Министерството за локална самоуправа со поддршка на Владата на Швајцарија овозможија кумановските пожарникари побрзо и поефикасно да се справуваат со пожарите на отворено преку проектот „Одржлив и рамномерен регионалн развој“ фаза 2 во чии рамки се купија три специјални возила, опрема, а во функција ќе биде ставена и мобилна апликација за рана дојава на пожари.

Министерот за локална самоуправа, Златко Перински, денеска ја посети ТППЕ Куманово, каде и официјално беше означена имплементацијата на проектот преку кој се презедоа мерки за заштита и превенција од пожари во регионот на општините Куманово, Липково, Старо Нагоричане и Ранковце. Министерот Перински имаше можност да ја види набавената опрема и да ги слушне позитивните искуства на пожарникарите чии услови за работа сега се значително подобрени.

На презентацијата присуствуваа и Претседателот на Совет на Општина Куманово, Ивана Ѓорѓиевска, градоначалниците на Општина Ранковце, Борче Спасовски, в.д. градоначалникот на Општина Старо Нагоричане, Бобан Цветановски, директорот на Центар за развој на Североисточен плански регион, Младен Протиќ, а подобрените услови за работа на пожарникарите ги презентираше командирот на ТППЕ Куманово, Деан Илиевски.

Илиевски информираше дека кумановската противпожарна станица доби две, а Пожарната во Ранковце едно специјализирано возило кои се прилагодливи за гаснење на пожари на непристапни подрачја.

„Се набавија и комплети за пожарникарите, чизми, одела, шлемови, грбни прскалки, млазници, црева и друга соодветна опрема за брза интервенција. Инвестирано е и во подобрување на условите во гаражата, а изработена е и мобилна апликација и веб страна за рана дојава на пожари која е во фаза на тестирање и наскоро би требало да стане функционална. Сето ова овозможи поефикасно и навремено да реагираме во случај на пожари што директно влијае на зголемување на безбедноста на граѓаните, нивните и јавните добра“, изјави командирот Илиевски, кој се заблагодари на поддршката на Министерството за локална самоуправа и Владата на Швајцарија.

„Денеска сме сведоци на уште еден во низата реализирани проекти кој го реализиравме со поддршка на Владата на Швајцарија, која е партнер и поддршка на Министерството за локална самоуправа повеќе од две децении. Имплементацијата на проектот има повеќекратен бенефит. Специјалните возила оспособени да делуваат на тешко достапни подрачја и мобилната апликација за рана дојава на пожари, ќе овозможат побрзо и поефикасно справување со пожарите на отворено што придонесува за намалување на штетите на годишно ниво во Општините опфатени со проектот, како и во оддалечените подрачја. Сето ова придонесува за намалување на ризикот од ширењето на пожарите и на потенцијалните штети по шумските подрачја при што намален е ризикот за загадување на животната средина, а зголемена е сигурноста на граѓаните и нивните имоти“, истакна министерот Перински, кој информираше дека Министерството го поддржа проектот со 11 милиони денари, а останатите се средства обезбедени од Владата на Швајцарија.

Голема благодарност за проектот и помошта на Владата на Швајцарија и Министерството за локална самоуправа, истакна и Претседателот на Советот на Општина Куманово, Ивана Ѓорѓиевска.

„Овој проект е од огромно значење за нас, со оглед на тоа дека сега пожарникарите ќе можат да делуваат побрзо и поефикасно и на непристапни предели. Би сакала да имаме помалку интервенции“, рече Ѓорѓиевска, која информираше дека Општината ги разгледува можностите во општинскиот буџет за наредната година да се испланираат средства за реновирање на објектот на противпожарната станица.

Овој проект беше еден од избраните како приоритетен за реализација избран од страна на граѓаните преку Форумите на заедници. „Се надевам дека ќе успееме да ја продолжиме соработката во интерес на сите граѓани“, истакна директорот на Центар за развој на Североисточен плански регион, Младен Протиќ.

The post Перински: Подобрена е ефикасноста за заштита и превенција од пожари во североисточниот регион appeared first on Република.

Процесот на евалуација на пристигнатите документи од општините за владиниот повик за поддршка на општините сè уште трае и наскоро ќе има информации, изјави денеска министерот за локална самоуправа Златко Перински на промоција на новата опрема за противпожарни единици во Куманово.

Рокот за докомплетирање на потребната документација беше продолжен на владина седница и заврши до 15 ноември.

– Од она што сум информиран преку шесте ресорни министерства, околу десетина општини ја докомплетирале документацијата. Дозволете, дајте ни уште ден два, затоа што сè уште се прави евалуација на допристигнатите документи и ќе излеземе со конкретен став, изјави министерот Перински.

Дополнителна можност за општините се донесените измени на законот за уредување на градежно земјиште со кои е надминат проблемот за ослободување од комуналии за изградба на објекти од јавен интерес, градинки, училишта …

-Ова е одлична можност и оние коишто не стигнаа да ја достават комплетната документација во рамки на ресорните министерства согласно измените на законот за уредување на градежно земјиште што ги направивме за да избегнеме проблемот на ослободување на комуналии за објекти од јавен интерес, сега таа бариера е надмината.

Законот го изменивме и врз основа на тоа им се даде повеќе шанса да можат да ја докомплетираат својата техничка документација, изјави министерот за локална самоуправа во Куманово.

The post Перински: Процесот на евалуација на докомплетираната документација од општините сè уште трае appeared first on Република.

Министерот за локална самоуправа, Златко Перински, денеска имаше чест да се обрати пред присутните на денешниот спортскиот самит Today’s Sport, најголемиот спортски настан во нашата земја, во организација на Здружението „Геостратешки Институт Глобал“ на кој се дебатираше во насока на промовирање на јавни спортски политики во нашата држава. Министерот посочи дека секое одговорно општество треба да изгради одговорен однос кон спортот, а оваа Влада тоа го покажала со формирањето на новото Министерство за спорт.

