СТАОРЦИ СЕ ШЕТААТ ПО КЛИНИКИ - ОВА Е СЛИКАТА ВО РЕСОРОТ ЗДРАВСТВО КОЕ НА МАРГИНИТЕ ГО ОСТАВИ ВЛАСТА ВО ЗАМИНУВАЊЕ
❗️Комисијата за здравство на ВМРО -ДПМНЕ во повеќе наврати алармираше за неводењето грижа за хигиената во клиниките и во повеќе здравствени установи низ државата.
❗ Видеото со огромен стаорец како шета низ Клиниката за кардиологија кое е објавено на социјалните мрежи всушност ја отсликува сликата која денес по 7 години ја остава одродената власт во заминување која не само што не го изгради новиот Клинички центар и во наследство остава пенали за неградење на истиот изразени во најмалку 20 милиони евра оштета, покажа на дело дека не се грижи ниту за хигиената на постојните Клиники.
❓Нема одговори на прашањата:
1. Дали ДСЗИ врши контрола за хигиената на Клиника за кардиологија и другите клиники,но и сите јавни здравствени установи ширум државата и кои се наводите доколку се вршат овие надзори?
2. Дали на секои 6 месеци се врши ДДД во здравствените установи и кои се наводите од овие контроли ☑️ВМРО - ДПМНЕ многу скоро ќе стави крај на лошите практики во здравството, а граѓаните ќе го кажат последниот збор за сите негативни појави во здравствениот систем.
Ќе покажеме вистински што значи одговорно, отчетно и домаќинско работење во интерес на сите граѓани и здравствениот систем, велат во Комисијата за здравство на ВМРО ДПМНЕ.

The post Стаорци се шетаат по клиники: Власта во заминување, ресорот здравство го остава на маргините appeared first on Република.

Оливер Спасовски е должен пред јавноста да одговори, како синот на командантот Баци, Наим Самиу, од тетовско Шемшово, осуден за 3 кривични дела и акт за куќен притвор, му избега од пред очи, бараат од ВМРО-ДПМНЕ.

Лицето Наим Самиу, се наоѓал во куќен притвор поради дрога кокаин, а имал и мерка поради семејно насилство, кога на 13-ти месецов, повторно е пријавен за семејно насилство. На 15-ти декември полицијата го спроведува до суд за трето кривично дело. Истиот ден се готви решение за активен притвор наместо куќен. Полицијата го враќа дома, а веќе следното утро, на 16-ти, полицијата не го наоѓа дома за да го спроведе во истражен затвор. Тука се поставува прашањето, дали некој му јавил на Самиу, од внатре во МВР, каде општо е познато дека, неговиот татко командант Баци, е близок со кадрите на СДС, во оваа институција? По којзнае кој пат, Спасовски повторно нема одговори, на прашањата, кои ги поставува јавноста. За среќа на народот Спасовски за еден месец, веќе нема да биде на местото, на кое се наоѓа сега, велат од ВМРО-ДПМНЕ.

The post Кој го пушти синот на командант Баци да избега од куќен притвор? appeared first on Република.

Додека за директорот на „Македонија пат“ забавата почнува, граѓаните се заглавени на повеќе патни правци, оставка!Десетици возила, меѓу кои автомобили и камиони се блокирани на Стража и Маврово. Медиумите цело попладне објавуваат снимки од граѓани кои се заглавени на Стража и Маврово, а надлежните затечени од снегот во ноември не знаат што да прават, реагира ВМРО-ДПМНЕ.

Костадин Ацевски треба да си даде оставка, зошто при првиот снег оваа година Македонија е блокирана.

За Ацевски забавата може да почне во некоја кафеана, но не и во „Македонија пат“, и не со десетици наши сограѓани завеани по патиштата, за тоа мора да понесе одговорност.

https://republika.mk/vesti/makedonija/najrazviena-zemja-vo-regionot-snegot-najaven-pred-edna-nedela-gi-iznenadi-nadlezhnite/

The post Додека за директорот на „Македонија пат“ забавата почнува, граѓаните се заглавени на повеќе патни правци appeared first on Република.

