ВМРО-ДПМНЕ повторно против себе, набавката на хеликоптерите Леонардо сега е добра, а бараше да биде поништена

Нов ден, нов доказ дека ВМРО-ДПМНЕ се што критикуваше сега го прифаќа и промовира во јавноста.

Додека беше во опозиција ВМРО-ДПМНЕ бараше да биде итно поништена набавката на хеликоптерите Леонардо кои ги склучи Владата на СДСМ и министерката Петровска, реагира СДСМ.

Жолчно се бореа и пишуваа соопштенија со денови за денес без коментар или измена да ја прифатат во целост. Има ли ден во кој ВМРО-ДПМНЕ нема да се погази себеси?

Според сите нивни постапки очигледно тоа што СДСМ го правеше било добро за државата, но не било добро за ВМРО-ДПМНЕ како опозиција.

Опструкциите и постојаните напади на ВМРО-ДПМНЕ во опозиција не беа ништо друго освен потреба да опструира државата и напредокот за нивна политичка корист.

Деструктивноста сега излегува на виделина за секој предмет и за секој случај

The post СДСМ:Додека беше во опозиција ВМРО-ДПМНЕ бараше да биде итно поништена набавката на хеликоптерите Леонардо appeared first on Република.

Два хеликоптери на јапонските сили за самоодбрана се урнаа во морето за време на вежба, при што загина најмалку едно од осумте лица во нив, јавија агенциите, цитирајќи јапонски медиуми.

Хеликоптерите SH-60 синоќа изведоа вежби за борба против подморница во близина на јужниот брег на централна Јапонија, наведуваат јапонските медиуми.

Потрагата по исчезнатите членови на екипажот на авионот продолжува.

Јапонскиот министер за одбрана Кихара Минору на прес-конференција рече дека двата хеликоптери најверојатно се судриле.

Американскиот амбасадор во Јапонија, Рам Емануел, на социјалната мрежа Икс објави дека Јапонија може да смета на САД во спроведувањето на операцијата за потрага по исчезнатите лица.

The post Се урнаа два јапонски воени хеликоптери, се трага по екипажот appeared first on Република.

Власта да ја стопира набавката од 250 милиони евра за транспортни хеликоптери во изборен период, за тоа треба да одлучува идната влада, бара ВМРО-ДПМНЕ.

Надвор од секое нормално делување е СДС и ДУИ да вршат избор на тендер од 250 милиони евра на неколку недели пред избори, во период на техничка влада.

Наместо борбени хеликоптери, власта набавува транспортни, со што не ја зголемува борбената готовност на АРМ.

Дополнително никој не знае како е изберена фирмата Леонардо, и зошто не се изберенј другите компании меѓу кои американска компанија или германско-француски конзорциум.

Како е извршен изборот и кој ја донел одлуката што всушност да се набави.

Наместо трошење на 250 милиони евра пред избори, да се стопира набавката и по неа да одлучува идната влада.

Со право народот вели дека немаме држава, време е да ја вратиме.

The post Власта да ја стопира набавката од 250 милиони евра за хеликоптери и да ја остави за идната влада appeared first on Република.

Владата на седница донела одлука да донираме хеликоптери  на Министерството за одбрана на Украина и утврдила текст на Протокол за таа намена.

Владината прес-служба соопшти дека Владата ја разгледала и усвоила Информацијата за потреба од склучување Протокол за донација на воздухоплови (хеликоптери) помеѓу Министерството за одбрана на Република Македонија и Министерството за одбрана на Украина и донела Одлука за донација на воздухоплови (хеликоптери) на МО на Украина.

Владата на Република Македонија го разгледа и прифати усогласениот текст на Протоколот за донација на воздухоплови помеѓу Министерството за одбрана на Република Македонија и Министерството за одбрана на Украина, стои во соопштението.

Како што најави министерот за внатрешни работи Оливер Спасовски на социјалните медиуми, Владата, на седницата, ја разгледала и усвоила и Информацијата за потребата од линеарно зголемување на платите на работниците во Министерството за внатрешни работи, на предлог на ова Министерство.

Согласно заклучокот, Министерството за внатрешни работи ќе изврши линеарно зголемување на платите на вработените во Министерството во износ од 3086,00 денари по работник, во бруто износ, што ќе отпочне да се исплаќа со платата за март 2023 година, информираат од Владата во дополнение за одлуките од седницата.

The post Владата донесе дефинитивна одлука да ѝ донира хеликоптери на Украина appeared first on Република.

Македонија има намера да ѝ испрати на Украина 12 воени хеликоптери Ми-24 од руско производство, кои Скопје ги набави од Украина во 2001 година. Четири хеликоптери беа подложени на модернизација на НАТО.

Како што пишува московскиот Комерсант, Македонија веќе испратила четири авиони Су-24 и неколку тенкови Т-72 во Украина, кои своевремено ги набавила и од Украина. Македонската влада наскоро треба да расправа за донацијата на хеликоптери.

Украинскиот претседател Володимир Зеленски претходно разговарал со македонскиот премиер Димитар Ковачевски и му се заблагодарил за помошта.

Од друга страна, пак, одговор пристигна од портпаролката на руското Министерство за надворешни работи, Марија Захарова, која смета дека овој потег е голема грешка.

Таквата одлука ќе ја сметаме за голема грешка на македонската влада, изјави Захарова.

Но, од Скопје порачале дека „Македонија е суверена земја која може самостојно да носи одлуки“.

Хрватски Јутарњи лист, еден од медиумите од регионот кој ја пренесува изјавата на Захарова, оценува дека „Захарова е бесна на Македонците“.

The post Македонската влада прави голема грешка, порача Захарова appeared first on Република.