Украинскиот претседател Володимир Зеленски е убеден дека војната во Украина автоматски ќе заврши доколку биде убиен рускиот лидер Владимир Путин. Зеленски гостуваше во специјалното шоу на Дејвид Летерман „Мојот следен гостин не треба да го претставам“, што се снимаше во метрото во Киев, поради што повремено се слушаше звукот на возовите.

„ Да претпоставиме дека Путин настине и умре или случајно падне од прозорец и умре, дали војната ќе продолжи? – го праша Летерман украинскиот претседател.

„ Не, тогаш немаше да има војна. Авторитарниот режим е страшен. Постои голем ризик еден човек да одлучува за се“ – одговори Зеленски.

Тој ја спореди таа хипотетичка ситуација со Советскиот Сојуз.

„ Значи, кога Путин ќе замине, сите институции застануваат. Нешто слично се случи и во Советскиот Сојуз. Сè запре. Верувам дека би им било тешко без него. Тие потоа би се фокусирале на внатрешната, а не на надворешната политика“ рекол Зеленски за време на интервјуто што ќе биде објавено на Нетфликс, пренесува „Украинска правда“.

Водителот го праша украинскиот претседател кои се неговите планови по крајот на војната.

„ Ќе останам претседател додека не победиме, а после тоа не знам. Не размислувам за тоа во моментов. Би сакал да одам на плажа. Да бидам искрен, Дејвид, само сакам да одам на плажа кога ќе победиме во војната. И навистина би сакал да пијам пиво – рече Зеленски.

The post Зеленски: Ако Путин умре, војна ќе нема appeared first on Република.

Украинскиот претседател Володимир Зеленски изјави дека Русија во моментов контролира 20 отсто од територијата на Украина.

Мораме да се браниме од речиси целата руска армија. Сите борбено подготвени руски воени формации се вклучени во оваа агресија - изјави Зеленски во видео-обраќањето во Парламентот на Луксембург, пренесува Ројтерс.

Зеленски додаде дека линијата на фронтот се протега на повеќе од 1.000 километри.

The post Зеленски: Русија контролира 20 отсто од територијата на Украина appeared first on Република.