За мене претставува посебна чест, но и одговорност како претседател на ВМРО-ДПМНЕ да бидеме домаќини на еден ваков настан. Бидејќи ова претставува израз на почитување кон она што го прави ВМРО-ДПМНЕ во рамките на Европската Народна Партија, но исто така и што го прави Унијата на млади сили на ВМРО-ДПМНЕ во рамките на младината на Европската Народна Партија, изјави лидерот на ВМРО-ДПМНЕ Христијан Мицкоски пред отворањето на Генералното Собрание на подмладокот на Европската Народна Партија – „Обединувајќи ја иднината, новата генерација и Западниот Балкан“.

Како што рече, ценат дека на ваков начин само додаваат вредност за Македонија и тоа од позиција на опозиција. Организирањето на ваков репрезентативен настан подразбира и начин на кој што се промовира нашата држава, нашата татковина.

Јас сум тука да ги поздравам учесниците на овој настан, да дадам недвосмислена поддршка како ВМРО-ДПМНЕ. Бидејќи ВМРО-ДПМНЕ за неколку месеци од денеска ќе ја формира следната Влада во Македонија. Сакам да кажам дека посебен фокус на политиките на ВМРО-ДПМНЕ ќе бидат младите. И ВМРО-ДПМНЕ многу вложува во политиките на младите бидејќи младите се иднината на која што се темели нашата држава, нашата Македонија. ВМРО-ДПМНЕ била партнер, е партнер и ќе остане партнер на младите. Така што уште еднашка посакувам успешен настан, посакувам многу дружење и посакувам да има многу корисни и плодни дебати, нагласи Мицкоски.

The post Мицкоски: Европската народна партија со овој настан покажува почит кон ВМРО-ДПМНЕ, ќе останеме партнер на младите appeared first on Република.

Жените пратенички од СДС треба да се засрамат од фактот што мора да извршуваат партиски насоки на Ковачевски и да го бранат Маричиќ, кој јавно во собрание со сексистички гестикулации ја нападна пратеничката Дафина Стојаноска, реагира ВМРО-ДПМНЕ.

https://republika.mk/vesti/makedonija/namignuvaneto-na-marichik-ja-prekina-sednitsata-za-pratenichki-prashana/

Срамно е што жените пратенички од СДС заради партиски притисок не смеат да го осудат Маричиќ, а згора на тоа мораат и да го правдаат.

Нема правдање за Маричиќ кој цело собрание го виде како се однесува

The post Срамно е што жените пратенички од СДСМ заради партиски притисок не смеат да го осудат Маричиќ appeared first on Република.

Власта на Ковачевски тврди дека ТИЕ се Европа, а врска немаат со европски вредности и принципи. Тие се обични измамници, велат од ВМРО-ДПМНЕ.

-Дали се европски вредности сопругата на премиерот да добива државно земјиште по едно евро за квадрат со цел да тера милионски бизнис со фотоволтаици во време на официјална енергетска криза?

Дали е Европа, кога во три големи трагедии страдаат 70-тина граѓани, во автобуската несреќа Ласкарци, Беса Транс, и модуларната болница во Тетово и со години се водат судски процеси и никој не одговара за тоа?

Дали е Европа кога граѓаните имаат доверба во правосудството едвај 1 %, кога за Уставни судии и членови во Судски совет се бираат партиски послушници на СДС и ДУИ?

Дали е Европа кога никој жив во државата не знае каква биографија има првиот обвинител за гонење организиран криминал и како е избран?

Дали е Европа кога од земјоделска земја се претворивме во земја која е целосно увозно зависна од храна?

Зарем е Европа земја која е рекордер по корупција и се наоѓа полошо и од африканските земји?

Дали е Европа држава која нема универзитет ни меѓу првите 1.900 на шангајската Листа?

Зарем е Европа земја во која наркомафијашите се пукаат меѓу себе, а полицијата беспомошно гледа од страна затоа што е полна со кртови кои работат за мафијата?

Зарем е Европа земја која издава 215 пасоши на светски мафијаши, убијци, терористи, наркодилери и белосветски криминалци?

Има ли земја во Европа која среде 3 официјално прогласени кризи, со рекордна инфлација, со 500 илјади граѓани во сиромаштија, со најнизок раст на БДП ги зголемува платите на функционерите за 78%, а на работниците и на пензионерите им нуди 5% зголемување?

Дали е Европа кога внукот на Ахмети добива третина од уделот во трговски центар без да плати за тоа денар? Европа тоа го нарекува корупција, а кај нас тоа се смета за “претприемачки дух“?

