Четириесет и тригодишен жител на село Требош со иницијали Ј.В. вчера во 11.30 часот бил повикан во СВР Тетово осомничен дека му се заканил со порака на телефон на градоначалникот на Тетово, Биљал Касами.

Министерството за внатрешни работи денеска соопшти дека за Ј.В. постои основано сомневање дека извршил кривично дело „загрозување на сигурност“.

Осомничен е дека се заканувал завчера, а бил пријавен вчера околу 10.30 часот во СВР Тетово од самиот градоначалник Касами, и еден час подоцна бил повикан во полиција.

Градоначалникот на Општина Тетово Б.К.(49) од Тетово пријавил дека претходниот ден околу 23.40 часот на неговиот мобилен телефон добил порака со заканувачка содржина. По целосно расчистување на случајот ќе биде поднесен соодветен поднесок, наведува МВР во полицискиот билтен.

The post Жител на Требош преку телефон му се заканувал на градоначалникот Билал Касами, повикан е во полиција appeared first on Република.

Средношколец од Скопје, вчера попладне упатувал закани кон вработени во училиште, при што оштетил и дел од инвентарот, соопшти МВР.

На 06.09.2024 во 20.20 часот во СВР Скопје, било пријавено дека околу 16.50 часот во средно училиште на подрачјето на општина Аеродром, ученик во службени простории агресивно се однесувал кон вработените во училиштето и им упатувал закани, по што оштетил и дел од инвентарот, стои во соопштението на МВР.

МВР соопшти дека е известен јавен обвинител за малолетници. Се преземаат мерки за расчистување на случајот.

The post Средношколец од Скопје се заканувал на вработени во училиштето, кршел маси и столови appeared first on Република.

Денеска во 04.01 часот во СВР Скопје, 40-годишниот Н.Л. од село Бузалково, велешко, пријавил дека во Градската општа болница „Св.Наум Охридски“, каде работел како лекар, Ј.М. почнал агресивно да се однесува, а потоа му упатил и закани, извести МВР.

Се преземаат мерки за расчистување на случајот.

The post Маж се заканувал на доктор од Градската општа болница appeared first on Република.

Претседателот на Партијата за целосна еманципација на Ромите (ПЦЕР) Самка Ибраимоски денеска одржа прес-конференција на која се осврна на постапувањето на Уставниот суд кој пред неколку дена поведе нова постапка за член 2 и член 4 од Законот за изменување и дополнување на Законот за облигациските односи.

Според Ибраимовски, главниот проблем и прашање кое јавноста треба да го постави е како е можно еднаш Уставниот суд да отфрли иницијатива за преиспитување на законитоста и уставноста на измените на Законот за облигациски односи, а потоа истата своја одлука со иста иницијатива повторно да ја преиспитува.

Најголемата лакрдија во оваа игра на Уставниот суд е тоа што при првото отфрлање на иницијативата беше детално образложено и појаснето зошто истата се отфрла, односно беше наведено дека законот се однесува за постапки кои се во тек и не се завршени и со вакво законско решение не се врши дискриминација ниту се кршат уставните начела. Тоа го потврди и Венецијанската комисија. Сега повторно на исти околности, Уставниот суд ја преиспитува сопствената одлука. Дали со ваквото постапување на највисокиот суд во државата, односно судот кој е чувар на Уставот, а со тоа и на супрематните вредности на едно општество, граѓаните ќе чувствуваат правна сигурност или пак ќе се создаде правна конфузија? Односно атомска бомба за граѓаните. Дали со ваквото постапување Уставниот суд се става на позиција на Собрание, на позиција на Влада, и како што се менуваат Уставните судии, така и ќе се менуваат стратегиите на судот, па ќе се менуваат закони и слично, истакна Ибраимовски.

Според него, Уставниот суд треба да поведе сметка за состојбата на народот, а не на одредени групи на интерес.

