Премиерот Христијан Мицкоски  учествува на Самитот „Украина-Југоисточна Европа“ што се одржува во Дубровник.

Самитот ќе го отвори хрватскиот премиер Андреј Пленковиќ, а излагање ќе има и претседателот на Украина, Володомир Зеленски.

На самитот “Украина-Југоисточна Европа” во Дубровник, Република Хрватска. Поддршка за Украина и напорите за постигнувањето на траен мир. Регионот обединет во заедничката цел-нашиша премиерот по средбата.

На самитот се најавени претставници од 12 држави од регионот, а во состав на македонската делегација, покрај премиерот Мицкоски, е и министерот за надворешни работи и надворешна трговија Тимчо Муцунски.

Ова е трет самит организиран во овој формат. Првиот беше организиран во август 2022 година во Атина, а вториот во февруари годинава во Тирана. Главната цел е искажување на солидарност и поддршка на Украина

The post Mицкоски се сретна со Зеленски, потврдена поддршката за Украина appeared first on Република.

Премиерот Христијан Мицкоски, во придржба на министрите за надворешни работи и надворешна трговија Тимчо Муцински и за европски прашања Орхан Муртезани, денеска ќе престојува во работна посета на Брисел.

За време на престојот во седиштето на ЕУ, Мицкоски ќе присуствува на работен ручек што за него и за останатите лидери од земјите од Западниот Балкан го организира претседателката на Европската комисија, Урсула фон дер Лајен.

Како што информира вчера портпаролката на ЕК за соседска политика, проширување и меѓународни партнерства Ана Писонеро,  на работниот ручек ќе стане збор за односите меѓу ЕУ и земјите од Западниот Балкан, како и за имплементацијата на Планот за раст на регионот, што го подготви Европската комисија и за реформиските агенди поврзани со него.

Дополнително, Мицкоски ќе има средби и со претседателот на Советот на ЕУ, Шарл Мишел, со еврокомесарот за проширување и соседска политика Оливер Вархеји и со првиот човек на Генералниот директорат за соседство и преговори за проширување (ГД НЕАР), Герт Јан Копман.

Мицкоски вчера најави дека главна тема на неговите средби во Брисел ќе биде Планот за раст на Западниот Балкан, истакнувајќи дека Владата подготвила фантастичен документ за реформската агенда, кој веќе е доставен до Брисел.

- Со формирањето на Владата го поднесовме во канцеларијата на Европската комисија тука во Скопје, за потоа да пристигне во Брисел. Тоа е целта на мојата посета и работен ручен со старо-новата претседателка на Европската комисија Урсула фон дер Лајен, рече Мицкоски.

Доколку на средбите во Брисел стане збор за евроинтеграцискиот процес, како што рече Мицкоски, тој е оној кој што треба да ги брани и да ги одбрани македонските национални интереси, како и во минатото, кога беше во опозиција, така и сега како претседател на Владата.

- Дури сега имаме и повеќе аргументи. Сакаме да ги претставиме аргументите, сакаме фрустрацијата која ја чувствуваат македонските граѓани, да ја пренесеме таму, бидејќи таа е голема, огромна би рекол, по повеќе од две и пол децении откако го почнавме овој наш пат кон Европската Унија и повеќе од деценија и пол откако официјално го добивме првиот позитивен Извештај од страна на Европската комисија за почнување на овие преговори. Ние не сме во можност да ги почнеме преговорите, не заради тоа што не ги почитуваме Копенхашките критериуми, туку затоа што има вештачки наметнати пречки, коишто ниту еден народ, ниту една држава ги немала, изјави Мицкоски.

На новинарско прашање дали на разговорите во Брисел може да стане збор и за идејата за уставни измени со одложено дејство, Мицкоски одговори дека не би сакал да коментира, но оти позициите на Владата по ова прашање се јасни.

- Позицијата на ВМРО ДПМНЕ, позицијата на Владата е јасна. Мојата позиција е јасна. Доста беа порази, доста беа политики и дипломатија на свиткана кичма и на бакнување чевли. Сега имаме политика и дипломатија, која што се темели на двонасочна улица. Сакам да зборуваме за вредности, за почитување на човековите права и да знаеме дека ако го отпочнеме преговорите, како што ни беше ветувано во таа 2018 година, дека за три, четири, пет години максимум, ќе го завршиме тој пат и ќе бидеме членка на Европската Унија, изјави Мицкоски, додавајќи дека се останато се приказни и замки на коишто ниту Владата, а ниту тој како човек, немаат намера да наседнуваат.