Зарем е Европа ако за најголемиот инфраструктурен проект вреден милијарди се ангажира надзор фирма која до вчера произведувала гаќи?

Дали е Европа земја која две години не може да испечати учебници за своите деца?

Дали е Европа власт која 4 години гради 2 километри автопат кон Блаце, а 7 години не може да заврши автопат од Кичево до Охрид?

Дали е Европа власт која не може да обезбеди терапија за болните од рак, за болните од дијабетес, која не може да обезбеди доволно антибиотици?

Дали е Европа земја во која семејството на првиот вице премиер стекнува луксузен деловен простор на централната улица во главниот град по багателна цена?

Дали е Европа земја во која на истиот вицепремиер му палат возило кое тој го “позајмил“ од фирма која на мистериозен начин стекнала хотел под сомнение за злоупотреба на функција и влијание?

Дали е Европа власт која на студентите им дава по 140 денари за оброк, а во исто време дава милиони евра на блиски фирми за организирање на апсурдни настани, прослави и саеми?

Дали е Европа кога за навреда на функционер упатена на социјалната мрежа ФБ сторителот експресно се открива и казнува, а за тешки кривични дела, убиства, коруптивни скандали никој не одговара?

Зарем е Европа земја во која директор на Фонд за здравство е фатен како полни торби со снопчиња пари и власта го остава да си замине од државата без да одговара?

Дали е Европа пола влада да се занимава со производство и трговија со струја, а другата половина со производство на марихуана и притоа власта да ја користат да обезбедат подобри бизниси?

Зарем е Европа земја која основните потреби ги задоволува со земање кредити и која го удвоила вкупниот долг за само 6 години?
Зарем е Европа земја во која министер во владата дава збор дека една фирма ќе може да влезе во село за да вклучи или исклучи корисник на електирична енергија, а притоа да не биде претепан?

Зарем е Европа земја во која има општини кои немаат одделение за даноци и не наплаќаат даноци од граѓаните?

Зарем е Европа земја која синот на претседателот на собранието полага правосуден испит пред да го заокружи високото образование и потоа станува обвинител?

Зарем има земја во Европа во која претседател на собрание еклатантно ќе крши Деловник и Устав или јавно ќе пцуе и навредува службеници и после тоа се “прави на Тошо“ и не поднесува оставка?

Можеме до утре да набројуваме скандали, афери и катастрофи поврзани со оваа власт која тенденциозно вели дека ТИЕ биле Европа. Тие од Европа знаат само за евро валутата во која ги пресметуваат процентите, наместените тендери и коруптивниот ќар. Тие од Европа немаат никаква врска.

Народот им ги памти овие, но и стотици други скандали и ќе ги казни многу скоро. Изборите се решение за Македонија. Власта на ДУИ и СДС може да бега, ама нема да избега од три работи, од соочување со народот на избори, од пораз и од одговорност.

Овие прашања погоре, но и слични на овие ќе бидат единствените прашања на кои актуелнава власт треба да подготви одговори, а за сѐ друго едноставно не е важно што мисли бидејќи никој веќе и не ја прашува, потенцираат од партијата.

The post „Власта НЕ Е Европа, тие се обични измамници со куп криминали кои ги нема во Европа“ appeared first on Република.

По дебаклот со уставните измени целосно неважно е што мисли делегитимираната СДС, единствено решение се избори.СДС цела година лажеа дека имаат пратеници за уставни измени. Во петокот видовме дека не само што немаат 80, туку едвај имаат и 70, напоменуваат од ВМРО-ДПМНЕ.

[caption id="attachment_673501" align="alignnone" width="640"] Фото: МИА[/caption]

И пратеници од владејачкото мнозинство се против уставни измени.На Ковачевски никој повеќе не му верува. Со СДС секој ден сме се подалеку од ЕУ. Власта свесно ја заглави државата, и бега од избори, односот на СДС кон граѓаните е крајно неодговорен.

Ако СДС веруваат во своите политики, ајде на избори, тоа е единствено решение за излез од кризата

The post ВМРО-ДПМНЕ: И пратеници од владејачкото мнозинство се против уставни измени appeared first on Република.