Сите мои реакции овој изминат период се токму поради гласините дека големите бизнис и банкарски олигарси вршат притисок за овие измени да не профункционираат, заради тоа што директно засегаат во нивниот интерес, а за сметка на граѓаните. Единствено гласот на народот е оној кој треба да ги опомене сите институции, па дури и Уставниот суд дека тука се за народот, токму заради тоа гласно и јавно зборувам овој период на оваа тема. Зошто за ургентно за важечки уставен закон, поставувам прашања до уставните судии, или сакате да ја замајувате јавноста и да го поништите законот со тоа што ќе нанесете атомска бомба и ќе го упропастите сопствениот македонски народ, односно 200 илјади блокирани сметки. Ќе има проблеми нормално ќе останат луѓе без куќи, без плацови, без станови и ќе живеат под шатори и приколки. Затоа уште еднаш зошто ургентно за еден важечки закон кој веќе еднаш е одлучено и дел од судиите потврдија дека дел од судиите е разгледан овој закон и не треба повторно да се разгледува, рече Ибраимоски.

На новинарско прашање дали е точно дека се заканувал на уставните судии, за што пишуваа одредени медиуми, Ибраимовски посочи дека бил повикан во полиција, но тоа било за прашање поставено на социјалната мрежа Фејсбук и дека не се заканил на никого.

Јас сум поставил само едно прашање - што ако настанат убиства? Сум го пренел гласот на народот, што ми пишуваат мене, во мојот инбокс, каде кажуваат дека: „ќе земам пиштол“ и дека: „ќе отепам некого“ или „јас ќе се отепам“. Тоа е мое едно поставено прашање, кој ќе одговара за настанати убиства ако се случат, ништо посебно закани сум имал кон судиите. Јас лично не сум се заканил нити на Ана Павлова Данева, нити на претседателот на судот. Претседателот на судот, гласаше во првиот состав, кога се одлучуваше за овој закон. Сега во второто прегласување тој гласаше против својата самостојна одлука. Дали нешто не е во ред и дали има индиции тоа треба да се позанимава јавниот обвинител затоа што овој закон е спас за народот што не се почитува веќе една година и има правосилни пресуди добиени што не ги почитуваат извршителите. Ова е една голема игра меѓу извршителите, олигарсите, судиите, истакна Ибраимоски.

Минатата 2023 година со измената на законот за облигациски односи се регулира висината на казнената камата и висината на трошоците кои треба да ги платат луѓето за заостанати долгови, што беше оценето од Ибраимоски како крај на огромните камати.

The post Јас сум поставил само едно прашање: Што ако настанат убиства? Сум го пренел гласот на народот, вели Самка Ибаримовски кој беше повикан во полиција заради закана кон уставен судија appeared first on Република.

Самка Ибраимоски преку Фејсбук им се заканувал по животот на уставните судии откако дозволија извршителите да продолжат да наплаќаат долгови, објави Сител. Ибраимоски негира дека написите против судијката Ана Павловска Данева се закани по нејзиниот живот. Тој веќе добил повика да оди во полиција.

Ако сум спомнал некого, не сум спомнал со закана по живот, ако ги погодува моето пишување тоа е нивен проблем. Имам демократско право да пишувам како предлагач на законот, лидер сум на сиромашна партија која е заглавена со извршителите и бараме спас и начин како да се ослободат тие луѓе на кои 3 до 4 пати им ги наплатуват долговите – вели Ибраимоски за Сител.

Од Уставниот суд велат дека лично претседателот Дарко Костадиновски ги пријавил заканите, а како што информираат од прес службата, биле поврзани со конкретен предмет кој го работел Уставен. Павловска Данева вели дека нападите и заканите се притисок врз независноста и интегритетот на судот.

Поранешен пратеник и претседател на помала политичка партија, незадоволен од Одлука донесена од Уставниот суд, преку социјалните мрежи во континуитет објавува закани и навреди кон судиите, при што го има наведено моето име, најавувајќи убиство и слични противзаконите дејствија – изјави Павлоска Данева.

Во меѓувреме, Ибраимоски и денеска продолжи со критиките на Фејсбук против одлуката на Уставниот суд, а во неговите видеа и написи често го споменува името на Павлоска Данева.

Ибраимовски е лидер на Партијата за целосна еманципација на Ромите – ПЦЕР.

https://republika.mk/vesti/crna-hronika/mvr-otkri-koj-gi-isprakal-zakanite-do-ustavniot-sudija/

The post Самка Ибаимовски преку Фејсбук се заканувал на уставна судијка, вели дека имал демократско право да пишува appeared first on Република.

