Во СВР-Скопје било пријавено дека при извршување градежни работи на објект во изградба на подрачјето на Центар, со тешки телесни повреди се здобил Л.Ш.(27) од тетовкото село Ѓермо. Тој бил пренесен во Комплексот клиники „Мајка Тереза“ во Скопје, каде потоа починал.

Како што се наведува во МВР-билтенот, случајот бил пријавен на 2 ноември 2024 година.

Извршен бил увид од увидна екипа од СВР Скопје, известен бил трудов инспектор, а по наредба на Јавен обвинител телото на починатиот било предадено на обдукција. Се работи на расчистување на случајот.

The post Млад работник загина по пад од градежен објект во Центар appeared first on Република.

Пешак загина на магистралниот пат Куманово-Крива Паланка, откако во него удрил „пасат“, управуван од државјанин на Србија, соопшти СВР Куманово.

Na 30.10. во 17:30 часот во СВР Куманово било пријавено дека на магистрален пат Куманово – Крива Паланка се случила сообраќајна незгода каде возило „пасат“ со српски регистарски ознаки управувано од В.Б.(47) од Република Србија удрило во пешак Б.Д. (64) од село Облавце. Во незгодата пешакот загинал на самото место, соопшти СВР Куманово.

Увид извршила екипа од СВР Куманово.

The post Загина пешак на магистралниот пат Куманово- Крива Паланка, го удрил „пасат“ од Србија appeared first on Република.

Малолетник загина, а едно лице се здобило со тешки телесни повреди во сообраќајна несреќа која се случи вчера на магистралниот пат Куманово-Крива Паланка во населбата Карпош, соопшти денеска СВР Куманово.

Во сообраќајката учествувало возило „бмв" со албански национални ознаки и мотоцикл ,,јамаха".

Вчера околу 21.40 часот во СВР Куманово било пријавено дека на магистрален пат Куманово - Крива Паланка, во населба Карпош – Куманово, се случила сообраќајна незгода помеѓу патничко моторно возило „бмв“ со албански национални ознаки, управувано од И.Б.(37) од Скопје и мотоцикл „јамаха“ управувано од малолетник од Куманово. Во незгодата, од здобиените повреди на местото починал 15 – годишен сопатник на мотоциклот од Куманово, а смрт констатирал лекар од Итна медицинска помош. Додека, 16 – годишниот возач на мотоциклот се здобил со тешки телесни повреди, констатирани во болницата во Куманово, информираше полицијата.

Увид на местото на несреќата извршиле екипа од СВР Куманово и јавен обвинител, по чија наредба телото на починатиот било дадено на обдукција, возачот на патничкото возилот бил лишен од слобода, а возилото и мотоциклот биле предадени на вонреден технички преглед.

The post Загина малолетник, а едно лице е повредено во сообраќајна несреќа на патот Куманово-Крива Паланка appeared first on Република.

Петчлено семејство погина во судир на автомобил и воено возило на патот Краљево-Рашка, пренесе Блиц. Жртви се три деца, и нивните родители.

При извршување на редовните задачи, борбеното возило на српската армија „ПАСАРС“ се судрило со цивилно возило во близина на градот Ушќе, соопшти Министерството за одбрана.

Несреќата се случила во 13 часот и 10 минути.

Борбеното возило на Војската на Србија се движело во правец на Рашка и било во колона под придружба на воената полиција.

The post Петчлено семејство загина во судир на автомобил и возило на војската на Србија, меѓу жртвите има и три деца appeared first on Република.

Утрово околу 7 часот и 50 минути на патот меѓу Штип и Кочани кај селото Тркање пешак го загуби својот живот откако во него удрило патничко возило од марката „опел астра“.

Возилото било управувано од 26 годишниот К.А. со кочански регистарски таблици и удрило во 56 годишниот пешак С.С. од селото Теранци во околината на Кочани. Пешакот починал на лице место, лекарите веднаш констатирале смрт.

Екипа на ОВР Кочани изврши увид на лице место. Од АМСМ информираа дека утрово сообраќајот се пренесочува по експресниот пат. Оттогаш, до сега сообраќајот е нормализиран на магистралниот пат Штип – Кочани.

The post Пешак загина во сообраќајката кај село Тркање appeared first on Република.

Полицијата извести дека вчера било пријавено дека на улицата „Трајко Николоски“ во Прилеп, возило „мерцедес” управувано од К.Д.(47) од Прилеп, удрило во електричен тротинет, управуван од В.П.(60) од Прилеп.

Во несреќата, В.П. се здобила со тешки телесни повреди и била пренесена во Градската болница Прилеп, каде што во 17.45 часот починала.