Кој владее во Македонија, и дали власта има мандат за уставни и други измени со кои се доведуваат во прашање националниот и државен опстанок на Македонија, демократска држава на Македонците и сите граѓани кои живеат во неа? Што навистина се бара, а што се крие под радарот на дилемата дали да влезат Бугарите во Уставот?

По изборите во 2020 година во Собранието имаме: 41 пратеник од ВМРО ДПМНЕ, 31 пратеник од СДСМ. И тука имаме прецизен одговор – која партија победила на изборите во 2020 година, и која партија има најголем легитимитет кај граѓаните.

Оттаму, политички логично е таа партија да ја креира македонската политика и власт, особено за теми поврзани со националните и стратешки прашања за Македонија и, особено, за Македонците кои се доминантни гласачи на овие две партии.

Но, се случува спротивното. Власта ја презема оној што загубил на изборите, се работи за СДСМ, и тоа на начин кој во стартот генерира корупција, политичка неодговорност и ги загрозува националните позиции и стратегија на Македонците.

СДСМ создава позиција Македонците најмалку да учествуваат во креација и одбрана на своите национални интереси кога СДСМ, за да создаде непринципиелно мнозинство, во владата да владеат 50% Албанци и 50% Македонци, спротивно на бројот гласачи и етнички состав во државата. СДСМ, за да дојде до власт и покрај голем пораз на изборите мора, под секакви услови и “договори во четири очи“ да прифати коалиции со речиси сите албански партии во Мскедонија за да дојде до поддршка на 62-63 пратеници.

Не е проблем националноста на коалициските партнери, кои и да се. Проблем е нивната политика, особено онаа која јавно ја искажуваат. Нема партија на македонските Албанци која барем декларира дека постои и работи за интерес на сите граѓани на Македонија туку се тркаат која почесто и по радиклано ќе истакне дека “нивната политика е заштита на интерсите на Албанците“… а што е со интерсите на другите граѓани?

Вицепремеирот Артан Груби, шеф на ДУИ од сенка и втор по функција во врвот на владата, дури изјавува и дека “проблемот со Бугарија си е проблем на Македонците, а не на Албанците…“ додека преговорите со Бугарија ги води неговиот колега од ДУИ, министерот за надворешни работи Бујар Османи. Кој е степенот на доверба во функционерите на ДУИ во процесот на бугарското вето и преговарањето за македонските национални интереси поврзани со условите од Бугарија со таква политика на ДУИ?

Целата анализа на Вечер можете да ја прочитате тука.

The post Што се крие зад уставните промени, и зошто ВМРО ДПМНЕ бара европски гаранции appeared first on Република.

Следете ја во живо трибината „33 години ВМРО ДПМНЕ и Македонија“ која се одржува на Летната сцена на Националната Опера и балет во Скопје.

Говорници на трибината се:

Проф. д-р Христијан Мицкоски, претседател на ВМРО-ДПМНЕ,
Ламбе Арнаудов, поранешен пратеник во македонскиот Парламент,
Ѓорѓија Сајкоски, генерален секретар на ВМРО-ДПМНЕ,
Александар Николоски, потпретседател на ВМРО-ДПМНЕ,
Владо Мисајловски, потпретседател на ВМРО-ДПМНЕ,
Дафина Стојаноска, член на ИК на ВМРО-ДПМНЕ
Борис Шамбевски, претседател на ГК на УМС на ВМРО-ДПМНЕ
Во воведниот дел на трибината ќе се разговара со:

Бобан Стефковски, градоначалник на Гази Баба,
Орце Ѓорѓиевски, градоначалник на Кисела Вода,
Дарко Костовски, градоначалник на Бутел,
Тимчо Муцунски, потпретседател на ВМРО-ДПМНЕ и градоначалник на Аеродром
Ленче Нелоска, претседател на Совет на Ѓорче Петров

Трибината ќе се пренесува на официјалниот канал на youtube на ВМРО-ДПМНЕ и официјалниот ФБ профил на Христијан Мицкоски, претседател на ВМРО-ДПМНЕ.

https://www.youtube.com/watch?v=UIftKVMZu2Y

The post ВО ЖИВО:„33 години ВМРО-ДПМНЕ и Македонија“ appeared first on Република.