The post Мицкоски во Брисел на работен ручек со фон дер Лајен заедно со лидерите од Западен Балкан appeared first on Република.

Измените во Законот за пензиско и инвалидско осигурување поминаа на вчерашната седница на Владата, така што усогласувањето на пензиите ќе биде линерано, нема да биде процентуално како досега, изјави денеска премиерот Христијан Мицкоски.

Тој очекува најскоро откако ќе почне да функционира Парламентот, да помине овој Закон и, како што рече, септемвриската пензија да легне на сметката на пензионерите зголемена за 2.500 денари.

Одговорајќи на новинарско прашање, премиерот појасни дека прво од септември годинава ќе има зголемување од 2.500 денари, а потоа од март 2025 година уште 2.500 денари.

- Ние ветивме дека во првата година пензиите линеарно ќе бидат зголемени за 5.000 денари. Тоа ќе го направиме многу побргу, односно во првите девет месеци. Ќе видиме понатаму какви ќе бидат состојбите со буџетот, нагласи Мицкоски. Додаде дека понатаму може да има пријатни изненадувања за пензионерите, за работниците итн.

The post Мицкоски очекува септемвриската пензија да биде зголемена за 2.500 денари, усогласувањето на пензиите ќе биде линерано appeared first on Република.

Во однос на најавените реформи во правосудниот систем, Мицкоски, рече дека додека даваат време за експертски предлози, може да исчезне трпението на јавноста и „ние да бидеме жртвата, поради неуспехот на другите“, нагласувајќи дека тоа нема да го дозволат.

Немаме намера да ги распуштиме Судскиот совет и Советот на јавни обвинители за да ги замениме со други. Нашата цел со таа реформа беше да ги распуштиме овие тела и наместо предлозите од владата, од парламентот, од претседателот, предлозите за нови членови да дојдат од самите судии и обвинители. Нашата желба е тие на гласање самите да си ги изберат. Нашата идеја е ние како Влада да одредиме процент од буџет, а тие самите да си го трошат, но не без надзор. Тоа ќе го прави собраниска комисија, па да видиме како се трошат народните пари, изјави Мицкоски.

https://republika.mk/vesti/makedonija/mitskoski-za-najavite-za-mozhna-destabilizatsija-ke-se-obidat-preku-etnichki-tenzii-toa-da-go-napravat-bidejki-nemaat-drug-nachin/

The post Мицкоски: Немаме намера да ги распуштиме Судскиот совет и Советот на јавни обвинители за само да ги замениме со други appeared first on Република.

Во однос на најавите за можна дестабилизација на земјата наесен, Мицкоски, рече дека луѓето што изминатите седум години ја претвориле државата во „своина и мислеле дека се незаменливи и вечни“ ќе бараат маргинализирани групи кои за пари ќе ги мотивираат да дестабилизираат.

https://republika.mk/vesti/makedonija/mitskoski-za-najavite-za-apsena-graganite-da-bidat-trpelivi-ne-sakame-da-pravime-estrada/

-  Ќе се обидат преку етнички тензии тоа да го направат, бидејќи немаат друг начин. Не можат да магнетизираат луѓе, затоа што дури и нивните поддржувачи од минатото сега не ги поддржуваат. Во отсуство на долготрајни масовни протести, бидејќи за нив парите не се проблем, ќе бараат маргинализирани групи што со пари ќе ги мотивираат да дестабилизираат. Тоа им е единствен простор, изјави Мицкоски.

Тие, според Мицкоски, сакаат да бидеме генератор на нестабилност и затоа, како што нагласи „не смееме да дозволиме тоа да се случи и да наседнеме на тие провокации“.

- Ние не можеме сите тие провокации да ги спречиме. Тие ќе се случуваат, и важно е ние како ќе реагираме... Затоа ние не смееме да дозволиме тоа да се случи и за ова работиме сериозно со сите наши партнери од меѓународната заедница, изјави Мицкоски.

The post Mицкоски за најавите за можна дестaбилизација: Ќе се обидат преку етнички тензии, бидејќи немаат друг начин appeared first on Република.

Секој којшто мисли дека со криминалот може да профитира и е исплатлива професија, многу скоро од денеска ќе се разочара и ќе биде пронајден и сместен позади решетки, изјави премиерот Христијан Мицкоски.

Ќе се бориме и ќе победиме, порача Мицкоски, наласувајќи дека „тоа треба на сите да им е јасно, не се само тие“, но и дека набљудуваат уште неколку групи и овде во Скопје и во неколку други градови низ цела држава.

