СТРАБАГ АГ Подружница СТРАБАГ Скопје информира дека од денеска до 31 декември 2024 година ќе има времена измена на сообраќајот на автопат А1 делница Велес – Неготино поради изградба на делница Градско - клучка Дреново. Сообраќајот ќе се одвива под времен режим со соодветно поставена сообраќајна сигнализација.

Времен режим на сообраќај, како што информираа од ДПТУ Ескаватори – MK ДООЕЛ ќе има и на автопатот Скопје – Куманово, поточно автопат А1/А2 делница од клучка ТИРС Бунарџик до пред патарина Миладиновци до 10.10.2024 година. Од 07:00 до 19:00 ќе се одвиваат градежни активности за рехабилитација и поправка на левата (брза) сообраќајна лентакоја ќе биде затворена за сообраќај и сообраќајот ќе се одвива по десната и помошната сообраќајна лента каде е поставена соодветна сообраќајна сигнализација.

И од Синтек инженеринг ДООЕЛ информираат за отпочнување на времена измена на сообраќајот на автопат А1, делница Демир Капија – Смоквица до 01.12.2024 година, поради изведба на реконструкција на десната тунелска цевка на Тунел Т1. Имено десната тунелска цевка на тунел Т1 ќе биде целосно затворена за сообраќај, а сообраќајот ќе биде целосно пренасочен во левата тунелска цевка со двонасочно одвивање на сообраќајот.

Инаку, сообраќајот на државните патишта се одвива непречено, по суви коловози. Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

The post До Нова година на неколку македонски автопати ќе се вози по една лента appeared first on Република.

Од денеска на делницата од Понов мост до влезот во Богданци ќе има времен режим на сообраќај, информира АМСМ.

Времениот сообраќаен режим е поради проширување на делницата. 

The post Од денеска времен сообраќаен режим на патот Понов мост – Богданци appeared first on Република.

ЈП "Улици и патишта" известува дека на  24.12.2023 год.(недела) во периодот од 8 часот до 12 часот, ќе се изведуваат градежни активности на мостот „Беласица“.

Поради изведба на градежните работи мостот ќе биде затворен за сообраќај во двете насоки и обележан со соодветна сообраќајна сигнализација.

ЈП Улици и патишта апелира за внимателност во движењето на возилата и трпение на граѓаните до завршување на градежните работи.

The post Мостот „Беласица“ ќе биде затворен утре наутро appeared first on Република.

Од МВР информираат дека денеска и утре, поради пристигнувањето на поголем број на странски делегации на чело со Генералниот секретар на НАТО Јенс Столтенберг, ќе има посебен сообраќаен режим на поширокото градско подрачје во Скопје. За таа цел Секторот за внатрешни работи Скопје апелира до граѓаните да ги почитуваат наредбите што ги издаваат полициските службеници по сообраќајниците.

https://republika.mk/vesti/makedonija/stoltenberg-vo-skopje/

The post Скопските улици денеска ќе бидат кошмар за возачите, еве и зошто appeared first on Република.

Поради асфалтирање на коловозот со втор слој асфалтна маса на ул. „Даме Груев“ во насока на движење од крстосницата со улица „Димитрие Чуповски“ до улица „Македонија“, во периодот од 8 до 15 часот, ќе биде воведен времен режим на сообраќај.

Како што информираат од ЈП Улици и патишта Скопје, времениот режим ќе биде обележан со соодветна сигнализација, а поради изведба на градежните активности ќе биде затворена една, а потоа и другата лента на коловозот.

Од ЈП Улици и патишта Скопје апелираат до сите учесници во сообраќајот да бидат внимателни и да ја прилагодат својата брзина на движење според условите на патот.

The post Времен режим на сообраќај во Центар: Ќе се асфалтира „Даме Груев“ appeared first on Република.

ЈП Улици и патишта Скопје ги известува граѓаните дека поради изведба на градежни активности за асфалтирање на коловозот на улицата Александар Урдаревски, во општина Бутел, на потегот од крстосницата кај населено место Кучевишка Бара кон обиколница во должина од 300 метри деновиве ќе биде воспоставен времен сообраќаен режим.

