Баерн Минхен имаше повеќе од одличен почеток на својата кампања со победа од 14-1 на Ротах-Егерн. Баварците овојпат го „поштедија“ противникот, на кого во последните три контроли му дадоа дури 72 гола.

Германскиот клуб водеше со 4:0 до 27. минута, откако Аден Личина и Матис Тел постигнаа по два гола. Една минута подоцна, Тобијас Шлихтнер реализира гол за Ротах-Егерн. До крајот на првиот дел Нусаис Мазрауи, Матис Тел и Рафаел Гереиро додадоа по еден гол за 7:1.

Во вториот дел новиот тренер на Баерн, Винсент Компани го смени целиот состав и Баварците постигнаа уште седум гола. Аријон Ибрахимовиќ погоди за 8:1, Нестор Иранкунда додаде два гола, по што следеа головите на Саша Боје, Мудасер Садат, Асп Јенсен и Ноел Асеко.

Следниот тест на Баерн е против уште еден аматерски германски тим, Дирен, на 28 јули (недела). Баварците ќе одиграат и два натпревари против Тотенхем - првиот во Сеул, а вториот во Лондон

The post Новиот тренер на Баерн тргна фуриозно appeared first on Република.

Винсент Компани официјално e нов тренер на германскиот гигант, Баерн Минхен. Информацијата ја потврди самиот клуб, а белгискиот тренер добива договор до 2027 година.

И покрај тоа што не успеа да обезбеди опстанок со Барнли во Премиер лигата, Компани важи за еден од најдобрите тренери на својата генерација и во фудбалскиот свет е ценет како исклучително добар тактичар и мотиватор. Ова за него е прв огромен предизвик во кратката тренерска кариера и ќе има тешка задача да го крене тимот кој минатата сезона не успеа да ја освои титулата во Бундеслигата.

38-годишниот стратег доаѓа на местото на Томас Тухел и би требало да има на располагање околу 180 милиони евра за трансфери, а навивачите на Баерн се надеваат дека управата направила правилен избор и се полни со оптимизам за следната сезона.

Винсент Компани ја заврши играчката кариера во 2020 година, по што го презема тимот на Андерлехт, а од 2022 година беше тренер на англискиот Барнли.

The post Винсент Компани во Баерн Минхен до 2027 година! appeared first on Република.