- Идентификувавме три групи кои за жал имаат логистика и во некои од затворите коишто се занимаваат со изнуда, со тероризам, со рекетирање, со тежок облик на криминал, точно ги знаеме кои се и очекувам многу скоро и за нив бавењето со криминал да биде неисплатлива професија, изјави Мицкоски.

Во однос на обвинувањата од Славјанка Петровска од СДСМ дека „властите намерно не ги пуштиле убијците пред Мавровка да избегаат затоа што веќе претходно биле избегани од затвор“, Мицкоски, рече дека тие биле избегани кога СДСМ биле дел од владата и од раководните структури на СДСМ и ДУИ.

-Она што е важно е дека е загубен човечки живот, а криминалците се фатени и се изведени пред лицето на правдата. Јас ви кажав неколку пати во јавноста, ќе повторам и сега. Секој оној којшто мисли да се занимава со криминал ќе биде фатен и ќе биде испратен онаму каде што му е местото – позади решетки. Мора професијата криминал и криминалци да ја направиме неисплатлива ако сакаме да се ослободиме од криминалците и криминалот без разлика дали станува збор за вакви безочни убијци, дали станува збор за политички криминалци, дали станува збор за друг тип на криминал и корупција, изјави Мицкоски, одговарајќи на новинарски прашања по посетата на Агенција за катастар на недвижности.

Ние мораме како влада и како држава сериозно да се занимаваме со битката против ваквите елементи и  девијантно однесување, изјави Мицкоски, подвлекувајќи дека  тоа е и негов личен приоритет.

-Постојат политички глодари коишто мислат дека на таков начин ќе спечалат некаков политички поен на сметка на загубените животи, но жалам што таков тип на политички глодари не го гледаат минатото и не гледаат што оставија и што правеа додека беа тие во владата и што всушност ние денеска мораме да поразиме кое што е оставштина и би рекол наследство од тоа време кога СДСМ и ДУИ беше во влада. Но, ќе се бориме и ќе победиме. Треба на сите да им е јасно не се само тие. Набљудуваме уште неколку групи и овде во Скопје и во неколку други градови низ цела држава и во цела Македонија гледаме неколку групи. Овдека идентификувавме три групи кои за жал имаат логистика и во некои од затворите коишто се занимаваат со изнуда, со тероризам, со рекетирање, со тежок облик на криминал, точно ги знаеме кои се и очекувам многу скоро и за нив бавењето со криминал да биде неисплатлива професија, изјави Мицкоски.

https://republika.mk/vesti/makedonija/mitskoski-poevtinuvaat-katastarskite-uslugi-za-shest-pati-do-milion-evra-godishno-ke-ostanuvaat-vo-parichnitsite-na-graganite/

Мицкоски, исто така, откри дека се работи и оти во многу брзо време ќе бидат откриени многу злоупотреби во институциите.

-Полека се комплетираат истражните органи и очекувам дека ќе имаме оваа есен прилично доста досиеја документирани со цврсти докази. Разговаравме и со директорот за неколку коишто од овде од Катастарот ќе произлезат, ќе биде интересно јавноста да ги слушне имињата коишто се тука инфилтрирани, некои ги слушаше во јавноста во изминатиов период, но кога ќе биде тоа се поткрепено со докази итн. на граѓаните ќе им биде многу јасно зошто се овие конструкции, зошто имаме се уште активни политички глодари коишто сакаат да креираат монструозни сценарија, но ние сме тука – ќе се бориме, мораме Македонија да ја исчистиме од криминал ако сакаме да одиме напред. Мора криминалот да биде неисплатлива професија ако сакаме да одиме напред, во спротивно ќе продолжиме да тонеме во ова политичко мочуриште, изјави Мицкоски.

Како Влада, нагласи Мицкоски, сме жестоко посветени по било која цена да се исчистиме од криминалот во секоја пора на општеството, „дали на улиците, дали во институциите, дали во власта секаде криминалот мора да биде поразен и ќе го поразиме“

The post Мицкоски: Секој којшто мисли дека криминалот е исплатлива професија, брзо ќе се разочара и ќе биде сместен позади решетки appeared first on Република.

Владината коалиција функционира беспрекорно и амбиентот внатре е конструктивен, вели премиерот Христијан Мицкоски, одговарајќи на новинарско прашање по вчерашните препукувања меѓу владините партнери ЗНАМ и ВЛЕН.

Според Мицкоски, логично е да има различни ставови по некои прашања, но важно е секогаш да се наоѓа решение.