„И во Законот за локална самоуправа спортот е посебно нотиран како локална надлежност во насока на развој на масовниот спорт, организирањето на спортски манифестации, одржување и изградба на спортски објекти и поддршка на спортски сојузи. Вложуваме максимално во развојот на спортот, во развојот на секој млад човек. Во секој може да се крие иден олимпиец, а наша одговорност е да создаваме услови и можности за сите. Шансата за поединецот е шанса за државата, да се обединиме околу позитивни вредности, да нè води победничкиот дух, да славиме успеси кои што ќе нè афирмираат во светот и ќе не мотивираат дома секој ден да бидеме уште подобри“, порача министерот.

По обраќањето Перински се обрати и преку социјалните мрежи. Тој напиша:

Секое одговорно општество треба да изгради одговорен однос кон спортот, а оваа Влада тоа го покажа со формирањето на новото Министерство за спорт. И во Законот за локална самоуправа спортот е посебно нотиран како локална надлежност во насока на развој на масовниот спорт, организирањето на спортски манифестации, одржување и изградба на спортски објекти и поддршка на спортски сојузи.

Ова го истакнав на денешниот спортскиот самит Today’s Sport, најголемиот спортски настан во нашата земја, во организација на Здружението „Геостратешки Институт Глобал“ на кој преку 250 учесници дебатираа во насока на промовирање на јавни спортски политики во нашата држава.

Вложуваме максимално во развојот на спортот, во развојот на секој млад човек.
Во секој може да се крие иден олимпиец, а наша одговорност е да создаваме услови и можности за сите.
Шансата за поединецот е шанса за државата, да се обединиме околу позитивни вредности, да нè води победничкиот дух, да славиме успеси кои што ќе нè афирмираат во светот и ќе не мотивираат дома секој ден да бидеме уште подобри.

#ЗлаткоПерински
#МакедонијаЗаТебе

The post Перински: Во секој може да се крие иден олимпиец, а наша одговорност е да создаваме услови и можности за сите appeared first on Република.

Вечерва, в.д. градоначалникот на Општина Аеродром, Дејан Митески заедно со министерот за локална самоуправа, Златко Перински, одржаа средба со жителите на Острово на која главна тема беше буџетот за 2025 година. На средбата присуствуваа голем број граѓани кои дадоа идеи и предлози за различни проекти со кои би се подобриле условите за живот во една од најстарите урбани населби во Аеродром.

👉🏻Вечерва изразив поддршка на в.д. градоначалникот @dejanmiteski и раководството на @opstina.aerodrom кое овозможува граѓаните да учествуваат во креирање на општинскиот буџет за наредната година. 👏

✅Можноста граѓаните да даваат свои предлози и мислења за распределба на средствата на локално ниво е од големо значење за идентификување на нивните реални потреби и приоритети кои директно влијаат на квалитетот на секојдневието на аеродромци.

💯Ова е пример за развој на локалната демократија и јакнење на капацитетите на транспарентност, одговорност и доверба помеѓу граѓаните и локалната власт, а во интерес на пофункционални општини и задоволни граѓани - напиша Перински во својата објава на Фејсбук.

The post Перински: Вечерва во Аеродром граѓаните учествуваа во креирање на општинскиот буџет за наредната година appeared first on Република.

Моето име се врти како едно од потенцијалните имиња на можни кандидати за градоначалник на град Скопје. Јас сум нависитина горд за ова, бидејќи претставува огромна чест да го водиш Скопје. Секако дека е еден посакуван предизвик. Вие знаете дека ние како ВМРО-ДПМНЕ сме навистина голема партија, и затоа сметам дека кој и да биде кандидат од нашата партија ќе биде градоначалник на Скопје. Нашиот пристап е аналитички пристап, ќе видиме што ќе каже аналитиката, односно анкетите, ќе го прашаме и членството и кој и да биде кандидат-дали ќе бидам јас, или некој друг, мислам дека сите ќе се поддржиме едногласно меѓу себе и градот ќе го направиме многу поубаво место за живеење, во споредба од тоа што е сега. До тогаш, верувајте, навистина имаме многу предизвици во Министерството за локална самоуправа, вели министерот за локална самоуправа, Златко Перински, зборува во ексклузивното интервју за порталот на албански јазик Лидери.мк.

Во голем дел од интервјуто министерот Перински се осврнува на тешката состојба во која се наоѓа градот Скопје, најавувајќи одредени мерки за подобрување на состојбите, иако се жали дека актуелното раководство на градот одбива секаква комуникација, и дека од тоанајголема штета имат граѓаните.

Во интервјуто Перински се осврнува и на планираните измени на законот за локална самоуправа, најавувајќи многу новини во овој закон кој е на функција од 2005 година, а како главни новини секако дека ја споменува можноста в иднина градоначалниците да можат да бидат отповикани преку референдум.

Целото интервју може да го следите во видеото во продолжение:

https://youtu.be/cvfMXBoaUhk

The post Перински: Горд сум што моето име се споменува како можен кандидат за градоначалник на Скопје appeared first on Република.

Првам но не и последна средба. Искрени прегратки за пријатели навек -напиша министерот за локална самоуправа, Златко Перински откако денеска оствари средба со Христијан Митевски, младо момче од Штип, личност со попреченост.

Перински објави видео на кое во прегратка го дочекува младиот Христијан, момче полно со позитивна енергија, идеи, полн со живот.

Утринава имав инспиративна средба со младиот штипјанец Христијан, лице со попреченост, преполно со ведар дух и позитивна енергија, преку кого сите треба да учиме за прифаќање на различностите и поголема инклузивност на лицата со попреченост. Интересен понеделник во Министерството, ги сменивме улогите. Тој беше министер, јас обичен граѓанин. Разговаравме за неговиот роден Штип, за развојот на градот, за инклузивноста, за патот на Македонија кон Европската Унија... - напиша Перински за момчето кое ги руши сите бариери.

Лицата со попреченост имаат право на живот, имаат право да се еднакви во општеството, да се прифатени и сакани. Така и Перински подвлече:

Сите имаме еднакви права, без оглед на разликите.
И желбите се остварливи, ако силно ги посакуваме.

Ти благодарам Христијан, со твоите зборови и енергија ми даде мотивација да продолжам напред во остварување на зацртаните цели.

