Откако Европската унија воведе нови царини за електричните возила од кинеско производство, Кина испрати официјална жалба до Светската трговска организација (СТО) барајќи од Брисел да го промени својот став.

Последниот потег на Пекинг, „тенко прекриен“ на дипломатски јазик, покажува дека Кина нема да седи мирно додека ЕУ го зголемува притисокот врз електричните возила, кои се продаваат на европскиот пазар.

Во тужбата, Кинезите ја обвинуваат ЕУ дека нема „фактичка и правна основа“ за зголемувањето на царините и тврдат дека ги прекршува правилата на СТО со злоупотреба на трговските мерки. Министерството за трговија на Кина додава дека ја поднело тужбата за да ги заштити развојните интереси на индустријата за електрични возила и глобалната соработка за зелена трансформација.

Кина побара консултации со ЕУ и даде рок од 60 дена да се постигне договор пред СТО да интервенира со панелот за спорови.

Портпаролот на министерството изјави за „Блумберг“ дека Кина бара од ЕУ да се соочи со грешките и веднаш да ги исправи своите незаконски практики и заеднички да ја одржуваат стабилноста на глобалниот синџир за снабдување со електрични возила и економската и трговска соработка Кина-ЕУ.

Во месеците по воведувањето на тарифите, кинеските и претставниците на ЕУ одржаа разговори во обид да преговараат за заемно прифатливо решение. Сепак, немаше договор пред воведувањето на тарифите на крајот на октомври. SAIC беше погодена со најголеми зголемувања на царините од сите други, кои изнесуваат 35,3 отсто. Зголемувањето за Geely е 18,8 отсто, додека BYD треба да плати дополнителна давачка од 17 отсто. Овие бројки се во прилог на постојната царина од 10 проценти.

Маркос Шефчовиќ, шефот за трговија на ЕУ, оваа недела е во Кина, што е знак дека Брисел целосно не се откажал од постигнувањето договор.

The post Кина ја тужи ЕУ поради царините за електричните автомобили appeared first on Република.

Европската комисија денеска со уредба воспостави дополнителни царини за електричните автомобили увезени од Кина, што ги смета за нелојална конкуренција.

И покрај противењето на Германија, Брисел одлучи на данокот од 10 отсто кој веќе е во сила, да додаде до 35 отсто на возилата на батерии од кинеско производство, се вели во текстот на регулативата објавена од Комисијата на Интернет.

Одлуката треба да биде објавена во Службениот весник на ЕУ и да стапи во сила денеска.

Наведената цел е повторно да се воспостават фер услови за конкуренција со производителите обвинети дека имаат корист од големите јавни субвенции од кинеската држава. Ова вклучува одбрана на европската автомобилска индустрија и нејзините околу 14 милиони работни места од кинеските практики кои се сметаат за нефер.

Пекинг ги осуди „неправедните и неразумни протекционистички практики“ откако земјите од ЕУ одобрија дополнителни царини предложени од Европската комисија на почетокот на октомври.

Европскиот комесар за трговија Валдис Домбровскис до последен момент преговараше со кинескиот министер за трговија Ванг Вентао за да се обиде да најде решение, но залудно.

И покрај сè, двете страни се согласија да ги продолжат разговорите и доплатите може да бидат отстранети доколку се постигне договор за други средства за компензација за штетата утврдена со европската истрага

The post EУ од денеска воведува 35 посто царина за автомобили од Kина appeared first on Република.

Рано утрово, во 5 часот, жителите на дел од Кисела Вода се разбудија вознемирени. Првата глетка која ја видоа беа неколку возила опожарени, оган и чад.

Екипи на противпожарната бригада веднаш пристигнаа на лице место и го изгасна пожарот.

Поради професионалноста и брзината на пожарникарите, беше спречено дополнително ширење на огнот и предизвикување на поголема штета.

Опожарени се неколку возила кои биле на паркинг простор.

The post Опожарени неколку возила во Кисела Вода appeared first on Република.

На 13.06.2024 во 07.45 часот во СВР Тетово било пријавено дека на крстосница на ул.„Илинденска“ со ул.„Киро Ристоски Дрнц“ во Тетово, патничко моторно возило „цитроен“ со тетовски регистарски ознаки, управувано од А.З.(30) од Тетово, удрило во паркирани патнички моторни возила: „форд“ со тетовски регистарски ознаки, патничко моторно возило „фолксваген туран“ со тетовски регистарски ознаки и патничко моторно возило „фолксваген голф“ со тетовски регистарски ознаки.