Времениот режим ќе биде обележан со соодветна сигнализација, а асфалтирањето ќе се одвива утре на 12.04.2023 година (среда) од 8 ч наутро до 14 часот попладне во едната насока и во (четврток) на 13.04.2023 година во истиот временски период на другата спротивна насока.

ЈП Улици и патишта Скопје  апелира до сите учесници во сообраќајот да бидат внимателни и да ја прилагодат својата брзина на движење според условите на патот.

The post Утре и задутре привремен сообраќаен режим на улицата „Александар Урдаревски“ во Бутел appeared first on Република.

Јавното претпријатие „Улици и патишта“ Скопје информира дека денеска на булeварот „Киро Глигоров“, на потегот од Бриколаж до булеварот АСНОМ, сообраќајот ќе се одвива во согласност со привремено воведен режим.

Времениот режим се воведува поради активностите за обележување на хоризонтална сигнализација на булеварот во периодот од 7-19 часот, информираат од претпријатието.

The post Ќе се работи на улицата кај „Бриколаж“: Времен сообраќаен режим на булеварот „Киро Глигоров“ appeared first on Република.

За викендов е најавена санација на дупката на мостот на Маркова Река кај Драчево. Центарот за управување со кризи соопшти дека на овој потег ќе биде воведен времен сообрќаен режим.

Оштетувањето на мостот ќе се санира со брзоврзувачки материјали на цементна основа, што ќе овозможат враќање на асфалтот за само 24 часа после реконструкцијата на коловозната плоча. Санацијата е планирано да се заврши за два дена, предвидено до поставување на асфалтната маса и од таа причина се бара период со минимална фреквенција на мостот, значи во еден период од 20-тина часа, сообраќајот на мостот ќе треба да се одвива по само една сообраќајна лента, со најмала можна брзина на движење, од околу 10км/h. Времениот сообраќаен режим на овој потег ќе важи до завршување на градежните активности за санација на оштетувањата, па оттука Центарот апелира за максимална претпазливост при возењето на учесниците во сообраќајот, велат од ЦУК.

Но, санацијата ќе направи дополнителен проблем во јавниот сообраќај. Автобусите кои од Драчево возат преку булеварот „Борис Трајковски“ кон Кисела Вода, а потоа кон Центар и Аеродром викендов ќе вртат преку Лисиче.

Ве информираме дека од сабота (18.06.2022 год) во вечерните часови до недела (19.06.2022 год) во вечерните часови, возилата од јавниот превоз од/кон Драчево ќе сообраќаат по изменет режим од вообичаениот. По изменет режим ќе возат линиите 31, 33, 41, 42, 51, 67 и 74. Во насока кон Драчево, возилата од булевар "Борис Трајковски" ќе вртат лево на семафорите кај Цементара, па по булевар "Србија", потоа десно по булевар "Дванаесетта македонска бригада" ќе продолжуваат по траса на линија 33 низ село Горно и Долно Лисиче, па оттаму секоја ќе продолжува по својата редовна траса. Посочениот режим ќе важи и во обратна насока, велат од ЈСП Скопје.

The post Времен режим на сообраќај поради санирање дупка на мостот на Маркова Река appeared first on Република.

Поради изведување градежни работиод 7 до 16 март ќе има времено пренасочување на сообраќајот на секцијата Песочани – Требеништа, на патниот правец Кичево – Охрид, соопшти денеска компанијата „Синохидро корпорејшн лимитед“ – Пекинг, подружница Скопје, со седиште во село Извор, Кичево.

Времената измена на сообраќајот, односно пренасочување на сообраќајот од лева на десна лента во правец кон Охрид, според информацијата, ќе биде од 7,4 километар до 9,022 километри.

По завршување на градежните работи сообраќајот ќе биде повторно вратен во првобитната сообраќајна состојба. Во текот на траењето на градежните работи, ќе се преземат потребни мерки за обезбедување и регулирање на сообраќајот согласно сообраќајното решение за времена измена на режимот на сообраќај.

The post Сообраќајот на патот Кичево-Охрид, меѓу Песочани и Требеништа ќе се пренасочува appeared first on Република.