Откако Централното претседателство на ДУИ донесе одлука дека се согласува да излезе од владата со цел да се изгласаат уставните измени, од ВМРО-ДПМНЕ велат дека интегративците не одлучуваат, туку социјалдемократите се тие што треба да се охрабрат.

https://republika.mk/vesti/makedonija/dui-postavi-uslov-ke-izlezeme-od-vlada-ako-ustavnite-izmeni-stapat-na-sila-pred-odrzhuvane-na-vtorata-meguvladina-sednitsa-so-eu/

„ДУИ и Али Ахмети не одлучуваат дали ќе ја напуштат владата, СДС треба да се охрабри за подадената рака за преодна влада“,

The post ВМРО-ДПМНЕ му одговори на ДУИ: Вие не одлучувате, туку СДСМ треба да се охрабри appeared first on Република.

Сметав дека треба да се понуди едно широко обединување на политичката сцена бидејќи процесот на евроинтеграции е широк, за сите граѓани, и затоа понудив ВМРО-ДПМНЕ да е дел од Владата – прво да го отвориме Уставот со две третини, ВМРО-ДПМНЕ да влезе во Владата, и тоа 50 проценти од министерските места што ги има СДСМ да ги отстапи на ВМРО-ДПМНЕ. Сметам дека тоа е најфер, братски, пола-пола, за да може да види народот дека се работи за искрена намера – вели премиерот во интервју за „360 степени“

Премиерот и прв човек на СДСМ, Димитар Ковачевски, останува на ставот дека лидeрската средба со лидерот на ВМРО-ДПМНЕ, Христијан Мицкоски била потребна, успешна и дека донела добри резултати.

Во гостувањето во „360 степени“ на ТВ Алсат, Ковачевски неколкупати повтори дека ВМРО-ДПМНЕ го променила ставот за уставните измени, но и дека се прифатени сите нивни барања. Затоа, вели премиерот, владејачкиот СДСМ братски ѝ отстапува пет министерски места на опозицијата.

Повеќе на „360степени“.

The post Ковачевски: Братски отстапуваме пет министерства од СДСМ за ВМРО-ДПМНЕ appeared first on Република.

Цело ВМРО-ДПМНЕ, не дел од ВМРО-ДПМНЕ е на бродот кон Европската Унија. Било, е и ќе остане на тој брод, истакна претседателот на ВМРО-ДПМНЕ, Христијан Мицкоски денеска од посетата во Кавадарци запрашан за коментар на изјавите на премиерот Димитар Ковачевски дека партијата треба да одлучи дали партијата ќе се качи на бродот за Европската Унија, цела или во делови.

Мицкоски изрази загриженост поради тоа што дел од СДСМ, кое самото се нарекува раководство, се здружило со ДУИ и формирале антимакедонски фронт, а не европски како што го нарекуваат, што претставува една појава за уништување на сопствениот народ со цел останување уште неколку месеци на власт.

Мене ме загрижува дека дел од раководството на СДСМ, не цело СДСМ заедно со ДУИ формираа, наместо како што оние го нарекоа Европски фронт, формираа антимакедонски фронт. И тоа ме загрижува, бидејќи тоа е една појава на уништување на сопствениот народ, за да може да биде задржана сопствената позиција уште некој месец повеќе и таа пракса која што денеска ја гледаме и која што се случува во Македонија ќе остави, навистина, сериозни последици за кои што потоа ќе ни требаат години да ги рехабилитираме, рече Мицкоски.

Мицкоски упати порака до Ковачевски да не си игра со трпението на македонскиот народ и за престане да го уништува македонскиот идентитет за власт, затоа што сето ова за брзо време, за неколку месеци од денес, ќе заврши и во Македонија ќе има техничка влада.

Јас сакам да му порачам на Ковачевски да не си игра со трпението на македонскиот народ, да престане да го уништува македонскиот идентитет за да може тој и малкумина, повторно ќе кажам не цело СДСМ, малкумина кои што се нарекуваат себеси за раководство на СДСМ за да ги задржат своите позиции, да распродаваат од македонскиот национален идентитет. Затоа што сето ова ќе заврши, за неколку месеци од денеска имаме техничка Влада, ќе имаме и претседателски и парламентарни избори. Еве во најлош случај ако немаме предвремени парламентарни избори, за неколку месеци од денеска, завршува ова. Прашањето е, каква трага ќе остави позади себе и каков однос ќе има, откако ќе се шета низ македонските улици и сокаци, овој човек имајќи предвид што се му направи на македонскиот идентитет, на македонскиот народ за ова кратко време откако беше назначен за претседател на владата, истакна Мицкоски.

