Министерството за здравство информира,согласно податоците од Институтот за јавно здравје дека во последните 24 часа:

Направени се 1.024 тестови, а регистриран е 41 нов случај на КОВИД-19: Скопје – 31, Кавадарци – 4, Неготино – 2, Куманово, Прилеп, Тетово и Штип – по 1.
Од вкупниот број на позитивни (41), регистрирани се 10 реинфекции.

Регистрирани сe 457 оздравени пациенти од: Скопје – 250, Битола – 33, Прилеп – 29, Охрид – 28, Тетово – 19, Кичево – 16, Велес – 10, Делчево – 9, Куманово и Гостивар – по 6, Кавадарци и Струмица – по 5, Кочани, Радовиш, Виница и Крушево – по 4, Штип, Гевгелија, Ресен , Дебар и Пробиштип – по 3, Струга и Богданци – по 2, Неготино, Крива Паланка, Валандово, Демир Капија, Македонска Каменица и Дојран – по 1.

Во текот на изминатите 24 часа, е регистрирано едно починато лице од Кичево (89г), починато во болнички услови.

Согласно Регистарот на умрени лица со дијагноза КОВИД-19 од Мој Термин, дополнително се пријавени 2 починати лица од: Скопје (66г) и Кавадарци (55г). Од пријавените починати лица, едно лице е починато во домашни услови, и едно лице во болнички услови. Пријавените лица се починати на 15.03.2022 год.

Од вкупниот број на починати лица (3), кај две лица се регистрирани коморбидитети.

Направени се 1.024 тестови преку: ИЈЗ-68, ЦЈЗ Скопје-0, ЦЈЗ Битола-0, ЦЈЗ Прилеп-0, ЦЈЗ Тетово-0, ЦЈЗ Куманово-4 ,Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија–0, ГОБ 8-ми Септември-0, Институт за микробиологија–0, Жан Митрев (Филип Втори)-29, Авицена-38, Биотек-119, Систина-26, лабораторија Лаор-0, Синлаб-0, Ремедика-0, Плодност-0, Генеа-0, Никоб Лаб-135, ВФВ Медикал-17, Ели Медика Плус-10, Ројал Медика–0, Спектра-ММ-0, Рапид Лаб–5, Жан Митрев Струмица–0, Нова Лаб Дијагностика–0, Рамус-0, ЈЗУ и ПЗУ (рапид тест)– вкупно 573.

Досега во земјата се направени вкупно 1.970.059 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 306.711, бројот на оздравени пациенти е 295.914, на починати е 9.231, а бројот на активни случаи изнесува 1.566.

Според епидемиолошки анализи во моментов, дистрибуцијата по градови е следна

Дистрибуција по градови Заболени (вкупно), Активни случаи (вкупно)
Скопје 143925, Активни 845
Куманово 16571, Активни 40
Битола 14875, Активни 171
Прилеп 14025, Активни 86
Тетово 13423, Активни 18
Кавадарци 10526, Активни 83
Велес 9691, Активни 26
Гостивар 9539, Активни 10
Охрид 8766, Активни 72
Струмица 8009, Активни 21
Штип 7981, Активни 17
Кичево 5573, Активни 30
Кочани 5056, Активни 16
Струга 4701, Активни 18
Гевгелија 4375, Активни 17
Неготино 3662, Активни 11
Ресен 2685, Активни 15
Свети Николе 2617, Активни 4
Радовиш 2516, Активни 8
Крива Паланка 2408, Активни 4
Делчево 1953, Активни 23
Дебар 1671, Активни 7
Берово 1638, Активни 2
Валандово 1477, Активни 3
Виница 1383, Активни 6
Пробиштип 1263, Активни 0
Богданци 1019, Активни 2
Кратово 961, Активни 3
Крушево 923, Активни 6
Демир Хисар 826, Активни 1
Македонски Брод 736, Активни 1
Демир Капија 586, Активни 0
Македонска Каменица 523, Активни 0
Пехчево 485, Активни 0
Дојран 343, Активни 0

The post Тројца починаа од ковид-19, нови 41 заразен од 1.024 тестови appeared first on Република.

