Пивотот на македонската ракометна репрезентација, Жарко Пешевски, по вечерашната победа над Швајцарија порача дека нашата нација не треба да се грижи за иднината на националниот тим.

- Ова беше нашиот најдобар настап на ЕП. Даваме максимум. Македонија може мирно да спие, во репрезентацијата има мангупи. Работевме 25 дена заедно и еве тоа даде резултат. На теренот изгледавме како еден тим. Заслужено победивме. Голема благодарност до сите што дојдоа да не бодрат, до цела Македонија за поддршката, изјави Пешевски.

Македонските ракометари вечерва ја совладаа Швајцарија со 29:27 во третото коло од А-групата на Европското првенство во Германија.

Нашата репрезентација ЕП го завршува на 3.место во групата и обезбеден пласман во групата носители за следните квалификации за Светското првенство во 2025 година.

The post Пешевски: Македонија може мирно да спие, во репрезентацијата има мангупи appeared first on Република.

Македонската ракометна репрезентација претрпе три убедливи порази и не ја мина групната фаза на Светското првенство 2023.

Вечерва „црвено-жолтите“ загубија од Аргентина со 26:35.

На трите натпревари се осврна пивотот Жарко Пешевски.

Свое видување за настапите во Ф-групата искажа Филип Талески

– На овој турнир не го покажавме нашето вистинско лице. Во репрезентацијата има атмосфера, но откако ќе излеземе на теренот како нешто да се случува. Имаме многу млади играчи и затоа ни треба поддршка. Патот во иднина ќе биде трнлив но се надевам на подобри резултати. Овде имаат играчи кои сс подготвени да се борат до последна капка крв. Веќе со нас не се Кире, Столе и едноставно сите треба да преземеме одговорност да не ни се случуваат вакви работи, рече Пешевски.

The post Пешевски: Имаме многу млади играчи и затоа ни треба поддршка appeared first on Република.

Битолски Еурофарм Пелистер денеска официјално го претстави кружниот напаѓач на македонската ракометна репрезентација Жарко Пешевски за свое ново засилување за сезоната 2022/23.

Пешевски (31) на крајот од мај потпиша тригодишен договор со Еурофарм Пелистер и се враќа во македонското ракометно првенство по успешните настапи за бундеслигашот Штутгарт.

-Бев спремен да дојдам во Битола, ме подготвуваа на тоа. Но, не верував на гласини и на приказни, морав сам да се уверам. Секој битолчанец, и тој што има шанса да дојде во салата, а и тој што не доаѓа, спремен е да нè бодри и желен е да го види Еурофарм Пелистер во најдобро издание изјави Пешевски за клупскиот сајт.

Искусниот репрезентативец во Еурофарм Пелистер ќе го носи дресот со бројот 44 и ќе ја сочинува пикерската позиција во тандем со Русинот Денис Василев

The post Големо засилување: Пешевски промовиран во Битола appeared first on Република.

Ракометниот клуб Еурофарм Пелистер од денеска е посилен за уште еден македонски репрезентативец, ракометарот Жарко Пешевски.

Од битолскиот клуб соопштија дека од сезоната 2022/23 дресот на клубот ќе го носи репрезентативниот кружен напаѓач Жарко Пешевски.

-Овој ракометар се враќа во македонското првенство по настапите за Штутгарт во Бундеслигата. 31-годишниот Пешевски потпиша тригодишен договор и ќе биде претставен пред стартот на подготовките за следната сезона. Пешевски е роден во Скопје на 11 април 1991 година, а во својата кариера настапуваше за Металург, Мотор Запорожје и Штутгарт. Во дресот на националната репрезентација е од 2013 година и континуирано настапува на пивотменската позиција, информираа од РК Еурофарм Пелистер-Битола.

Пешевски е шесто ново име во Еурофарм Пелистер за сезоната 2022/23, бидејќи претходно ги доведе Урбан Лесјак, Усама Хосни, Вилсон Дејвис, Руди Сери и Дмитри Васиљев.

The post Пешевски потпиша за Еурофарм Пелистер appeared first on Република.