Вински музеј и Музеј галерија Кавадарци синоќа ја промовираа книгата „Ваташа”, по повод 81-годишнината од стрелањето на 12 ваташки младинци, од страна на тогашниот бугарски фашистички окупатор. Станува збор за драмски ораториум од драматургот Зоран Пејковски.

Работен е врз основа на минатогодишното дело „Мемоари – сеќавање” во издание на Вински музеј, што пак претставува еден вид реконструкција на настаните пред и после тој кобен ден 16 јуни 1943 година, врз основа на сведештва на блиски другари, роднини и сопартијци, рече Весела Честоева, директорка на Вински музеј, упатувајќи благодарност до кавадаречкиот градоначалник и Советот на Општината.

Четворица актери изведоа драматизација од овој ораториум.

Рецензенти на делото се Марјан Патлиџанковски и Александар Јордановски. Пред присутните се обратија и Јордановски и Пејковски, како и директорот на Музеј галеријата, Јаким Зимоски, и претседателот на општинскиот Совет, Стојанче Рамов.

Во текот на денешниот ден, ќе биде положено цвеќе пред споменикот на 12 ваташки младинци во месноста Моклиште кај кавадаречкото село Ваташа, а ќе има и културно уметничка програма.

The post Вински музеј и Музеј галерија Кавадарци ја промовираа книгата „Ваташа” appeared first on Република.

Вински музеј Кавадарци ќе ги донира за младиот Леонид, финансиските средства собрани од хуманитарната изложба ,,Од дете за дете", информираше вечерва Весела Честоева, директор на оваа културна институција.

- Донесовме одлука  со која средствата собрани од  изложбата што се реализираше во рамките на Мини ликовната колонија, како и средствата што ќе ги собереме на престојната изложба на 7 септември,  да ги  донираме  за лекувањето на младиот и талентиран Леонид, кој по тешка несреќа што се случила пред две недели, се соочува со сериозен здравствен предизвик, за што неопходна му е нашата помош и поддршка, соопшти Честоева.

Таа апелираше сите заедно да се обединиме во хуманоста и да помогнеме, младиот Лео да закрепне.

- Повикуваме  сите да се приклучат со донирање преку  повик на телефонските броеви,  А1: 143 500 и Телеком: 143 118.
Да бидеме хумани и да помагаме, бидејќи младиот Леонид заслужува да живее, а секој од нас може да се најде на другата страна од приказната. Му посакуваме  на младиот Лео брзо оздравување, порача Честоева.

The post Вински музеј Кавадарци ќе ги донира за младиот Леонид средствата од хуманитарната изложба ,,Од дете за дете” appeared first on Република.

Гурмански викенд ќе се реализира в сабота и недела  во Винскиот музеј Кавадарци, во организација на оваа културна установа, а во рамките на „Кавадаречко културно лето“, информира директорката на музејот, Весела Честоева.

Двата дена од викендот, со почеток од 18 до 21 часот, во прекрасниот амбиент на дворот на Музејот, посетителите ќе имаат можност да дегустираат храна и пијалаци од тиквешкото поднебје. Музејот е сместен во градскиот парк во Кавадарци, кој важи за еден од најубавите во државата, па затоа најавуваме неповторливо гурманско доживување, вели Честоева.

Таа нагласува дека постојано се зголемува бројот на посетители во музејот, што, како што потенцира, полека си го зазема своето место на туристичката мапа, како презентер на културата и традицијата во најголемиот лозаровинарски регион во државата.

Настанот ќе биде збогатен со музичка програма. Во сабота со Акустико бенд, а в недела со Ди Џеј Були.

The post Гурмански викенд во Вински музеј Кавадарци во сабота и недела appeared first on Република.