Секторот за внатрешни работи Битола – Отсек за општ криминал при СВР Битола денеска (20.06.2024) поднесе кривична пријава против Г.Т.(42) од Битола поради постоење основи на сомнение за сторено кривично дело „загрозување со опасно орудие при тепачка или караница“, казниво по член 133 од Кривичниот законик. На 18.06.2024 во 22.30 часот на бензинска пумпа во Битола, по претходна расправија со вработените во агенција за обезбедување во објектот, пријавениот им се заканувал со огнено оружје.

The post 42-годишен се заканувал со пиштол на бензинска пумпа во Битола appeared first on Република.

Чешката полиција ги зајакна безбедносните мерки во Прага и е во состојба на готовност поради закани од терористички напади, со зголемени патроли кои ги чуваат автобуските и железничките станици, трговските центри и местата каде што се собира голем број луѓе.

Можам да потврдам дека полицијата во моментов презема превентивни мерки. Полицијата води истрага поврзана со напади во странство. Осомничениот е уапсен. На луѓето во Чешка не им се заканува поголем ризик, изјави денеска министерот за внатрешни работи Вит Ракушан.

Како што пренесува Бета, чешкиот весник „Млада фронта Днес“ од неофицијални извори дознава дека станува збор за закана од терористички напади врз инфраструктурата, а важат и за други земји.

Чешкиот совет за национална безбедност утре ќе одржи итен состанок.

The post Чешка ги засили мерките поради конкретна терористичка закана appeared first on Република.

На украински социјални мрежи се шири видео во кое се гледа како припадници на вооружените сили на Украина му се обраќаат на поранешниот американски претседател, Доналд Трамп со закани, а потоа палат кукла со неговиот лик.

Се вртиме кон Доналд Трамп. Заради тебе лудаку, на претседателот Зеленски не му дадоа оружје. Никогаш повеќе нема да станеш претседател. Ти си предавник и ќе платиш за тоа што си го направил“, велат украинските војници во пораката.

Неодамна, САД договорија нов пакет помош за Украина во вредност од 61 милијарда долари, за кој републиканците одбиваа да се договорат во претходните шест месеци.

Судејќи според пораката, Украинците веруваат дека пакетот помош за нив не бил договорен порано по наредба на Доналд Трамп.

The post Украинците испратија закани кон Трамп па запалија кукла со неговиот лик appeared first on Република.

Лидерот на ДУИ, Али Ахмети од митингот на плоштадот „Македонија“, порача дека лидерот на ВМРО-ДПМНЕ, Христијан Мицкоски бил пораснат со гурабии и кекси.

Тој му порача да пази што зборува бидејќи уште е млад.

Христијан Мицкоски е растен со гурабии, бисквити! Христијан не ја почнувај бељата и мери ги зборовите затоа што си млад и ќе ти ја закрпам устата, рече Ахмети.

Јас патував малку подолго и одвај чекав да дојдам тука кај вас за да му кажам неколку зборови на Христијан Мицкоски. Христијан Мицкоски е пораснат со гурабии, Христијан Мицкоски е пораснат со кекси (бисквити). Јас сум пораснат во кула од камен што три пати е изгорен од поробувачите. Христијан, народот мој вели дека камен по камен се гради тврдината, збор по збор започнува бељата, не започнувај беља (проблем). Не започнувај беља и бирај ги зборовите, уште си млад и устата млеко ти вади“, порача Ахмети.

The post Ахмети му се закани на Мицкоски: Не си ја барај бељата appeared first on Република.

По наредба на Вишото јавно обвинителство во Белград, специјалното одделение за високотехнолошки криминал, уапсен е мажот што му се заканувал на Александар Вучиќ.

На социјалната мрежа Х тој се заканувал дека ќе убие.

Како што пренесуваат медиумите, станува збор за лице по иницијали О. С., кој на таа социјална мрежа напишал: „Атентат, реално, би бил благословен“.

The post Се заканувал со убиство на Вучиќ: Во Белград уапсено едно лице appeared first on Република.