Увид на местото на несреќата извршила увидна екипа на ОВР Прилеп.

The post 60-годишна жена загина во Прилеп, автомобил удрил во неа додека возела тротинет appeared first on Република.

Извршниот директор на „Ауди“, кој бил страствен планинар, паднал на повеќе од 3.000 метри вчера во смртоносна несреќа на само неколку километри од италијанско-швајцарската граница, според извештаите.

Фабрицио Лонго (62), кој раководи со операциите на компанијата за луксузни автомобили во Италија, се искачувал на врвот на Адамело во северна Италија кога паднал во близина на врвот, објавија неколку европски медиуми.

Спасувачките екипи излегле на местото на настанот откако друг алпинист бил сведок на несреќата и повикал помош. Хеликоптерски тим го пронашол телото на Лонгo на околу 200 метри во внатрешноста на клисурата. Констатирана е смрт на лице место. Неговото тело било пренесено во блискиот италијански град Карисоло.

Лонго е на чело на „Ауди“ во Италија од 2013 година. Во 1987 година ја започна својата кариера во автомобилската индустрија во италијанскиот производител на автомобили Фиат, каде што работеше во маркетинг.

Петнаесет години подоцна му се придружил на ривалскиот италијански производител на автомобили, Ланчиа. Лонго беше добро познат во заедницата за зимски спортови.

Меѓународната федерација за скијање и сноуборд објави соопштение во кое жали за неговата смрт. Флавио Рода, шеф на федерацијата, ја нарече смртта на Лонго „ужасна загуба за федерацијата која со години работеше плодно со Лонго“.

„Фабрицио Лонго го води брендот Audi во Италија со голем успех од 2013 година, потврдувајќи го лидерството на брендот во премиум сегментот 11 последователни години. Лонго е личност со голем интегритет, култура, способност и чувствителност. Тој беше извор на непоколеблива поддршка. Неговите силни вредности и вистинската грижа за секој од нив создадоа работно место исполнето со топлина и почит – изјави портпаролот на „Ауди“ за „Њујорк пост“.

The post Загина извршниот директор на „Ауди“ во Италија: Страствениот планинар падна од висина од 3.000 метри appeared first on Република.

Во сообраќајна несреќа што се случила во близина на Килкис (Кукуш) во северниот дел на Грција, при судир на два автомобила животот го загубил 55-годишен државјанин на Македонија, објавија грчките медиуми, јави дописничката на МИА од Атина.

Според истите информации, автомобилот со кој управувал 55-годишниот директно се судрил со друг автомобил управуван од 44-годишна жена.

На местото на несреќата пристигнале и пожарникари, кои интервенирале за да го извлечат возачот, кој бил пренесен во болница во Солун, каде што била констатирана смрт.

Во вториот автомобил заедно со 44-годишната, се превезувале и 38-годишен маж и две тригодишни девојчиња, а сите биле пренесени во болница

Причините за несреќата засега не се познати, а почната е прелиминарна истрага.

Од противпожарната служба на Грција соопштија дека осум пожарникари со четири возила интервенирале за извлекување на маж во безживотна состојба и повредена жена од две возила по сообраќајна несреќа кај Неа Санта во пошироката област на Килкис (Кукуш).

The post Македонски државјанин загина во тешка сообраќајка во Грција appeared first on Република.

Ноќва во 01.50 часот во ОВР Кичево било пријавено дека на магистралниот пат Кичево-Гостивар, патничко возило „фолксваген пасат“ со кичевски регистарски ознаки, управувано од С.А.(22) од с.Туин, кичевско, излетало од коловозот.

Во несреќата со тешки телесни повреди се здобил возачот, по што бил пренесен во Комплекс клиники „Мајка Тереза“, каде што подоцна починал.

Извршен бил увид од увидна екипа на ОВР Кичево.

The post 22-годишно момче ноќва загина на патот Кичево-Гостивар appeared first on Република.

17-годишно момче вчера загина во тешката сообраќајна несреќа што се случи во близина на скопското село Блаце.

Несреќата се случила кога автобус на ЈСП се судрил со автомобил во кој се наоѓале двајца малолетници.

Во сообраќајката тешко бил повреден и 13-годишниот брат на загинатиот кој веднаш бил пренесен на скопските клиники.

The post Страшна несреќа кај скопско Блаце, загина тинејџер при судир на автобус и автомобил appeared first on Република.

Вчеравечер во 22.05 часот во Полициската станица Радовиш било пријавено дека на магистралниот пат Радовиш-Штип, моторцикл „јамаха“ без регистарски ознаки, управуван од С.М.(35) од с.Василево, струмичко, излетал надвор од коловозот.