Важно е, вели Мицкоски, да се напомене дека оваа Влада има поддршка од повеќе од две третини од пратениците во Парламентот и тоа, според него, е важно затоа што граѓаните очекуваат резултати.

- Инаку, опозицијата ќе се обидува да создава таков тип на пораки во јавноста, но состојбата е многу конструктивна и без исклучок сите кои се дел од владината коалиција на дневна основа се трудат да направат нешто добро за државата и граѓаните, што е многу важно, рече Мицкоски по денешното поставување на камен темелник на спортска сала во населено место Огњанци, во општина Петровец.

The post Mицкоски: Владината коалиција функционира беспрекорно appeared first on Република.

Денеска е убав ден овде во Неготино почнува изградбата на градскиот пазар, едно преубаво издание, инвестиција вредна повеќе од 24 милиони денари пари кои што се финансирани од буџетот на општина Неготино, истакна премиерот.

Набрзо од денеска преку Министерството за локална самоуправа ќе објавиме повик до општините, да поднесат проекти кои што ќе бидат финансирани од централниот буџет.

Тоа што го добив како информација од градоначалникот веќе имаме некои такви проекти кои што се во фаза на одобрение за градба, значи веднаш може да се отпочне со процес на тендерирање и процес на реализација на тие проекти. И тоа е добро.

Добро е кога се гради, добро е да си ја развиваме државата затоа што тоа го очекуваат граѓаните од нас, тоа го ветувавме, за тоа и се залагавме дека ние чуда не можеме да ветуваме, ниту да се обврземе, чуда се невозможни ,тие кои ветуваа чуда се лажговци.

Ние ветувавме многу работа, чесна работа, посветена работа, напорна работа и тоа го правиме во овие први 50тина дена од оваа Влада предводена од ВМРО-ДПМНЕ и коалицијата Твоја Македонија, така и ќе продолжиме понатаму.

Важно е дека полека но сигурно надежта се враќа, оптимизмот се враќа и тоа е она кое што е наша задача и наша цел како Влада.

The post Мицкоски: Во Неготино почна изградбата на нов градски пазар, инвестиција вредна над 24 милиони денари appeared first on Република.

Премиерот Христијан Мицкоски денеска изјави дека имаат индиции за лица, кои располагаат со милионски суми, а дел од нив биле високи функционери во поранешни влади, кои се обидуваат да мобилизираат луѓе на терен со цел да се дестабилизира меѓуетничката хармонија во земјава и нагласи дека порано или подоцна сторителите на овие провокации ќе одговараат.

-Имаме индиции за елементи, кои што располагаат со огромни милионски суми на пари, дел од нив се високи функционери во поранешни влади и кои што се обидуваат да мобилизираат луѓе на терен, во најголем дел да манипулираат и она што мене особено ме загрижува е тоа што се обидуваат да провоцираат етнички конфликт, односно да ја дестабилизираат меѓуетничката хармонија во Македонија. Тоа е она кое што најмногу ме вознемирува бидејќи сфаќаат дека на друг начин тие не може да мобилизираат луѓе и сега единствениот начин е да испровоцираат ваков тип на конфликт. Тоа нема да го дозволиме. Апелирам и до јавноста и до медиумите  и до граѓаните да се воздржат од какви било провокации, да ги игнорираат, изјави Мицкоски денеска одговарајќи на новинарско прашање во врска тврдењата дека има лица, кои работат на дестабилизација на државата.

Тој денеска по посетата на Царинската управа нагласи дека порано или подоцна сторителите на овој тип на провокации ќе одговараат и упати молба до јавноста да го задржи трпението.

-Македонија треба да се консолидира, индикаторите во јули се одлични во Царинската управа и во УЈП, еве и уште неколку податоци споделив, за патарините итн. Тоа значи дека слободниот пад е сопрен. Сега треба полека да ја вратиме состојбата на некоја нула, за да можеме потоа да си ја развиваме државата. Ние сме фокусирани на тоа. Не сме фокусирани на реални шоуа, не сме фокусирани на спектакли, благовремено јавноста ќе биде информирана буквално за секоја постапка на оваа Влада. Ние сакаме Македонија да ја развиваме онака како што заслужува да биде развиена, истакна Мицкоски.

Во врска со одговорноста за поранешни функционери, за кои имаат одредени индиции за начинот на кој работеле истакна дека очекува до средината на септември да заврши целосната транзиција во рамките на институциите, на нивото за кое што е одговорна Владата.