Поради тежок инцидент, 16-годишник во Хрватска заврши во истражен затвор, но Уставниот суд сега утврди дека е повредено неговото правото на лична слобода загарантирано со хрватскиот Устав, пренесува N1.hr.

Во средината на октомври минатата година за време на одмор во училишниот ходник, момчето се приближило до четворица ученици од своето одделение и без никаква причина еден од нив го испрскал со солзавец. Во следниот момент со тупаницата во која имал т.н боксер, тој замавнал кон него. Друг ученик го спречил во понатамошен напад.

Момчето потоа извадило нож скакулец од џебот и почнал да се заканува:

Ќе ве заколам сите, ќе ве убијам сите, ќе фрлам молотов коктел во одделението, ќе ве убијам сите и ќе го запалам училиштето.

После тоа, класниот раководител успеал да го совлада, но потоа 16-годишникот му се обратил:

Не заслужиле да живеат, ќе се вратам во училиштето, ќе го запалам училиштето“ Ќе ве убијам сите“, рекол тој.

Подоцна во канцеларијата на директорот неколку пати повторил дека ќе го запали училиштето и сите ќе ги убие, а истите зборови ги повторил и пред полицајците кои биле повикани да интервенираат.

Со својот чин ги исплашил останатите ученици, но и вработените во училиштето. Затоа бил пријавен за закани, но и за обид за нанесување тешки повреди.

Откако бил изведен пред суд, му е одредена мерка притвор бидејќи судијата констатирал дека може да ги повтори кривичните дела за кои се товари.

По инцидентот, момчето прво поминало две недели на лекување. Веќе на рочиштето за притвор, тој тврдеше дека се чувствува многу подобро.

Во меѓувреме дури бил избркан од училиште, а родителите, кои дотогаш не биле свесни дека има некакви психички проблеми, решиле да ги прилагодат работните обврски за да можат повеќе да се посветат на своето дете.

The post 16-годишник во Хрватска им се заканувал на ученици дека ќе ги заколе и ќе го запали училиштето appeared first on Република.

Надворешната канцеларија за криминалистички работи Берово поднесе кривична пријава против М.Е.(39) од Берово, поради постоење основи на сомнение за сторено кривично дело „загрозување на сигурноста“.

Како што соопштуваат од МВР, на 13.11.2023 во основно училиште во Берово, за време на одржување на родителска средба, пријавената упатила закани на наставничката.

The post Мајка заработи кривична за закани кон наставничката сред родителска appeared first on Република.

Ковид-19 „останува закана“, соопшти Светската здравствена организација (СЗО), четири години по појавата на болеста која однесе милиони животи и го опустоши светот и глобалната економија.

„Вирусот САРС-КоВ-2 моментално циркулира во сите земји и продолжува да претставува закана“, предупреди Марија Ван Керхов, научник од СЗО одговорна за борбата против пандемијата.

Мораме да останеме внимателни бидејќи вирусот циркулира, се развива - се менува“, додаде таа.

Сега постојат три варијанти на вирусот Ковид-19 (KSBB.1.5, KSKSB.1.16 и EG.5) кои се под зголемен надзор. Четвртата варијанта (BA.2.86) исто така се следи иако не предизвикува зголемени симптоми.

Соочена со пандемијата на коронавирусот, на 30 јануари 2020 година, СЗО прогласи вонредна состојба за јавно здравје од меѓународна значење, нејзино највисоко ниво на тревога, кое конечно беше укинато на 5 мај 2023 година.

Покрај акутните симптоми на болеста, СЗО е загрижена и за долгорочните ефекти предизвикани од вирусот, кој се нарекува „долготраен ковид“.

Имаме докази дека вакцините го намалуваат ризикот“ од долготрајниот ковид, истакна научникот.

Таа изјави дека ширум светот се дадени 13,5 милијарди дози вакцини од првите кои беа на крајот на 2020 година.

The post Коронавирусот останува закана предупредува СЗО appeared first on Република.

Париската полиција денеска отвори оган врз жена која наводно се заканувала во возот, што е последен безбедносен инцидент во земја која го подигна нивото на безбедност поради терористички закани, откако исламски екстремист овој месец уби професорка во средно училиште.