The post Искрена прегратка на Перински со младиот Христијан: Сите имаме еднакви права, без оглед на разликите appeared first on Република.

Растот и развојот на Љубљана е навистина импозантен и сите позитивни практики и коментари коишто Љубљана ги практикува во изминатите дваесетина години се надевам ќе имаме ќе имаме прилика да ги пресликаме и на централно ниво во Македонија, но и на локално ниво. Навистина корисни и полезни средби кои ќе дадат дополнителен инпут и мотивација за да ги корегираме сите оние наши недостатоци што во моментов ги имаме - изјави министерот за локална самоуправа, Златко Перински по средбата со градоначалникот на Љубљана, Зоран Јанковиќ.

Перински и Јанковиќ се сретнаа во Словенија, во рамки на тридневната студиска посета на министерот, како дел од неговата агенда за размена на искуства и позитивни практики од земјите од регионот во насока на подготовка на планираните измени на Законот за локална самоуправа.

Што содржи визијата на Градот за одржлив развој 2007-2025 година, како Љубљана успева неколкупати да биде прогласена за најзелена европска метропола, кој беше клучен фактор за да се добие тој примат, како е организиран јавниот превоз и системот за одржување на јавната хигиена, како сите овие области се третираат во Законот за локалната самоуправа и како е извршена поделбата на ингеренциите помеѓу Градот и Општините - се дел од темите на вчерашниот состанок.

Јанковиќ со главниот град на Словенија менаџира безмалку 20 години. На средбата е разговарано и за тоа како ги надминуваат несогласувањата, за предностите и недостатоците на „затворен град“, како и за начинот на финансирање на проектите и поддршката од ЕУ фондовите.

https://republika.mk/vesti/makedonija/minister-perinski-vo-slovenija-lublana-e-primer-koj-treba-da-go-sledime-vo-nasoka-na-funktsionalen-grad-i-zadovolni-gragani/

The post Перински: Позитивните практики од Љубљана да ги пресликаме и на централно и на локално ниво appeared first on Република.

Што содржи визијата на Градот за одржлив развој 2007-2025 година, како Љубљана успева неколкупати да биде прогласена за најзелена европска метропола, кој беше клучен фактор за да се добие тој примат, како е организиран јавниот превоз и системот за одржување на јавната хигиена, како сите овие области се третираат во Законот за локалната самоуправа и како е извршена поделбата на ингеренциите помеѓу Градот и Општините?

Ова беа само дел од темите на денешниот состанок помеѓу министерот за локална самоуправа, Златко Перински и градоначалникот на Љубљана, Зоран Јанковиќ, во рамки на тридневната студиска посета на министерот во Словенија, како дел од неговата агенда за размена на искуства и позитивни практики од земјите од регионот во насока на подготовка на планираните измени на Законот за локална самоуправа.

Перински изворно се информираше за несомнено одличното менаџирање на Јанковиќ со главниот град на Словенија, на чие чело е безмалку 20 години, и за начинот на неговата комуникација со граѓаните и со централната власт.

Разговараа и за тоа како ги надминуваат несогласувањата, за предностите и недостатоците на „затворен град“, како и за начинот на финансирање на проектите и поддршката од ЕУ фондовите.

Чест ми беше да се сретнам со градоначалникот Јанковиќ чиј петти градоначалнички мандат е доволен показател за неговото успешно раководење со Градот. Неговата визија, посветеност, транспарентност и тимска работа во синергија со законската рамка која се темели на потребите на граѓаните гарантираат успех, задоволни граѓани и функционална локална самоуправа. Сметам дека Љубљана е одличен пример за Град од регионот чии искуства треба да ги имаме во предвид и искористиме за наши цели и планови за измените на Законот за локална самоуправа, а во функција на нашите граѓани и Општини, изјави министерот Перински по средбата, на која подетално се информираше и за законското уредување во однос на можноста за отповикување на градоначалник, за успешното намалување на загаденоста на воздухот и покрај специфичната положба на Љубљана, како и за бенефитите и системот на функционирање на комуналната полиција.

Министерот Перински одржа работна средба и со Криштоф Млакар, директорот на јавен холдинг „Љубљана“, во чии рамки функционираат и неколку јавни претпријатија задолжени за одржување на јавната хигиена, водоводната мрежа и јавниот превоз, чиишто приоритети при извршување на активностите ги следат развојните и еколошките насоки дефинирани на национално и локално ниво.

На средбата беше заклучено дека двигател на квалитетот на холдингот е инвестирање во модернизација на инфраструктурата и други ресурси неопходни за обезбедување квалитетни услуги, прилагодени и на потребите на потрошувачите и на можностите на јавните претпријатија, согласно со соодветна законска регулатива.

Министерот Перински, вчера го посети и Регионалниот центар за управување со отпад „Љубљана“ кој е најмодерниот објект за обновување на отпадот во Европа и најдобар пример за регионална соработка во Словенија, кој обединува 56 општини и во кој со иновативна и одржлива технологија се третира отпадот на повеќе од 800 илјади жители. Министерот притоа оцени дека ваков центар му е неопходен на секој град и неопходно е да ги искористиме словенечките искуства за наши цели.

The post Министер Перински во Словенија: Љубљана е пример кој треба да го следиме во насока на функционален град и задоволни граѓани appeared first on Република.

Министерот за локална самоуправа, Златко Перински, престојува во тридневна студиска посета на Словенија во организација на Програмата за развој на Обединетите нации (УНДП), како дел од неговата агенда за размена на искуства и примена на позитивни практики на земјите од регионот во насока на подготовка на планираните измени на Законот за локална самоуправа. Министерот денеска одржа средби со првиот човек на Министерството за кохезија и регионален развој, Александар Јевшек и со Франц Пропс, кој раководи со Министерството за јавна управа.