-Понатаму, раководните лица во тие институции претпоставувам вертикално надолу ќе го продолжат тој процес. Но, она ниво кое што зависи од самата Влада ценам дека некаде средината на септември ќе заврши, што значи дека за од прилика помалку од три месеци откако е избрана новата Влада тој прв круг на транзиција би требало да заврши и очекувам од сите тие кои што ќе бидат дел од тие институции прво да ги стабилизираат институциите, а попатно додека ги стабилизираат очекувам да направат сериозна ревизија и анализа на тоа што се случувало во минатото по принципот како досега, рече Мицкоски.

Нагласи дека располагаат со сериозни индиции за незаконско работење во многу институции, но претпочитаат да обезбедат сериозно цврсти докази.

https://republika.mk/vesti/makedonija/mitskoski-tsarinskata-uprava-e-znachaen-segment-i-stolb-za-stabilnosta-na-drzhavata-vo-borbata-protiv-kriminalot-i-koruptsijata/

-Не сакаме да оставиме простор за какво било толкување дека тоа е политичка хајка кон некого. Не сакаме да одиме чекор напред, чекор назад па потоа во јавноста да има мислење дека еве се договорија и овие се исти како и претходните, го уапсија, направија спектакл па за три дена го пуштија, тука има вака, има така. Не, не сакаме така. Еве во времето на техничката влада видовте како документиран беше еден случај каде што беа би рекол осомничени и приведени еден врховен судија, односно судија којшто е дел од Врховниот суд и еден претседател на Советот на јавни обвинители. Тука имаме признавање на вина, спогодување што значи дека акцијата била поткрепена со докази. Не сакаме да правиме спектакли, театри како што тоа го правеше претходната влада, рече Мицкоски.

Премиерот истакна оти не сакаат никого да понижуваат, туку нивната намера е да обезбедат владеење на правото и законот да важи за сите подеднакво на целата територија на Република Македонија

The post Mицкоски: Имаме индиции за лица кои имаат милиони и се обидуваат да мобилизираат луѓе за дестабилизација appeared first on Република.

Суштината е да се одбрани капиталот стекнат во овие 22 години на политичка сцена и 20 години власт. Но, не ја исклучувам можноста одредени групи и структури да бидат изманипулирани, несвесно. И сега тие групи и структури може да го предизвикаат територијалниот интегритет и суверенитет, да создадат криза. Ние имаме задача како влада тоа да го браниме и да се одбраниме, вели премиерот Христијан Мицкоски за „Фокус“.

The post Мицкоски: ДУИ ја загрозува интеретничката слика и претставува закана по мирот и стабилноста appeared first on Република.

Премиерот Мицкоски во празничниот викенд беше натпревар на Европското првенство за кошаркари до 18 години и навиваше за Македонија.

The post Mицкоски ги бодреше македонските млади кошаркари appeared first on Република.

„Имаме доволен број на пожарникари и доволен број припадници на Армијата и на МВР за да се справиме со пожарите, иако станува збор за огнена стихија која е на својот историски пик. Само вчера имавме 66 активни пожари на отворено, 40 успеавме успешно да ги изгасиме. Имајќи ја предвид температурата која што следи, ќе продолжиме со ваквите предизвици да се бориме и во август. Не очекувам големи промени“, изјави денеска премиерот Христијан Мицкоски.

Мицкоски потенцира дека вчера имало историски незапаметен број на пожари на отворено - 66 и информира дека според информациите од МВР, постои основано сомневање дека причина за овие пожари во голема мера е невнимателност, а во голема мера е и намера истите да се предизвикаат.

„Ние ќе се бориме. Повторно го активиравме Европскиот механизам за барање поддршка во ваква кризна состојба. Република Чешка одговори со еден хеликоптер којшто треба денеска да пристигне, соседна Србија со уште еден хеликоптер, Унгарија утре ќе испрати четири теренци коишто се потребни за пределите коишто се непристапни. Истовремено и Словенија позитивно одговори. Германија ќе испрати два авиона и тој е капацитетот којшто ние во моментот можеме да го прифатиме. Можам да кажам дека состојбата целосно или делумно е или ќе биде ставена под контрола“, рече Мицкоски.

https://republika.mk/vesti/makedonija/ke-se-spravime-so-pozharite-iako-nasledivme-helikopteri-na-servis-avioni-prizemjeni-i-piloti-vo-penzija/

The post Мицкоски: Причина за пожарите во голема мера е невнимателност, а во голема мера е и намера да се предизвикаат. appeared first on Република.

Премиерот Мицкоски денеска во Лондон се сретна со претседателот на Србија Александар Вучиќ.На средбата беа истакнати добрите односи меѓу двете земји.

The post Мицкоски се сретна со Вучиќ appeared first on Република.