По несреќата, мотоциклистот со возило на Итна медицинска помош бил пренесен во Клиничката болница Штип за укажување на лекарска помош, каде од страна на лекар констатирана била смрт.

Извршен бил увид од увидна екипа од ОВР Радовиш.

The post На Илинден загина 35-годишен мотоциклист appeared first on Република.

Млад велешанец го загуби животот откако со возилото излета од коловозот во нова трагедија на експресниот пат Кочани-Штип.

Како што соопшти МВР, вчера во 09.50 часот во Полициската станица Кочани било пријавено дека на експресниот пат Кочани-Три чешми, на клучката за с.Спанчево, патничко возило „фиат стило“ со гевгелиски регистарски ознаки, управувано од Г.К.(21) од Велес, излетало од коловозот.

Од здобиените повреди на местото на настанот починал возачот, а од страна на лекар од Итната медицинска помош констатирана била смрт.

По наредба на Јавен обвинител телото на починатиот било дадено на обдукција. Извршен бил увид од увидна екипа од ОВР Кочани.

The post Нова трагедија на експресниот пат Кочани-Штип, загина 21-годишник appeared first on Република.

Вчера во 13.40 часот во СВР Скопје било пријавено дека на крстосница од ул.„518“, ул. „516“ и бул.„Гоце Делчев“ во Скопје се случила сообраќајна несреќа помеѓу патничко возило „киа“ со холандски национални ознаки, управувано од Б.С.(43) од Холандија и мотоцикл со скопски регистарски ознаки, управуван од Т.С.(50) од Скопје.

https://republika.mk/vesti/crna-hronika/na-klinichki-so-chasovi-se-borat-za-zhivotot-na-skopjanets-po-tezhok-sudir-popladnevo/

Во несреќата мотоциклистот се здобил со тешки телесни повреди и бил пренесен во Комплекс клиники „Мајка Тереза“ во Скопје, каде што подоцна починал.

Лекар констатирал смрт, а увид на местото на несреќата извршиле јавен обвинител и увидна екипа од СВР Скопје.

По наредба на јавен обвинител телото на починатиот било предадено на обдукција.

The post Почина 50-годишниот мотоциклист во тешката сообраќајка од вчера appeared first on Република.

Германски полицаец загина во понеделникот, а друг е тешко повреден по сообраќаен судир додека го придружуваше унгарскиот премиер Виктор Орбан на крајот од неговиот престој на ЕУРО 2024, каде што го следеше натпреварот на селекцијата на својата земја против Шкотска.

Инцидентот се случил во понеделникот наутро, откако Орбан присуствувал на фудбалскиот натпревар во неделата вечерта во кој неговата земја победи во натпреварот од групата А со гол во 100-та минута и ги продолжи надежите за квалификација во осминафиналето од континенталното првенство.

Мотоциклистичкиот тим на сообраќајната полиција на Штутгарт го придружувала Орбан до аеродромот кога 69-годишниот возач на BMW, несвесен дека раскрсницата е затворена за придружба, се обидел да сврти но се судрил со полицаец на мотоцикл.

Од силината на ударот мотоциклот на 61-годишниот полицаец бил фрлен врз мотоциклот на неговиот 27-годишен колега. Постариот полицаец починал од повредите во болница, додека помладиот полицаец е тешко повреден.

Длабоко сме шокирани од несреќата на нашите колеги. Трагичните околности на смртта на нашиот почитуван колега нѐ оставија без зборови и ја погодија целата полиција во Штутгарт во срцето“, се вели во соопштението на началникот на полицијата Маркус Ајзенбраун.

„Нашите мисли се со неговото семејство, роднините и пријателите. Испраќаме најдобри желби за брзо закрепнување на колегата кој исто така беше тешко повреден во несреќата“, додаде тој.

Полицијата во Лудвигсбург, која ја презеде истрагата за инцидентот, апелираше да се јават очевидци на несреќата.

The post Во несреќа на полициската придружба на Орбан во Штутгарт загина полицаец appeared first on Република.

Македонската државјанка која загина во сообраќајната несреќа што се случи во петокот на автопатот Егнатиа во правец кон Солун имала 29 години, информираат од Министерството за надворешни работи.

https://republika.mk/vesti/balkan/pochina-makedonska-drzhavjanka-a-tri-devojki-se-povredeni-vo-soobrakajka-kaj-solun/

Во текот на денешниот ден, во 12 часот (локално време), на автопатот Егнатиа, во Република Грција, се случила тешка сообраќајна несреќа, во која за жал, М.Н. (1995), државјанка на Република Македонија го изгуби животот, изјавија од МНР.