Начинот на спроведување на политиките за рамномерен регионален развој и изворите за финансирање, беа во фокусот на средбата со министерот Јевшек, кој раководи со Министерството кое е одговорнo за спроведување на европската политика за кохезија и регионален развој. На средбата министерот Перински се информираше и за организационата поставеност на Министерството, кое практично ги извршува истите функции како и Министерството за локална самоуправа, но, со една значајна разлика, кај нас политиката за рамномерен регионален развој главно се спроведува со средства од буџетот на државата и не управува со средствата од ИПА Програмата.

Министерот Перински, средбата со колегата Пропс ја искористи да се информира за дигитализацијата на административните услуги кои ги обезбедуваат општините во Словенија, како се одвивал процесот на дигитализација и помошта на централната власт за дигитализацијата на локално ниво, а разговараа и за законската рамка со кои е регулирана соработката на словенечките општини со граѓанскиот сектор, изворите за нивно финансирање и за начинот за вршење надзор над работењето на единиците на локалната самоуправа и нивната транспарентност.

Разменетите искуства и позитивни практики и од оваа студиска посета, како од неодамнешната на Србија, ќе може да ги искористиме при подготовката на измените на Законот за локална самоуправа со цел за пофункционални општини и поефикасни јавни услуги по европски нормативи. Средбите се и од исклучителна важност за нас како држава која се стреми за влез во Европската Унија и интензивно работи на неопходните реформи, пат кој Словенија веќе го минала и веќе две децении е рамноправна членка на европското семејство, истакна министерот Перински по средбите на кои се заблагодари за постојаната поддршка која Словенија ја дава за европската перспектива на нашата држава, како и за споделувањата на искуствата во овој процес.

Перински истакна дека со министерот Јевшек договориле на техничко ниво во периодот во којшто ќе следи да се формираат работни групи за размена на позитивните искуства од Словенија, а кои ќе користат при започнатиот процес за измени на Законот за локална самоуправа.

Да го спречиме заминувањето на младите луѓе од неразвиените региони. Да обезбедиме развој заснован на децентрализација врз принципот на општествениот развој и оној дел од земјата кој послабо е развиен да се развие побрзо и да ги достигне оние кои веќе се развиени. Тоа е смислата на кохезијата, смисла на усогласениот регионален развој, изјави министерот за кохезија и регионален развој, Јевшек, по средбата со Перински, на која се заложиле за продлабочување и интензивирање на соработката помеѓу Македонија и Словенија во областа на регионалениот развој.

За таа цел, Словенија како земја членка на Европската Унија ќе се заложи на Македонија како претендент за членство во ЕУ, да ѝ помогне околу искористување на средствата од европските фондови за регионален развој, од кој бенефит би имале сите граѓани во регионот, а значително би помогнало и за намалување на трендот на исселување на младите од државата.

The post Министерот Перински во Словенија договори работни групи со цел размена на искуства и позитивни практики appeared first on Република.

Министерот за локална самоуправа, Златко Перински, престојува во тридневна студиска посета на Словенија во организација на Програмата за развој на Обединетите нации (УНДП), како дел од неговата агенда за размена на искуства и примена на позитивни практики на земјите од регионот во насока на подготовка на планираните измени на Законот за локална самоуправа. Министерот денеска одржа средби со првиот човек на Министерството за кохезија и регионален развој, Александар Јевшек и со Франц Пропс, кој раководи со Министерството за јавна управа.

Начинот на спроведување на политиките за рамномерен регионален развој и изворите за финансирање, беа во фокусот на средбата со министерот Јевшек, кој раководи со Министерството кое е одговорнo за спроведување на европската политика за кохезија и регионален развој. На средбата министерот Перински се информираше и за организационата поставеност на Министерството, кое практично ги извршува истите функции како и Министерството за локална самоуправа, но, со една значајна разлика, кај нас политиката за рамномерен регионален развој главно се спроведува со средства од буџетот на државата и не управува со средствата од ИПА Програмата.

Министерот Перински, средбата со колегата Пропс ја искористи да се информира за дигитализацијата на административните услуги кои ги обезбедуваат општините во Словенија, како се одвивал процесот на дигитализација и помошта на централната власт за дигитализацијата на локално ниво, а разговараа и за законската рамка со кои е регулирана соработката на словенечките општини со граѓанскиот сектор, изворите за нивно финансирање и за начинот за вршење надзор над работењето на единиците на локалната самоуправа и нивната транспарентност.

-Разменетите искуства и позитивни практики и од оваа студиска посета, како од неодамнешната на Србија, ќе може да ги искористиме при подготовката на измените на Законот за локална самоуправа со цел за пофункционални општини и поефикасни јавни услуги по европски нормативи. Средбите се и од исклучителна важност за нас како држава која се стреми за влез во Европската Унија и интензивно работи на неопходните реформи, пат кој Словенија веќе го минала и веќе две децении е рамноправна членка на европското семејство, истакна министерот Перински по средбите на кои се заблагодари за постојаната поддршка која Словенија ја дава за европската перспектива на нашата држава, како и за споделувањата на искуствата во овој процес.

Перински истакна дека со министерот Јевшек договориле на техничко ниво во периодот во којшто ќе следи да се формираат работни групи за размена на позитивните искуства од Словенија, а кои ќе користат при започнатиот процес за измени на Законот за локална самоуправа.

-Да го спречиме заминувањето на младите луѓе од неразвиените региони. Да обезбедиме развој заснован на децентрализација врз принципот на општествениот развој и оној дел од земјата кој послабо е развиен да се развие побрзо и да ги достигне оние кои веќе се развиени. Тоа е смислата на кохезијата, смисла на усогласениот регионален развој, изјави министерот за кохезија и регионален развој, Јевшек, по средбата со Перински, на која се заложиле за продлабочување и интензивирање на соработката помеѓу Македонија и Словенија во областа на регионалениот развој.

За таа цел, Словенија како земја членка на Европската Унија ќе се заложи на Македонија како претендент за членство во ЕУ, да ѝ помогне околу искористување на средствата од европските фондови за регионален развој, од кој бенефит би имале сите граѓани во регионот, а значително би помогнало и за намалување на трендот на исселување на младите од државата.

The post Перински од Словенија: Словенечките искуства се од исклучителна важност за нас како држава која се стреми за влез во ЕУ appeared first on Република.