Секој член на оваа влада мора да има промакедонски позиции и секој кој ќе излезе надвор од оваа патека, без разлика на „про“ какви било позиции, повеќе нема да биде дел од оваа Влада, изјави Мицкоски прашан за коментар за реакции во јавноста по неговиот предлог Иван Стоиљковиќ, претседателот на Демократската партија на Србите да биде вицепремиер задолжен за односи со заедниците.

https://republika.mk/vesti/makedonija/nasproti-kritikite-za-negoviot-izbor-mitskoski-veruva-vo-chesnosta-iskrenosta-i-promakedonskite-pozitsii-na-stoilkovik/

Мицкоски рече дека не би се согласил со тие ставови во врска со Стоиљковиќ и дека тој самиот ќе даде мислење ако го прашаат, но нагласи дека од секој член од владата очекува да има промакедонски, татковински позиции.

-Наша заедничка татковина е Македонија и очекувам сите заедно, 24-цата, но и сите оние стотици кои по вертикала ќе бидат избрани и именувани, да имаат исклучиво само промакедонски позиции и да се борат за нивната татковина Македонија. Промакедонска позиција подразбира и стратешкото ориентирање на Македонија, а тоа подразбира силен партнер во НАТО Алијансата и земја која еден ден од денеска ќе биде членка на Европската Унија, рече Мицкоски одговарајќи на новинарско прашање по поднесувањето на предлогот за состав на владата.

На прашање што доколку Стоиљковиќ биде ставен на црна листа на САД поради неговите средби во Москва, Мицкоски одговори дека „тој е човек кој е дел од коалицијата ’Твоја Македонија’ предводена од ВМРО-ДПМНЕ“.

-Мој соработник и јас верувам во неговата чесност, искреност и промакедонски, протатковински позиции, додаде Мицкоски.

The post Мицкоски: Секој член на оваа влада мора да има промакедонски позиции appeared first on Република.

Пратеникот Јован Јаулески, утрово со фотографија од неговиот доручек, млеко и кекси, го поздрави лидерот на ДУИ Али Ахмети, по неговите закани за лидерот на ВМРО-ДПМНЕ, партијата која вчера победи на парламентарните избори.

На митингот на албанската коалиција која ја предводи, Ахмети му се закани на Христијан Мицкоски, велејќи му да не си ја бара бељата.

Христијан Мицкоски е пораснат со гурабии, Христијан Мицкоски е пораснат со кекси (бисквити). Јас сум пораснат во кула од камен што трипати е изгорена од поробувачите. Христијан, народот мој вели дека камен по камен се гради тврдината, збор по збор започнува бељата, не започнувај беља (проблем). Не започнувај беља и бирај ги зборовите, уште си млад и устата млеко ти вади, порача тогаш Ахмети.

Според досега обработените гласови, ВМРО-ДПМНЕ освои 58 мандати. Јаулески, кој беше претседател на Унијата на млади сили, по втор пат ќе биде пратеник во македонското Собрание. Тој беше петти на листата на ВМРО-ДПМНЕ во ИЕ5, каде партијата освои 10 мандати.

The post „Фала Али, кекси и млеко не е така лоша комбинација“, му порача идниот пратеник Јаулески appeared first on Република.

Претседателот на ВМРО-ДПМНЕ, Христијан Мицкоски во неговото обраќање на денешниот митинг во Струмица во рамките на претседателската кампања одговори на повикот на Стево Пендаровски за ТВ ДУЕЛ, за што рече дека Пендаровски откако ќе ги изгуби изборите ќе треба да ја добие довербата на делегатите на СДСМ за претседател на партијата, па после да бара дуел.

„Откако имав дуел со Ковачевски, а после дуелот јадниот Ковачевски не знаеше вратата да си ја најде од Канал 5 телевизија каде што бевме, сега му текнало на Пендаровски да бара дебата со мене, може ќе му текне и на Зечевиќ Миле и на Маричиќ Бојан, може и на оној Јово Деспотовски кој што е претседател на СДСМ во најава. Јас немам проблем од дуели и дебати, но за да Стево ја добие таа чест да имаме дуел и дебата, најпрвин треба откако ќе ги изгуби изборите на 8 мај, да ја добие довербата на делегатите од СДСМ и да стане претседател на СДСМ, а СДСМ најголема опозициска партија, што се сомневам дека ќе биде после овие избори на 8 мај и тука повторно да излаже, затоа што нели рече еднаш дека ако не е претседател, тогаш и тој ќе се исели од Македонија. Сега и тоа ќе го излаже, ама добро еве ќе му простиме бидејќи е претседател во најава во СДСМ и тој тогаш може да седнеме и да дебатира со идниот премиер на Македонија и да зборува каква е состојбата во Македонија“, потенцираше Мицкоски и додаде дека пред да дојде до таа точка Пендаровски треба да и се извини и на кандидатката на ВМРО-ДПМНЕ, Гордана Силјановска Давкова за навредите што ги упати кон неа, но и да престане да биде измеќар на Али Ахмети и Артан Груби.