Според „Фигаро“ жената носела исламски превез, абаја, а покрај заканите изговарала и зборови кои го оправдуваат тероризмот.

Полицијата соопшти дека засега нема информации за состојбата на жената, пренесе АП.

Од полицијата додале дека отвориле оган откако жената не одговорила на нивните предупредувања.

Полицијата реагирала откако патник во возот повикал брза помош и пријавил дека жената се заканува, но не се знае за какви закани станува збор.

The post Париз на нозе: Полицијата отворила оган врз жена која се заканувала во воз appeared first on Република.

Продолжуваат заканите за терористички напади во Франција.

Версајската палата преку социјалната мрежа Х (Твитер) ја информираше јавноста дека евакуацијата се врши од превентивни безбедносни причини и дека ќе биде повторно отворена веднаш штом ќе бидат направени сите потребни проверки. Имало закана за бомба, шеста во рок од седум дена. Претходно полицијата доби мејл во кој се тврди дека Франција е „земја на неверниците“.

Околу 5.000 туристи се евакуирани од Версајската палата.

The post Закана за бомба во Версајската палата, евакуирани 5.000 туристи appeared first on Република.

На 16.10.2023 во 09:10 часот во СВР Скопје, 47-годишна жена од Скопје, наставничка во средно училиште во Скопје, пријавила дека на работното место, Д.Б. (родител на ученичка во училиштето) ѝ упатил закани.

Се преземаат мерки за расчистување на случајот.

The post Родител се заканувал на наставничката на неговата ќерка appeared first on Република.

Иранскиот генерал Али Фадави, заменик на командантот на Корпусот чувари на исламската единица, рекол дека Израел го чека шок, ако не престане да удира на Појасот Газа.

Ако злосторствата во секторот на Газа продолжат, муслиманите од другите земји можат да се вклучат во борбата против ционистите, а тогаш ќе ги дочека нов шок - рекол Фадави во интервју за агенцијата Фарс.

По зборовите на претставникот на Револуционерната гарда, акцијата на израел во Појасот Газа предизвика огорчување на сите мулимани, па исламската заедница брои секунди да ја одигра својата улога во Оската на отпорот.

Изразот Оска на отпорот се однесува на воена соработка на Иран, Сирија, Хезболах и палестинските групи.

The post Израелци, ќе ве дочека нов шок: Опасна закана на елитната иранска единица, целата Оска на отпорот се подготвува за напад appeared first on Република.

Завчера во 12.00 часот во СВР Скопје, 30-годишна жена од Скопје пријавила дека во домот на подрачјето на Центар била физички нападната од нејзиниот сопруг А.В.(40) од Скопје.

Тој ѝ упатил и закани со остар предмет.

Полицијата соопшти дека се преземаат мерки за расчистување на случајот.

The post 30-годишна жена претепана од нејзиниот сопруг во Скопје, се заканувал и со нож appeared first on Република.

Дваесет и тригодишен охриѓанец со огнено оружје ѝ се заканувал на својата поранешна девојка.

Од полицијата информираа дека момчето е приведено.

По целосно документирање на случајот ќе следува соодветен поднесок.

The post Охриѓанец со оружје ѝ се заканувал на поранешната девојка appeared first on Република.

Претседателот на бугарската фондација Македонија Виктор Стојанов упати закана до Македонците од Пустец, предупредувајќи ги дека ако не се попишат како Бугари на пописот кој е во тек во Албанија, ќе им бидат одземени бугарските пасоши.

До сите жители на општина Пустец, Албанија:Доколку сега на пописот не се пријавите како етнички Бугари, во најкус можен рок ќе ви бидат одземени бугарските државјанства, а доколку сте во постапка – веднаш ќе ви бидат прекинати процедурите. Веќе имаме еден таков случај. Размислете, им порача Стојанов на Македонците од Пустец.

Претходно, како засилена бугарска пропаганда врз Македонците во Албанија, тамошните македонски здруженија ја оценија посетата на бугарската потпретседателка Јотова.

The post Отворена закана на Стојанов до Македонците во Пустец: Ќе ви ги одземеме пасошите ако не се пишете Бугари appeared first on Република.