Затоа, додаде Мицкоски, го предупредувам, барем овие неколку месеци кои што му преостанаа да биде премиер, достоинствено да ги помине без да прави дополнителна штета на македонскиот идентитет и да се приклучи на Македонскиот фронт и на фронтот кој што вистински нуди европска перспектива за Македонија и за македонските граѓани.

The post Мицкоски: Цело ВМРО-ДПМНЕ било, е и ќе биде на бродот кон Европската Унија, загрижува дел од СДСМ кое со ДУИ формирало антимакедонски фронт appeared first on Република.

Со внимание го следиме последниот извештај на Стејт департментот на САД за заштита на човековите права во Македонија.

Овој извештај е најкритичниот извештај во последните години во врска со гарантирањето на човековите права од страна на Владата и генерално властите. Јасно е дека Владата е најкорумпираниот елемент на државата, oбвинува ВМРО-ДПМНЕ.

И ако ги  анализираме и претходните извештаи, јасно е дека ставот на Стејт департментот од опоменувачки, во последните три години, стана осудувачки за работата на оваа Влада и од умерена и внимателна критика прерасна во директна осуда на она што Владата го прави.
Корупцијата стана неизлечива болест за оваа Влада. Извештајот наоѓа и тука цитирам „сериозна владина корупција, значителна судска корупција, неефикасни судови, ендемична корупција меѓу затворскиот персонал и одложена правда“.

На 47 страници, 22 пати Извештајот зборува за висока корупција во сите ешалони на власта. И ако во 2020 или 2021 година државни службеници биле сметани за корумпирани, сега корумпирани се цели слоеви на владејачката елита.

Во судството, од одредени примери на погрешно судиско однесување сега неправдата и корупцијата прераснаа во проблем број 1 и на граѓаните и на меѓународните партнери. Отсуството на судска независност и драстично намалена доверба - најниско измереното ниво на доверба во правосудниот систем од независноста на земјата, односно само четири отсто само ги покажува вистините кои сите ние ги живееме секој ден.

Извештајот ја лоцира и одговорноста. Екстремно ниската доверба на јавноста во судството се должи на значителна судска корупција, затоа што судиите намерно ги одложуваат судењата или апелационото разгледување за да овозможат стапување на сила на институтот застареност.
И за ова не е виновно само правосудството, јасно е дека е виновна Владата.

Извештајот вели: „Владата не секогаш ја почитувала судската независност и непристрасност. Владата не ја почитувала. Случаите на несоодветно однесување на судството, несоодветниот политички и деловен притисок на судиите“ се дел од причините за мизерната состојба во судството.

Затоа Ковачевски ако почнува ветинг, тој треба да почне од себе. Да се прочисти себе од Владата, затоа што тој е оној кој  владее со непотизам, купување услуги, лична корист и судир на интереси.

Извештајот алармира и за директни злоупотреби од страна на припадниците на безбедносните сили, извештаи дека полицијата злоупотребувала притвореници и затвореници и употребувала прекумерна сила, полициски распити на новинари за тн. „информативни интервјуа“. Извештајот забележува и нечовечко и понижувачко постапување и тешка пренатрупаност во одредени затворски одделенија.

На крајот, новинарските слободи се сериозно засегнати.

Ако некогаш се зборуваше за слаба независност на новинарството, состојбата прерасна во отворени закани кон новинарите и лоши медиумски слободи повторно цитирам „власта не презела конкретни мерки за санкционирање на кршењата на правата на новинарите и заштитата на нивната безбедност“.

Јасно е, почитувани, дека сите гледаат дека корупцијата ја јаде владата на ДУИ и СДСМ.

Во исто време, таа го јаде и секое здраво ткиво во општеството. Тоа го забележуваат меѓународните партнери, но тоа најмногу го гледаат граѓаните.
Човековите права на граѓаните се во ризик, а повредите се секојдневие.

Затоа веднаш се потребни промени.

ВМРО-ДПМНЕ уште во својата предизборна програма ќе предвиди јасен акционен план за борба против корупцијата и тргувањето со влијание на сите нивоа – од судско обвинителското ниво, па се до извршната власт.