„Сега Стево Пендаровски што треба да направи за да дојде до таа чест и таа улога? Најпрвин треба да престане да изигрува балкански мачо маж, да навредува дама со голем кредибилитет, со голем авторитет како што е професорката Гордана Силјановска Давкова, да кажува дека не ја видел и да се извини. Треба да излезе и да се извини за тоа што се служи со навреди, а потоа наместо да биде маж којшто навредува дама, да престане да биде измеќари на Артан, Али и останатите. Барем по нешто паметно да го запаметиме овие 5 години и да престане да биде слуга на Али и да коленичи во Мала Речица“, истакна Мицкоски.

Мицкоски посочи дека нема намера понатаму во кампањата да се занимава со Пендаровски и дека граѓаните треба да му помогнат на истиот за на 24 април да си ги спакува куферите и на 8 мај да се исели.

„Во понатамошниот дел од кампањата немам намера да се занимавам со Стево Пендаровски бидејќи тој секако вчера во Делчево кажа, запамтете го добро и ниту еден граѓанин во Македонија не смее да го заборави тоа. Ако не го гласате, очи не сакал да ви види. Тоа го кажа вчера Стево Пендаровски. Ако не ме гласате очи не сакам да ви видам и нема да ви дојдам во вториот круг. Ќе дојде овде во Струмица и потсетете го. Ако не го гласате дали ќе сака да ви ги виде очите? А не прашува дали вие сакате очите да му ги видите. Ајде да помогнеме на 24 април да си ги спакува куферите и на 8 мај да замине “ рече Мицкоски.

The post Мицкоски му одговори на Пендаровски: Кога ќе изгубиш на изборите, стани претседател на СДСМ па ќе дебатираме, а сега да и се извиниш на Силјановска Давкова за навредите appeared first on Република.

Во периодот што следи граѓаните треба да бидат внимателни, бидејќи секогаш кога ДУИ се фатени во лоповлук, во кражба, во пљачка тие веднаш вртат на националните теми, односно на национализам и шовинизам. ДУИ е веќе во кампања и периодов што следи, вакви провокации ќе има, вели претседателот на ВМРО-ДПМНЕ, Христијан Мицкоски од Радовиш каде што беше на теренска активност во рамките на кампањата „Важно е! Од тебе зависат промените“, при што беше запрашан за коментар за тврдењата од изминатиот викенд на Али Ахмети во кумановско Сопот за тргањето на границите.

https://republika.mk/vesti/makedonija/golema-albanija-srede-makedonija-ali-ahmeti-se-gordee-so-muzejot-na-uchk-vo-kumanovsko-sopot/

„Колку се тие провокации националистички поголеми, бидете свесни дека повторно некој тендер се решава во четири очи и повторно се пљачкаат македонските граѓани. Ќе ве потсетам на ветувањата на Али Ахмети и оние камен темелници, како што е фабриката за електрични автомобили во Тетово, покрај дупката и сега веќе поголемата трева, буквално ништо не се случува. Албанците секојдневно ја напуштаат Македонија поради лошите политики на владата на ДУИ и СДСМ, тоа што СДСМ избрале да бидат измеќари, тоа народот ќе си го каже за неколку месеци од денеска“, рече Мицкоски.

Мицкоски упати предупредување до македонските граѓани да не наседнуваат и да не подлегнуваат на ваквите националистички провокации кои доаѓаат од ДУИ и Али Ахмети и дека за неколку месеци од дене ќе дојде нова влада на ВМРО-ДПМНЕ и сето оваа заедно со политичарите кои го предизвикуваат ќе бидат минато, при што ќе следи и одговорност.

The post Mицкоски: Секогаш кога ДУИ се фатени во кражба се вртат кон национализам и шовинизам appeared first on Република.

