијата од кои едната се обидува да опстане на политичката сцена, а другата преку националистичка реторика се труди да се врати на политичката сцена. Тие мислат дека ако испраќаат такви пораки ќе внесат раздор и недоверба во таа коалиција. Можам да ги разочарам и да им кажам дека не само што не се успешни, туку таквото нивно однесување го зајакнува заеднички дух. Не смееме да се вратиме кон овие политичари кои поминаа децении во македонската политика, а ќе останат запаметени по корупција и многу предавства на сметка на личните интереси. Нема да навлегувам зошто ДУИ во изминатите 21 година не успеа да ги постигне стратешки цели, зошто СДСМ на лага се обидуваше да ја задржи својата власт. Имам да им порачам на двете партии дека имаме потреба од силна и конструктивна опозиција со која ќе се напреваруваме за политики кои ќе донесат подобар стандард на граѓаните, рече Мицкоски.

Во однос на забелешките дека процесот на именување на кадри оди бавно, премиерот рече дека не треба да се избрзува и дека понекогаш е подобро да се направи еден вистински чекор, отколку да се направат три чекори па потоа да се враќаме пет чекори назад.

Не можеме да зборуваме за брзина на именување на кадри затоа што многупати во минатото во јавноста имаше критика дека многу брзо се партизирале институциите, многу брзо се именувале партиски кадри, се менувале професионалци... Апсолутно се сложувам со тоа затоа што не секогаш треба да реагирате многу бргу за да покажете некаква силина и дека се што било претходно, не чинело. Покажавме како Влада дека се што било добро од претходната влада, сме го продолжиле како што беше и случајот со странските инвестиции, рече Мицкоски.

https://www.youtube.com/live/WQc4Wo4UgJI?si=OdCHdQ-qG8GJB86l

The post Мицкоски: Владината коалиција е стабилна, ни треба силна и конструктивна опозиција appeared first on Република.

Има напредок во реализацијата на автопатот од Кичево до Охрид, секојдневно се работи и очекувам првата половина од автопатот од селото Арбиново до Охрид, со исклучок на мал дел кај село Ботун, да биде пуштена во употреба до мај следната година, истакна денеска премиерот Христијан Мицкоски.

Посочи дека до крајот на 2026 година, како што беше ветено во кампањата, ќе биде целосно пуштен во употреба овој автопат.

Наследивме катаклизмична состојба со инфраструктурните проекти. Конечно оние два фамозни километри од автопатот кон Блаце се завршени и наскоро ќе бидат пуштени во употреба. Остануваат да се реализираат уште 10-тина километри. Имаме јасен план како тоа да се реализира преку Јавното претпријатие за државни патишта. Тој проект наскоро ќе почне со реализација, рече Мицкоски во одговор на новинарско прашање на денешната прес-конференција во Владата по повод 100 дена од работењето на новата влада.

Нагласи дека познати имиња кои се блиски на ДУИ се наоѓаат на трасата на овие 10 километри од автопатот.

Но, тоа е што е. Предизвици има и ќе ги решаваме. Од онаа катаклизмична состојба што ја наследивме се случуваат големи поместувања. Оставена е страшна состојба и со проектите поврзани со коридорите 8 и 10д за кои освен авансот од 300 милиони евра буквално немаше никаков прогрес. Немаше ниту еден отсто прогрес направен од европејциве и про-западниве на кои од европското изгледа само еврото им било важно, потенцира Мицкоски.

Најави дека завршува градбата на експресниот пат Чатал-Длабочица-Крива Паланка кој е дел од коридорот 8 што треба да го поврзе Куманово со граничниот премин Девебаир со Бугарија. Привршуваат, како што кажа, и работите на експресниот пат Градско-Росоман-Фариш и се очекува до крајот на годината да биде пуштен во употреба.

https://www.youtube.com/live/WQc4Wo4UgJI?si=OdCHdQ-qG8GJB86l

The post Дочекавме: Во мај следната година ќе биде пуштена во употреба првата половина од автопатот Кичево-Охрид appeared first on Република.