-Во несреќата возачот се здобил со тешки телесни повреди, додека со телесни повреди се здобил сопатникот Љ.А.(19) од тетовско Гајре, констатирани во Клиничка болница Тетово.

Увид на местото извршила екипа на СВР Тетово.

The post Со автомобил удрил во три паркирани возила, двајца повредени appeared first on Република.

Комисијата за осигурување од автомобилска одговорност денеска на седница треба да го разгледа Извештајот од Националното биро за осигурување за оправданоста и исправноста на донесените одлуки за зголемување на цената на полисата за задолжителното автомобилско осигурување од страна на осигурителните компании и да преземе соодветни чекори во насока на заштита на крајните потрошувачи.

Комисијата за автомобилска одговорност која е именувана од страна на Владата согласно Законот за задолжително осигурување во сообраќајот ја сочинуваат членови од Министерството за финансии (МФ), Националното биро за осигурување (НБО) и Агенцијата за супервизија на осигурувањето (АСО).

Таа е надлежна за утврдување на Тарифата на премии за осигурување на сопствениците на моторни возила од одговорност за штети предизвикани на трети лица.

Комисијата ја утврдува премијата за осигурување која ја плаќа договорувачот на осигурувањето-осигуреникот, a која се состои од техничка премија, која ја утврдува Владата на предлог на Комисијата и дел на премија за вршење на дејноста на осигурување (режиски трошоци) што ги утврдуваат осигурителните друштва самостојно со посебна одлука на Друштвото за осигурување.

Со донесените одлуки за зголемување на цената на полисата за задолжителното авто осигурување од страна на осигурителните компании за 15,44 отсто поскапува полисата што ја плаќаат граѓаните при регистрација на нивните возила со моќност од над 44 киловати. Поскапувањето е од 840 па до скоро 1.600 денари во зависност од моќноста на возилото.

The post Комисијата за осигурување од автомобилска одговорност ќе одлучува за поскапувањето на полисата appeared first on Република.

Згрозен сум од зголемувањето на сумата за задолжителна осигурителна полиса од страна на осигурителните компании, порача вицепремиерот за економски прашања, Фатмир Битиќи откако беше обелоденето дека има нови поскапи цени на осигурителните полиси за регистрација на возилата.

Според него, ова може да се толкува и како директен атак, или политичко мешање на компаниите за осигурување, бидејќи тарифникот со тие зголемувања 2 пати е доставен до Владата и 2 пати не е одобрен на владина седница.

Битиќи оценува дека ова е манипулативен начин со кој надвор од предвидената процедура осигурителните компании изнаоѓаат начин да ја зголемат цената на автоосигурувањето на грбот на граѓаните.

Ова е пример за длабоката држава која мора да се искорени. Го повикувам ресорното министерство за финансии и комисијата за заштита на конкуренција да постапат и да покренат постапка за олигополско здружување и осигурителните компании да го повлечат зголемувањето на цените, а на граѓаните кои веќе платиле повисоки цени очекувам да им се компензираат средствата, објави вицепремиерот на социјалните мрежи.

Осигурувањето за регистрација на возила од вчера поскапе за 15 отсто. Новите цени ќе важат за товарните возила и за коли со моќност над 44 киловати, додека цената за возилата под 44 киловати останува иста. Цените се поскапени за 15,4 отсто.

Сопствениците на возила со моќност од 44 до 55 КВ ќе плаќаат 6.292 денари наместо 5.453 денари, односно 839 денари повеќе. Осигурувањето за возилата со мотор од 55 до 65 КВ, пак, се зголемува од 6.166 на 7.116 денари. За колите со моќност од 66 до 84 КВ цената на осигурувањето се зголемува од 7.133 денари на 8.233 денари, а од 8.510 денари на 9.821 денари е поскапено осигурувањето за колите со моќност од 84 до 110 КВ. Конечно, осигурувањето за возилата со мотор над 110 КВ сега ќе изнесува 11.879 денари, а досега изнесуваше 10.294 денари.

Новите цени стапиле на сила на 25-ти април.

The post Тарифникот за поскапување на автоодговорноста не е одобрен од Влада: За Битиќи ова е пример за длабоката држава која мора да се искорени appeared first on Република.

Агенцијата за супервизија на осигурување ја известува јавноста дека зголемувањето на цената на полисите за задолжително автомобилско осигурување е неоправдан чекор на осигурителните компании.

