Поранешниот светски боксерски првак во тешка категорија Владимир Кличко објави денеска дека размислува за враќање во рингот.

Два дена по објавата на британскиот светски првак Тајсон Фјури дека ја завршува кариерата, 46-годишниот Кличко во интервју за германскиот весник „Билд“ најави дека ќе се обиде да се врати во рингот.

– Зошто да не, доколку сум во добра форма. Можеби и ќе сонувам да го соборам рекордот на (Џорџ) Форман. Дефинитивно имам силна мотивација кога секое утро се будам и спортувам, изјави Владимир Кличко, кој се наоѓа во Киев, украинската престолнина чиј градоначалник е неговиот брат Виталиј Кличко.

Пред неколку години Владимир Кличко рече дека ќе му биде предизвик да го собори рекордот на Форман и да стане највозрасен боксер во историјата, кој се борел за светската титула.

Форман на возраст од 45 години, девет месеци и 25 денови ја одбрани титулата светски првак во верзиите WBF и IBF кога го совлада 18-годишниот сонародник Мајкл Мурер.

The post Кличко се враќа во рингот за да го собори рекордот на Форман appeared first on Република.

Владимир Кличко, брат на градоначалникот на Киев, Виталиј Кличко, зборуваше за Би-Би-Си, при што рече дека главниот град на Украина полека се враќа во живот.

Поранешниот боксерски шампион вели дека сообраќајот се зголемува, повеќе луѓе се на улиците и се слуштаат помалку сирени за воздушни напади.

Но, тој предупредува дека стапката на луѓе кои се враќаат треба да се забави, велејќи дека ако сите се вратат одеднаш, тоа ќе „предизвика компликации“.

Кличко оцени дека ситуацијата во Киев е тешка поради оштетената инфраструктура и проблемите со снабдувањето со храна и вода. Патиштата сè уште се блокирани за да се спречи инвазијата на руските сили.

Тој, исто така, предупреди дека се уште постои опасност од руско гранатирање на главниот град.

The post Владимир Кличко: Киев полека се враќа во живот appeared first on Република.

Градоначалникот на Киев, Виталиј Кличко, изјави дека повеќе од 100 луѓе загинале во главниот град на Украина откако Русија ја нападна Украина.

Тој додаде дека од избивањето на војната во Киев се уништени 82 повеќекатни згради.

Од почетокот на инвазијата во Киев загинале четири деца, а 16 повредени деца се во болница, рече Кличко.

Тој додаде дека владата не можела да идентификува повеќе од 20 тела во Киев.

Би-Би-Си потенцира дека тврдењата не можат да се потврдат од независни извори

The post Kличко тврди дека досега во Украина загинале над 100 цивили appeared first on Република.

Владимир Кличко, припадник на украинските сили за територијална одбрана, поранешен боксерски шампион и брат на градоначалникот на Киев, за Си-Ен-Ен изјави дека руските војници денеска напаѓаат области ширум Украина, а нивна главна цел е главниот град Киев.

Во наредните денови очекуваме голем напад на главниот град. Тие се прегрупираат. Тие се обидуваат да најдат различни стратегии и се обидуваат да го најдат вистинскиот начин и вистинското време. Значи секој час е важен, а ние во секој момент очекуваме напад на главниот град, особено, како што реков, во наредните денови. Нивна цел е главниот град - рече Кличко.

The post Владимир Кличко: Во секој момент може да се случи напад на главниот град на Украина appeared first on Република.

Поранешниот боксерски шампион во тешка категорија и актуелен градоначалник на Киев, Виталиј Кличко, изјави дека тој и неговиот брат Владимир Кличко ќе се борат во „крвавата војна“ што следеше по руската инвазија на Украина, пишува „Ројтерс“.

Немаме избор, мораме да го направиме тоа. Ќе се борам, изјави 50-годишниот градоначалник на Киев, кој оваа функција ја извршува од 2014 година.

Виталиј Кличко рече дека Киев е загрозен и дека главен приоритет е соработката со полицијата и воените сили и поддршката на граѓаните, вклучително и снабдувањето со струја, гас и вода. Тој додаде дека цивилите се подготвени да го бранат Киев како војници.

Верувам во Украина, верувам во мојата земја и верувам во мојот народ, заклучи градоначалникот на Киев.

Неговиот брат Владимир Кличко, исто така поранешен светски шампион во бокс, се пријави во украинската армија на почетокот на овој месец, кога кажа дека љубовта кон својата земја го принудила да ја брани. Тој веќе неколку пати носеше униформа, учествуваше на вежби и рече дека кога ќе треба, ќе ја земе пушката во раце и ќе го брани својот град.

The post Браќата Кличко подготвени за војното поле, им праќаат порака на Русите appeared first on Република.