Следната година ќе мораме да работиме системски за да профункционира градот Скопје и да почне од нула, а потоа да почнеме и да го градиме, порача денеска министерот за локална самоуправа Златко Перински.

- Во суштина Скопје е град на солидарноста, но мизерно e што една метропола се доведе во ситуација да пука по сите шевови, а градскиот превоз е само еден од нив. Станува збор за неофицијална изјава од град Белград. Да почекаме што ќе се случи, па ќе донесеме конкретен став, рече Перински во одговор на новинарско прашање за коментар за најавената донација од 100 користени автобуси од Белград за градот Скопје, на денешната Платформа: 100% посветени за тебе - „Мерки и политики за земјоделието, животната средина и локалната самоуправа“ што се одржа во Владата.

Проблеми, како што кажа, Скопје има и со отпадот, со зеленилото, со депонијата Дрисла.

- Жал ми е што сме доведени во ситуација градот Скопје да не може сам да си ги сервисира обврските. Ова не е проблем кој што е настанат од вчера и не е настанат откако оваа Влада стапи на функција, туку е проблем за кој говоревме многу подолго време во јавноста дека ќе се случува. Загрижен сум што во моментов обврските на градот Скопје кон добавувачите се околу 8 милиони евра, а неофицијални информации ми потврдуваат дека Водовод и канализација должи околу 15 милиони евра, Комунална хигиена околу 6 милиони евра, Улици и патишта 3,5 до 4 милиони евра, а за ЈСП нема жив човек на светот што може да го пресмета долгот, истакна Перински.

Во одговор на прашање рече дека не може да се каже колку точно пари ќе се потрошат до крајот на годинава за големите инфраструктурни проектите во општините што планира да ги финансира централната власт.

- Одлуките за избор кои проекти ќе бидат финансирани треба да се објават на веб страниците на ресорните министерства. Тие пред ден два поминаа и се објавени во службено гласило. Сепак, не може да се каже колку точно ќе се потрошат до крајот на годинава зашто имаме голем диспаритет помеѓу проектите – имаме мали проекти, но имаме и огромни. Покрај тоа, во некои локални самоуправи зимата доаѓа многу порано отколку во другите и нема да може да се работи. Како и да е во суштина како централна власт ги имаме преземено тие обврски. Дали ќе се потрошат парите до 31 декември или ќе се пренесат за следната година тоа апсолутно не треба да ја загрижува локалната самоуправа. Тие секако имаат обврски кои треба да ги сработат после потпишувањето на договорите и да направат измена во нивните програми и да ги направат потребните ребаланси за да можат да тендерираат, порача Перински.

Очекуваме, додаде, за 20 до 30 дена овие процеси во целост да бидат завршени и да се објават првите јавни набавки кои ќе бидат финансирани со поддршка од централната власт и дека до крајот на ноември ќе има некаде поставување камен-темелници.

Првиот вицепремиер Изет Меџити, пак, посочи дека и Министерството за животна средина и просторно планирање има кредит од ЕИБ во вредност од околу 50 милиони евра што главно се однесува на подземна инфраструктура.

- Очекуваме до крајот на годинава 10 милиони евра од овие средства да се поделат по различни основи на општините. И таму ќе има тендерирање за решавање на реални проблеми на граѓаните со што бројката се качува на околу 150 милиони евра поддршка за локалната самоуправа само во првата година од владеењето на новата Влада, рече Меџити.

Очекувам, посочи, тоа да биде поттик и за ЗЕЛС, кој е невладина организација и има сила само кога има унифициран глас на сите општини, и да го поздрави.

- Би ги сфатил ако бараат ова да не биде само добра волја на владата, туку да биде системско решение и да не зависи од наредните влади, истакна Меџити

The post Перински: Нема жив човек на светот што може да го пресмета долгот на ЈСП appeared first on Република.

Владата покажа дека локалната самоуправа ја препознава како еден од најважните столбови во државното уредување. Дадовме ветување дека ќе се насочиме кон поддршка на локалните самоуправи, со оглед на тоа дека тие се првиот контакт помеѓу власта и граѓаните. Во таа насока работевме и ќе работиме, не само декларативно, истакна министерот за локална самоуправа, Златко Перински, на денешната, трета по ред „Платформа 100% Посветено на тебе“, на која во фокусот беа земјоделието, животната средина и локалната власт. Зборувајќи за јавниот повик за поддршка на општините за реализација на инфраструктурни проекти со пари од централниот буџет, министерот Перински посочи дека процесот е отпочнат и дека за оваа година предвидени се 6 милијарди денари.

-Факт е дека општините не можат да ги реализираат тие проекти со нивните сопствени буџети. Затоа сметавме дека е неопходна една ваква интервенција од централниот буџет, а насочена кон подобрување на инфраструктурата. Целта е да не оставиме ниту едно населено место без соодветна патна, канализациона, водоводна инфраструктура, да не дозволиме да имаме дечиња коишто учат во супстандардни услови, истакна министерот.

Тој смета дека со владината финансиска помош ќе се надминат основните проблеми со кои се соочуваат дел од општините, по што ќе може да се продолжи со рамномерен регионален развој, каков што доликува на сериозна држава.

-Намерата на повикот е благородна, нема грам политика. Ниту една општина не беше субјективно исклучена од процесот. Напротив, тој беше наменет за сите локални самоуправи. Се надевам дека со ова значително ќе придонесеме за подигнување на квалитетот на живот на граѓаните, истакна Перински, кој потенцира дека вакви мерки им се потребни на локалните самоуправи, затоа што буџетите со кои тие располагаат не се доволни за поголеми инвестиции, кои се неопходни за граѓаните.

Перински на денешната „Платформа 100% Посветено на тебе“ појасни кои се причините за најавените измени во Законот за локална самоуправа, кој во основа е добар, но сепак неопходно се интервенции во одредени делови.

-Законот беше резистентен на сите предизвици во изминативе две декади и сметаме дека има можност истото законско решение да се подобри од неколку аспекти. За жал, сведоци сме на несовесни однесувања на одредени градоначалници, кои сега со ова законско решение не можат да бидат отповикани. Главниот фокус и главната интенција за отворање на овој закон беше токму во таа насока, истакна министерот.