По добиените известувања од осигурителните компании дека ќе ја зголемат цената направени се актуарски пресметки за проверка. По извршените актуарски пресметки утврдено е дека зголемувањето на цената, со дадените образложенија, не е оправдано. Поради тоа АСО го информираше и достави предлог до Министерството за финансии, во рамки на неговите законски надлежности, да иницира изготвување и
донесување нова тарифа на премии за задолжително осигурување од автомобилска одговорност.
И со тоа да го ограничи износот на режискиот додаток што ќе овозможи намалување на цената на полисите за задолжително осигурување од автомобилска одговорност, се вели во соопштението од Агенцијата.

Регистрацијата на возилата поскапе поради повисоката цена на автодговорност за 15,4%.

Наместо досегашните 5 453 денари за полиса за осигурување за 44 до 55 киловатно возило, сега треба да се издвојат 6 292 денари или 893 денари повеќе. 6166 чинеше досега полиса за автоодговорност за возила од 55 до 66 киловати. Со промените на цените сега тоа ќе ги чини граѓаните 7 115 денари. 8 233 денари сега ќе се пллаќа за полиса за автоодговорност за возило кое е од 66 до 84 киловати, ставка која досега изнесуваше 7 134 денари. За возило од 84 до 110 киловати новата цена на полисите е 9 820, а досега чинеше 8 510 денари. 15,4 отсто е и зголемувањето на цените на полисите за возила над 110 киловати, односно наместо 10.294 колку што се плаќаше досега, ќе се плаќа 11 878 денари.

Промена во цените нема само кај возилата до 44 киловати. Се менуваат и доплатоците за полисата за автоодговорност,  30% останува доплатокот за такси возила, но висината се зголемува, со оглед на зголемената цена.

Како што соопштиле осигурителните компании, новите цени стапиле на сила на 25 април. Оттаму велат дека зголемувањето на цената е оправдана, со оглед дека цената на авто деловите е поскапена. Но нема одговор зошто граѓаните не беа информирани за ваквите промени.

Осигурувањето од автомобилска одговорност е задолжително осигурување согласно Законот за задолжително осигурување во сообраќајот. Со ова осигурување се покрива одговорноста на сопственикот за штети причинети на трети лица кои за последица може да имаат смрт, повреда, нарушување на здравјето, оштетување и уништување на предмети. Цената за осигурувањето од автоодговорноста ја утврдува Комисија за автоодговорност при Владата на Република Македонија. Владата на Република Македонија носи одлука за висината на минималната и максималната техничка премија.

https://republika.mk/vesti/ekonomija/poskape-registratsijata-na-vozila/

The post Поскапе осигурувањето за регистрација на коли: Од Агенцијата за супервизија на осигурување велат неоправдано appeared first on Република.

Пет патнички возила се зафатени со пожарот што избувна попладнево на поранешниот полигон за полагање возачки испити под Кале, а во неговото гаснење се вклучени четири противпожарни возила и 13 пожарникари, изјави за МИА Ѕвонко Томевски, командир на Бригадата за противпожарна заштита на Град Скопје.

The post Пожарот под Кале се прошири на пет возила: Ги гаснат четири противпожарни возила и 13 пожарникари appeared first on Република.

Досега немало аргументи со кои може фактички да се утврди дека политичарите со службени возила оделе да се потпишуваат за претседателските кандидати, но секогаш кога бил прекршен етичкиот кодекс кабинетот на вицепремиерката за добро владеење, Славица Грковска постапувал без разлика за кого станува збор.

Грковска вели како Кабинет испратиле отворено писмо до јавноста и сите политички субјекти, дека треба да водат сметка за јасно разграничување на партиските и државните активности и да нема злоупотреба на државни ресурси и капацитети за време на политичка кампања.

Кога станува збор за опомените за користење на службените возила, освен во еден случај, видлива е промената дека се внимава, во нашиот Кабинет се јавуваат функционери за да се консултираат, дали доколку постапат некако и тие би го прекршиле етичкиот кодекс. Само за случајот со Артан Груби, сме дошле до ситуација, заради две опомени за прекршување на етичкиот кодекс, да испратиме допис до премиерот, кој што треба според етичкиот кодекс да одлучи која е мерката што ќе ја изрече. Треба да се најде законско решение, ние почнавме да работиме со тоа што ќе ги врземе санкциите од кодексот со закон за да не бидеме во ситуација само да опоменуваме – рече Грковска.

