Македонската женска фудбалска репрезентација ќе игра против Косово и Летонија во рамки на групата Ц 6 од втората сезона во Лигата на нации, одлучи денешната жрепка во седиштето на УЕФА во Нион.

Натпреварите од групната фаза ќе се играат во февруари, април и јуни 2025 година, а пласман во повидок ранг ќе обезбедат првопласираните репрезентации во шесте групи во Ц дивизијата, додека двете најдобро второпласирани селекции ќе играат плејоф.

Селекторот на македонската репрезентација Александар Андов ја оцени денешната жрепка како поволна.

Морам да признаам дека добивме група по мерка. Се работи за противници кои ни се добро познати и со кои бевме во група во изминатите два циклуса. Мислам дека сега е вистинското време да го направиме тој чекор напред и да успееме да го освоиме толку посакуваното прво место во групата. Верувам дека можеме, умееме и имаме квалитет за такво нешто, истакна Андов вo изјава за официјалниот сајт на ФФМ.

The post Македонските фудбалерки против Косово и Летонија во Лигата на нации appeared first on Република.

Македонската женска сениорска, како и репрезентацијата до 19 години, идната недела ќе заминат за Бугарија на еднонеделен тренинг камп во рамки на кои ќе одиграат и контролни натпревари, соопшти ФФМ.

Најдобрите македонски фудбалерки, предводени од селекторот Александар Андов, од 21 до 29 октомври ќе тренираат во Банско, а ќе одиграат и два натпревари против Молдавија.

Првиот е закажан за 24 овој месец на стадионот во Разлог, а вториот ќе се одигра на истиот стадион три денови подоцна.

На тренинг камп во истиот период во Разлог ќе бидат и македонските фудбалерки до 19 години, кои ќе одиграат и два контролни натпревари против Бугарија.

Натпреварите се закажани за 24 и 27 октомври во Разлог.

The post Македонските женски фудбалски репрезентации заминуваат на подготовки во Бугарија appeared first on Република.

Женската репрезентација на Македонија победи на гостувањето кај Молдавија со 2:4 и го забележа вториот триумф во квалификациите за ЕП 2025.

Нашите фудбалерки поведоа со автоголот на Бодичеану на самиот старт на натпреварот за да во периодот од 22 до 26 минута паднат по еден гол на двете страни и ние водиме со 2:1. Стрелец за нашата селекција беше капитенот Андонова која ја реализираше најстрогата казна.

Во 43 минута поведовме со 3:1 преку Андреевска со што стана јасно дека сме на добар пат за позитивен резултат.

Молдавките не се откажаа и се вратија во игра во 59 минута, меѓутоа во 75 Андонова со најдобриот потег на средбата, мајсторија од слободен удар одново не однесе на плус два и ја запечати победата.

На табелата Словенија е првопласирана со 12 бодови, пред Македонија која им седум, третопласирана е Летонија со три, а еден има Молдавија.

Следниот меч избраничките на селекторот Александар Андов ќе го имаат на домашен терен на 12 јули против летонската селекција

The post На Европско првенство побрзо ќе стигнат македонските фудбалерки отколку фудбалерите appeared first on Република.

Македонската женска фудбалска репрезентација со победа го почна настапот во Лигата Ц од квалификациите за Европското првенство 2025, совладувајќи ја Летонија на гостински терен во Рига со 4:3 (3:1).

Домашната репрезентација дојде во водство во 7. минута со голот на Карлина Максоне, но македонските фудбалерки во следните 25 минути целосно го свртеа резултатот во своја корист преку Гентјана Рочи (17. минута), автоголот на Анастасија Рочане (25) и капитенот Наташа Андонова (32).

Во вториот дел уследи уште еден автогол на домаќинките преку Ана Кристине Корнела за водство на Македонија во 69. минута од 4:2, а конечниот резултат го постави Анастасија Полоховича во 76. минута.

Избраничките на селекторот Александар Андов, кој дебитираше на македонската клупа, во второто коло, на 9 април во Скопје, ја пречекуваат селекцијата на Словенија, која во воведното коло на домашен терен беше поуспешна од Молдавија со 2:0.

The post Македонските фудбалерки ја совладаа Летонија на почетокот на евроквалификациите appeared first on Република.