Не очекувам дискусијата да трае десет дена, очекувам и имам некое чувство дека денес ќе заврши. Таму се 17 пратеници од кои пратеницитена ВМРО-ДПМНЕ се 7, а за да се најде точката на дневен ред треба мнозинство, рече лидерот на ВМРО-ДПМНЕ, Христијан Мицкоски одговарајќи на новинарско прашање во врска со седницата на Комисијата за уставни прашања.Мицкоски укажа и кој е „за“, а кој „против“ на денешната седница.„

Очекувам резултатот да биде 10 наспроти 7, или 10 „за“ овие европејци кои купуваат имот од 30 милиони евра во центарот на Скопје или што имаат аудија на соседи и имаат 35 години возраст, а 30 години имаат искуство  во бизнис и некако случајно во ист месец трансакција за хотел и за патничкото возило кое беше запалено. И тие европејци нека ја тераат европската агенда, а ние нашата македонска“, рече Мицкоски.Мицкоски се осврна и на гласањето за уставните измени пред пет години.„Ако мислите дека оние осуммина од пред 5 години биле изманипулирани, не е така, тие точно знаеле што прават имале личен бенефит и одлучија да  си ја продаваат кожаата. Пратениците на ВМРО-ДПМНЕ, оние 44, се јасни и прецизни. Без никој ништо да каже вчера во просторијата каде се собравме, се знаеше  измени под бугарски диктат нема“, заклучи Мицкоски.

The post Мицкоски: Оние 10 кои гласаа „за“ уставни промени се оние кои продаваат европски вредности како купување на имот во центарот на Скопје за 30 милиони евра, имаат пријатели од 35 години со 30 години искуство во бизнис appeared first on Република.

Тргнете ги на страна оние еуфорични соопштенија на СДС, оние вештачкигушкања на темата уставни измени и изнасилени радости на партијата навласт која панично ја шират лагата дека ВМРО-ДПМН наводно им гиприфатила уставните измени кои се последица на бугарскиот диктат.Сосема свесно ги оставив да го дуваат балонот, затоа што веднаш задаголот се гледа дека ја промашија работата и како меур од сапунуца имсе распрсна оваа лага“, изјави Претседателот на ВМРО-ДПМНЕ Христијан Мицкоски на денешната трибина во Охрид насловена „Политики за силна култура и развиен туризам“.

Тој додаде дека ако навистина ВМРО-ДПМНЕ ги прифатела уставните измени тогаш власта ќе славела.

„Ако навистина им ги прифативме тие уставни измени како што сега тврдатво средата ќе отвореа шампанско и ќе славеа, а во четвртокот ќе ставеаточка на дневен ред во Собранието за уставни измени. И наместо сетоова тие денес држат состанок за тоа како да му кажат на членствотодека ја губат власта“, дециден е Мицкоски.
Мицкоски потенцираше дека сосема видливо е дека немаат мнозинство за уставни измени кои ги туркаат под бугарски диктат и дека цела година лажеа дека ќе обезбедат пратеници, па кодошеа по светот и пред амбасадори каде ги молеа да превземат чекори и направат притисок, но се им падна во вода.

The post Мицкоски: Ако навистина им ги прифативме тие уставни измени како што лажат, ќе славеа и ќе ставеа точка на дневен ред во Собранието appeared first on Република.

Од Кабинетот на претседателот демантираат дека Роберт Тодороски од Прилеп, кој на социјалните мрежи му се закануваше на лидерот на ВМРО-ДПМНЕ добил благодарница од претседателот на државата Стево Пендаровски.

https://republika.mk/vesti/makedonija/zakanuvachot-kon-mitskoski-dobil-blagodarnitsa-od-pendarovski/

Во врска со наводите за издадена благодарница од страна на претседателот Стево Пендаровски на лицето Роберт Тодороски, претседател на РХО Здружени срца – Прилеп, ве информираме дека таков документ не е врачен од страна на претседателот Пендаровски, или издаден од Кабинетот на претседателот, се вели во демнатот.

Во моментот чекаме одговори дали и какви мерки ќе се преземат против лицето за злоупотреба на името и институцијата Претседател, бидејќи лажна или не, таква плакета постои и „Типчето“ со неа се фали:

Утрово од ВМРО-ДПМНЕ реагираа дека ни по 24 часа СДСМ или Пендаровски не се оградија од лицето кое на социјалните мрежи се заканува по животот на лидерот на партијата Христијан Мицкоски  и неговите деца.

Ниту МВР реагира на ваквите закани кои се израз на страв и немоќ на власта, ниту пак СДС ги осудува ваквите чинови кога во политиката се вмешуваат и малолетни деца, порачуваат оттаму.

The post Ќе има ли санкции за злоупотребата на институцијата Претседател? Од Кабинетот демантираат дека е издадена плакета, а таа постои appeared first on Република.