Тој најави дека е формиран експертски тим којшто со поддршка од страна на УНДП треба да ги увиди сите можности како во рамки на постојното законско решение да се интегрира алатка за отповикување на градоначалниците.

-Во суштина треба да им се даде алатка и механизам на граѓаните коишто ги избираат градоначалниците да можат истите да ги отповикаат, без притоа оваа алатка да се злоупотребува. Сметаме дека на овој начин значително ќе придонесеме за подобрување и зголемување на квалитетот на работењето на самите градоначалници, бидејќи ќе го имаат ризикот за отповикување, доколку не работат соодветно и согласно законските рамки. Вториот аспект е воведување на комунална полиција која функционира во многу земји во регионот и пошироко. Целта е да превенираме девијантни однесувања на несовесни граѓани, рече Перински.

кој најави дека се размислува во изменетото законско решение да се вметне и рамка за поголемо вклучување на граѓанскиот сектор во одлучување и креирање на политики на локално ниво.

Императив на Министерството за локална самоуправа во периодот што следи е и дигитализацијата на општините, односно планирано е до 2026 година сите локални самоуправи да ги испорачуваат услугите по електронски пат.

-Паралелно до тогаш, планирано е општините да ги ажурираат и базите на даночните обврзници. Податоците покажуваат дека општините сега губат од 100 – 120 милиони евра поради ниската наплата. Со е-данок градоначалниците нема да можат да бидат субјективни при издавање на решенија на данок на имот, целиот процес ќе биде системски, појасни Перински, кој информираше дека Министерството за локална самоуправа со поддршка на УНДП работи на подготовка на Ресурсен центар кој ќе нуди експертиза од сите области кои ги нудат општините, а значително ќе биде од помош пред се за помалите општини, кои, како што оцени Перински, имаат недостаток од човечки потенцијал кој може соодветно да ја развива општината.

Одговарајќи на новинарско прашање во врска со најавите за напуштање на општините Струмица и Карпош од ЗЕЛС, министерот оцени дека во случајот најмногу би изгубиле граѓаните. Јавно апелираше за разум до градоначалниците и изрази надеж дека тие ќе се премислат во интерес на граѓаните.

The post Перински: Владата продолжува да се фокусира на граѓаните и општините appeared first on Република.

Следната година ќе мораме да работиме системски за да профункционира градот Скопје и да почне од нула, а потоа да почнеме и да го градиме, порача денеска министерот за локална самоуправа Златко Перински.

Во суштина Скопје е град на солидарноста, но мизерно e што една метропола се доведе во ситуација да пука по сите шевови, а градскиот превоз е само еден од нив. Станува збор за неофицијална изјава од град Белград. Да почекаме што ќе се случи, па ќе донесеме конкретен став - рече Перински во одговор на новинарско прашање за коментар за најавената донација од 100 користени автобуси од Белград за градот Скопје, на денешната Платформа: 100% посветени за тебе - „Мерки и политики за земјоделието, животната средина и локалната самоуправа“ што се одржа во Владата.

Проблеми, како што кажа, Скопје има и со отпадот, со зеленилото, со депонијата Дрисла.

Жал ми е што сме доведени во ситуација градот Скопје да не може сам да си ги сервисира обврските. Ова не е проблем кој што е настанат од вчера и не е настанат откако оваа Влада стапи на функција, туку е проблем за кој говоревме многу подолго време во јавноста дека ќе се случува. Загрижен сум што во моментов обврските на градот Скопје кон добавувачите се околу 8 милиони евра, а неофицијални информации ми потврдуваат дека Водовод и канализација должи околу 15 милиони евра, Комунална хигиена околу 6 милиони евра, Улици и патишта 3,5 до 4 милиони евра, а за ЈСП нема жив човек на светот што може да го пресмета долгот - истакна Перински.

Во одговор на прашање рече дека не може да се каже колку точно пари ќе се потрошат до крајот на годинава за големите инфраструктурни проектите во општините што планира да ги финансира централната власт.

Одлуките за избор кои проекти ќе бидат финансирани треба да се објават на веб страниците на ресорните министерства. Тие пред ден два поминаа и се објавени во службено гласило. Сепак, не може да се каже колку точно ќе се потрошат до крајот на годинава зашто имаме голем диспаритет помеѓу проектите – имаме мали проекти, но имаме и огромни. Покрај тоа, во некои локални самоуправи зимата доаѓа многу порано отколку во другите и нема да може да се работи. Како и да е во суштина како централна власт ги имаме преземено тие обврски. Дали ќе се потрошат парите до 31 декември или ќе се пренесат за следната година тоа апсолутно не треба да ја загрижува локалната самоуправа. Тие секако имаат обврски кои треба да ги сработат после потпишувањето на договорите и да направат измена во нивните програми и да ги направат потребните ребаланси за да можат да тендерираат - порача Перински.

Очекуваме, додаде, за 20 до 30 дена овие процеси во целост да бидат завршени и да се објават првите јавни набавки кои ќе бидат финансирани со поддршка од централната власт и дека до крајот на ноември ќе има некаде поставување камен-темелници.

Првиот вицепремиер Изет Меџити, пак, посочи дека и Министерството за животна средина и просторно планирање има кредит од ЕИБ во вредност од околу 50 милиони евра што главно се однесува на подземна инфраструктура.

Очекуваме до крајот на годинава 10 милиони евра од овие средства да се поделат по различни основи на општините. И таму ќе има тендерирање за решавање на реални проблеми на граѓаните со што бројката се качува на околу 150 милиони евра поддршка за локалната самоуправа само во првата година од владеењето на новата Влада - рече Меџити.

Очекувам, посочи, тоа да биде поттик и за ЗЕЛС, кој е невладина организација и има сила само кога има унифициран глас на сите општини, и да го поздрави.

Би ги сфатил ако бараат ова да не биде само добра волја на владата, туку да биде системско решение и да не зависи од наредните влади - истакна Меџити.

