Претседателот на Владата Димитар Ковачевски денеска во Делчево направи увид во градежни активности за реконструкција на водоводната мрежа, проект кој се реализира после 50 години во три населби на градот со вкупна должина од 4,5 км.

Се работи на реконструкција на водоводната мрежа во дел од населбата Ново Делчево со должина од 1,8 км, по што следуваат работи на терен во населбата Милково Брдо, каде ќе се изврши замена на старата дотраена водоводна инсталација во должина од 2,3 км, а ќе се реконструира и потисниот цевковод во должина од 450 метри. Реконструкцијата подразбира замена на старата дотраена водоводна мрежа со ПВЦ-инсталации, што значи подобрување на квалитетот на водата за пиење и елиминирање на загубите на вода, превенирање на дефектите во водоводниот систем, а најзначајно е влијанието врз здравјето на граѓаните.

Ваквите проекти во општините, каде има успешна реализација се пример за соработка помеѓу локалната и централната власт, а во интерес на решавање на проблемите со коишто се соочуваат граѓаните.

Инвестицијата е вредна 18,8 милиони денари, средства кои се обезбедени преку Министерството за транспорт и врски во висина од 15 милиони денари, додека 3,5 милиони денари се учество на Општина Делчево. Со реализацијата на овие проекти, водоводната мрежа во Делчево ќе биде над 90% со ПВЦ-инсталации.

Со буџетски средства оваа Влада создава општествена вредност, во корист на граѓаните. Ја зајакнува децентрализацијата и овозможува максимално можен трансфер на надлежности од централно на локално ниво со цел развој на општините.

Тоа се реални проекти за секојдневните, реални потреби за граѓаните. Секој да има квалитетно и континуирано водоснабдување. Сите граѓани имаат право на квалитетен живот и Владата е посветена да го поправи, она што со децении не е направено.

The post После 50 години Делчево добива модерна водоводна мрежа appeared first on Република.

Градоначалничката на Град Скопје, Данела Арсовска и директорот на ЈП „Водовод и канализација“, Златко Перински, денеска извршија увид во градежните активности за реконструкција и поврзување на постојната водоводна мрежа во населбата Козле во општина Карпош, на потегот од улицата Нерешка до улицата Мокра.

Со поврзувањето на водоводната мрежа во населбата Козле се решава долгогодишниот проблем со слабиот притисок во водоводната мрежа во овој дел од градот и се обезбедува поквалитетно водоснабдување за жителите во населба Козле, пред се за жителите во високите зони во населбата. Особено подобрување ќе има во летните месеци кога потрошувачката на вода е зголемена. Реализацијата на овој проект изнесува околу 12 милиони денари – истакна градоначалничката Арсовска.

Со реализацијата на овој проект се поврзуваат два постоечки водоводи кои се дел од т.н. висока зона Жданец, односно се поврзуваат постоечкиот цевковод Ф100 висока зона на улица „Козле“ кај крстосницата со улицата Мокра од страна на населба Нерези со постоечкот цевковод Ф100 висока зона исто така на улицата Козле на крстосницата со улицата Нерешка – влезот во населбата Жданец. На терен деновиве се реализираат градежни активности за реконструкција на постоечките приклучоци на објектите од едната страна улицата „Козле“ кои гравитираат на потегот ул.Мокра – ул.Нерешка, а се врши и реконструкција на мал дел од постечките приклучоци на објектите долж улицата „1010“ која гравитира кон улицата „Козле“.

Реконструкцијата и поврзувањето на водоводната мрежа во населбата Козле е од големо значење за жителите на населените места Козле, Нерези и Жданец, кои со реализацијата на овој проект ќе добијат поквалитетно водоснабдување.

The post Арсовска – Перински: Инвестираме над 12 милиони денари за подобро водоснабдување на високите зони во населбата Козле appeared first on Република.

Ветивме водоводна мрежа во местото наречено Каваклија, која од денес веќе се реализира, соопшти денеска штипскиот градоначалник Иван Јорданов.

Со проектот ќе изградиме водоводна линија со должина од 2.600 метри, а со тоа ќе ги решиме долгогодишните и секојдневни предизвици на жителите во овој дел од градот. Нашите заложби ќе ги насочиме кон решавање на најголемите проблеми, во најзасегнатите населби во Штип, затоа што сите граѓани заслужуваат основни услови за достоинствен живот!, вели Јорданов.

The post Почна изградбата на водоводната линија во штипската населба Каваклија appeared first on Република.

Се поставува нова водоводна мрежа во должина од 350м на улица 102 во Волково, информираше денеска градоначалникот на Ѓорче Петров, Александар Стојкоски.

Работа во континуитет е предуслов за добри резултати. По изведените 250м водоводна мрежа на крак од улица 20 продолжуваме на ул.„102“. Нова водоводна мрежа во должина од 350м на ул.102 во Волково
Паралелно со изведбата ќе се изврши и тампонирање на овој крак, соопшти тој.

The post Стојкоски: Се поставува нова водоводна мрежа во должина од 350м на улица „102“ во Волково appeared first on Република.