Глигор Кедиоски, Македонец кој живеел во Англија и покрај молбите на сопругата не сакал да се вакцинира. Откако се заразил со ковид-19, тој поминал околу три недели во болница. Тој на 2 јануари починал на 45-годишна возраст како последица на ковид-19.

Кедиоски бил роден во Прилеп, а живеел во Ливерпул со сопругата Билјана и нивната петгодишна ќерка.

Тој бил познат во заедницата како дарежлив човек и добар пријател кој го живеел животот во потполност. Бил вработен во фабрика, а за време на пандемијата работел и како доставувач, пишува Ливерпул Еко.

Неговите пријатели и семејството сега собираат пари за телото на Глигор по негова желба да биде пренесено во Македонија.

Во декември, откако се заразил со ковид, тој бил примен во болницата во Ливерпул. Тој одбил да се вакцинира против коронавирусот, иако сопругата Билјана постојано го убедувала да го стори тоа.

Додека тој се уште беше свесен, таа му носеше македонската храна што тој ја сакаше. Беше одличен пријател – еден од оние луѓе што е тука за тебе ако ти треба помош. Беше познат по тоа. Го запознав во Ливерпул, но и двајцата сме од исто место. Тој беше малку постар од мене, вели Роберт Каралиоски, пријател на Кедиоски.

Кога бил примен во болница, само на Билјана ѝ било дозволено да го посети. Последните два дена дури и спиела во болница.

Кога го ставија во индуцирана кома, таа сакаше да биде покрај него за да може да разговара со него и да му пушта музика. Додека беше свесен, таа му носеше македонската храна што тој ја сакаше. Таа беше тука за него цело време, вели Каралиоски.

Бидејќи освен Билјана никој не смеел да го посети Глигор, семејството од Македонија постојано му се јавувало на телефон и му праќале многу пораки.

Неговиот татко е се уште жив. Желбата на Глигор и неговото семејство била неговото тело да се врати во Македонија. Семејството секој ден и се јавува на Билјана и прашува кога ќе пристигне телото. „Сите се обидуваат да помогнат. Ова е навистина тежок период, особено за неговата ќерка. Таа постојано прашува кога татко ѝ се враќа од болница; што е најтешко да се одговори, додаде тој.

Роберт рече дека Глигор не сакал да се вакцинира, иако неговата сопруга била целосно вакцинирана.

Се плашеше од вакцината, не беше сигурен како ќе функционира. Се плашеше дека ќе добие некои несакани ефекти. Билјана постојано го убедувала да се вакцинира, но безуспешно. Затоа сега сакаме да укажеме на важноста на вакцинацијата со оваа приказна, изјави Роберт.

The post Македонец од Англија одбил да се вакцинира и покрај молбите на сопругата, починал и неговата петгодишна ќерка останала без татко appeared first on Република.

Легендариот бразилски фудбалер Роналдо доби позитивен тест на коронавирусот.

Веста дека Роналдо е заразен со вирусот ја потврди бразилскиот второлигаш Крузеиро, клуб на кој неодамна Роналдо стана нов газда.

Сега Бразилецот е во карантин и има симпоми, но се наоѓа во добра здравствена состојба.

Роналдо неодамна купи 90% од акциите на Крузеиро.

The post Легендарниот Роналдо се зарази со коронавирус appeared first on Република.

Првиот случај на „флурон“, односно истовремена инфекција на коронавирус и грип е забележан во Израел. Според „Њузвик“, првиот случај на „флурон“ е забележан кај жена во израелскиот град Петах Тикви.

Професорот Арнон Вижницер, директор на гинеколошкиот оддел во градската болница, изјави за израелските весници дека мајката била позитивна на коронавирус и грип веднаш штом била примена. За да бидат сигурни, тие го повториле тестот уште еднаш.

Вижницер додаде дека мајката не била вакцинирана противкоронавирус или грип, но немала особено силни симптоми. Таа се чувствува добро и се очекува да биде пуштена од болница во четврток.

Ова е прв документиран случај на коронавирус и грип во исто време, но здравствените експерти веруваат дека имало и други кои не се документирани.

Израелското Министерство за здравство го истражува случајот и се обидува да утврди дали може да предизвика посериозно заболување, објавија израелските медиуми.

The post Во Израел пријавен првиот случај на истовремена зараза со корона и грип appeared first on Република.