Претставниците на Генералниот конзулат на Македонија во Солун, кои од времето на настанатата трагедија биле во контакт со блиски на жртвата, остануваат на располагање за асистенција во врска со преносот на останките на починатата во земјата.

Воедно, информираме дека засегнати се и три наши државјанки, сопатници на починатата, А.К (2000) и М.Р (2000), кои добиле тешки повреди и И.Ј (1999) која не е повредена, при што две се хоспитализирани, се наведува во соопштението од МНР.

https://youtu.be/ROxSUx5V84s?si=TEkArJ3PtW3o-cmS

Генералниот конзулат, како што посочуваат од МНР, останува во постојана комуникација со надлежните институции и на располагање на повредените наши државјанки и нивните семејства при евентуална потреба за помош, до нивното враќање дома. 

Повеќе фото тука

The post МНР со детали за несреќата во Грција: Загина 29-годишна Македонка, а две девојки се тешко повредени appeared first on Република.

На подрачјето на Обровац во Хрватска вчера експлодирало возило на чешко семејство, при што загина осумгодишно дете, а две жени и еден маж се хоспитализирани во Задар.

Според хрватската полиција експлозивна направа имало во автомобилот во кој било чешкото семејство.

Експлозијата се случила кога семејството застанало на постојка за одмор поради дефект на автомобилот.

The post Во Хрватска при експлозија на автомобил загина дете, а тројца возрасни се повредени appeared first on Република.

На 18.06.2024 во 17.20 часот во СВР Куманово било пријавено дека на регионалниот пат Куманово – Липково, во с.Оризаре, липковско, патничко возило „опел зафира“ со кумановски регистарски ознаки, управувано од Р.А.(21) од с.Никуштак, општина Липково, излетало од коловозот.

Во несреќата од здобиените повреди на местото починал сопатникот Р.А.(19) од с.Никуштак, а лекар од Здравствен дом Липково констатирал смрт. Возачот Р.А. се здобил со телесни повреди, констатирани во болницата во Куманово.

Извршен бил увид од увидна екипа од СВР Куманово.

The post Тинејџер го загуби животот во сообраќајна несреќа во кумановско appeared first on Република.

Едно лице загина, а повеќемина се повредени откако возило од конвојот на новоизбраната претседателка на Мексико, Клаудија Шајнбаум имаше сообраќајна несреќа.

Автомобилот во кој се наоѓаше Шајнбаум не учествуваше во несреќата што се случи во градот Монклова во мексиканска сојузна држава Коауила.

Претседателката на Мексико изрази жалење поради смртта на едно лице.

The post Едно лице загина откако возило од конвојот на претседателката на Мексико имаше сообраќајна несреќа appeared first on Република.

Еди Здјелар (24) и неговата сопруга загинаа вчера во тешка сообраќајна несреќа кај Новска во Хрватска, а нивното двегодишно дете е тешко повредено.

Здјелар управувал „бмв“ со кое со голема брзина удрил во камион на автопат, а со нив во автомобилот имало и дете. До несреќата дошло кога тој удрил во задниот дел на камионот со босански национални ознаки што се движел пред него во истиот правец.

Неколку часа пред несреќата, 24-годишникот на својот Фејсбук профил објави видео на кое се гледа како вози на автопат, каде може да се забележи дека возел повеќе од 200 километри на час. На видеото во позадина гласно се слуша музика, а надвор врне.

Здјелар во еден дел од видеото ги поздравува пријателите и ги известува дека оди на крштевка. Видеото е снимено во периодот од 14:30 до 14:45 часот, што одговара на времето на несреќата кое е пријавено во 15:00 часот.

Порталот „24сата“ пишува дека во 2019 година Здјелар предизвикал уште една сообраќајна несреќа со смртни последици. Како возач на комбе изгубил контрола над возилото и неконтролирано преминал на другата страна на патот и удрил во бетонски мост. Тогаш загинале маж и неговата бремена сопруга.

„Јутарњи лист“ пишува дека девојчето моментално e надвор од животна опасност.

The post Мажот кој со сопругата загина во Хрватска пред несреќата се снимал во живо дека вози „бмв“ 200 на саат appeared first on Република.

Вчера на земјен пат во атар на с.Кременица, битолско, Ж.Р.(63) од с.Средно Егри, битолско, управувајќи патничко возило „форд“ со битолски регистарски ознаки, изгубил контрола и излетал од коловозот.

Од здобиените повреди возачот починал на местото на несреќата, а смрт била констатирана од лекар од Итната медицинска помош.

Извршен бил увид од Јавен обвинител и увидна екипа од СВР Битола.

The post Битолчанец загина во сообраќајка, со автомобилот излетал од патот appeared first on Република.