The post Груби имал две опомени за прекршување на етичкиот кодекс, Џафери ќе одлучува дали ќе го казни appeared first on Република.

За потребите на изборната кампања забрането е користење на канцелариски простор, канцелариска опрема и службени возила на државните органи, освен лицата на кои се однесуваат посебните прописи за заштита на личноста, соопшти Државата комисија за спречување на корупцијата.

„Со одредбите од Уредбата за личностите и објектите што се обезбедуваат, видовите на мерки и активности и степените на обезбедување, се определени личностите и објектите што се обезбедуваат, видовите на мерки и активности и степените на обезбедување, додека во член 4 од наведената уредеба е уредено дека „…од страна на Министерството за внатрешни работи со редовни, вонредни и посебни мерки и активности постојано се обезбедуваат претседателот на Република Македонија, претседателот на Собранието на Република Македонија, претседателот на Владата на Република Македонија, замениците на претседателот на Владата на Република Македонија, министерот за внатрешни работи, министерот за одбрана, министерот за надворешни работи и директорот на Бирото за јавна безбедност и директорот на Управата за безбедност и контраразузнавање во Министерството за внатрешни работи“,се вели во соопштението од ДКСК.

The post ДКСК: Забрането е користење на канцеларии и службени возила во изборната кампања appeared first on Република.

Прилепските возачи од идната недела ќе можат да ги добијат бесплатните налепници со ознаката НМК.

Според Даниела Перканоска од прилепска Станица за технички преглед, налепниците се стигнати во магацинот, но чекаат упатство за процедурата на издавање на возачите.

Денеска имам информација дека налепниците се стигнати во магацинот на прилепската полиција, но немаме инструкции за процедурата за нивно издавање. Очекуваме да добиеме инструкции во понеделник. До понеделник нема издавање, а сето ќе се одвива со почетокот на идната недела, вели Перканоска.

Од МВР велат дека во тек е дистрибуцијата на налепниците во Станиците за технички преглед во земјава.

Информираме дека при подигнувањето на налепниците потребно е во Станицата за технички преглед да отидат возачите со своето возило и со сообраќајна дозвола. Од референтите во Станицата ќе биде издадена налепницата која на возилото че ја залепи контролор од Станицата за технички преглед, се вели во соопштението од МВР.

Во Станиците за технички преглед во Прилеп немаше навалица ниту нервоза, иако возачите прашуваа кога ќе стигнат налепниците.

Во Прилеп се четири Станици за технички преглед. Инаку, од понеделник граѓаните не ќе може да патуваат надвор од земјава без налепниците со ознаката НМК.

The post Прилепските возачи од идната недела ќе можат да ги добијат бесплатните налепници appeared first on Република.

Тојота Моторс соопшти дека ќе повлече милион свои возила во САД поради дефект на сензорот што може да предизвика краток спој и да ги деактивира воздушните перничиња.

Поради дефекти на сензорот повлекувањето ги опфаќа возилата од 2020 до 2022 година кои вклучуваат различни модели Avalon, Camry, Corolla, RAV4, Lexus ES250, ES300H, ES350, RX350 Highlander и Sienna Hybrid.

Сензорите обезбедуваат воздушните перничиња да не се активираат ако мало возрасно лице или дете седи на предното седиште. Најавено е дека сензорите ќе бидат проверени и ако е потребно ќе бидат заменети.

The post Тојота во САД повлекува милион возила поради неисправни сензори за воздушни перничиња appeared first on Република.

Османи и тендер коалицијата ДУИ – СДС ќе рентаат возила 6 пати поскапо, а тендери за купување возила прават секоја година, обвинуваат од ВМРО-ДПМНЕ.

Власта преку МНР потпиша договор за рентање на 175 возила за два дена тежок 900.000 евра.

Доволно е да се направи наједноставно интернет пребарување и ќе се дојде до заклучок дека дури и возило од марката Мерцедес С класа се рента по цена од 450 евра за еден ден, што кога ќе се помножи за два дена и за 175 возила ќе се добие цена не повисока од 160.000 евра.

Од километри се гледа дека власта 6 пати ќе го преплати рентањето на возила.

Уште повеќе запрепастува фактот што владата секоја година објавува милионски тендери за набавка на возила за министерствата или разните државни органи, стои во соопштението на партијата.

The post ВМРО-ДПМНЕ: Османи и тендер коалицијата ДУИ – СДС ќе рентаат возила 6 пати поскапо, а тендери за купување возила праваат секоја година appeared first on Република.

