На пругата Прахово-Заечар-Књажевац-Ниш, кај селото Вратарница, синоќа се превртела цистерна што превезувала фосфорна киселина.

Како што објавуваат српските медиуми еден од 12. вагони, излетал од шините.

Инцидентот се случил во еден часот и пет минути по полноќ и сообраќајот е запрен на таа делница. На терен се пожарникарите и полицијата.

Оваа пруга неодамна беше реконструирана, а во близина е реката Тимок.

Возот сообраќал од пристаништето Прахово кон Шабац и превезувал фосфорна киселина за потребите на фабриката „Еликсир Зорка“.

Портпаролот на заечарската полиција Александар Богојевиќ изјави дека немало излевање киселина од цистерната ниту дека постои опасност тоа да се случи.

Четири дена по истекувањето на амонијак од резервоарите на товарниот воз кој излета од шините кај Пирот, надлежните велат дека ќе започне со отстранувањето на остатоците.

The post Се преврте цистерна кај Зајачар којашто превезувала фосфорна киселина appeared first on Република.

Вагон на товарен воз што превезувал фосфорна киселина ноќеска излета од шините во близина на Зајечар, во источниот дел на Србија.

Како што соопшти српското МВР, инцидентот се случил на неодамна реконструираната железничка пруга Заечар – Књажевац, нешто по 1 часот по полноќ кога од шините излизгал товарен воз со фосфорна киселина кај селото Вратарница. Полицијата уште посочи дека нема превртување на вагони, оштетени резервоари ниту излевање хемикалија.

Полицијата и пожарникарите се на терен, а увидот е во тек, соопшти МВР на Србија.

The post Вагон со фосфорна киселина излета од шините на пругата кај Зајечар appeared first on Република.