Полицијата во Мароко запленила речиси 1,5 тони кокаин, кој бил пронајден во кутии со банани во транспортен контејнер на брод кој патувал од Јужна Америка за Турција.

Запленувањето е извршено во пристаништето Тангер во северниот дел на Мароко.

Акцијата е спроведена во координација со шпанските безбедносни служби, соопшти мароканската полиција, истакнувајќи дека истрагата е во тек.

Мароканските власти се сомневаат дека кокаинот бил шверцуван како дел од меѓународна операција за шверц на дрога.

Заплената дојде само еден ден откако беа запленети речиси 363 килограми кокаин во камион кој се обиде да влезе во Мароко од Мавританија.

Оваа северноафриканска земја се смета за клучна рута за шверц на дрога од Јужна Америка до Европа.

The post Во Мароко запленети тон и пол кокаин appeared first on Република.

Руски брод е запленет од француски официјални власти во Ламанш.

Француските власти веруваат дека тоа може да биде поврзано со компанија осомничена за кршење на трговските санкции поврзани со војната во Украина.

Би-Би-Си јави дека француските власти објавиле дека руски товарен брод долг 127 метри наречен „Балтички лидер” што превезувал автомобили бил пресретнат во текот на ноќта од француската морнарица и придружуван до пристаништето Булоњ-Сур-Мер во северна Франција.

Однесен е во француското пристаниште по барање на француската влада, бидејќи постои сомнеж дека припаѓа на компанија што е цел на санкциите на ЕУ против Москва. Екипажот на „Балтички лидер” соработува со француските власти.

Бродот беше запленет утрово. Руската Амбасада бара формално објаснување.

The post Франција заплени руски карго брод во Ламанш appeared first on Република.