На 1 јуни (сабота) со почеток во 18 часот, на улица Коце Металец 1, во населба Железара ќе се одржи Комшиlook, настан кој претставува уникатен приказ на уметност, музика, театар, претстави и изложби.

Мисијата на Комшиlook е поттикнување емпатија, разбирање и социјална кохезија преку моќта на уметноста и културата. Комшиlook се стреми да негува глобална заедница каде што да се биде добар сосед е синоним за да се биде одговорен граѓанин и секој поединец, инспириран од креативното изразување, станува активен учесник во поттикнувањето емпатија, разбирање и социјална кохезија.

„Нашите неверојатни соседи се подготвуваат за да ги претворат балконите, скалите, влезовите и гаражите во живописни сцени за креативност и поврзување! Но, тоа не е се! Уживајте во извонредните уметнички инсталации, вклучете се во интерактивните работилници и препуштете се во вкусовите на кулинарските задоволства во нашето соседство. Затоа, дојдете и бидете дел од нешто навистина посебно! Ајде заедно да ги претвориме запуштените простори во активни културни центри!“, велат организаторите.

На настанот ќе учествуваат камерниот оркестар Fames Project – Orchestral Music Recording, групата Алембик со свој музички перформанс, студентите од програмата за модерни танци на Универзитетот Гоце Делчев со свој танцов перформанс. Посетителите ќе можат да уживаат и во изложбата на Христина Зафировска како и во просторната инсталација на Борис Петровски.

Влезот на настанот е слободен. Целосната програма можете да ја видите овде.

The post Уметност, музија, театар, претстави и изложби на Комшиlook во Железара appeared first on Република.

Кој стои зад свирепото убиство на матичниот лекар во скопска Железара? Полицијата и по речиси две недели од грзоморониот настан се уште нема откриено кој и зошто го уби шеесет и седум годишниот лекар.

Од јавното обвинителство велат дека не можат да споделат детали од постапката, со оглед на тоа што МВР се уште не идентификувало сторител на кривичното дело, но истворемено побараа од надлежните институции да внимаваат што споделуваат во јавноста.

Откривачката улога во случајот ја има Министерството за внатрешни работи, а Јавното обвинителство ги издава сите потребни наредби и насоки за откривање на сторител и за целосно расчистување на настанот. Со оглед на тоа што МВР се уште не идентификувало сторител на кривично дело, Јавното обвинителство не е во можност да споделува детали кои можат да ја загрозат постапката. Апелираме и до другите институции во оваа фаза на постапката да се воздржуваат од изнесување информации од чувствителен карактер, бидејќи сторителот се уште не е откриен.

Дополнителниот заменик министер за внатрешни работи, Митко Бојмацалиев утринава изјави дека лекарот не бил убиен во автомобилот во кој беше пронајдено неговото безживотно тело, туку бил донесен во него. Министерот за внатрешни работи, Тошковски пак рече дека било непрофесионално од страна на неговиот колега да споделува такви информации, кои како што вели, може да ја загрозат кривичната постапка.

Безживотното тело на лекарот, како што соопштија тогаш од Министерството за внатрешни работи, беше пронајдено доцна вечерта на 21 март во неговиот автомобил, на паркинг пред поликлиниката „Железара“. Според соопштението од полицијата, телото го пронашле членови на неговото потесно семејство кои тргнале да го бараат откако тој не се вратил дома од работа.

Минатата недела беа приведени три лица, за кои беше побаран и краткотраен куќен притвор, но потоа од обвинителството соопштија дека немало докази дека тие го извршиле делото.

The post ОЈО не ги потврдува информациите дали убиениот доктор во Железара бил егзекутиран на друга локација appeared first on Република.

Министерот за внатрешни работи во техничката Влада, Панче Тошковски денеска ги оцени како несериозни и непрофесионални изјавите од било кој функционер за убиството во Железара и го повтори апелот на Јавното обвинителство да не се навлегува во детали што би можеле да ја загрозат истрагата.

- Во целост ќе го поддржам апелот на ЈО од страна на која било институција што е вклучена во рамки на нејзини надлежности при расветлување на овој случај, да не навлегува во детали што би можеле да ја загрозат кривичната истрага. Несериозни и непрофесионални изјави, не сум ги слушнал, но, ако е така како што велите, дека било кажано од страна на кој било функционер, можам слободно само да кажам дека станува збор за несериозна и непрофесионална изјава, одговори тој на новинарско прашање за тоа какви се неговите сознанија во врска со случајот.

Тошковски додаде и дека не би можел да навлегува во детали, во однос на сите оние дејствија што се преземаат од страна на Министерството за овој случај.

Претходно, дополнителниот заменик-министер за внатрешни работи Митко Бојмацалиев во изјава за МИА потврди дека лекарот кој бил пронајден мртов на паркингот пред поликлиниката Железара, според досегашните сознанија, не бил убиен во автомобилот во кој беше пронајден.

- Од страна на Министерството за внатрешни работи собрани се докази и според тоа што досега е утврдено може да кажам дека лицето не е убиено во автомобилот. Како е донесено на паркингот не можам да кажам за да не ја нарушиме истрагата, изјави Бојмацалиев.

Шеесет и седумгодишниот матичен лекар беше пронајден мртов со убодни рани во возило на паркингот пред поликлиниката Железара. Според пријавата во полиција, тој бил пронајден од неговите синови кои почнале да го бараат бидејќи не се вратил дома од работа.

The post Тошковски апелира да не се навлегува во детали што би можеле да ја загрозат истрагата за убиството во Железара appeared first on Република.

Матичниот лекар Ацо Трповски бил убиен на друго место, а не во неговиот автомобил изјави за „Слободен печат“ утрово дополнителниот заменик министер за внатрешни работи Митко Бојмацалиев.