Се наближува Самитот на ОБСЕ на кој Македонија е домаќин.Ќе дојдат високи гости, министри за надворешни работи и нивни делегации. Самитот ќе се одржи на 30 ноември и први декември во Арената „Борис Трајковски“.

За удобен превоз на делегациите од салата до хотелот а потоа и на аеродром, МНР ја ангажираше рент а кар агенцијата  „АБЦ рент а кар турс“ ДООЕЛ Скопје која треба да обезбеди 175  возила. За услугата, според договорот МНР ќе и плати 960.000 евра.

Кога ќе погледне интернет страницата на „АБЦ рент а кар“ може да се забележи дека имаат голем избор на средни и лукузни возила. Агенцијата има и ценовник па така може да се направи споредба.

Па така, доколку МНР одлучи да ги изнајми најскапите возила од понудата а тоа е Audi A4 automatic allroad quattro TDI  чини 308 евра за ден.

Самитот трае два дена но е еве нека бидат на раслолагање и четири дена.Тоа е 1232 евра. Простата математика вели дека за 175 возила ќе се потрошат 215.600 евра што е голема разлика од 960.000 на колку што е потпишан договорот.

Згора на тоа во понудата на агенцијата има и солидни возила како Фолцваген Пасат чие изнајвување чини 150 евра од ден и со тоа сумата која ќе се потроши би била далеку помала.

https://republika.mk/vesti/makedonija/samitot-na-obse-skapo-ke-n-chini-mnr-ke-iznajmuva-vozila-za-rechisi-milion-evra-so-200-000-pominati-kilometri/

The post МНР на рент а кар агенцијата ќе и плати речиси милион: Најскапото возило за изнајмување за Самитот на ОБСЕ е 300 евра на ден, 175 автомобили чинат околу 215.000 евра appeared first on Република.

Полициски службеници од Одделот за криминалистичка полиција - Сектор за општ и насилен криминал и СВР Охрид одзеле шест возила поради сомнение за фалсификат.

Како што соопшти МВР, по добиени оперативни сознанија и наредба за претрес од Основен суд Охрид, извршени се претреси на 19.10 2023 во три сервиси за возила на подрачје на СВР Охрид и при тоа се одземени шест возила, а извршени се и службени разговори со повеќе лица.

Извршено е вештачење од страна на Одделот за форензички испитувања и по документирање на случаите од страна на СВР Охрид до ОЈО Охрид ќе бидат поднесени соодветни кривични пријави, наведуваат од МВР.

The post Полицијата влезе во три сервиси за автомобили низ Охрид appeared first on Република.

Десетина големи европски градови, вклучувајќи ги Париз, Рим и Брисел, поднесоа петиција до Европскиот парламент со барање за построги стандарди „за квалитетот на воздухот и емисиите на штетни гасови од моторните возила“, објави денеска белгискиот портал „Судинфо“.

Како што јави дописникот на МИА од Брисел, петицијата е поднесена во пресрет на усогласување на ставот на Европскиот парламент во однос на измените утврдени од Советот на ЕУ на предлогот на новата регулатива предложена од Европската комисија за издувните гасови од патничките возила.

Дел од земјите членки на ЕУ, пред се Франција и Италија, се против заострување на важечките стандарди и фаворизираат поблаг пристап од предлогот на Европската комисија од ноември 2022 година, кој предвидува значително намалување на емисиите на азотен моноксид и на честички од возилата.

Градоначалниците потписници на петицијата, иницирана од Градот Париз, сметаат дека предлогот усвоен од Советот на ЕУ на крајот на септември „претставува уназадување и неспроведување на стандардите на Светската здравствена организација (СЗО) за квалитетот на воздухот и емисиите на гасови од моторните возила“.

Ние, претставниците на големите европски градови кои концентрираат 75 отсто од европското население, не можеме да прифатиме такво демократско негирање и таков скандал, се наведува во петицијата, која покрај градоначалниците на Париз, Рим и Брисел, ја потпишаа и првите луѓе на Загреб, Крижевци, Бордо, Монпеље, Безансон и Лион.

Потписниците на петицијата сметаат дека со измените усогласени од земјите членки на ЕУ наместо да се принудува производителите на возила да се усогласат со амбициозниот план за намалување на емисиите на штетни гасови, Унијата „се усогласува со нивните барања и интереси“.