The post Перински: Ќе мора да работиме системски, за да профункционира градот Скопје appeared first on Република.

Секоја најава за нарушување на единството на ЗЕЛС му штети и на ЗЕЛС и на сите општини, оценува министерот за локална самоуправа Златко Перински по најавите на општините Струмица и Карпош дека ќе го напуштат ЗЕЛС.

ЗЕЛС е единствената асоцијација на единиците на локалната самоуправа која што има мандат да ги застапува нивните интереси пред Владата. Добро е и во иднина да остане така. Ваквото однесување сериозно ја нарушува позицијата на ЗЕЛС, затоа што само единствен ЗЕЛС може да биде сериозен партнер на Владата во разговорите за унапредување на системот на локалната самоуправа и на развојот на општините, зад што оваа Влада застана многу отворено и јасно и преку конкретни решенија тоа веќе го потврдуваме, вели Перински во изјава за МИА.

Ваквите потези, според Перински, не се решение. Со пренасочување на вниманието и политизирање на случајот, губат сите, а најмногу граѓаните, вели Перински.

https://republika.mk/vesti/makedonija/prvo-kostadinov-sega-i-jakimovski-opshtinite-strumitsa-i-karposh-ke-ja-napushtat-zels/

По најавите на градоначалникот на Струмица Костадин Костадинов дека Општина Струмица ќе излезе од ЗЕЛС, денеска и официјално од Општината соопштија дека се откажуваат од членството во ЗЕЛС и дека градоначалникот Костадинов ќе поднесе оставка на функцијата член на Управниот одбор. Напуштањето на ЗЕЛС, како што соопштија, е во знак на револт заради индиферентниот однос кон Струмица и нејзините граѓани во периодот кога тие се соочуваат со еден од најголемите предизвици - водата за пиење, којашто претставува основен елемент на животот, но и заради истиот однос по одбивањето од Владата на единствениот проект од Струмица за реализација со средства од унгарскиот кредит.

Најава за прес-конференција попладнево најави и претседателот на ЗЕЛС и градоначалник на Општина Кисела Вода, Орце Ѓоргиевски.

The post Перински: Граѓаните губат најмногу со излегувањето на Струмица и Карпош од ЗЕЛС appeared first on Република.

Министерот за локална самоуправа, Златко Перински, коментирајќи ги најавите на четирите општини Тетово, Гостивар, Желино и Чаир дека ќе го финансираат работењето на здружението Албанска академија на науките и уметностите, вели дека законска можност за такво нешто нема.

Перински во интервју за МИА вели дека посоодветно е локалните самоуправи да работат на зголемување на квалитетот на живот на граѓаните, а не да одвојуваат средства за нешто што нема да има функција во годините што следат.

Тоа е строго опишано во Законот за локална самоуправа, во членот 11, кој вели дека приходите на локалните самоуправи треба да се трошат исклучиво за надлежностите кои се утврдени согласно Законот. Во тие надлежности, Албанска академија на науките и уметностите не стои. Општината има можност да финансира здруженија и невладини организации, но и тие треба на некој начин да ги спроведуваат основните надлежности за кои таа локална самоуправа постои. Ако точно се чита законот, законска можност за вакво нешто нема“, вели Перински.

The post Перински: Не постои законска можност општините да финансираат Албанска академија на науките appeared first on Република.

По најавите на четирите општини Тетово, Гостивар, Желино и Чаир дека ќе го финансираат работењето на здружението Албанска академија на науките и уметностите, Министерот за локална самоуправа Златко Перински вели дека законска можност за такво нешто нема.

Како што посочи тоа е строго опишано во Законот за локална самоуправа во членот 11 кој вели дека приходите на локалните самоуправи треба да се трошат исклучиво за надлежностите кои се утврдени согласно Законот.

„Што во превод значи дека Законот сака да каже дека сите средства што општината ги колектира по било кој основ, ги распределува преку усвојување на одлуки и буџети на седница на Совет треба да бидат исклучиво насочени за спроведување и реализација на основните законски надлежности на самата локална самоуправа.Во суштина во тие надлежности, Албанска академија на науките и уметностите не стои. Општината има можност да финансира здруженија и невладини организации, но и тие здруженија и невладини организации треба на некој начин да ги спроведуваат основните надлежности за кои таа локална самоуправа постои што значи дека ако точно се чита законот, законска можност за вакво нешто нема, истакнува Перински.

И Лидерот на СДСМ, Венко Филипче, изрази сериона загриженост за идејата за формирање на Албанска академија за науки и уметности и нагласи дека е категорично против етнички поделби во науката.

Идејата за Албанската академија на науките и уметностите е резултат на еволуцијата на нашето општество. Поради оваа причина, не треба да се гледа како закана, посочи вчера вицепремиерот Изет Меџити.

Македонија ја има единствената шанса да се организира како функционално мултикултурно општество и да ги претвори прашањата кои до вчера нè делеа во квалитети кои ќе нè обединат во нашата европска иднина, напиша вицепремиерот Изет Меџити во објава на Фејсбук.

The post Не постои законска основа општините да финансираат Албанска академија на науките, вели министерот Перински appeared first on Република.

Министерот за локална самоуправа, Златко Перински, не ја исклучува можноста на следните локални избори да се кандидира за градоначалник на Скопје. Во интервју за МИА, Перински вели дека доколку анкетите покажат дека тој е најсоодветниот предлог и доколку партијата во целост застане позади него, со задоволство ќе ја прифати кандидатурата.

Она што за него е важно е процесот да биде отворен, транспарентен и базиран на аналитички податоци. Доколку анкетите покажат дека друг е посоодветен, вели дека ќе му даде целосна поддршка.

Не би сакал кандидатурата за градоналник да се претвори во битка на неколку кандидати. Би сакал да се осврнеме на резултатите што ги остваруваме. Никој нема право да го монополизира процесот, едноставно тој процес треба да биде отворен, транспарентен да биде базиран на аналитика, граѓаните преку анкети да кажат кој е најсоодветен кандидат за градоначалничкото столче. Доколку сум јас тој и доколку партијата во целост застане позади мене, да со задоволство ќе прифатам, но доколку партијата и анкетите кажат дека некој друг е посоодветен кандидат од мене, ќе ја има мојата целосна поддршка, вели Перински.

