Летонската влада им забрани на своите граѓани да купуваат голем број руски земјоделски и сточарски производи. На списокот има зеленчук и коренести зеленчуци, кромид, моркови, како и сите кисели и сушени земјоделски производи. Забранети се и житариците и брашното, како и добиточната храна.

Забранети се истите стоки и од белоруско производство, иако Белорусија не учествува во војната, што е изговор на Летонија за донесувањето на ваквата одлука.

Претходно, летонските земјоделци се залагаа за забрана на увозот на земјоделски производи. Во февруари тие дури излегоа на протести барајќи забрана за увоз на руска и белоруска стока, не успевајќи да се справат со здравата конкуренција.

Сепак, донесената одлука на летонските власти не опфаќа транзит на производи од Русија и Белорусија низ нивната земја.

The post Летонија забрани увоз на земјоделски производи од Русија и Белорусија appeared first on Република.

Состојбите во земјоделието се алармантни и катастрофални. Денеска во средби со земјоделци во целата струмичка околија во општините Струмица, Ново Село, Босилево, Василево, разговараме со земјоделците и навистина ни кажуваат за алармантните состојби со кои се соочува македонското земјоделие, изјави денеска, потпретседателот на ВМРО ДПМНЕ, Александар Николоски.

Репроматеријалите се отидени некаде од 200 до 500 проценти нагоре, ѓубривото е поскапено за некаде 3 пати. Една вреќа ѓубриво која што до минатата година била 500 или 600 денари, сега е од 1.500 до 1.700 денари. Исто така поскапена е и нафтата, а на тој начин и обработката на земјиштето - рече Николоски.

Од друга страна откупните цени на земјоделските производи се исклучително ниски. Така пролетната зелка која најмногу се сади во овој крај, се откупува за некаде 15 до 20 денари за килограм, што е исклучително ниска цена имајќи предвид дека минатата година се откупувала за 30 до 35 денари.

Во исто време минатата година ѓубривото беше 500 до 600 денари, а оваа година 1.500 до 1.700 денари. Минатата година нафтата беше 30 до 40 проценти поевтина, она што е сега и се уште земјоделците стравуваат дали за 15 до 20 денари ќе најдат пласман.

И затоа денеска се случува голем протест на земјоделците од овој крај во кој што бараат владата и министерството за земјоделие да преземат итни мерки, а не да бегаат. Слушнав дека министерот за земјоделие избегал од средба со земјоделците. Тоа не е начин на решавање на проблемите. Бегањето од проблемите не е начин на решавање на проблемите, затоа што доколку сакаат да бегаат треба да избегаат од владата и да се согласат на предвремени парламентарни избори кои што ќе ја решат маката на земјоделците. Ние целосно го поддржуваме овој протест на земјоделците, сметаме дека заслужуваат пристојни цени и сметаме дека една влада предводена од ВМРО-ДПМНЕ ќе знае да се справи со проблемите во земјоделието  - рече Николоски.

The post Николоски: Го поддржуваме протестот на земјоделците, цените на раноградинарските производи се двојно пониски, а репроматеријалите 3 пати повисоки appeared first on Република.

Споделувајќи исечок од гостувањето на Цветан Трипуновски во „Заспиј ако можеш“, претседаелот на ВМРО-ДПМНЕ Христијан Мицкоски, како ѓто вели, љубезно прашува во името на 15.000 земјоделци кои ги извезуваат своите производи во Русија и Украина дали власта им обезбедила алтернативни пазари со оглед на тоа што од ноември знаела за руската инвазија на Украина.

Да не кажат дека само критикуваме, еве љубезно прашуваме… Прашуваме во име на 15 000 семејства кои со неизвесност ја чекаат пролетта!
Ако знаевте дека голем процент на земјоделските производи од Македонија се извезуваат во Русија и Украина, дали најдовте нови, алтернативни пазари за пласирање на производите?

Цветан Трипуновски, претседател на Комисија за земјоделство, шумарство и водостопанство на ВМРО-ДПМНЕ, во „Заспиј ако можеш“ на Алфа телевизија истакна дека една од нашите традиционални дестинации за пласман на македонските производи се Украина, Русија, делови од Молдавија, Полска каде што се извезуваат пролетна зелка, јаболко, грозје, праска и вино. Со новата ситуација оваа година овие производи ќе останат неоткупени.

- Македонија во Русија и Украина на годишно ниво за 2021 имала извоз 22 милиони евра, а тука ако ги додадеме тутунот и останати продукти доаѓа до 27 милиони извоз на земјоделски производи во овие две држави. Овие пари можеби некому не му изгледаат не како голема сума, но имаат сериозен ефект во земјоделието, тие опфаќааат голема категорија на наши сограѓани кои егзиситраат од производство на овие производи, но и компаниите кои работат со извоз на тие производи. Тоа значи дека оваа година договорите кои ги склучиле ќе бидат откажани и државата треба сериозно да размислува за алтернативни пазари, потенцира Трипуновски.

Тој посочува дека за десетина дена отсега стасува пролетната зелка во струмичкиот регион и таа може да остана неоткупена.

Делот на Василево, Босилово, Ново Село, дел на Валандово, Богданци каде околу 15.000 семејства одгледуваат пролетна зелка со реколтата од преку 60.000 тони, а од нив околу 45.000 се извезуваат во Русија и Украина и може да останат на нивите. Ако Пендаровски знаел од ноември што ќе се случи требало да најдат алтернативни пазари за земјоделците, но наместо тоа, тие молчат, нема никаков конкретен предлог, изјави Трипуновски.

The post Мицкоски: Најљубезно прашуваме, најдовте ли пазари за 15.000 земјоделци кои извезуваат во Русија и Украина? appeared first on Република.