Со законски измени ќе предвидиме анализа на потеклото на имотот на сите носители на јавни функции. Еднаш засекогаш ќе го затвориме прашањето на корупција во политиката, во судството, во безбедносниот сектор...

Нема да дозволиме повеќе да се уништува Македонија и корупцијата на ДУИ и СДСМ да ни ја краде иднината на државата.

The post Ова е најлошиот извештај на Стејт департментот досега appeared first on Република.

Граѓаните се сведоци на ладнокравни убиства среде Скопје, заради пактот на Спасовски и мафијата, власта наместо да се справува со криминалот е уортачена со него.На само стотина метри од владата на Македонија луѓе со автоматски пушки ладнокрвно убиваат, загрозена е безбедноста и јавниот ред и мир и никој не понесува одговорност, велат од ВМРО-ДПМНЕ.

Оливер Спасовски додека е зафатен со помагање на заменикот Буши, чиј син беше фатен како дивее по улиците, или со поставување на командири кои потоа ги фаќаат како тргуваат дрога, Македонија е се понебезбедна држава.

Не може да сведочиме на ликвидации, и никој од МВР да не понесе одговорност.

Пресметките по улиците се резултат на криминализираноста на власта.

Потребни се промени за Македонија да стане безбедна држава.

The post Спасовски е во пакт со мафијата, власта е уортачена со криминалот appeared first on Република.

Катастрофата во справувањето со економската криза на неспособната власт на СДСМ ја плаќаат граѓаните, велат од ВМРО-ДПМНЕ, од каде потенцираат дека за месец јули измерената инфлација во Македонија е 16% - четврта највисока годишна инфлација во Европа е успехот на оваа криминална власт предводена од Димитар Ковачевски.

Наместо мерки за справување со кризата за бизнисите во државата, СДСМ и ДУИ воведуваат нови даноци. Наместо помош за граѓаните и ранливите категории за справување со кризите во Македонија, криминалците од СДСМ и ДУИ секој ги пљачкаат граѓните со повисоките акцизи и даноци.

Македонија веќе одамна го проби плафонот со долгот на државата од над 60%.

Додека граѓаните не знаат како да го преживеат месецот, криминалците од СДСМ и ДУИ крадат преку наместени тендери, сомнителни зделки и криминал во секоја институција предводена од оваа неспособна власт.

Од осамостојувањето на државата, оваа година имаме највисока стапка на инфлација и најдлабока рецесија во историјата на Македонија.

За пример, како граѓаните на свој грб ја чувстуваат инфлацијата од 16%, говори фактот што претходно за одредени продукти купени за 840 денари, денес граѓаните за истите продукти ќе платат 1000 денари. Граѓаните изгубиле 160 денари.

Но според експертите инфлацијата во Македонија, мерена врз основа на основните прехрабени продукти е многу поголема во државата.

Единствен излез од оваа криза е пораз и заминување на оваа неспособна власт. За тоа се потребни брзи предвремени избори и декласирање од страна на граѓаните на оваа најнеспособна и најнеуспешна власт предводена од СДСМ, велат од ВМРО-ДПМНЕ.

The post Граѓаните ја плаќаат неспособноста на владата да се справи со економската криза appeared first on Република.

Претседателот на ВМРО-ДПМНЕ Христијан Мицкоски бара цврсти гаранции од Софија за македонскиот идентитет и јазик, а СДСМ сака само да се слика, велат од партијата.

Дури и во монтираното видео на СДСМ јасно се гледа и слуша како претседателот Мицкоски кажува дека промени во Устав се можни само со цврсти гаранции од Софија. Нив сега ги немаме. Туку имаме негирање на македонскиот јазик и идентитет.

СДСМ сакаат само да отидат да се сликаат исто како што се сликаа во авионот пред 5 години кога велеа дека датумот е добиен.

СДСМ го лажат народот и на мала врата сакаат да протуркаат нешто кое е спротивно со македонските национални интереси.

ВМРО-ДПМНЕ нема да дозволи и поддржи предлог кој е на штета на Македонија, затоа во 19 часот пред Влада, реагираат од ВМРО-ДПМНЕ.

The post Мицкоски бара цврсти гаранции од Софија за македонскиот идентитет и јазик, а СДСМ сака само да се слика appeared first on Република.