Претседателот на Барселона, Жоан Лапорта уште еднаш истакнал дека случајот „Негреира“ е создаден за дискредитација на шпанскиот клуб.

Тој зборуваше пред „социосите“ на клубот и испрати јасна порака до најголемиот ривал, Реал Мадрид.

„Историјата на Барса не смее да биде извалкана, не смееме и нема да дозволиме такво нешто. Алудирам на најжестокиот напад во историјата на клубот, се работи за досега невидена кампања за дискредитација, тоа е нешто што не смееме да го дозволиме“, изјави Лапорта.

„Имам лоши вести за оние од Мадрид. Ќе го повториме успехот на најдобрата Барса досега. Реал Мадрид не се забавуваше добро за време на мојот прв мандат и замислете како се чувствуваат кога ќе видат нова Барса за неколку години – тим кој ќе биде сè подобар и подобар и истиот претседател поради кој лошо си поминуваше ривалот“, додаде Лапорта.

The post Лапорта: Ова е најголема кампања против Барселона, но и за Мадрид имаме порака appeared first on Република.

Претседателот на Барселона, Жоан Лапорта изјави дека е подготвен да му понуди нов договор на тренерот Чави.

- Мислам дека Чави заслужува нов долгорочен договор. Тој сака да потпишеме нов договор доколку тимот ја освои Ла Лига, но мислам дека уште сега би било можно да се потврди нашата нова соработка, изјави Лапорта.

Актуелниот договор на Чави со Барселона е до јуни 2024 година.

Барселона е лидер на табелата во Ла Лига со 62 бода од 24 натпревари

The post Лапорта: Чави заслужува нов долгорочен договор appeared first on Република.

Претседателот на Барселона, Жоан Лапорта влезе во судиската соба по натпреварот од 9. коло на Ла Лига со Реал Мадрид (1:3). пренесува „Марка“.

– Кога натпреварот заврши и судискиот тим беше во соблекувалната, претседателот на Барселона Жоан Лапорта влезе во просторијата и постојано бараше разјаснување за одредени ситуации во текот на натпреварот. Судиите и делегатот од него побараа да ја напушти судиската просторија и немаше дополнителни инциденти, соопшти судијата Хозе Марија Санчез Мартинез во извештајот.

Според „Марка“ Лапорта бил незадоволен од тоа што не бил досуден пенал по падот на напаѓачот Роберт Левандовски во 75. минута, а и поради прекршокот за 11 метри по стартот на Ерик Гарсија врз Родриго во 90. минута.

Барселона е на второто место со 22 бода од девет натпревари. Каталонците го претрпеа првиот пораз во тековната сезона во Ла лига

The post Реал-Барса: Претседателот на гостите по мечот се карал со судиите appeared first on Република.

Претседателот на Барселона, Жоан Лапорта изјави дека не сака повеќе да зборува за напаѓачот Лионел Меси бидејќи тој е играч на Пари Сен-Жермен.

Шпанските медиуми пишуваа дека во 2023 година Аргентинецот може да се врати во каталонскиот клуб.

– Нема повеќе да зборувам за Меси, бидејќи тој е играч на ПСЖ. Имам морална обврска кон него, но зборувањето може да оди против нашите аспирации. Односот со неговото семејство? Добар, го цитира Лапорта „Мундо Депортиво“.

Во летото 2021 година, фудбалерот ја напушти Барселона и како слободен играч се пресели во ПСЖ. Тој потпиша двегодишен договор со тимот од Париз

The post Претседателот на Барса веќе нема да зборува за Меси appeared first on Република.