За месец дена на територија на Скопје има два немили настани, убиството на лекарот Ацо Трповски и пукањето во Арачиново. Имавме приведено три лица, но лицата се пуштени на слобода поради недоволни докази. Според наши сознанија лицето не е убиено во автомобилот туку е донесено телото и оставено во автомобилот. Не се откриени мотивите за убиството, изјави Бојмацалиев за „Слободен печат“.

Лекарот Ацо Трпковски беше најден избоден и искрварен во неговиот автомобил на паркинг пред поликлиниката Железара на 21 март годинава.

The post Истрагата покажала дека лекарот не бил убиен во неговиот автомобил, туку таму бил оставен appeared first on Република.

Притвор од 48 часа за две лица кои се задржани по убиството на лекарот во скопска Железара.

Со оглед на тоа што се уште се преземаат дејствија за обезбедување докази, јавен обвинител од Основното јавно обвинителство Скопје синоќа до судијата на претходна постапка од Основниот кривичен суд Скопје достави предлог за определување мерка краткотраен куќен притвор во траење од 48 часа за две од лицата кои беа задржани во врска со убиството на лекар во скопската населба Железара, информираат денеска од Обвинителство во врска со убиството за матичниот лекар Ацо Трпковски пред поликлиниката Железара во Скопје.

Предлогот е прифатен и бараната мерка е определена.

The post Притвор од 48 часа за две лица кои се задржани по убиството на лекарот во скопска Железара appeared first on Република.

Уште едно лице е приведено за поврзаност со убиството на матичниот лекар во Железара кој беше пронајден во своето возило „киа рио“ со девет убодни рани.

Информацијата ја потврди техничкиот министер за внатрешни работи, Панче Тошковски.

Приведени се вкупно три лица. Претресот е завршен во доцните часови. Се продолжува со други истражни дејствија, се со цел да може да се утврди соодветната фактичка состојба. Така што, за нови дополнителни информации, јавноста ќе биде дополнително известена, рече Тошковски, одговарајќи на новинарско прашање во Струмица.

The post Тошковски: Уште еден приведен за убиството на матичниот лекар во Железара appeared first on Република.

Над 40 камери се прегледани, вклучувајќи ги и камерите од „Безбеден град“ и извршени се службени разговори со повеќе од 15 лица во врска со случајот со лекарот кој во четвртокот вечерта беше пронајден мртов со убодни рани на паркингот кај поликлиниката Железара.

Од Министерството за внатрешни работи велат дека се врши и дополнителна криминалистичко-техничка обработка на возилото, се обезбедуваат листинзи од телефонските броеви и се врши нивна анализа.

- Истрагата е во напредна фаза. Единицата за насилен криминал при СВР Скопје во содејство со ОЈО интензивно работат на расчистување на случајот, велат од МВР.

Шесесет и седумгодишниот лекар кој работел како матичен лекар беше пронајден минатата недела во неговото возило со убодни рани по телото. Според пријавата во полиција, телото го пронашле неговите синови откако тој не се вратил од работа.

Матичните лекари денеска од 12 до 16 часот во знак на револт денеска прекинаа со работа барајќи построги казни за напад врз здравствените работници, а Лекарската комора во петокот побара итна разрешница на случајот. Денеска, и министерот за здравство Илир Демири изрази жалење и побара од истражните органи да ја спроведа истрагата

The post Во напредна фаза е наоѓањето на убијците на докторот од Железара appeared first on Република.

Дежурен јавен обвинител од Основното јавно обвинителство Скопје изврши увид на лице место во скопската населба Железара каде во текот на ноќта беше пронајдено безживотно тело на лекар со повеќе убодни рани.

Телото на починатиот го пронашол неговиот син.

Јавниот обвинител издаде наредба за обдукција, како и наредба за прибирање и анализа на сите траги пронајдени на лице место и за обезбедување на снимки од видеонадзор.

Се преземаат дејствија за расчистување на настанот.

https://republika.mk/vesti/crna-hronika/doktorot-bil-pronajden-mrtvo-vo-svojot-avtomobil-so-ubodni-rani/

The post Телото на убиениот доктор во Железара го пронашол неговиот син appeared first on Република.

МВР ги соопшти деталите за убиството што утрово го потресе Скопје.

https://republika.mk/vesti/crna-hronika/so-nozh-ubien-matichen-doktor-pred-poliklinikata-vo-skopska-zhelezara/

- На 21.03.2024 во 23.09 часот во СВР Скопје било пријавено дека во сопственото возило „киа“ со скопски регистарски ознаки, на паркинг пред поранешната клиника Железара, со убодни рани по телото бил пронајден А.Т.(67) од Скопје. Според пријавеното, тој бил пронајден од неговите синови, кои почнале да го бараат откако не се вратил дома од работа. Лекар од Итна медицинска помош констатирал смрт, а по наредба на јавен обвинител телото на починатиот било дадено на обдукција. Се преземаат мерки за расчистување на случајот, велат од МВР за Скопје Инфо.

Се преземаат мерки за расчистување на случајот.

The post Докторот бил пронајден мртoв со убодни рани во својот автомобил во Железара appeared first on Република.

Тројца работници се повредени во експлозија што се случила во погон на фабрика во кругот на поранешна Железара во Скопје.

МВР соопшти случајот бил пријавен на 19 април околу 00:20 часот. Во експлозијата се повредени Р.Ѓ.(41) од с.Студеничани, К.Ф.(29) од с.Мојанци, и Р.С.(33) од с.Долно Количани.

Тие биле пренесени во Комплексот клиники „Мајка Тереза“ за укажување лекарска помош. Се преземаат мерки за расчистување на случајот.

The post Тројца работници повредени при експлозија во погон во Железарница appeared first on Република.