Доколку се усвои (предлогот) ќе овозможи загадување, а со тоа и убивање, непочитувајќи ги стандардите на СЗО. Ова ќе биде нов скандал за јавното здравство од европски размери, тврдат потписниците на петицијата.

„Судинфо“ наведува дека секоја година од последици од загадувањето на воздухот во ЕУ умираат по околу 70.000 лица.

Совет на ЕУ на 25 септември ги усогласи позициите на земјите членки на Унијата за предлогот на Европската комисија за усвојување на регулативата „Еуро 7“ за воспоставување на стандарди за емисиите на штетни гасови и за издржливост на акумулаторите за моторни возила и мотоцикли.

The post Десетина европски градови бараат построги мерки против емисиите на гасови од возилата appeared first on Република.

На руските државјани во иднина ќе им биде забрането да влегуваат на територијата на ЕУ со своите возила, а доколку го сторат тоа, земјата членка во која влегле треба да им го конфискува возилото, ова, како што наведува „Еурактив“, се предвидува со последните измени на политиката за санкции на Унијата.

Според порталот, на прашањето „Дали руските државјани можат привремено да внесуваат лични стоки и возила во ЕУ под наметнатиот режим на санкции кон Москва?“, Еврокомисијата дала негативен одговор.

Во објаснувањето на ЕК се посочува дека ограничувањето за влез во ЕУ важи за сите возила со руски регистарски таблички, независно дали се користат за приватни или комерцијални цели.

Портпаролот на ЕК, Даниел Фери одговорил дека земјите членки на ЕУ треба строго да се придржуваат „до забраната за увоз на автомобили, дури и ако возилото не е ефективно увезено, туку само ја преминува границата за туристичка посета или краток престој“.

Досега забрана за влез во ЕУ важеше за „луксузните возила“, односно за оние со вредност од над 50.000 евра или запремнина од над 1900 кубни сантиметри, како и за електричните и хибридните автомобили.

Во ажурираните правила за санкции меѓутоа не се прецизира што со оние возила со руски регистарски таблички, што од претходно се наоѓаат на територијата на ЕУ и ако им припаѓаат на државјани на Русија што живеат во земјата членка на Унијата или имаат статус на бегалци или хуманитарно згрижени лица. Се проценува дека само во Бугарија недвижен имот купиле околу 300.000 државјани на Русија и многумина од нив се уште ги возат своите возила со руски регистарски таблички

The post Русите повеќе не ќе можат да влегуваат во ЕУ со своите автомобили appeared first on Република.

Поплавите во Словенија трајно оштетија многу возила па сопствениците се принудени да ги продаваат. На страниците за продажба веќе се најдоа вакви возила а интересот е голем, посебно кај препродавачите од Балканот.

 Цените на тие автомобили често се и повеќе од 50 отсто пониски од цените на возилата кои не биле потонати, пишува N1

The post Баба го возела: Словенците ги продаваат поплавените автомобили, ќе завршат ли на Балканот? appeared first on Република.

Јапонската корпорација „Тојота“ (Toyota Motor Corp.) е лидер на светскиот автомобилски пазар во првите шест месеци од 2023 година, надминувајќи го четврта година по ред (за периодот од првата половина од годината), германскиот концерн „Фолксваген“ и другите главни конкуренти.

Автомобилската индустриска групација „Тојота“ објави дека во првата половина од 2023 година продале 5,42 милиони возила ширум светот, што е 5,5 отсто повеќе од истиот период лани. Ова ја вклучува продажбата на нејзиниот оддел „Дајхатсу мотор“ (Daihatsu Motor Co.), што е специјализиран за производство на мали моторни возила, како и другата компанија во сопственост на „Тојота“ - производителот на камиони „Хино моторс Лтд“ (Hino Motors Ltd.).

Во првото полугодие од 2023., германскиот концерн „Фолксваген“ продал 4,37 милиони возила, што претставува зголемување од 12,8 отсто.

The post „Тојота“ e лидер на светскиот автомобилски пазар во првата половина од 2023 година appeared first on Република.

Во овие моменти според видео камерите на „Јавното претпријатие за државни патишта“ има колона возила кои итаат да ја поминат македонската граница за влез во соседна Грција.

Во екот на летната сезона на сите гранични премини е зголемена фреквенцијата на возила, но особено на „Табановце“ и „Богородица“ ред за влез и излез од земјава се чека и по повеќе часа.

The post И утрово хаос на граница: Непрегледни колони возила чекаат да ја преминат границата со Грција appeared first on Република.