За проблемите во Град Скопје, Перински вели дека се системски и дека не може да се решат со ад хок решенија.

Локалните избори треба да се одржат следната година.

The post Перински: Ако анкетите покажат дека сум најсоодветен кандидат со задоволство ќе прифатам кандидатура за градоначалник на Скопје appeared first on Република.

Министерот за локална самоуправа, Златко Перински, информира дека почнува постапката за темелна анализа на системот на локалната самоуправа во насока на подготовка на измени и дополнувања на предметниот закон.

Денеска го одржавме првиот јавен настан на кој го најавивме овој процес, кој ќе го реализираме заедно со нашите меѓународни партнери и пријатели од УНДП, поради нивното долгогодишно присуство и работа во областа на локалната самоуправа и експертизата со којашто располагаат.

 

Преку широка дебата од сите засегнати страни ќе целиме кон носење на подобрени законски измени согласно со потребите на граѓаните и ЕУ стандардите.

 

Од досегашните практики и искуства, извесно е дека во изменетата законска рамка ќе влезе:

 

• можноста за воведување на механизам за гласање на доверба на градоначалникот, односно можност за отповикување

 

• воведување на комунална редарска служба, позната како комунална полиција

 

Европската Унија, кон која тежнееме, е унија на развиени држави, но и на силни и функционални општини. Локалната самоуправа е суштински дел од европските стандарди за добро управување и демократија.

 

Развиени општини не само што значат развиена држава, туку и претставуваат основа за стабилно и прогресивно општество, информира Перински на социјалните мрежи..

The post Перински: Почнуваме постапка за темелна анализа на системот на локалната самоуправа appeared first on Република.

Отповикувањето на градоначалниците што нема да ја извршуваат својата функција за која се избрани од страна на граѓаните би требало да биде преку референдумско изјаснување, открива во интервју за МИА министерот за локална самоуправа Златко Перински.

Отповикувањето на градоначалник е една од новините што треба да бидат дел од законското решение за локална самоуправа кое се предвидува да биде готово до март, а за кое дотогаш ќе се отвори широк консултативен процес во кој ќе бидат вклучени сите засегнати страни - експерти, градоначалници, претседатели на совети, граѓани сектор.

- Во суштина, отповикот на градоначалник врз основа на примерите кои пред да започне процесот ги разговаравме со експертскиот тим, би требало да биде преку референдумско изјаснување на оние кои истиот градоначалник го довеле на таа позиција на која што е. Мора да бидеме многу внимателни и сите измени да ги интегрираме согласно Уставот за да немаме после тоа проблеми и аномалии во донесувањето на истото законско решение. Значи навистина ќе се внимава на секој момент и затоа мислиме дека е најсоодветно оваа промена или оваа адаптација на законот да оди преку референдумско изјаснување на граѓаните од таа општина, во која што треба да се јави оваа можност во иднина, вели Перински.

Денеска е одржан и првиот иницијален состанок со експертскиот тим, кој во првата фаза треба да ги увиди слабостите на постојното законско решение преку детална анализа.

Главната интенција за можноста за отповикување на градоначалник, како што посочува Перински, произлегла од секојдната комуникација со граѓаните.

Новина во законот треба да биде и комуналната полиција за која министерот вели дека ќе им заштеди средства во буџетите на општините затоа што ќе се спречи девијантното однесување на поединци и нема да има потреба од дополнителни финансиски средства за санација на уништената урбана опрема.

Целото интервју со видео материјал ќе биде објавено утре. Во него министерот говори и за тоа зошто дел од општините не добија пари за инфраструктурни проекти, каков е неговиот став за финансирањето на здружението на граѓани - Албанска академија на науките и ументостите и дали ќе се кандидира за градоначалник на следните локални избори

The post Перински: Отповикувањето на градоначалник би требало да биде преку референдумско изјаснување appeared first on Република.

Министерот за локална самоуправа, Златко Перински, денеска од Охрид истакна дека во тек се активностите за донесување нов закон за локалната самоуправа, со кој ќе биде уредено и прашањето за можност за отповикување на градоначалник под определени услови.

Перински рече дека со постојната легислатива, функционерите избрани на напосредни избори како градоначалници, нема никаква законска можност за нивно отповикување.

– Наредната седмица ќе ве информираме за настан на експертско ниво, на кој ќе бидат детерминирани слабостите на постоечкото законско решение… Главен императив во новото законско решение ќе биде можноста за отповикување на градоначалник. Сакаме со овие законски измени да им се овозможи на граѓаните да ги осповикаат оние кои ги избрале, рече тој, нагласувајќи дека интенција е мандатите на идните градоначалници да бидат уредени со ново законско решение.

Перински уште рече дека дополнително со измените на легислативата ќе биде уредено функционирањето на комуналната полиција со законот за локална самоуправа, што сега е под ингеренции на Министерството за транспорт и врски.

– Сакаме да ја препознаеме со законот за локална самоуправа, за да немаме девијанти појави на уништување урбана опрема за која општините издвојуваат значајни средства, рече тој. Перински истакна дека поостоечкиот закон е постар од две децении и како таков, како што рече, „зрел за промени“.

Што се однесува на средствата предвидени како финансиска поддршка на локалните самоуправи од кредитот од Унгарија, министерот посочи дека во рамки на шесте ресорни министерства во завршна фаза е процесот на евалуација, а одлуките ќе бидат донесени од Владата веднаш штом тој процес биде завршен.

-Очекуваме да стигнат предлог-одлуките. Кога ќе заврши процесот на евалуација истите ќе ги ставиме на владина седница. Може за тоа да биде свикана и вонредна седница, рече тој.

Досега апликации за добивање финансиски средства поднеле 80 општини, за реализација на 358 проекти.

МИА

The post Перински: Потребен е нов закон за локална самоуправа, средства од унгарскиот кредит побарале 80 општини appeared first on Република.