Премиерот на индиската држава Пенџаб, Багвант Ман бил примен во болница со силни стомачни болки два дена откако испил чаша вода од загадената река Кали Беин, објавија индиските медиуми. Болничките извори тврдат дека тој сè уште е во болница за лекарски прегледи.

Ман, кој е поранешен комичар и сатиричар, бил префрлен со хеликоптер во болница во Њу Делхи, а владата ја чувала во тајност неговата хоспирализација.

Од кабинетот на премиерот не потврдија дека Ман е во болница, а еден функционер дури и изјавил дека е здрав и жив и дека има многу средби во четврток.

Изворите велат дека неговите здравствени проблеми се поврзани со пиењето вода од светата река.

Punjab Chief Minister openly drinks a glass of polluted water from a ‘holy river’ to prove that water is clean. Now admitted to hospital. pic.twitter.com/MH1OLwUlUw

— Ashok Swain (@ashoswai) July 21, 2022

Премиерот во неделата го посети градот Султанпур Лоди за да ја одбележи 22-годишнината од чистењето на Кали Беин.

По тој повод, владата објави видео од премиерот како пие чаша вода од реката, додека неговите колеги наздравуваат со него. Во соопштението од Владата се наведува дека засадил младо дрво на брегот и пиел вода од реката.

Инаку, често има локални дојави за загадување на таа река со канализација од околните села.

The post Премиер испи чаша вода од река за да покаже дека не е загадена – не заврши добро appeared first on Република.